Author: SM Network

ନୂଆଦିଲ୍ଲୀ: ଭାରତର ଭାଷାଗତ ଭୂଦୃଶ୍ୟ ବିଶ୍ୱର ସବୁଠାରୁ ବିବିଧ। ଏହି ବିଶାଳ ଦେଶରେ ୨୨ ଟି ଅନୁସୂଚିତ ଭାଷା ଏବଂ ଶହ ଶହ ଜନଜାତି ଏବଂ ଆଞ୍ଚଳିକ ଉପଭାଷା କୁହାଯାଏ। ଡିଜିଟାଲ୍ ପରିବର୍ତ୍ତନ ତ୍ୱରାନ୍ୱିତ ହେବା ସହିତ, ଏହି ଭାଷାଗତ ବିବିଧତାକୁ ଡିଜିଟାଲ୍ ଭିତ୍ତିଭୂମିରେ ସ୍ଥାପିତ କରିବାର ଆବଶ୍ୟକତା ଗୁରୁତ୍ୱପୂର୍ଣ୍ଣ ହୋଇପଡ଼ିଛି। ପ୍ରଯୁକ୍ତିବିଦ୍ୟା ଆଉ କେବଳ ଯୋଗାଯୋଗର ଏକ ମାଧ୍ୟମ ନୁହେଁ; ଏହା ଅନ୍ତର୍ଭୁକ୍ତିର ମେରୁଦଣ୍ଡ। ଭାରତ ସରକାର ସ୍କେଲେବଲ୍ ଭାଷା ସମାଧାନ ନିର୍ମାଣ ପାଇଁ କୃତ୍ରିମ ବୁଦ୍ଧିମତ୍ତା (ଏଆଇ), ପ୍ରାକୃତିକ ଭାଷା ପ୍ରକ୍ରିୟାକରଣ (ଏନଏଲପି), ମେସିନ୍ ଶିକ୍ଷଣ ଏବଂ ବାକ୍ ଚିହ୍ନଟ ଭଳି ଉନ୍ନତ ପ୍ରଯୁକ୍ତିବିଦ୍ୟାକୁ ଉପଯୋଗ କରୁଛନ୍ତି। ଏହି ପଦକ୍ଷେପଗୁଡ଼ିକ ନିର୍ବିଘ୍ନ ଯୋଗାଯୋଗ, ରିୟଲ୍ ଟାଇମ୍ ଅନୁବାଦ, ଭଏସ୍-ସକ୍ଷମ ଇଣ୍ଟରଫେସ୍ ଏବଂ ଲୋକାଲାଇଜ୍‌ଡ କଣ୍ଟେଣ୍ଟ ବିତରଣକୁ ସକ୍ଷମ କରି ଡିଜିଟାଲ୍ ସେବାଗୁଡ଼ିକର ପ୍ରବେଶକୁ ସରଳ କରିବା ଲକ୍ଷ୍ୟ ରଖିଛନ୍ତି। ଭାଷାଗତ ବିବିଧତାକୁ ସମ୍ମାନ କରୁଥିବା ଏକ ଦୃଢ଼ ପ୍ରଯୁକ୍ତିବିଦ୍ୟା…

ଭୁବନେଶ୍ୱର: ମାଧ୍ୟମିକ ଶିକ୍ଷକ ମାନଙ୍କର ବିଭିନ୍ନ ସମସ୍ୟା ଗୁଡ଼ିକୁ ସରକାର ତୁରନ୍ତ ସମାଧାନ କରନ୍ତୁ ବୋଲି ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ (ଓଷ୍ଟା)ର ସାଧାରଣ ସଂପାଦକ ରଞ୍ଜନ କୁମାର ଦାଶ ଏକ ପ୍ରେସ୍ ବିବୃତ୍ତି ମାଧ୍ୟମରେ ଜଣାଇଛନ୍ତି। ଆଜି ପର୍ଯ୍ୟନ୍ତ ଅନୁଦାନ ପାଇନଥିବା ବିଦ୍ୟାଳୟକୁ ଅନୁଦାନ ପ୍ରଦାନ, ନୂତନ ଅନୁଦାନ ପ୍ରାପ୍ତ ବିଦ୍ୟାଳୟର ଅବସର ନେଇଥିବା ଓ ନେବାକୁଥିବା ଶିକ୍ଷକ ଓ କର୍ମଚାରୀମାନଙ୍କୁ ଚାକିରି ସର୍ତ୍ତାବଳୀ ସହ ଅବସରକାଳୀନ ସୁବିଧା ସୁଯୋଗ ଇତ୍ୟାଦି ଦାବି ପୁରଣ ନିମନ୍ତେ ସରକାର ବାରମ୍ବାର ପ୍ରତିଶ୍ରୁତି ଦେଇ ଏହାକୁ ପାଳନ ନ କରିବା ଅତ୍ୟନ୍ତ ଦୁର୍ଭାଗ୍ୟଜନକ। ଏକ ଜନପ୍ରିୟ ସରକାର ଜନମଙ୍ଗଳ ରାଷ୍ଟ୍ରରେ ସବୁବର୍ଗର କର୍ମଚାରୀଙ୍କ କଥା ବିଚାର କରୁଥିବା ବେଳେ ଶିକ୍ଷକମାନଙ୍କ ପ୍ରତି ଏ ଅବିଚାର କାହିଁକି ବୋଲି ଶ୍ରୀଯୁକ୍ତ ଦାଶ ପ୍ରଶ୍ନ କରିଛନ୍ତି। ସୂଚନାଥାଉକି, ତା.୦୧.୦୧.୨୦୦୪ରିଖରେ ସରକାର ବ୍ଲକ୍‌ଗ୍ରାଣ୍ଟ ବ୍ୟବସ୍ଥା ପ୍ରଚଳନ କଲେ। ସେ ମଧ୍ୟରୁ ଅନେକ ବିଦ୍ୟାଳୟ ୧୯୮୪-୮୫ ମସିହାରୁ…

ନୂଆଦିଲ୍ଲୀ: କ୍ୟାବିନେଟ ସଚିବ ଡକ୍ଟର ଟି.ଭି. ସୋମନାଥନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଜାତୀୟ ବିପତ୍ତି ପରିଚାଳନା କମିଟି (ଏନସିଏମସି)ର ଜରୁରୀ ବୈଠକରେ ବଙ୍ଗୋପସାଗରରେ ଆସନ୍ନ ବାତ୍ୟାର ମୁକାବିଲା ନିମନ୍ତେ ପ୍ରସ୍ତୁତି ସମୀକ୍ଷା କରାଯାଇଛି। ଭାରତୀୟ ପାଣିପାଗ ବିଭାଗ (ଆଇଏମଡି) ପକ୍ଷରୁ ବଙ୍ଗୋପସାଗରରେ ସୃଷ୍ଟି ଅବପାତର ବର୍ତ୍ତମାନର ସ୍ଥିତି ସମ୍ପର୍କରେ କମିଟିକୁ ଅବଗତ କରାଯାଇଥିଲା। ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଥିବା ଏହି ଅବପାତ ବିଗତ 6 ଘଣ୍ଟା ମଧ୍ୟରେ ଘଣ୍ଟାପ୍ରତି 7 କିମି ବେଗରେ ପଶ୍ଚିମ ଦିଗକୁ ଗତି କରୁଛି। ଶନିବାର, 25 ତାରିଖ ପୂର୍ବାହ୍ନ ସାଢ଼େ 11ଟା ସୁଦ୍ଧା ଏହା ତାମିଲନାଡ଼ୁ ଚେନ୍ନାଇର ପୂର୍ବ-ଦକ୍ଷିଣ ପୂର୍ବ ଦିଗରେ 950 କିମି, ଆନ୍ଧ୍ରପ୍ରଦେଶର ବିଶାଖାପାଟଣାର ଦକ୍ଷିଣ ପୂର୍ବ ଦିଗରେ 960 କିମି, ଆନ୍ଧ୍ରପ୍ରଦେଶର କାକିନାଡ଼ାଠାରୁ ଦକ୍ଷିଣ ପୂର୍ବ ଦିଗରେ 970 କିମି ଏବଂ ଓଡ଼ିଶାର ଗୋପାଳପୁରଠାରୁ ଦକ୍ଷିଣ-ଦକ୍ଷିଣ ପୂର୍ବ ଦିଗରେ 1030 କିମି ଦୂରରେ ରହିଛି। ଏହା ପ୍ରାୟ ପଶ୍ଚିମ-ଉତ୍ତର-ପଶ୍ଚିମ ଦିଗକୁ ଗତି…

ଖୋର୍ଦ୍ଧା: ଶନିବାର ଅପରାହ୍ନରେ ଖୋର୍ଦ୍ଧା ବିଧାୟକ ପ୍ରଶାନ୍ତ କୁମାର ଜଗଦ୍ଦେବଙ୍କ ଅଧ୍ୟକ୍ଷତାରେ ଲୌହ ମାନବ ସର୍ଦ୍ଧାର ବଲ୍ଲଭ ଭାଇ ପଟେଲଙ୍କ ୧୫୦ ତମ ଜୟନ୍ତୀ ପାଳନ ଉପଲକ୍ଷେ ଏକତା ଅଖଣ୍ଡତା, ସମାନତା ପଦଯାତ୍ରା ଓ ଏକ ଭାରତ ଆତ୍ମନିର୍ଭର ଭାରତ ପାଇଁ ସର୍ଦ୍ଧାର ବଲ୍ଲଭ ଭାଇ ପଟେଲଙ୍କ ଆଦର୍ଶ ଓ ତ୍ୟାଗ କୁ ଉଜ୍ଜୀବିତ କରି ଏକ ସୁଦୃଢ ଅଖଣ୍ଡ ଭାରତ ନିର୍ମାଣ ପାଇଁ ବିଧାୟକ ଶ୍ରୀଯୁକ୍ତ ଜଗଦେବ ସାମ୍ବାଦିକ ମାନଙ୍କୁ ସୂଚନା ପ୍ରଦାନ କରିଥିଲେ। ଏହି ପବିତ୍ର ଜୟନ୍ତୀ ରେ ଆଗାମୀ ଅକ୍ଟୋବର ୩୧ ତାରିଖରୁ ନଭେମ୍ବର ୨୫ ତାରିଖ ପର୍ଯ୍ୟନ୍ତ ଭୁବନେଶ୍ୱର ସଂସଦୀୟ କ୍ଷେତ୍ର ରେ ଜାତି , ଧର୍ମ, ବର୍ଣ୍ଣ, ସମ୍ପ୍ରଦାୟ, ଲିଙ୍ଗ ଭେଦ ଭାବକୁ ଉର୍ଦ୍ଧରେ ରଖି ଭାଇଚାରା ସହ ସବୁବର୍ଗ, ଗୋଷ୍ଠୀ, ଜନପ୍ରତିନିଧି ମାନଙ୍କୁ ସାମିଲ କରାଇ ଭ୍ବନେଶ୍ୱର୍ ଏକାମ୍ର ବିଧାନ ସଭା ନିର୍ବାଚନ ମଣ୍ଡଳୀ, ଜୟଦେବ ନିର୍ବାଚନ ମଣ୍ଡଳୀ, ଖୋର୍ଦ୍ଧା ଓ ଚିଲିକା…

ଭୁବନେଶ୍ଵର: ଆୟୁର୍ବେଦ ମାଧ୍ୟମରେ ଯକୃତ ଏବଂ ପିତ୍ତପ୍ରଣାଳୀ ସମ୍ବନ୍ଧୀୟ ସୁସ୍ଥତା ଉପରେ ଏକ ଜାତୀୟ ସେମିନାର ଭୁବନେଶ୍ୱରସ୍ଥିତ ଆଇସିଏମ୍ଆର- ଆରଏମଆରସି ପ୍ରେକ୍ଷାଳୟରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ବହୁ ସ୍ୱାସ୍ଥ୍ୟ ବିଶେଷଜ୍ଞ ଏବଂ ବୈଜ୍ଞାନିକ ଅଂଶଗ୍ରହଣ କରିଛନ୍ତି। ଏହି ଦୁଇଦିନିଆ ସମ୍ମିଳନୀରେ ମୁଖ୍ୟତଃ ପାରମ୍ପରିକ ଆୟୁର୍ବେଦ ଚିକିତ୍ସା ପଦ୍ଧତି ସହିତ ସମସାମୟିକ ବୈଜ୍ଞାନିକ ଚିକିତ୍ସା ପଦ୍ଧତି ମଧ୍ୟରେ ସାମଞ୍ଜସ୍ୟକୁ ନେଇ ଆଲୋଚନା ହୋଇଛି। ଯକୃତ, ପିତ୍ତଶୟ, ପିତ୍ତନଳୀ, ଅଗ୍ନାଶୟ ସମ୍ବନ୍ଧୀୟ ରୋଗ ଚିକିତ୍ସା କ୍ଷେତ୍ରରେ ବୈଜ୍ଞାନିକ ଗବେଷଣା, ଆୟୁର୍ବେଦ ଚିକିତ୍ସା ପଦ୍ଧତିର ଲାଭ ଏବଂ ଆଧୁନିକ ଚିକିତ୍ସା ବିଜ୍ଞାନ ସହ ଏହାର ସମନ୍ୱୟକୁ ନେଇ ବିଚାରବିମର୍ଶ କରାଯାଇଛି। ଭୁବନେଶ୍ୱରସ୍ଥିତ କେନ୍ଦ୍ରୀୟ ଆୟୁର୍ବେଦ ଗବେଷଣା ପ୍ରତିଷ୍ଠାନ ଏବଂ ଆରଏମଆରସିର ମିଳିତ ସହଯୋଗରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଛି।

ଭୁବନେଶ୍ଵର: ରାଜସ୍ବ ଏବଂ ବିପର୍ଯ୍ୟୟ ପରିଚାଳନା ମନ୍ତ୍ରୀ ବଙ୍ଗୋପସାଗରରେ ସୃଷ୍ଟ ସମ୍ଭାବ୍ୟ ବାତ୍ୟାର ମୁକାବିଲା ପ୍ରସ୍ତୁତି ସମୀକ୍ଷା କରିଛନ୍ତି। ଭୁବନେଶ୍ବର ରାଜୀବ ଭବନରେ ଆୟୋଜିତ ଗୁରୁତ୍ବପୂର୍ଣ୍ଣ ବୈଠକରେ ରାଜ୍ୟ ପ୍ରଶାସନର ବରିଷ୍ଠ ଅଧିକାରୀ ଏବଂ ପ୍ରଭାବିତ ହେବାକୁ ଥିବା ଜିଲ୍ଲାର ଜିଲ୍ଲାପାଳମାନେ ଯୋଗ ଦେଇଥିଲେ। ବାତ୍ୟା ମୁକାବିଲା ପାଇଁ ଆଗୁଆ ପ୍ରସ୍ତୁତ ରହିବା ଲାଗି ରାଜସ୍ବ ମନ୍ତ୍ରୀ ବିଭାଗୀୟ ଅଧିକାରୀ ଏବଂ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି।

ଭୁବନେଶ୍ଵର: କାର୍ତ୍ତିକମାସ ଶୁକ୍ଳପକ୍ଷ ଏକାଦଶୀ ବା ପଞ୍ଚୁକ ଏକାଦଶୀ ତିଥିରେ କେନ୍ଦ୍ରାପଡ଼ାର ଆରାଧ୍ୟ ଶ୍ରୀବଳଦେବ ଜିଉଙ୍କ ପ୍ରଳମ୍ଭାସୁର ସଂହାର ବେଶ ଅନୁଷ୍ଠିତ ହେବ। ଏଥିପାଇଁ ପୁରୀ ଶ୍ରୀମନ୍ଦିରରୁ ପାଟବସ୍ତ୍ର ଆସିଛି। ଶ୍ରୀଜଗନ୍ନାଥ ବଡ଼ଭାଇ ଶ୍ରୀବଳଦେବଙ୍କ ପାଇଁ ପାଟବସ୍ତ୍ର ପଠାଇବାର ପରମ୍ପରା ଗତ ୧୫ବର୍ଷ ଧରି କ୍ରମାଗତ ଭାବେ ଚାଲି ଆସିଛି। ମାଦଳା ପାଞ୍ଜିରେ ଏହି ପରମ୍ପରାର ଉଲ୍ଲେଖ ରହିଛି। ତେବେ ଗତ କେତେବର୍ଷ ହେବ ଏହାକୁ ବନ୍ଦ କରି ଦିଆଯାଇଥିଲା। ଗଜପତି ମହାରାଜା ଓ ଶ୍ରୀମନ୍ଦିର ପ୍ରଶାସକଙ୍କ ଉଦ୍ୟମକ୍ରମେ ଏହାକୁ ପୁନର୍ବାର ଆରମ୍ଭ କରାଯାଇଥିଲା। ଚଳିତବର୍ଷ ଶ୍ରୀମନ୍ଦିରର ସହକାରୀ ପ୍ରଶାସକ ଡକ୍ଟର ପ୍ରଭୁ ପୀୟୁଷମହାପାତ୍ରଙ୍କ ନେତୃତ୍ବରେ ୪ଜଣିଆ ଦଳ ୩ଟି ପାଟବସ୍ତ୍ର ଧରି ତୁଳସୀକ୍ଷେତ୍ରରେ ପହଞ୍ଚିଛନ୍ତି। ଏହି ପାଟବସ୍ତ୍ରକୁ ଶ୍ରୀବଳଦେବଜିଉ ଦେବୋତ୍ତର ସଂସ୍ଥା କାର୍ଯ୍ୟାଳୟରେ ହସ୍ତାନ୍ତର କରାଯାଇଛି। ଶ୍ରୀବଳଦେବ ଜିଉଙ୍କ ପାଇଁ ଘନନୀଳ ପାଟବସ୍ତ୍ର, ମା ସୁଭଦ୍ରାଙ୍କ ପାଇଁ ଲାଲ୍ ପାଟବସ୍ତ୍ର ଏବଂ ଶ୍ରୀଜଗନ୍ନାଥଙ୍କ ପାଇଁ ହଳଦିଆ ପାଟବସ୍ତ୍ର ଆସିଛି। ଆସନ୍ତା…

ମେଷ- ବନ୍ଧୁ ଏବଂ ସମ୍ପର୍କୀୟଙ୍କୁ ସମର୍ଥନ କରିବାକୁ ସମର୍ଥ ହେବେ। ଆପଣ ସାମାଜିକ ସ୍ତରରେ ସମ୍ମାନ ପାଇବ। ବନ୍ଦ ହୋଇଥିବା କାର୍ଯ୍ୟ ସମାପ୍ତ ହେବ। ଏକ ନୂତନ ଯୋଜନା ପ୍ରସ୍ତୁତ ହେବ। ଅର୍ଥନୈତିକ କ୍ଷେତ୍ରରେ ଉନ୍ନତି ହେବ। ନୂତନ କାମ ପାଇବେ। ଆୟ ବୃଦ୍ଧି ପାଇବ, ଖୁସି ହେବ। ନୂତନ ଲୋକ ପରିଚିତ ହେବେ। ସାଙ୍ଗମାନଙ୍କଠାରୁ ସମର୍ଥନ ପାଇବ। ପରିବାର ପାଇଁ ଚିନ୍ତା ହେବ। ବୃଷ- ବରିଷ୍ଠମାନଙ୍କ ପରାମର୍ଶକୁ ଅନୁସରଣ କରନ୍ତୁ, ସେଠାରେ ଲାଭ ହେବ। ବିପଦ ଏବଂ ବନ୍ଧକ କାର୍ଯ୍ୟରୁ ଦୂରେଇ ରୁହନ୍ତୁ। ଆଇନଗତ ପ୍ରତିବନ୍ଧକ ସାମ୍ନା କରି ପାରନ୍ତି, ବ୍ୟସ୍ତ ହୁଅନାହିଁ। ମୂଲ୍ୟବାନ ସାମଗ୍ରୀକୁ ସୁରକ୍ଷିତ ରଖନ୍ତୁ। ଚିନ୍ତା ରହିବ। ବ୍ୟବସାୟ ଭଲ କରିବ। ବକ୍ତବ୍ୟରେ ହାଲୁକା ଶବ୍ଦ ବ୍ୟବହାର କରିବା ଠାରୁ ଦୂରେଇ ରୁହନ୍ତୁ। ଏକ ଅପଚୟ ହେବ। ଅସଂଗଠିତତା କ୍ଷତି ଘଟାଇବ। ମିଥୁନ- ଭ୍ରମଣ ଲାଭଦାୟକ ହେବ। ଅଟକି ରହିଥିବା ଟଙ୍କା ଧରିବାକୁ ଚେଷ୍ଟା କରନ୍ତୁ। ବ୍ୟବସାୟ ଅନୁକୂଳ…

ଭୁବନେଶ୍ଵର: ଆସନ୍ତା ନଭେମ୍ବର ୧୧ ତାରିଖରେ ନୂଆପଡ଼ା ବିଧାନସଭା ମଣ୍ଡଳୀରେ ଉପ-ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଏହାକୁ ଦୃଷ୍ଟିରେ ରଖି ରାଜ୍ୟ ପୋଲିସ ମହାନିର୍ଦ୍ଦେଶକ ଯୋଗେଶ ବାହାଦୁର ଖୁରାନିଆ ଆଜି ନୂଆପଡା ଜିଲ୍ଲା ଗସ୍ତ କରି ନିର୍ବାଚନ ସମ୍ପର୍କିତ ପୋଲିସ୍ ସୁରକ୍ଷା ବ୍ୟବସ୍ଥାର ସମୀକ୍ଷା କରିଛନ୍ତି। ନିର୍ବାଚନ ସମୟରେ ପୋଲିସକୁ ସଜାଗ ଓ ତତ୍ପର ରହିବାକୁ ବରିଷ୍ଠ ପୋଲିସ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଛନ୍ତି। ଡିଜିପି ଶ୍ରୀ ଖୁରାନିଆ ପ୍ରଥମେ ଓଡ଼ିଶା ଛତିଶଗଡ ସୀମାନ୍ତରେ ଅବସ୍ଥିତ ସୁନାବେଡା ଓ ଦାତୁନାମା CRPF କ୍ୟାମ୍ପ ଓ ପରେ ଜାମଙ୍ଗା ରେ ଅବସ୍ଥିତ IR ବାଟାଲିୟନ କ୍ୟାମ୍ପ ପରିଦର୍ଶନରେ ଯାଇ ସେଠାରେ ମୃତୟନ ଥିବା ଅର୍ଦ୍ଧ ସାମରିକ ବଳ ତଥା ଓଡିଶା ପୋଲିସର ବରିଷ୍ଠ ଅଧିକାରୀ ଓ ଯବାନ ମାନଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ। କଠିନ ପରିଶ୍ରମ ନିମନ୍ତେ ସେମାନଙ୍କୁ ଉତ୍ସାହିତ କରିବା ସହ ଉପନିର୍ବାଚନ ନିମନ୍ତେ ପ୍ରସ୍ତୁତ ଓ ସଜାଗ…

ଭୁବନେଶ୍ୱର: ଆଇନ୍ ଏବଂ ସାହିତ୍ୟ ଦୁଇଟିର ଅଲଗା ଅଲଗା ବୈଶିଷ୍ଟ୍ୟ ରହିଛି ଏବଂ ଏହାର ଦିଗ ମଧ୍ୟ ଭିନ୍ନ। କିନ୍ତୁ ଏ ଦୁଇଟି ବୈଶିଷ୍ଟ୍ୟ ମଧ୍ୟରେ ଏକ ଅତୁଟ ସମ୍ପର୍କ ରହିଛି ବୋଲି ଶନିବାର କହିଛନ୍ତି ଓଡ଼ିଶା ହାଇକୋର୍ଟର ବିଚାରପତି ନ୍ୟାୟମୂର୍ତ୍ତି ଶିବୋ ଶଙ୍କର ମିଶ୍ର। ଆଇନ୍ ହେଉଛି ଏଭଳି ଏକ ଅନୁଶାସନ ଯାହାକି ମଣିଷର ଆଚରଣ ଓ ବ୍ୟବହାରକୁ ନିୟନ୍ତ୍ରଣ କରିଥାଏ। ଅନ୍ୟ ଦିଗରେ ସାହିତ୍ୟ ମଣିଷର ବ୍ୟବହାରର ପ୍ରତିଫଳନ ବୋଲି ନ୍ୟାୟମୂର୍ତୀ ମିଶ୍ର କହିଛନ୍ତି। ଶିକ୍ଷା ଓ ଅନୁସନ୍ଧାନ (ସୋଆ) ବିଶ୍ୱବିଦ୍ୟାଳୟରେ ସୋଆ ବକ୍ତୃତାମାଳା କାର୍ଯ୍ୟକ୍ରମରେ ଯୋଗ ଦେଇ ଛାତ୍ରଛାତ୍ରୀ ଓ ଫ୍ୟାକଲ୍ଟିଙ୍କୁ ସମ୍ବୋଧିତ କରି ଏହା କହିଛନ୍ତି ନ୍ୟାୟମୂର୍ତ୍ତି ମିଶ୍ର। ଲେଖା, ଗଳ୍ପ କଥନ, ଚିତ୍ରକଳା ଏବଂ ନାଟକ ମାଧ୍ୟମରେ ସାହିତ୍ୟର ପ୍ରତିଫଳନ ହୋଇଥାଏ। ସେହିପରି ସାହିତ୍ୟ ଭିତରେ ମଧ୍ୟ ଆଇନ୍‌ର ସନ୍ଧାନ ମିଳିଥାଏ ବୋଲି ସେ କହିଛନ୍ତି। ବ୍ୟାସକବି ଫକୀରମୋହନ ସେନାପତିଙ୍କ ଉତ୍କୃଷ୍ଟ ରଚନା “ଛ’…

ନୂଆଦିଲ୍ଲୀ: ମାର୍ଚ୍ଚ 2026 ସୁଦ୍ଧା ଦେଶକୁ ସମ୍ପୂର୍ଣ୍ଣ ନକ୍ସଲ ମୁକ୍ତ କରିବାର ଦୃଢ଼ସଂକଳ୍ପ ନେଇ କେନ୍ଦ୍ର ସରକାର ଏକ ବ୍ୟାପକ ରଣନୀତି ପ୍ରସ୍ତୁତ କରିଛନ୍ତି। ଆଲୋଚନା, ସୁରକ୍ଷା ଏବଂ ସମନ୍ୱୟର ଏକୀକୃତ ନୀତି ଆପଣାଇ ସରକାର ଆଇନର ପ୍ରଭାବୀ କାର୍ଯ୍ୟକାରିତା, କ୍ଷମତା ନିର୍ମାଣ ଏବଂ ସାମାଜିକ ସମନ୍ୱୟ ଉପରେ ନିରନ୍ତର ଧ୍ୟାନ ଦେଉଛନ୍ତି। ଏହାର ପ୍ରଭାବରେ ଦେଶରେ ନକ୍ସଲ ହିଂସାରେ ଉଲ୍ଲେଖନୀୟ ହ୍ରାସ ଦେଖା ଦେଇଛି। 2014ରୁ 2024 ମଧ୍ୟରେ ଦେଶରେ ନକ୍ସଲ ହିଂସା ଘଟଣା 16,463ରୁ ହ୍ରାସ ପାଇ 7,744 ରେ ପହଞ୍ଚିଛି। ଏହି ସମୟ ମଧ୍ୟରେ ନକ୍ସଲଙ୍କ ସହ ମୁକାବିଲାରେ ସହିଦ ହେଉଥିବା ସୁରକ୍ଷାକର୍ମୀଙ୍କ ସଂଖ୍ୟା 1,851 ରୁ କମି 509 ରେ ପହଞ୍ଚିଛି। ନକ୍ସଲ ଆକ୍ରମଣରେ ମୃତ୍ୟୁବରଣ କରୁଥିବା ସାଧାରଣ ନାଗରିକଙ୍କ ସଂଖ୍ୟା ମଧ୍ୟ 4,766 ରୁ ହ୍ରାସ ପାଇ 1,495 ରେ ପହଞ୍ଚିଛି। କେବଳ 2025ରେ ସୁରକ୍ଷା କର୍ମୀଙ୍କ କାର୍ଯ୍ୟାନୁଷ୍ଠାନରେ 270 ନକ୍ସଲ ନିହତ ହେବା…

ଭୁବନେଶ୍ୱର: ଥଣ୍ଡା, କାଶ ଓ ଜ୍ୱର ସହିତ ନିଶ୍ୱାସ ନେବାରେ କଷ୍ଟ ଅନୁଭବ କରିବା ସମସ୍ୟା ନେଇ ୯ ମାସର ଶିଶୁ ପୁତ୍ରକୁ ତା’ର ପିତାମାତା ଇନ୍‌ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍‌ସେସ୍ ଆଣ୍ଡ ସମ ହସ୍ପିଟାଲ୍‌ରେ ଚିକିତ୍ସା ନିମନ୍ତେ ଭର୍ତ୍ତି କରାଇଥିଲେ। ରାୟଗଡ଼ା ଜିଲ୍ଲା ନିବାସୀ ଅନୀଲ ପଲେଇ ଓ ତାଙ୍କ ପତ୍ନୀ ବର୍ଷା ପଲେଇଙ୍କ ୯ ମାସର ଶିଶୁ ପୁତ୍ର ଜନ୍ମ ହେବା ପର ଠାରୁ ହିଁ ଅନବରତ ଥଣ୍ଡା, କାଶ ଓ ଜ୍ୱରରେ ପୀଡ଼ିତ ରହୁଥିଲା। ଯାହା ଫଳରେ ଶିଶୁଟିକୁ ନିଃଶ୍ୱାସ ପ୍ରଶ୍ୱାସ ନେବାରେ ଅସୁବିଧା ଦେଖାଦେଇଥିଲା। ଉଭୟ ମାତା ପିତା ଶିଶୁ ପୁତ୍ରର ଚିକିତ୍ସା ନିମନ୍ତେ ବିଭିନ୍ନ ଡାକ୍ତରଖାନାରେ ଚିକିତ୍ସା କରାଇବା ସତ୍ୱେ ଶିଶୁର ସ୍ୱାସ୍ଥ୍ୟାବସ୍ଥାରେ କୌଣସି ଉନ୍ନତି ପରିଲକ୍ଷିତ ହୋଇ ନଥିଲା। ଶେଷରେ ଶିଶୁଟିର ପିତାମାତା ସେପ୍ଟେମ୍ବର ୧୨ ତାରିଖ ଦିନ ଭୁବନେଶ୍ୱର ସ୍ଥିତ ଆଇଏମ୍‌ଏସ୍ ଆଣ୍ଡ ସମ୍ ହସ୍ପିଟାଲ୍‌ରେ ଚିକିତ୍ସା ନିମନ୍ତେ ଭର୍ତି କରାଇଥିଲେ।…

ଖୋର୍ଦ୍ଧା: ଭାରତୀୟ ପାଣିପାଗ ସୂଚନା ଅନୁଯାୟୀ ବଙ୍ଗୋପ ସାଗରରେ ସୃଷ୍ଟି ହୋଇଥିବା ଲଘୁଚାପ ୨୫ ତାରିଖର ଅବପାତ ଓ ୨୬ ତାରିଖ ରେ ଗଭୀର ଅବପାତ ରୂପ ନେଇ ଆସନ୍ତା ଅକ୍ଟୋବର ୨୭ ତାରିଖରେ ବାତ୍ୟା ରୂପ ନେବାର ସମ୍ଭାବନା ରହିଛି। ଏହା ଦ୍ଵାରା ଖୋର୍ଦ୍ଧା ଜିଲ୍ଲାରେ ଏହାର ପ୍ରଭାବରେ ବିଜୁଳି ଘଡଘଡି ସହ ବର୍ଷା ହେବାର ସମ୍ଭାବନା ଅଛି। ଏହି ପରିପ୍ରେକ୍ଷୀରେ ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ ଅମ୍ରିତ୍ ଋତୁରାଜ ଅଭାଷି ମାଧ୍ୟମରେ ଜିଲ୍ଲାର ପ୍ରଶାସନିକ ଅଧିକାରୀ, ବିଭିନ୍ନ ବିଭାଗର ଅଧିକାରୀ, ବିଭିନ୍ନ ଲାଇନ୍ ଡିପାର୍ଟମେଣ୍ଟ ଅଧିକାରୀ, ବି ଡି ଓ, ତହସିଲଦାର, ସ୍ଵାସ୍ଥ୍ୟ, ଶିକ୍ଷା, ଗମନାଗମନ, ବିଦ୍ୟୁତ୍ ବିଭାଗ, ଅଗ୍ନିଶମ ସେବା ବିଭାଗ, ପାନୀୟ ଜଳ ବିଭାଗ, ବେସାମରିକ ଯୋଗାଣ ବିଭାଗ, ପୌର ପରିଷଦ, ବିଜ୍ଞାପିତ ଅଞ୍ଚଳ ପରିଷଦ ଭଳି ସମସ୍ତ ଅତ୍ୟାବଶ୍ୟକ ବିଭାଗର ଅଧିକାରୀ ମାନେ ସେମାନଙ୍କ ଅଧୀନ କର୍ମଚାରୀ ଓ ଅଧସ୍ତନ ଅଧିକାରୀ ମାନଙ୍କୁ ବାତ୍ୟା…

ଭୁବନେଶ୍ଵର: ଯାତ୍ରୀଙ୍କ ସୁବିଧା ପାଇଁ ଏବଂ ଆଗାମୀ କାଳୀ ପୂଜା ଏବଂ ଉର୍ସ ସମାରୋହ ଅବସରରେ ସୁଗମ ଭିଡ଼ ପରିଚାଳନା ସୁନିଶ୍ଚିତ କରିବା ପାଇଁ, କେନ୍ଦୁଆପଦା ଷ୍ଟେସନରେ ଛଅ ଯୋଡ଼ା ଏକ୍ସପ୍ରେସ୍ ଟ୍ରେନ୍‌ ଏବଂ ପାଞ୍ଚ ଯୋଡ଼ା ପାସେଞ୍ଜର ଟ୍ରେନ୍‌ ପାଇଁ ଅସ୍ଥାୟୀ ରହଣି ବ୍ୟବସ୍ଥା କରାଯିବ। ଏହି ରହଣି ୨୭ ଅକ୍ଟୋବରରୁ ୩୦ ଅକ୍ଟୋବର ୨୦୨୫ ପର୍ଯ୍ୟନ୍ତ ପ୍ରଭାବଶାଳୀ ରହିବ। ଏକ୍ସପ୍ରେସ୍ ଟ୍ରେନ୍‌ ଉଲ୍ଲେଖିତ ସମୟ ମଧ୍ୟରେ ନିମ୍ନଲିଖିତ ଏକ୍ସପ୍ରେସ୍‌ ଟ୍ରେନ୍‌ଗୁଡ଼ିକ କେନ୍ଦୁଆପଦାରେ ଅସ୍ଥାୟୀ ଭାବରେ ରହଣି କରିବ: * ୧୨୮୯୧ ବାଙ୍ଗିରିପୋଷି-ଭୁବନେଶ୍ୱର ସୁପରଫାଷ୍ଟ ଏକ୍ସପ୍ରେସ୍‌ ୨୭ ରୁ ୩୦ ଅକ୍ଟୋବର ୨୦୨୫ ପର୍ଯ୍ୟନ୍ତ ରହଣି କରିବ। ଏହା ୦୭:୫୫ ଘଟିକାରେ ପହଞ୍ଚିବ ଏବଂ ୦୭:୫୭ ଘଟିକାରେ ପ୍ରସ୍ଥାନ କରିବ। ୧୨୮୯୨ ଭୁବନେଶ୍ୱର-ବାଙ୍ଗିରିପୋଷି ସୁପରଫାଷ୍ଟ ଏକ୍ସପ୍ରେସ୍ ସେହି ସମୟ ଅବଧି ମଧ୍ୟରେ ୧୯:୧୪ ଘଟିକାରେ ପହଞ୍ଚିବ ଏବଂ ୧୯:୧୬ ଘଟିକାରେ ପ୍ରସ୍ଥାନ କରିବ। * ୧୨୭୦୩ ହାଓଡ଼ା-ସିକନ୍ଦରାବାଦ ଫଲକନୁମା ଏକ୍ସପ୍ରେସ୍…

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁରସ୍ଥିତ ଗୋଦାବରୀଶ ମହାବିଦ୍ୟାଳୟର ମନସ୍ତତ୍ତ୍ୱ ବିଭାଗ ପକ୍ଷରୁ ଆଜି “ଫରେନ୍ସିକ୍ ମନସ୍ତତ୍ତ୍ୱ: ଅସମାପ୍ତ ସମସ୍ୟାଗୁଡ଼ିକୁ ବୁଝାନ୍ତୁ” ବିଷୟରେ ଏକ ଅନ୍ତର୍ଦୃଷ୍ଟିପୂର୍ଣ୍ଣ ସେମିନାର ଅନୁଷ୍ଠିତ ହୋଇଯାଇଅଛି। ଏହି କାର୍ଯ୍ୟକ୍ରମର ଲକ୍ଷ୍ୟ ଥିଲା ମନସ୍ତତ୍ତ୍ୱ ଏବଂ ଆଇନ ମଧ୍ୟରେ ଜଟିଳ ସମ୍ପର୍କ ଅନୁସନ୍ଧାନ କରିବା, ଅପରାଧିକ ଆଚରଣର ମନସ୍ତତ୍ତ୍ୱିକ ଦିଗ ଏବଂ ଫରେନ୍ସିକ୍ ଦ୍ୱନ୍ଦ୍ୱ ସମାଧାନରେ ଚ୍ୟାଲେଞ୍ଜ ଉପରେ ଧ୍ୟାନ କେନ୍ଦ୍ରିତ କରିବା। ଉକ୍ତ ସେମିନାରକୁ ମହାବିଦ୍ୟାଳୟ ଅଧ୍ୟକ୍ଷ ଡକ୍ଟର ଏସ୍.ପି.ଏନ୍.ଏସ୍. ବର୍ମା ଉଦଘାଟନ କରିଥିବା ବେଳେ ମନସ୍ତତ୍ତ୍ୱ ବିଭାଗର ମୁଖ୍ୟ ସୁଜିତ କୁମାର ପାଣ୍ଡେ ଅଧ୍ୟକ୍ଷତା କରିଥିଲେ। ଏଥିରେ ମୁଖ୍ୟ ବକ୍ତା ଭାବେ ରାଜ୍ୟ ଫରେନ୍ସିକ୍ ଲାବୋରେଟୋରୀ, ସିଆଇଡି କ୍ରାଇମ୍ ବ୍ରାଞ୍ଚର ବୈଜ୍ଞାନିକ ଅଧିକାରୀ ସମ୍ପିତ ମହାନ୍ତି ଯୋଗଦେଇ ଅପରାଧ ତଦନ୍ତରେ ଫରେନ୍ସିକ୍ ମନସ୍ତତ୍ତ୍ୱର ଭୂମିକା ବିଷୟରେ ଛାତ୍ରଛାତ୍ରୀ ଙ୍କୁ ବିସ୍ତୃତ ଭାବେ ବୁଝାଇଥିଲେ। ମନୋବିଜ୍ଞାନର ଛାତ୍ରଛାତ୍ରୀମାନଙ୍କ ସହିତ ଅନ୍ୟ ବିଭାଗ ଗୁଡ଼ିକର ଛାତ୍ରଛାତ୍ରୀମାନେ ମଧ୍ୟ ଉତ୍ସାହର ସହିତ…

ନୂଆଦିଲ୍ଲୀ: ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌରେ ଏକ ଅଭାବନୀୟ ଘଟଣା ଘଟିଛି। ୧୫ ଅକ୍ଟୋବର ରାତିରେ ଜଣେ ୧୮ ବର୍ଷୀୟା ଦ୍ୱାଦଶ ଶ୍ରେଣୀ ଛାତ୍ରୀଙ୍କ ସହିତ ଏକ ବଡ ଅଘଟଣ ଘଟିଛି। ଲିଫ୍ଟ ଦେବା ବାହାନାରେ ଏକ କାରରେ ଥିବା ଯୁବକମାନେ ତାଙ୍କୁ ଜୋରଜବରଦସ୍ତ ନିଜ କାର ଭିତରକୁ ନେଇଯାଇଥିଲେ, ତାଙ୍କୁ ଚା’ ରେ ନିଶା ଦେଇ ବେହୋସ କରି ଦେଇଥିଲେ ଏବଂ ପରେ ଗଣ ଦୁଷ୍କର୍ମ କରିଥିଲେ। ଏହି ମାମଲାରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି ଏବଂ ଦୁଇ ଅଭିଯୁକ୍ତଙ୍କୁ ଗିରଫ କରିଛି। ଅନ୍ୟ ଜଣେ ଅଭିଯୁକ୍ତ ଫେରାର ହୋଇଯାଇଛି। ସୂଚନା ଅନୁଯାୟୀ, ପୀଡିତାଜଣଙ୍କ ୧୫ ଅକ୍ଟୋବରରେ ପରିବାର ସହ ମନୋମାଳିନ୍ୟ ହୋଇ ଘରୁ ବାହାରିଥିଲେ। ତାଙ୍କ ବନ୍ଧୁଙ୍କ ସହିତ ଗୋଟିଏ ଦିନ ଯାତ୍ରା କରିବା ପରେ, ସେ ଅଟୋ-ରିକ୍ସାରେ ବିଳମ୍ବିତ ରାତିରେ ଘରକୁ ଫେରୁଥିଲେ। ଖୁରମନଗର ନିକଟରେ ଅଟୋ-ରିକ୍ସା ଚାଳକ ତାଙ୍କ ରାସ୍ତା ଭୁଲିଗଲେ ଏବଂ ଛାତ୍ରୀ ଜଣକ…

ନୂଆଦିଲ୍ଲୀ: ରୋହିତ ଶର୍ମା ଏବଂ ବିରାଟ କୋହଲି କ’ଣ ୨୦୨୭ ବିଶ୍ୱକପ୍ ଖେଳିବେ? ଏହା ଏକ ବଡ ଚର୍ଚ୍ଚିତ ପ୍ରଶ୍ନ ହୋଇ ରହିଛି, କିନ୍ତୁ ସିଡନୀରେ ଟିମ୍ ଇଣ୍ଡିଆର ବିଜୟ ପରେ, ଉଭୟ କିମ୍ବଦନ୍ତୀ କ୍ରିକେଟର ଅଷ୍ଟ୍ରେଲିଆକୁ ବିଦାୟ କହିଛନ୍ତି। ଅଷ୍ଟ୍ରେଲିଆ ମାଟିରେ ସେମାନଙ୍କର ଶେଷ ଭାଷଣ ବହୁତ ଭାବପ୍ରବଣ ଥିଲା। ଉଭୟ ଅଷ୍ଟ୍ରେଲିଆରେ ସେମାନଙ୍କର ଅତୀତର ସ୍ମୃତିକୁ ମନେ ପକାଇଥିଲେ। ରୋହିତ ଏହି ମ୍ୟାଚ୍‌ରେ ୧୨୧ ରନ୍ ଏବଂ ବିରାଟ ୭୪ ରନ୍ କରିଥିଲେ। ସେମାନଙ୍କର ଇନିଂସ ଭାରତକୁ ୯ ୱିକେଟରେ ମ୍ୟାଚ୍ ଜିତିବାରେ ସାହାଯ୍ୟ କରିଥିଲା। ଉଭୟ ଏହା ମଧ୍ୟ ସ୍ୱୀକାର କରିଛନ୍ତି ଯେ, ସେମାନେ ଆଉ କେବେ ଅଷ୍ଟ୍ରେଲିଆରେ ଖେଳିବାକୁ ଆସିନପାରନ୍ତି। ମ୍ୟାଚ୍ ପରେ ରୋହିତ ଏବଂ ବିରାଟ କ’ଣ କହିଥିଲେ ଜାଣନ୍ତୁ? ରୋହିତ ଶର୍ମା କହିଛନ୍ତି ଯେ, “ମୁଁ ସିଡନୀ ଆସି ଖେଳିବାକୁ ବହୁତ ଭଲ ଲାଗେ। ୨୦୦୮ (ରୋହିତଙ୍କ ପ୍ରଥମ ଅଷ୍ଟ୍ରେଲିଆ ଗସ୍ତ)ର ସେହି…

ଖୋର୍ଦ୍ଧା: ଆଜି ପୂର୍ବାହ୍ନରେ ଓଡ଼ିଶା ବିଦ୍ୟାଳୟ ଶିକ୍ଷ୍ୟା କାର୍ଯ୍ୟକ୍ରମ ପ୍ରାଧିକରଣ (ଓସେପା) ଭୁବନେଶ୍ୱରଙ୍କ ନିର୍ଦ୍ଦେଶକ୍ରମେ ଖୋର୍ଦ୍ଧା ଜିଲ୍ଲା ଶିକ୍ଷା ଅଧିକାରୀ ସୋନାମିକା ରାୟଙ୍କ ତତ୍ତ୍ଵାବଧାନରେ ସମଗ୍ର ଶିକ୍ଷା, ଖୋର୍ଦ୍ଧା ଆନୁକୁଲ୍ୟରେ ଅନ୍ତଃ ନିବେଶି ଶିକ୍ଷା ବିଭାଗ ଆନୁକୂଲ୍ୟରେ ସଂଯୋଯିକା ପୁଷ୍ପମିତ୍ର ମିଶ୍ର ଙ୍କ ପୌରହିତ୍ୟରେ ପି ଏମ ଶ୍ରୀ ସରକାରୀ ବାଳିକା ଉଚ୍ଚ ବିଦ୍ୟାଳୟ, ଖୋର୍ଦ୍ଧା ର ନାଲି ରଙ୍ଗର ଗଣ ବେଶ ପରିଧାନ କରିଥିବା ସମସ୍ତ ଛାତ୍ରୀ ମାନଙ୍କୁ ନେଇ ଶିକ୍ଷଣ ଅକ୍ଷମତା ଉପରେ ଏକ ପଦଯାତ୍ରା ଅୟୋଜନ କରଯାଇଥିଲା। ଏହି ପଦଯାତ୍ରା କୁ ଜିଲ୍ଲା ସୁଚନା ଓ ଲୋକ ସେବା ସମ୍ପର୍କ ଅଧିକାରୀ ଲକ୍ଷ୍ମଣ କୁମାର ବେହେରା, ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ଶର୍ମିଷ୍ଠା ଜେନା, ଓ ସଂଯୋଜିକା ଶ୍ରୀମତି ପୁଷ୍ପମିତ୍ର ମିଶ୍ର ପତାକା ଦେଖାଇ ଶୁଭ ଉଦ୍ଘାଟନ କରିଥିଲେ। ଏହା ପୂର୍ବରୁ ସରକାରୀ ବାଳିକା ଉଚ୍ଚ ବିଦ୍ୟାଳୟ, ଖୋର୍ଦ୍ଧାର ପରିସର ମଧ୍ୟରେ ସମସ୍ତ ଛାତ୍ରୀ ମାନଙ୍କ ପ୍ରାର୍ଥନା ସଭାରେ…

ନୂଆଦିଲ୍ଲୀ: ଆଜି ସିଡ଼ିନି କ୍ରିକେଟ ଗ୍ରାଉଣ୍ଡରେ ଭାରତ-ଅଷ୍ଟ୍ରେଲିଆ ମଧ୍ୟରେ ତୃତୀୟ ତଥା ଅନ୍ତିମ ଦିନିକିଆ ମ୍ୟାଚ ଖେଳାଯାଇଛି। ଏହି ମ୍ୟାଚରେ ରୋହିତ-କୋହିଲିଙ୍କ ଚମତ୍କାର ଇନିଂସ ବଳରେ ଭାରତ ଅଷ୍ଟ୍ରେଲିଆକୁ ୯ ୱିକେଟରେ ପରାସ୍ତ କରିଛି। ରୋହିତ ଶର୍ମା ଶତକୀୟ ପାଳି ଖେଳିଥିବା ବେଳେ ବିରାଟ କୋହିଲି ଅର୍ଦ୍ଧଶତକୀୟ ପାଳି ଖେଳିଛନ୍ତି। ଉଭୟ ଖେଳାଳି ଶେଷ ପର୍ଯ୍ୟନ୍ତ ଅପରାଜିତ ରହି ମ୍ୟାଚକୁ ଏକପାଖିଆ କରିଛନ୍ତି। ରୋହିତ ଶର୍ମା ୧୨୧ ରନ କରି ଟିମ୍ ଇଣ୍ଡିଆର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏହି ସମୟରେ ବିରାଟ କୋହଲି ମଧ୍ୟ ୭୦ ରନ କରି ଅପରାଜିତ ରହିଥିଲେ। ଯଦିଓ ଭାରତ ସିଡନୀରେ ତୃତୀୟ ଦିନିକିଆ ଜିତିଥିଲା, ଅଷ୍ଟ୍ରେଲିଆ ୨-୧ରେ ସିରିଜ ଜିତିଛି। ଏହା ମଧ୍ୟ ଶୁଭମନ ଗିଲଙ୍କ ପ୍ରଥମ ଦିନିକିଆ ବିଜୟ। ଭାରତୀୟ ବୋଲରମାନେ ଅଷ୍ଟ୍ରେଲିୟ ବ୍ୟାଟସମ୍ୟାନଙ୍କୁ ପୂର୍ଣ୍ଣ ୫୦ ଓଭର ଖେଳିବାକୁ ଦେଇ ନଥିଲେ। ପ୍ରଥମେ ବ୍ୟାଟିଂ କରି କଙ୍ଗାରୁ ଦଳ କେବଳ…

ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନ ପୂର୍ବରୁ ପୂର୍ଣ୍ଣିଆ ସାଂସଦ ପପୁ ଯାଦବଙ୍କୁ ଆୟକର ବିଭାଗ ଏକ ନୋଟିସ ପଠାଇଛି। ନୋଟିସ ପାଇବା ପରେ ପପୁ ଯାଦବ ଏହାକୁ ସୋସିଆଲ ମିଡିଆ ପ୍ଲାଟଫର୍ମ X ରେ ସେୟାର କରି କହିଛନ୍ତି ଯେ, ବନ୍ୟା ପୀଡିତଙ୍କୁ ସାହାଯ୍ୟ କରିବା ତାଙ୍କର କର୍ତ୍ତବ୍ୟ। ପପୁ ଯାଦବ X ରେ ଲେଖିଛନ୍ତି ଯେ, “ମୁଁ ଏକ ଆୟକର ନୋଟିସ ପାଇଛି, ଯେଉଁଥିରେ ଘୋଷଣା କରାଯାଇଛି ଯେ, ବନ୍ୟା ପୀଡିତଙ୍କୁ ଟଙ୍କା ବଣ୍ଟନ କରିବା ଏକ ଅପରାଧ। ଯଦି ଏହା ଏକ ଅପରାଧ, ତେବେ ମୁଁ ସର୍ବଦା ପ୍ରତ୍ୟେକ ବଞ୍ଚିତ ଏବଂ ପୀଡିତ ବ୍ୟକ୍ତିଙ୍କୁ ସାହାଯ୍ୟ କରିବାର ଅପରାଧ କରିବି।” ସେ ଆହୁରି କହିଛନ୍ତି ଯେ, ବୈଶାଳୀ ଜିଲ୍ଲାର ନୟାଗାଓଁ ପୂର୍ବ ପଞ୍ଚାୟତ ଅନ୍ତର୍ଗତ ମଣିୟାରି ଗାଁରେ ବନ୍ୟା ପୀଡିତଙ୍କ ଘର ଗଙ୍ଗା ନଦୀରେ ଭାସି ଯାଇଛି। ପପୁ ଯାଦବ ପ୍ରଶ୍ନ କରିଛନ୍ତି ଯେ, ଯଦି ସେ ସେମାନଙ୍କୁ…

ନୂଆଦିଲ୍ଲୀ: ଅନ୍ତର୍ଜାତୀୟ ମୁଦ୍ରା ପାଣ୍ଠି (IMF)ର ବିଶ୍ୱ ଅର୍ଥନୈତିକ ଆଉଟଲୁକ୍ ରିପୋର୍ଟ ପୁଣି ଥରେ ଭାରତର ବର୍ଦ୍ଧିତ ଶକ୍ତିକୁ ପ୍ରଦର୍ଶିତ କରିଛି। ସାମ୍ପ୍ରତିକ IMF WEO ରିପୋର୍ଟରେ କୁହାଯାଇଛି ଯେ, 2025-26 ଆର୍ଥିକ ବର୍ଷରେ 6.6 ପ୍ରତିଶତ ହାରରେ ଭାରତ ଅଭିବୃଦ୍ଧି କରିବ। ଏହି ଅଭିବୃଦ୍ଧି ସହିତ, ଭାରତ ବିଶ୍ୱର ଦ୍ରୁତତମ ଅଭିବୃଦ୍ଧିଶୀଳ ଅର୍ଥନୀତି ମଧ୍ୟରେ ସାମିଲ ହେବ। ପ୍ରଥମ ତ୍ରୈମାସିକରେ ଭାରତର ଅର୍ଥନୀତିରେ ଅଭିବୃଦ୍ଧିକୁ ବିଚାରକୁ ନେଇ IMF ଏହି ରିପୋର୍ଟ ପ୍ରକାଶ କରିଛି। ଆମେରିକା ସରକାର ଭାରତ ଉପରେ ଭାରୀ ଟିକସ ଲାଗୁ କରିଛନ୍ତି। ଏହା ସତ୍ତ୍ୱେ ଏହି ରିପୋର୍ଟ ଆଶା ସୃଷ୍ଟି କରିଛି ଯେ, ଭାରତୀୟ ଅର୍ଥନୀତି ଉପରେ ଆମେରିକା ଟିକସର ପ୍ରଭାବ ସନ୍ତୁଳିତ ହେବ। ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, ଭାରତର ଅଭିବୃଦ୍ଧି ଚୀନର 4.8 ପ୍ରତିଶତ ତୁଳନାରେ ଦ୍ରୁତ ହେବ। ତଥାପି, IMF 2026 ପାଇଁ ଅଭିବୃଦ୍ଧି ହାରକୁ ସାମାନ୍ୟ ହ୍ରାସ କରି…