ହେମାଙ୍ଗ ପ୍ରସାଦ ରାଉଳ
ଦିଗପହଣ୍ଡି : ବଡଡୁମୁଳା ଗାଁରେ ପିଇଟି ଶିକ୍ଷକ ଭାବେ କାର୍ଯ୍ୟରତ ଥିବାବେଳେ ଦିଗପହଣ୍ଡିରେ ରହୁଥିଲେ ସୀମାଞ୍ଚଳ ସାହୁ। ରବିବାର ବିଳମ୍ବିତ ରାତିରେ କିଛି ଦୁର୍ବୃତ୍ତ ଏହି ସାହିରେ ପଶି ଶିକ୍ଷକଙ୍କ ସମେତ ଆଖପାଖ କିଛି ଲୋକଙ୍କ ଘର ତାଲା ଗ୍ରୀଲ ଭଙ୍ଗାରୁଜା କରିଥିଲେ। ପରେ ବାହାରେ ଶିଙ୍କୁଳି ଲାଗିଥିବା ଦୁଇଟି ବାଇକକୁ ଚୋରି ଉଦ୍ୟମ କରି ଗୋଟିକକୁ ଚୋରି କରି ନେବାରେ ସଫଳ ହୋଇଥିଲେ। ପିଇଟି ଶିକ୍ଷକଙ୍କ ଗାଡି ନଂ ଓଡ଼ି 07 ଏ 3024 ବାଇକକୁ ଲୁଟି ନେଇଯାଇଛନ୍ତି । ସମସ୍ତେ ଶୋଇଥିବା ବେଳେ ଏହି କାଣ୍ଡ ଘଟିଥିବା ଅନୁମାନ କରାଯାଉଛି।
ସେହିପରି ଗତ ୧୪ ତାରିଖ ରାତିରେ ନୁଆମୌଲାଭଣଜା ଗାଁ ମୁଖ୍ୟ ରାସ୍ତାରେ ଥିବା ଝରଣା ମେଡ଼ିସିନ ଷ୍ଟୋର ସମେତ ଆଖପାଖ ଦୋକାନ ଓ ମାଁ ସାତଭଉଣୀ ମନ୍ଦିର ଆଦିରୁ ଲକ୍ଷାଧିକ ଟଙ୍କା ଓ ସାମଗ୍ରୀ ଚୋରି ହୋଇଥିବା ଥାନାରେ ଅଭିଯୋଗ ହୋଇଛି।ଏନେଇ ଦିଗପହଣ୍ଡି ଥାନାରେ ମଧ୍ୟ ଅଭିଯୋଗ ହୋଇଛି।
Tags:
