ପାକିସ୍ତାନ ଓ ଭାରତ ମଧ୍ୟରେ ଉତ୍ତେଜନାକୁ ଦୃଷ୍ଟିରେ ରଖି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ କରିବାକୁ ଥିବା ଆନ୍ଦୋଳନକୁ ସ୍ଥଗିତ ରଖିଛନ୍ତି। ଆସନ୍ତା ମାର୍ଚ୍ଚ ୧ ତାରିଖରୁ ଦିଲ୍ଲୀକୁ ପୂର୍ଣ୍ଣ ରାଜ୍ୟ ମାନ୍ୟତା ଦେବା ଦାବିରେ କେଜ୍ରିୱାଲ ଆମରଣ ଅନଶନରେ ବସିବାକୁ ନିଷ୍ପତ୍ତି ନେଇଥିଲେ। ତେବେ ଆଜି ଭାରତୀୟ ବାୟୁସେନା ପୁଲୱାମା ଆତଙ୍କବାଦୀ ଆକ୍ରମଣର ପ୍ରତିଶୋଧ ପୂର୍ବକ ପାକିସ୍ତାନରେ ପ୍ରବେଶ କରି ଏୟାର ଷ୍ଟ୍ରାଇକ୍ କରିଛି। ଏଥିରେ ଜୈଶ ଆତଙ୍କବାଦୀଙ୍କ ଟ୍ରେନିଂ କ୍ୟାମ୍ପ ଧ୍ୱଂସ ହୋଇଯାଇଛି। ପାକିସ୍ତାନ ମଧ୍ୟ ଭାରତକୁ ଧମକ ଦେବା ଆରମ୍ଭ କରିଛି। ଏହାପରେ ପାକିସ୍ତାନ ସହ ଭାରତର ଆଭ୍ୟନ୍ତରୀଣ ସ୍ଥିତି ଅତ୍ୟନ୍ତ ସମ୍ବେଦନାପୂର୍ଣ୍ଣ ରହିଛି । ଦେଶର ଏହିପରି ସମୟରେ ନିଜର ଅନଶନ ସ୍ଥଗିତ ରଖିଥିବାର କେଜ୍ରିୱାଲ ଟ୍ୱିଟ୍ ଯୋଗେ କହିବା ସହିତ ସମସ୍ତଙ୍କୁ ଏକାଠି ଦେଶ ସହ ଛିଡ଼ା ହେବା ଦରକାର ବୋଲି ମଧ୍ୟ ଆହ୍ୱାନ ଦେଇଛନ୍ତି।
Tags: kejeriwal, thesamikhsya
