ହରିୟାଣା, ରାଜ୍ୟର ମେବାତ ଜିଲ୍ଲାର ପିପୋରିଲ ଗ୍ରାମରେ ଏକ ଅଭୁତ ଘଟଣା ଘଟିଯାଇଛି। ଏହି ଗ୍ରାମର ଜଣେ ମହିଳା ତାଙ୍କର 4ଟି ଅଜ୍ଞାନ ଶିଶୁକୁ ଗଳାକାଟି ହତ୍ୟା କରିଛି। ପିଲାମାନେ ଘରେ ରାତିରେ ଶୋଇଥିବା ବେଳେ ମା ଏପରି ଜଘନ୍ୟ କାଣ୍ଡ କରିଛି। ମୃତ ଶିଶୁମାନେ ହେଲେ ସାତ ବର୍ଷ ବୟସର ମୁସ୍କାନ, 4 ବର୍ଷ ବୟସର ମିସ୍କିନା, 3 ବର୍ଷିୟ ଅଲଫିସା ଏବଂ ଚାରି ମାସର ଅର୍ବିନା। ପୋଲିସ ଶିଶୁମାନଙ୍କ ଶବ ଜବତ କରି ପୋଷ୍ଟମର୍ଟମ ପାଇଁ ପଠାଇଛନ୍ତି। ଏହି ଘଟଣାକୁ ନେଇ ପୁରା ଜିଲ୍ଲାରେ ଚାଞ୍ଚଲ୍ୟ ଖେଳାଇ ଦେଇଛି।
ଘଟଣାରୁ ଜଣାପଡିଛି ଯେ ରାଜ୍ୟର ମେବାତ ଜିଲ୍ଲାର ପିପୋରିଲ ଗ୍ରାମର ମହିଳା ଫର୍ମିନା 4ଟି ଝିଅ ଜନ୍ମ କରିଥିଲେ। ମୁଖ୍ୟତଃ ପୁଅ ହେବା ଆଶାରେ ସେ ରହିଥିଲେ ମଧ୍ୟ ପୁଅ ହୋଇ ନ ଥିଲା। ପାଖ ପଡୋଶୀ ବିଭିନ୍ନ ସମୟରେ ଫର୍ମିନାଙ୍କୁ 4 ଝିଅଙ୍କୁ ନେଇ କେମିତି ସଂସାର କରିବେ ବୋଲି ସମାଲୋଚନା କରନ୍ତି। ଥଟ୍ଟା ମଧ୍ୟ କରନ୍ତି। ସେସବୁ ନେଇ ଫର୍ମିନା ସବୁବେଳେ ଚିନ୍ତାରେ ରହିଥିଲା।
ଗୋଟିଏ ପଟେ ପୁଅ ନ ହେବା ଚିନ୍ତା, ଅନ୍ୟପଟେ 4 ଝିଅଙ୍କୁ ନେଇ ବଞ୍ଚିବା ଚିନ୍ତାରେ ସେ ପାଗଳି ହୋଇଯାଇଥିଲେ। ଫଳରେ ସେ ଗୋଟିଏ ରାତିରେ 4 ଶିଶୁକୁ ହତ୍ୟା କରିଥିଲେ। ସକାଳା ତାଙ୍କ ସ୍ବାମୀ ଫର୍ସିଦା ଯେତେବେଳେ ଘର ଭିରେ ରକ୍ତ ଭାସୁଛି ଦେଖି ତାଟକା ହୋଇଯାଇଥିଲେ। ପରେ ହତ୍ୟା ଘଟଣା ଚାରିଆଡେ ପ୍ରଘଟ ହେବା ପରେ ପୋଲିସ ଘଟଣାସ୍ଥଳରେ ପହଁଚି ଶବ ଜବତ କରିବା ସହିତ ମହିଳାଙ୍କୁ ଗିରଫ କରିଛି।
