କନ୍ଦର୍ପ ବେହେରା
ରେଢାଖୋଲ: ସମ୍ବଲପୁର ଜିଲ୍ଲା ରେଢାଖୋଲ ଉପଖଣ୍ଡ ଚାରମାଳ ପୋଲିସ୍ ଗତ ମଇ ୩୧ ତାରିଖରେ ୩୫ କେଜି ଗଞ୍ଜେଇ ଓ ୨ଟି ବାଇକ ଜବତ କରିଥିବା ଘଟଣା ସେ ସମୟରେ ଗଣ ମାଧ୍ୟମରେ ପ୍ରକାଶ ପାଇଥିଲା । ପ୍ରକାଶ ଥାଉକି ସମ୍ବଲପୁର ଜିଲ୍ଲା ଚାରମାଳ ପୋଲିସ୍ କୌଣସି ସୂତ୍ରରୁ ଖବର ପାଇ ବୌଦ୍ଧରୁ ଗଞ୍ଜେଇ ଧରି ଆସୁଥିବା ଦୁଇଟି ବାଇକକୁ ତେଲିଘଣା ଛକ ନିକଟରେ ୩୧ ମଇ ରେ ସକାଳେ ଧରିବାରେ ସଫଳ ହୋଇଥିଲା । ବେପାରୀମାନେ ମୂଖ୍ୟ ରାସ୍ତାରେ ନ ଆସି ଜଙ୍ଗଲି ରାସ୍ତାରେ ଆସୁଥିବାର ଚାରମାଳ ପୋଲିସକୁ ବିଶ୍ୱସ୍ତ ସୂତ୍ରରୁ ଖବର ମଧ୍ୟ ଆସିଥିଲା ।
ଗଞ୍ଜେଇ ବେପାରିମାନେ ବାଇକ ନଂ (ଓଡି ୧୫ ଏଫ୍ ୧୦୦୪) ଓ (ଓଆର୍ ୧୪ ଏମ୍ ୦୪୪୭) ରେ ୩୫ କେଜି ଗଞ୍ଜେଇ ଧରି ଆସୁଥିଲେ । ବେପାରୀମାନେ ପୋଲିସ୍ କୁ ଦେଖି ଗଞେଇ ଓ ବାଇକ ଦୁଇଟି ଛାଡି ଫେରାର ହେବରେ ସକ୍ଷମ ହୋଇଥିଲେ । ପୋଲିସ୍ ସେମାନଙ୍କୁ ଧରି ପାରି ନ ଥିଲା । ଏମିତି ଚାରମାଳ ଅଂଚଳରେ ବହୁ ଗଞେଇ ବେପାରୀ ଅନାୟାସରେ ପୋଲିସ୍ ଆଖିରେ ଧୂଳି ଦେଇ ଦିନ ଦି ପହରରେ ତ କେବେ କେବେ ରାତିରେ ଅନାୟାସରେ ଗଞେଇ ବାହାର ରାଜ୍ୟକୁ ଚାଲାଣ କରି ଫେରାର ମାରିବାରେ ମଧ୍ୟ ସକ୍ଷମ ହେଉଛନ୍ତି ।ପୋଲିସ୍ ମଧ୍ୟ ସେ ସମୟରେ ଚାରମାଳା ଥାନା କେସ୍ ନଂ ୮୯?୨୦୨୦ ରେ ଏକ କେସ୍ ରୁଜୁ ମଧ୍ୟ କରିଥିଲା । ପୋଲିସ୍ ସେମାନଙ୍କୁ ଧରିବାରେ ସଫଳ ମଧ୍ୟ ହୋଇଛି । ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ।
ଚାରମାଳ ପୋଲିସ୍ ଗିରଫ କରିଥିବା ଅଭିଯୁକ୍ତମାନେ ହେଲେ ଚାରମାଳ ଥାନା ଭୋଇପାଲି ଗ୍ରାମର ଡମ୍ବରୁ ପ୍ରଧାନ(୩୦) କାଉଁଶିପାଣି ଗ୍ରାମର ଉପେନ୍ଦ୍ର ପ୍ରଧାନ (୩୮) ଓ ଜୁଜୁମୁରା ଥାନା ମରମଜୁରି ଗ୍ରାମର ବୈଷ୍ନବ ମାଝୀ (୨୦) ବୋଲି ଚାରମାଳ ଥାନାଧିକାରୀ ବସନ୍ତ ଦଳେଇ ଆମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି । ପ୍ରାୟତଃ ବେପାରୀମାନେ ବୌଦ୍ଧ ଅଂଚଳରୁ ଏହି କାରବାର କରୁଥିବା ଜଣାପଡିଛି । ଏଠାରେ ପ୍ରଶ୍ୱ ଉଠେ ଯେ , ପଡୋଶୀ ବୌଦ୍ଧରୁ ଗଞେଇ ଆସୁଥିଲେ ମଧ୍ୟ ବୌଦ୍ଧ ପୋଲିସ୍ ପେଟ୍ରୋଲିଙ୍ଗ କରୁ କରୁ ସେମାନଙ୍କୁ ଧରିବାରେ ସକ୍ଷମ ହେଉ ନଥିବା ବେଳେ ସମ୍ବଲପୁର ଜିଲ୍ଲା ଚାରମାଳ ପୋଲିସ୍ ଧରିବାରେ ସଫଳ ହେଉଥିବାରୁ ସାଧାରଣରେ ବୌଦ୍ଧ ପୋଲିସ ଉପରେ ସନ୍ଦେହ ସୃଷ୍ଟି ହେଉଛି ।