ମୁମ୍ବାଇ, ଆଜି ଦୀର୍ଘ ସମୟ ଶୁଣାଣି ପରେ ରିପବ୍ଲିକ ଟିଭିର ମୁଖ୍ୟ ସଂପାଦକ ତଥା ସାମ୍ବାଦିକ ଅର୍ଣ୍ଣବ ଗୋସ୍ବାମୀଙ୍କୁ 14 ଦିନ ପାଇଁ ନ୍ୟାୟିକ ହେପାଜତକୁ ପଠାଯାଇଛି। ଏ ନେଇ ମୁମ୍ବାଇର ଆଲିବାଗ ଜିଲ୍ଲା କୋର୍ଟ ଏହି ରାୟ ଦେଇଛନ୍ତି। ହେଲେ ଆସନ୍ତାକାଲି ଏହା ଉପରେ ଉଚ୍ଚ ନ୍ୟାୟାଳୟରେ ଶୁଣାଣି ରହିଛି ବୋଲି ଅର୍ଣ୍ଣବଙ୍କ ଓକିଲ କହିଛନ୍ତି।
ଆଜି ଭୋରରୁ ଅର୍ଣ୍ଣବଙ୍କୁ ମୁମ୍ବାଇର ରାୟଗଡ ପୋଲିସ ତାଙ୍କ ବାସ ଭବନରୁ ଉଠାଇ ନେଇଥିଲେ। ଥାନାରେ ପଚାରାଉଚୁରା ପରେ ତାଙ୍କୁ କୋର୍ଟରେ ହାଜର କରାଯାଇଥିଲା। କୋର୍ଟରେ ଏହା ଉପରେ ଦୀର୍ଘ ଶୁଣାଣି କରାଯାଇଥିଲା। ତେବେ ଅର୍ଣ୍ଣବଙ୍କୁ ପୋଲିସ ଖରାପ ବ୍ୟବହାର ପ୍ରଦର୍ଶନ କରିଛି ବୋଲି ଜାତୀୟ ମାନବିକ ଅଧିକାରଙ୍କ ନିକଟରେ ମଧ୍ୟ ଏକ ଅଭିଯୋଗ କରାଯାଇଛି। ସେପଟେ ମହିଳା ପୋଲିସକୁ ଅର୍ଣ୍ଣବ ଖରାପ ବ୍ୟବହାର କରିଛନ୍ତି ବୋଲି ମଧ୍ୟ ମାନବିକ ଅଧିକାର କମିଶନରଙ୍କ ନିକଟରେ ଆଉ ଏକ ଅଭିଯୋଗ କରାଯାଇଛି।
Tags: ଅର୍ଣ୍ଣବ ଗୋସ୍ବାମୀ, ରିପବ୍ଲିକ ଟିଭି
