ଭୁବନେଶ୍ବର : ସମାଜେସବୀ ଆଦିତ୍ୟଙ୍କ ମୃତ୍ୟୁ ମାମଲାରେ ଏବେ ନୂଆ ମୋଡ ଆସିଛି । ଆଦିତ୍ୟଙ୍କ ମୃତ୍ୟୁ ମାମଲାରେ ହତ୍ୟା ମାମଲା ରୁଜୁ କରାଯାଇଛି ।
302 ଦଫାରେ ହତ୍ୟା ମାମଲା ରୁଜୁ କରି ଜିଆରପି ତଦନ୍ତ ଆରମ୍ଭ କରିଛି । ଆଦିତ୍ୟଙ୍କ ସଙ୍ଗଠନର କିଛି ସଦସ୍ୟଙ୍କ ଅଭିଯୋଗ ଆଧାରରେ ମାମଲା ରୁଜୁ ହୋଇଛି । ଆଦିତ୍ୟଙ୍କ ପୋଷ୍ଟ ମର୍ଟମ୍ ରିପୋର୍ଟ ଜିଆର୍ପି ହସ୍ତଗତ କରିଛି । ମୁଣ୍ଡରେ ଶକ୍ତ ଆଘାତରୁ ମୃତ୍ୟୁ ଘଟିଥିବା ରିପୋର୍ଟରୁ ସୂଚନା ମିଳିଛି । ଅପରପକ୍ଷରେ ଆଦିତ୍ୟଙ୍କ ଡାଏରୀ ଜବତ ହେବା ପରେ ଜୋରଦାର ଖୋଳତାଡ କରାଯାଉଛି । ବିଭିନ୍ନ ଦିଗକୁ ନେଇ ସନ୍ଦେହ ପ୍ରକାଶ କରିଛନ୍ତି ଆଦିତ୍ୟଙ୍କ ବନ୍ଧୁ ।
ପ୍ରକାଶଥାଉକି ମଙ୍ଗଳବାର ସକାଳେ ସନ୍ଦେହଜନକ ଭାବେ ଆଦିତ୍ୟଙ୍କ ମୃତଦେହ ଉଦ୍ଧାର ରେଳ ଲାଇନ୍ରୁ ଉଦ୍ଧାର ହୋଇଥିଲା। ଏହାପରେ ତଦନ୍ତ ଆରମ୍ଭ କରିଥିଲା ଜିଆରପି ପୋଲିସ୍। ଗତ ଜୁନ୍ 9ରେ ଆଦିତ୍ୟ ବିବାହ କରିଥିବାବେଳେ ବିବାହର ମାସେ ନ ପୁରୁଣୁ ଆଦିତ୍ୟଙ୍କ ମୃତ୍ୟୁ ନେଇ ସସ୍ପେନ୍ସ ଲାଗି ରହିଛି । ସେହିପରି ଆଦିତ୍ୟ ପିପୁଲ୍ ଫର୍ ସେବା ନାମକ ଏକ ସଙ୍ଗଠନ ବୁଝୁଥିଲେ ଆଦିତ୍ୟ । ଏହି ସଙ୍ଗଠନ ଫଣ୍ଡରେ ଥିବା ଟଙ୍କା ନେଇ ବିବାଦ ରହିଥିବା ନେଇ ମଧ୍ୟ ସନ୍ଦେହ ସୃଷ୍ଟି ହୋଇଛି । ସେହିପରି ଆଦିତ୍ୟଙ୍କ ଡାଏରୀ ଜବତ ହେବାପରେ ସେଥିରେ ଅନେକଗୁଡିଏ ପ୍ରଶ୍ନ ସାମ୍ନାକୁ ଆସିଛି । ତେବେ ଆଦିତ୍ୟଙ୍କ ମୃତ୍ୟୁ ମାମଲାର ତଦନ୍ତ ପରେ ଆଦିତ୍ୟଙ୍କ ମୃତ୍ୟୁ ରହସ୍ୟ ଉପରୁ ପର୍ଦ୍ଦା ଉଠିବ ବୋଲି ଜଣାପଡୁଛି ।
