ମେରଟ୍ : ଉତ୍ତରପ୍ରଦେଶର ଜଣେ ଗହଣା କାରିଗର ଗିନିଜ୍ ବୁକ୍ରେ ନିଜ ନାମ ଲେଖାଇଛନ୍ତି । ଗହଣା କାରିଗର ହର୍ଷିତ୍ 12638ହୀରାର ଏକ ମୁଦି ତିଆରି ଏକ ରେକର୍ଡ କରିଛନ୍ତି । ଯୁବ ହର୍ଷିତ୍ 10ହଜାରରୁ ଉର୍ଦ୍ଧ୍ବ ହୀରାର ବ୍ୟବହାର କରି ଏକ ଅନନ୍ୟ ମୁଦି ପ୍ରସ୍ତୁତ କରିଛନ୍ତି ।
ମେରଟ୍ର ଗହଣା ବ୍ୟବସାୟୀ ତଥା ଡିଜାଇରନ୍ ହର୍ଷିତ୍ ବଂଶଲ୍ 12638 ହୀରାକୁ ଯୋଡି ଏକ ସୁନ୍ଦର ମୁଦି ପ୍ରସ୍ତୁତ କରିଛନ୍ତି । ମୁଦିଟି ପୂରା ଗେଣ୍ଡୁ ଫୁଲ ପରି ଦେଖିବାକୁ ହୋଇଛି । ଏହି ମୁଦିଟିକୁ ପ୍ରସ୍ତୁତ କରିବାକୁ ତିନି ବର୍ଷ ସମୟ ଲାଗିଛି ବୋଲି କହିଛନ୍ତି ହର୍ଷିତ୍ ।
ଦୁନିଆର ପ୍ରଥମ ବ୍ୟକ୍ତି ଭାବେ ହର୍ଷିତ୍ ଏକ ମୁଦିରେ ଏତେ ସଂଖ୍ୟାରେ ହୀରାକୁ ଯୋଡି ରଖିବାରେସଫଳ ହୋଇଛନ୍ତି । ହର୍ଷିତ୍ ଏହି ମୁଦି ପ୍ରସ୍ତୁତ କରି ପୂର୍ବରୁ ରେକର୍ଡ କରିଥିବା ହାଇଦ୍ରାବାଦର ଶ୍ରୀକାନ୍ତଙ୍କ ରେକର୍ଡକୁ ଭାଙ୍ଗିଛନ୍ତି । ଶ୍ରୀକାନ୍ତ 7ହଜାର 801 ହୀରା ବ୍ୟବହାର କରି ଏକ ମୁଦି ପ୍ରସ୍ତୁତ କରିଥିଲେ । କିନ୍ତ ହର୍ଷିତ୍ ଶ୍ରୀକାନ୍ତଙ୍କର ଏହି ରେକର୍ଡକୁ ଭାଙ୍ଗିବାରେ ସଫଳ ହୋଇଛନ୍ତି ।
ହର୍ଷିତଙ୍କ ଦ୍ବାରା ପ୍ରସ୍ତୁତ ଏହି ଅନନ୍ୟ ମୁଦିରେ 8ଟି ଲେୟାର ଅଛି । ପ୍ରତି ଲେୟାରରେ 138ଟି ପତ୍ର ରହିଛି । ମୁଦିରେ ବ୍ୟବହୃତ ସମସ୍ତ ହୀରା ବିଏସବିବିଏସ୍ର ମାନକ ପ୍ରାପ୍ତ ତଥା ଆଇଜିଆଇ ପ୍ରମାଣିତ ଅଟେ । ଏହି ମୁଦିର ନାମ ଦ ମ୍ୟାରିଗୋଲ୍ଡ ଡାଏମଣ୍ଡ ରିଙ୍ଗ୍ ହିଛି । ଏହାର ଓଜନ 165.450 ଗ୍ରାମ ରହିଛି । 25 ବର୍ଷୀୟ ହର୍ଷିତ୍ ଏହି ଅନନ୍ୟ ମୁଦି ଡିଜାଇନ୍ କରି ବିଶ୍ବ ଦରବାରରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି । (ଏଜେନ୍ସି)