ଉତ୍ତରପ୍ରଦେଶ : ଦୁନିଆର ସବୁଠୁ ସୁନ୍ଦର ଅନୁଭବ ହେଉଛି ପ୍ରେମ । ପ୍ରେମ ମଣିଷକୁ ବଞ୍ଚିବା ଶିଖାଇଥାଏ । କିନ୍ତୁ ଆଜି ବି କିଛି ମଣିଷ ଅଛନ୍ତି ଯେଉଁମାନେ ପ୍ରେମକୁ କଳଙ୍କିତ କରୁଛନ୍ତି । ପ୍ରେମ ପାଇଁ ଜୀବନ ନେଉଛନ୍ତି । ପ୍ରେମକୁ ଘୃଣା କରି ନିଜ ରକ୍ତର ସମ୍ପର୍କକୁ ମଧ୍ୟ ବାଜି ଲଗାଇ ଦେଉଛନ୍ତି । ଏହିପରି ଏକ ଘଟଣା ଉତ୍ତରପ୍ରଦେଶରେ ଘଟିଛି । ଏଠାରେ ଜଣେ ଯୁବକ ଯୁବତୀଙ୍କୁ ପ୍ରେମ କରିବା ମହଙ୍ଗା ପଡିଛି । ମିଛ ସମ୍ମାନ ପାଇଁ ଯୁବତୀଙ୍କ ପରିବାର ଲୋକେ ପ୍ରେମୀ ଯୁଗଳଙ୍କୁ ଜୀଅଁନ୍ତା ଜଳାଇଦେଇଛନ୍ତି । ଉତ୍ତରପ୍ରଦେଶର ବାନ୍ଧା ଅଞ୍ଚଳରୁ ଏକ ଅନର କିଲିଂ ଘଟଣା ସାମ୍ନାକୁ ଆସିଛି । କରଛା ଗ୍ରାମରେ ଏହି ଘଟଣାଟି ଘଟିଛି । ପ୍ରେମୀ ଯୁଗଳଙ୍କ ମୃତ୍ୟୁଘଟିଛି ।
ମିଳିଥିବା ସୂଚନା ଅନୁସାରେ ଉକ୍ତ ଗ୍ରାମର ଜଣେ ଯୁବକ ସେହି ଗ୍ରାମର ଜଣେ ଯୁବତୀଙ୍କୁ ପ୍ରେମ କରୁଥିଲେ । ବୁଧବାର ସନ୍ଧ୍ୟାରେ ଯୁବତୀ ନିଜ ପ୍ରେମିକକୁ ଦେଖା କରିବା ପାଇଁ ନିଜ ଘରକୁ ଡାକିଥିଲେ । ଯୁବତୀଙ୍କ ପରିବାରକୁ ଏହି ଘଟଣା ଜଣାପଡିବା ପରେ ପ୍ରେମିକାଙ୍କ ପରିବାର ଲୋକେ ଆକ୍ରୋଶରେ ଆସି ଦୁହିଁଙ୍କ ମାରପିଟ୍ କରିବା ସହିତ ଗୋଟିଏ ରୁମ୍ରେ ପୂରାଇ ବନ୍ଦ କରିଦେଇଥିଲେ । ଏହା ପରେ ବାହାର ପଟରୁ ନିଆଁ ଲଗାଇଦେଇଥିଲେ । ତେବେ ଦୁହିଁଙ୍କ ଗୁରୁତର ଅବସ୍ଥାରେ ହସ୍ପିଟାଲ ନିଆଯାଇଥିଲା ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଅପରପକ୍ଷରେ ମୃତ ଯୁବକଙ୍କ ପିତା ଯୁବତୀଙ୍କ ପରିବାର ବର୍ଗଙ୍କ ଉପରେ ଆରୋପ ଲଗାଇ କହିଛନ୍ତି ଯେ, ତାଙ୍କ ପୁଅକୁ ଧୋକ୍କାରେ ଡାକି ତାଙ୍କ ସହ ଏପରି କାଣ୍ଡ କରିଛନ୍ତି। ତେବେ ପୋଲିସ୍ ଏହି ଘଟଣାରେ ଏବେ 9 ଜଣଙ୍କ ବିରୋଧରେ ମାମଲା ଦାଏର କରିଛି ।
ପୋଲିସ୍ ଅନର କିଲିଂ ମାମଲାରେ ଯୁବତୀଙ୍କ ପିତା ହୁକୁମ ସିଂ, ଭାଇ ଲଖୁ ଓରଫ ଲାଖନ ସିଂଙ୍କୁଗିରଫ ମଧ୍ୟ କରିଛି । ଯୁବତୀଙ୍କ ଅନ୍ୟ ପରିବାର ସଦସ୍ୟ ଫେରାର ରହିଥିଲେ । ପରେ ପୋଲିସ୍ ଯୁବତୀଙ୍କ ମା’ ଆଶା ଓ ଦ୍ବିତୀୟ ପୁତ୍ର ଫୁଲ ଚନ୍ଦ୍ରଙ୍କୁ ମଧ୍ୟ ଗିରଫ କରିଛି । (ଏଜେନ୍ସି)