ରମେଶ ମହାନ୍ତି
ଜଗତସିଂହପୁର : ଘର ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ଚିତିରା ପଞ୍ଚାୟତରେ,
ସେ ରାଜଧାନୀର ଏକାମ୍ର ମହାବିଦ୍ୟାଳୟରୁ ସମ୍ପାଦକ ଭାବେ ନିର୍ବାଚିତ ହୋଇ ରାଜନୀତି ଜୀବନ ଆରମ୍ଭ କରି ସମାଜ ସେବାକୁ ବ୍ରତ କରିଥିବା ନାରୀନେତ୍ରୀ ମନ୍ଦାକିନୀ କରଙ୍କ ଉପରେ ବିଜୁ ଜନତା ଦଳର ଗୁରୁ ଦାୟିତ୍ୱ ଦେଇଛନ୍ତି ଦଳର ସଭାପତି ନବୀନ ପଟ୍ଟନାୟକ ।
ତାଙ୍କୁ ରାଜ୍ୟ ବିଜୁ ଜନତା ଦଳ ସମ୍ପାଦିକା ଏବଂ ଅତିରିକ୍ତ ରାଜ୍ୟ ଛାତ୍ର ସଙ୍ଗଠନ ଦାୟିତ୍ୱ ମିଳିଛି । ରାଜ୍ୟରେ ଛାତ୍ର,ଛାତ୍ରୀ ମାନଙ୍କ ସଙ୍ଗଠନକୁ ମଜଭୁତ କରିବାକୁ ମନ୍ଦାକିନୀ ଅଣ୍ଟା ଭିଡିବେ ।ଛାତ୍ର ଜୀବନରୁ ନେତୃତ୍ବ ନେବାର ଆଭାସ ବାରି ହେଉଥିଲା ତାଙ୍କର । ୨୦୦୬ରେ ଏକାମ୍ର ମହାବିଦ୍ୟାଳୟ ରେ ସାଧାରଣ ସମ୍ପାଦିକା ଭାବେ ନିର୍ବାଚିତ ହୋଇ ମହାବିଦ୍ୟାଳୟର ଭଲମନ୍ଦ ଓ ଛାତ୍ର ଛାତ୍ରୀଙ୍କର ସୁବିଧା ଅସୁବିଧା ନେଇ ମହାବିଦ୍ୟାଳୟର କତୃପକ୍ଷଙ୍କ ନଜରକୁ ଆଣୁଥିଲେ ମନ୍ଦାକିନୀ । ଭୁବନେଶ୍ବରର ବିଭିନ୍ନ ମହାବିଦ୍ୟାଳୟରେ ଛାତ୍ର ସଂସଦ ନିର୍ବାଚନରେ ପ୍ରମୁଖ ଭୂମିକା ନିଭାଇ ଛାତ୍ର ରାଜନିତୀରେ ରାଜନୈତିକ ମୂଳଦୁଆ ଥାପିଥିଲେ ସେ । ଅଣ କଂଗ୍ରେସ ପରିବାରରୁ ଆସିଥିବା ମନ୍ଦାକିନୀ କଂଗ୍ରେସ ଓ ବିଜେପି ପ୍ରତି ବିମୁଖ ରହିଥିଲେ । ଏଥିମଧ୍ୟରେ ବିଜୁ ଜନତା ଦଳରେ ନିଜସ୍ୱ ଛାତ୍ର ବିଜେଡ଼ି ରାଜ୍ୟ ସାଧାରଣ ସମ୍ପାଦକ ପରେପରେ ରାଜ୍ୟ ଯୁବ ବିଜେଡ଼ି ଉପସଭାନେତ୍ରି ହୋଇ ରାଜ୍ୟ ପାଇଁ ବିଜେଡ଼ି ରାଜନୀତିରେ ସ୍ଵତନ୍ତ୍ର ପରିଚୟ ସୃଷ୍ଟି କରିସାରିଛନ୍ତି । ତାଙ୍କର ତିକ୍ଷ୍ଣ ରାଜନୈତିକ କୁଶଳତା, ଲୋକପ୍ରିୟ ଜନସମ୍ପର୍କ ଓ ଓଜସ୍ବିନୀ ବକ୍ତୃତା ତାଙ୍କୁ ଦଳରେ ସ୍ବତନ୍ତ୍ର ଜାଗା ଦେଇପାରିଛି ।
ମନ୍ଦାକିନୀଙ୍କ ରାଜନୈତିକ ଚାତୁରୀରେ ଭରଷାକରି ପ୍ରଥମେ ୨୦୧୬ ମସିହାରେ ନୟାଗଡ଼ ଜିଲ୍ଲାର ଏକ ଉପନିର୍ବାଚନରେ ଦଳ ତାଙ୍କୁ ପର୍ଯ୍ୟବେକ୍ଷକ ଦାୟିତ୍ୱ ଦେଇଥିଲା । ନିଜର ପରାକାଷ୍ଠାରେ ସେ ଦଳର ଗୁରୁଦାୟିତ୍ୱ ସଠିକ ଭାବେ ତୁଲାଇ ଥିବାରୁ ଦଳ ତାଙ୍କ ଉପରେ ଆସ୍ଥା ସ୍ଥାପନ କରିଥିଲା । ପୁଣି ତାଙ୍କୁ ଜିଲ୍ଲାପରିଷଦ ଉପନିର୍ବାଚନ ବେଳେ ଜଟଣୀରେ ତାଙ୍କୁ ଦାୟିତ୍ଵ ଦେଇଥିଲେ ଦଳର ସୁପ୍ରିମୋ । ସେତେବେଳେ ମୋଦି ହାୱା ସାରା ରାଜ୍ୟରେ ଚାଲିଥିବା ବେଳେ ସେ ତାଙ୍କର ଦକ୍ଷତା ବଳରେ ଦଳୀୟ ପ୍ରାଥିକୁ ବିପୁଳ ବ୍ୟବଧାନରେ ବିଜୟୀ କରାଇବାରେ ସକ୍ଷମ ହୋଇଥିଲେ । ସେହିପରି ଉପକୂଳ ଓଡ଼ିଶାର ପାରାଦୀପ ଏନ୍ ଏସ୍ ସି ନିର୍ବାଚନରେ ତାଙ୍କୁ ଗୁରୁଦାୟିତ୍ଵ ଦିଆଯାଇଥିଲା। ଯାହା ଫଳରେ ସେ ନବୀନଙ୍କ ପ୍ରିୟଭାଜନ ହୋଇପାରିଥିଲେ ।ଏଥିସହିତ ବିଜୁ ଜନତା ଦଳର ସ୍ବତନ୍ତ୍ର କାର୍ଯ୍ୟକ୍ରମ “ହକ୍ ମାଗୁଛି ଓଡିଶା” ପାଇଁ ତାଙ୍କୁ ଖୋର୍ଦ୍ଧା ଜିଲ୍ଲାର ପର୍ଯ୍ୟବେକ୍ଷକ ଦାୟିତ୍ୱ ଦେଇଥିଲା ଦଳ । ପରେ ସାଧାରଣ ନିର୍ବାଚନ ପୂର୍ବରୁ ଦଳ ତାଙ୍କୁ ମୁଖ୍ୟମନ୍ତ୍ରୀଙ୍କ ଉପରେ ଆଧାରିତ ହାଲୋଗ୍ରମ୍ ପରିବେଷଣ ରାଜ୍ୟ ସଂଯୋଜକ ଭାବେ ଦାୟିତ୍ଵ ନେସ୍ତ କରାଯାଇଥିଲା ।ଜିଲ୍ଲାର ବରିଷ୍ଠ ନେତୃତ୍ବ ମାନଙ୍କ ସହିତ ଦଳିୟ କାର୍ଯ୍ୟର ନେତୃତ୍ବ ନେବାର ଦକ୍ଷତା ପ୍ରଦର୍ଶନ କରିଥିଲେ ସେ ।
୨୦୧୯ ସାଧାରଣ ନିର୍ବାଚନରେ ଜଗତସିଂହପୁର ଜିଲ୍ଲାର ତିର୍ତ୍ତୋଲ ନିର୍ବାଚନମଣ୍ଡଳୀରେ ତାଙ୍କୁ ପର୍ଯ୍ୟବେକ୍ଷକ ଭାବେ ଦାୟିତ୍ବ ପ୍ରଦାନ କରାଯାଇଥିଲା । ମହିଳା ସ୍ବୟଂସହାୟୀକା ଗୋଷ୍ଠି ମାନଙ୍କୁ ଏକାଠି କରି ମହିଳା ମାନଙ୍କୁ ଦଳ ମୁହାଁ କରିବାରେ ଅନ୍ୟ ରାଜନୈତିକ ଦଳ ମାନଙ୍କର ଆଖିରୁ ନିଦ କାଢି ନେଇଥିଲେ ମନ୍ଦାକିନୀ । ଅନ୍ୟ ରାଜନୈତିକ ଦଳର ସଂଗଠନକୁ ଚୁରମାର କରି ବିଜେଡିରେ ସାମିଲ କରାଇ ଦଳ ସପକ୍ଷରେ ମହିଳା ମାନଙ୍କ ସମର୍ଥନର ଅନ୍ତସ୍ରୋତ ପ୍ରବାହ କରି ସମସ୍ତ ନିର୍ବାଚନ ମଣ୍ଡଳୀରେ ମହିଳା ମାନଙ୍କ ପ୍ରିୟପାତ୍ର ହୋଇପାରିଥିଲେ ସେ । ଅନ୍ୟଦଳର ଗଡରେ ଗଡମା ବାନ୍ଧି ଅଗ୍ନି ସଂଯୋଗ କରି ଦଳକୁ ଛିନଛତ୍ର କରି ଗଡ ଜୟକରିବାରେ ମାହିର । ସେତେବେଳେ ବିଧାୟକ ପ୍ରାର୍ଥି ବିଷ୍ଣୁ ଦାସ ଅସୁସ୍ଥ ସତ୍ତ୍ଵେ ମନ୍ଦାକିନୀ ନିଜେ ବିଜେଡ଼ିକୁ ବିପୁଳ ସମର୍ଥନ ଜୁଟାଇବାରେ ସକ୍ଷମ ହୋଇଥିଲେ ।
ଯାହା ଫଳରେ ବିଜେଡ଼ି ତାଙ୍କୁ ନିଜର କୋର କମିଟିକୁ ନେଇଥିଲା ।
ନିଜର ଚର୍ଚ୍ଚିତ ରାଜନୈତିକ କ୍ୟାରିୟରର ମୂଳଦୁଆ ମଜଭୁତ କରିଥିବା ନାରୀନେତ୍ରୀ ମନ୍ଦାକିନୀଙ୍କ ଉପରେ ଦଳ ପୁଣି ଆସ୍ତା ପ୍ରକଟ କରିଛି । ତାଙ୍କୁ ଆଉ ନିର୍ବାଚନ ମଣ୍ଡଳୀରେ ସୀମାବଦ୍ଧ ନକରି ଦଳ ତାଙ୍କୁ ରାଜ୍ୟ ଦାୟିତ୍ୱ ଦେଇଛି । ବିଜେଡି ସୁପ୍ରମୋ ନବୀନ ପଟ୍ଟନାୟକ ରାଜ୍ୟରେ ବିଭିନ୍ନ ଦଳିୟ ନେତୃତ୍ବ ବଣ୍ଟନ କରିଥିବା ବେଳେ ମନ୍ଦାକିନୀଙ୍କୁ ମିଳିଛି ରାଜ୍ୟ ବିଜୁ ଜନତା ଦଳର ସମ୍ପାଦିକା ପଦବୀ ପରେ ଅତିରିକ୍ତ ରାଜ୍ୟର ଏକମାତ୍ର ମହିଳା ହିସାବରେ ଛାତ୍ର ସଙ୍ଗଠନ ଦାୟିତ୍ଵ ମିଳିଛି । ଏହି ପଦବୀରେ ରହି ସେ ସାରା ରାଜ୍ୟର ଛାତ୍ର,ଛାତ୍ରୀ ମାନଙ୍କର ବିକାଶ ପାଇଁ ଅଣ୍ଟା ଭିଡ଼ିବେ ବୋଲି ସେ କହିଛନ୍ତି ।
ଯାହା ଫଳରେ ସାରା ରାଜ୍ୟରୁ ସୋସିଆଲ ମିଡିଆ ମାଧ୍ୟମରେ ତାଙ୍କୁ ଅଭିନନ୍ଦନର ସୁଅ ଛୁଟୁ ଥିବା ଦେଖିବାକୁ ମିଳୁଛି ।