ତିରଅନନ୍ତପୁରମ୍ : ସର୍ବଦା ଭିନ୍ନ ଭିନ୍ନ ଉପାୟ ବାହାର କରି ଚର୍ଚ୍ଚାରେ ରହୁଥିବା କେରଳ ରାଜ୍ୟ ଏବେ କଏଦୀଙ୍କ ପାଇଁ ଏକ ଅଭିନବ ଉପାୟ ବାହାର କରିଛି । ଜେଲ୍ରେ ରହୁଥିବା କଏଦୀଙ୍କ ଜୀବନକୁ ସୁନିୟନ୍ତ୍ରିତ ତଥା ସାବଲୀଳ କରିବା ପାଇଁ ଏକ ଉପାୟ ବାହାର କରାଯାଇଛି । କେରଳରେ ଏବେ ପେଟ୍ରୋଲ୍ ପମ୍ପରେ ଜେଲ୍ର କଏଦୀ ମାନେ କର୍ମଚାରୀ ରୂପେ କାର୍ଯ୍ୟ କରିବେ । କଏଦୀଙ୍କ ସମସ୍ତ ଦରମାକୁ ତାଙ୍କ ଘରକୁ ପଠାଯିବ ।
କେରଳ ସରକାରୀ ଇଣ୍ଡିଆନ ଅଏଲ୍ କର୍ପୋରସେନ୍ ସହ ଜେଲ୍ ପରିସରରେ ଏବେ ପେଟ୍ରୋଲ୍ ପମ୍ପ ଚାଲୁ କରିଛନ୍ତି । ଜେଲ୍ ଡିଜିପି ଋଷିରାଜ ସିଂହ କହିଛନ୍ତି ଯେ, ପେଟ୍ରୋଲ ପମ୍ପ ଯୋଗୁ ଜେଲ୍ର କଏଦୀମାନେ ଆତ୍ମନିର୍ଭରଶୀଳ ହୋଇପାରିବେ । ତେବେ କେରଳରେ କଏଦୀମାନଙ୍କ ପାଇଁ ବହୁ ପ୍ରକାରର ପରିଯୋଜନା ମାନ ପ୍ରସ୍ତୁତ କରାଯାଇଛି ।
ଗୋଟିଏ ପେଟ୍ରୋଲ୍ ପମ୍ପ୍ରେ 15 ଜଣ କଏଦୀଙ୍କୁ ନିଯୁକ୍ତି ଦିଆଯିବ । ତିରୁଅନନ୍ତପୁରମ୍, ବିୟୁର୍ ଓ ଚେମନୀ ଆଦି ଜିଲ୍ଲାଗୁଡିକରେ ପେଟ୍ରୋଲ ପମ୍ପରେ କଏଦୀମାନେ କାର୍ଯ୍ୟ କରିବା ଆରମ୍ଭ କରିଛନ୍ତି ।ତେବେ ଜେଲ୍ରେ ରହୁଥିବା କଏଦୀମାନେ ରାଜ୍ୟରେ ଥିବା ପାଞ୍ଚୋଟି କାଫେଟେରୟାକୁ ମଧ୍ୟ ଚଳାଉଛନ୍ତି ।
ଜେଲ୍ ପରିସରରେ ଇଣ୍ଡିଆନ୍ ଅଏଲ୍ କର୍ପୋରେସନ୍ ଚାରୋଟି ପେଟ୍ରୋଲ୍ ପମ୍ପ ସ୍ଥାପନ କରୁଛି । ଏଥିପାଇଁ ପ୍ରାୟ 9.5 କୋଟି ଟଙ୍କା ନିବେଶ କରାଯାଉଛି । ସେହିପରି ପେଟ୍ରୋଲିୟମ୍ ଆଉଟେଲଟ୍ ସ୍ଥାପିତ କରିବା ପାଇଁ ଜେଲ୍ ତରଫରୁ 30 ଲକ୍ଷର ସେୟାର ରହୁଛି । ତରିଅନନ୍ତପୁରମ୍ରେ ପ୍ରାୟ 25 ପ୍ରତିଶତ, କନ୍ନୁରରେ 39 ପ୍ରତିଶତ, ବିୟୁରେ 25 ପ୍ରତିଶତ ଓ ଚେମନୀ ଓପନ୍ ଜେଲରେ 25 ପ୍ରତିଶତ ଆବଣ୍ଟନ କରାଯାଇଛି । ଏହା ଜରିଆରେ କରେଳ ସରକାରଙ୍କୁ ପ୍ରତ୍ୟେକ ମାସ 5.9 ଲକ୍ଷ ଭଡା ମିଳିବ । ଭବିଷ୍ୟତରେ ସିଏନ୍ଜି ଓ ବିଦ୍ୟୁତ୍ ଚାର୍ଜିଂ ଷ୍ଟେସନର ସ୍ଥାପନ ପାଇଁ ପରଯୋଜନା ପ୍ରସ୍ତୁତ ହୋଇଛି । ସେହିପରି ପେଟ୍ରୋଲ୍ ପମ୍ପ୍ରେ ସାର୍ବଜନିକ ସୁବିଧା କେନ୍ଦ୍ର ମଧ୍ୟ ଉପଲବ୍ଧ ହେବ । (ଏଜେନ୍ସି)