ଭୁବନେଶ୍ବର : 11ଟି ଜିଲ୍ଲାରେ ସପ୍ତାହର ଶେଷ ଦୁଇ ଦିନର ସଟ୍ଡାଉନ୍ ହେବା ନେଇ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ତେବେ ସଟ୍ଡାଉନ୍ ସମୟରେ 11ଟି ଜିଲ୍ଲାରେ ବସ୍ ଚାଲିବ ବୋଲି ଟୁଇଟ୍ କରି ସ୍ପଷ୍ଟ କରିଛନ୍ତି ରାଜ୍ୟ ସଡକ ପରିବହନ କର୍ତ୍ତୃପକ୍ଷ । ବସଷ୍ଟାଣ୍ଡ୍ ଖୋଲା ରହିବ । ପ୍ରାଇଭେଟ୍ ଗାଡି ବସ୍ ଷ୍ଟାଣ୍ଡ, ରେଳ ଷ୍ଟେସନ, ଏୟାରପୋର୍ଟ ଯିବ ବୋଲି ସୂଚନା ରହିଛି ।
ସଂକ୍ରମଣ ବଢିଥିବା 11ଟି ଜିଲ୍ଳାରେ ଜୁନ୍ ମାସ ସାରା ସପ୍ତାହକୁ ଦୁଇଦିନ ସଟ୍ ଡାଉନ୍ କରାଯିବ ରାଜ୍ୟସରକାର ଘୋଷଣା କରିଛନ୍ତି । ଖୋର୍ଦ୍ଧା, ଗଞ୍ଜାମ, ପୁରୀ,ନୟାଗଡ, କଟକ, ଜଗତସିଂହପୁର, କେନ୍ଦ୍ରାପଡା, ଯାଜପୁର, ବାଲେଶ୍ବର, ଭଦ୍ରକ,ବଲାଙ୍ଗିର ଆଦି ଜିଲ୍ଲାରେ ସପ୍ତାହକୁ 2 ଦିନ ସଟ୍ ଡାଉନ୍ କରାଯିବ । ଏହି ସମୟରେ କୌଣସି ଅଫିସ୍ ଖୋଲା ଯିବ ନାହିଁ । ଏହି ସମୟରେ ଦୋକାନ ବଜାର ବନ୍ଦ ରହିବ । ତେବେ ଔଷଧ ଦୋକାନ ଖୋଲା ରହିବ । କେବଳ ଅତ୍ୟାବଶ୍ୟକ ସାମଗ୍ରୀ ଖୋଲା ରହିବ ବୋଲି ସୂଚନା ରହିଛି ।
Tags: ବସ୍ ଚାଲିବ, ସଟ୍ ଡାଉନ୍
