ମିରଟ, ଜଣେ 100 ବର୍ଷ ବୟସ୍କା ମହିଳାଙ୍କୁ ବଳାତ୍କାର ଓ ହତ୍ୟା ମାମଲାରେ କୋର୍ଟ ଜଣେ ଯୁବକଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଦୀର୍ଘ ତିନି ବର୍ଷର ଶୁଣାଣି ପରେ ସ୍ୱତନ୍ତ୍ର ବିଚାରପତି ଅଭିଯୁକ୍ତଙ୍କୁ 25 ହଜାର ଟଙ୍କା ଜରିମାନା ସହିତ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। 2017 ମସିହାରେ ଏହି ଘଟଣାରେ ବୃଦ୍ଧାଙ୍କ ପରିବାର ଲୋକେ ଅଭିଯୁକ୍ତ ଯୁବକଙ୍କୁ ଘଟଣାସ୍ଥଳରେ ଧରିବା ପରେ ପୋଲିସକୁ ହସ୍ତାନ୍ତର କରିଥିଲେ।
ଏହି ଘଟଣାଟି ମିରଟ ଥାନାର ଜାନି ଅଞ୍ଚଳରେ ଘଟିଥିଲା। ଯୁବକଙ୍କ ନାମ ହେଉଛି ଅଙ୍କିତ ପୁନିଆ। ଏହି ମାମଲାରେ ବୃଦ୍ଧାଙ୍କ ନାତି ଏଫ୍ଆଇଆର୍ ଦାଖଲ କରିଥିଲେ। କୁହାଯାଉଛି ଯେ ଘଟଣା ସମୟରେ ଅଭିଯୁକ୍ତଙ୍କ ବୟସ 28 ବର୍ଷ ହୋଇଥିଲା। ପୋଲିସ ହେପାଜତରେ ଥିବା ଅଭିଯୁକ୍ତ, ବୃଦ୍ଧାଙ୍କ ସହ ବଳାତ୍କାର ଘଟଣାକୁ ସ୍ୱୀକାର କରିଛି। ସେ କହିଛନ୍ତି ଯେ ବଳାତ୍କାର ପରେ ସେ ବୃଦ୍ଧ ମହିଳାଙ୍କୁ ମଧ୍ୟ ମାଡ଼ ମାରିଥିଲେ।
ସେତେବେଳେ ବୃଦ୍ଧଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ପରେ ତାଙ୍କର ମୃତ୍ୟୁ ହୋଇଥିଲା। ସେବେଠାରୁ ଏହି ମାମଲାର ଏସସି,ଏସଟି କୋର୍ଟରେ ସ୍ୱତନ୍ତ୍ର ବିଚାରପତିଙ୍କ ଦ୍ବାରା ବିଚାର ଚାଲିଥିଲା। ସମସ୍ତ ପ୍ରମାଣ ଆଧାରରେ କୋର୍ଟ ଅଭିଯୁକ୍ତ ଯୁବକଙ୍କୁ ଦୋଷୀ ସାବ୍ୟସ୍ତ କରି ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। ଏହା ସହ 25 ହଜାର ଟଙ୍କା ଜରିମାନା ମଧ୍ୟ ଲାଗୁ କରାଯାଇଛି।
