ଆଜି ଜୟପୁର ଆସୁଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ। ପାଖାପାଖି ୪ ଘଣ୍ଟା ସେ ଏଠାରେ ରହିବା ସହ ଦୁଇଟି କାର୍ଯ୍ୟକ୍ରମରେ ଉଦ୍ବୋଧନ ଦେବେ। ଆଜି ମହିଳା ଦିବସ ଅବସରରେ ରାହୁଲ୍ ଗାନ୍ଧି ଜୟପୁରର ସ୍ଥାନୀୟ ଗାନ୍ଧୀ ଛକସ୍ଥିତ ଶିବ ସାଇ ଫଙ୍କସନ ହଲରେ ଆୟୋଜିତ ମହିଳା ସମାବେଶରେ ଯୋଗଦେବେ। ଅପରାହ୍ନରେ ଏକମ୍ବାରେ ଆୟୋଜିତ ପରିବର୍ତ୍ତନ ସଂକଳ୍ପ ସମାବେଶରେ ଚାଷୀଙ୍କୁ ଉଦବୋଧନ ଦେବେ। ତେବେ ନିକଟରେ ରାଫେଲ୍କୁ ନେଇ ବିବାଦୀୟ ସ୍ଥିତି ରହିବା ସହ ଏୟାର୍ ଷ୍ଟ୍ରାଇକ୍କୁ ନେଇ ମଧ୍ୟ ବେଶ୍ କିଛି ବିବାଦ ସୃଷ୍ଟି ହୋଇଛି । ନିକଟରେ କଂଗ୍ରେସର ଟିକେଟ୍ ବଣ୍ଟନକୁ ନେଇ ବେଶ୍ ଚର୍ଚ୍ଚା ରହିଥିବାବେଳେ ଏହି ସମୟରେ ରାହୁଲଙ୍କ ଓଡ଼ିଶା ଗସ୍ତ ବେଶ୍ ଗୁରୁତ୍ବପୂର୍ଣ୍ଣ ରହିଛି । କଂଗ୍ରେସ ପୁର୍ନବାର ସତ୍ତାକୁ ଫେରିବା ପାଇଁ ଅଣ୍ଟା ଭିଡ଼ିଥିବାବେଳେ ରାହୁଲ୍ଙ୍କ ଓଡ଼ିଶା ଗସ୍ତ ବେଶ୍ କିଛି ସମ୍ଭାବନା ସୃଷ୍ଟି କରୁଛି ।
