Author: SM Network

ନୂଆଦିଲ୍ଲୀ: ୧୭ ବର୍ଷ ପରେ ଆଜି ମହାରାଷ୍ଟ୍ରର ମାଲେଗାଓଁରେ ହୋଇଥିବା ବୋମା ବିସ୍ଫୋରଣ ମାମଲାର ରାୟ ଆସିଛି। ଏହି ମାମଲାରେ NIA ସ୍ୱତନ୍ତ୍ର କୋର୍ଟ ସାଧ୍ୱୀ ପ୍ରଜ୍ଞାଙ୍କ ସମେତ ସମସ୍ତ ସାତ ଅଭିଯୁକ୍ତଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି। କୋର୍ଟ କହିଛନ୍ତି ଯେ, ସନ୍ଦେହ ଆଧାରରେ ଜଣଙ୍କୁ ଦୋଷୀ ସାବ୍ୟସ୍ତ କରାଯାଇପାରିବ ନାହିଁ। ମାମଲାର ମୁଖ୍ୟ ଅଭିଯୁକ୍ତ ପୂର୍ବତନ ଭୋପାଳ ସାଂସଦ ସାଧ୍ୱୀ ପ୍ରଜ୍ଞା ଠାକୁର ଥିଲେ। ତାଙ୍କ ସହିତ ଲେଫ୍ଟନାଣ୍ଟ କର୍ଣ୍ଣେଲ ପ୍ରସାଦ ପୁରୋହିତଙ୍କୁ ମଧ୍ୟ ଅଭିଯୁକ୍ତ କରାଯାଇଥିଲା। କୋର୍ଟରେ ରାୟ ପଢିବା ସମୟରେ ବିଚାରପତି କହିଛନ୍ତି ଯେ, ତଦନ୍ତରେ ଅନେକ ଭୁଲ ହୋଇଛି। ସରକାରୀ ପକ୍ଷ ବାଇକରେ ବିସ୍ଫୋରଣ ହୋଇଥିବା ପ୍ରମାଣ ମଧ୍ୟ କରିପାରିଲେ ନାହିଁ। ବିଚାରପତି ଏହା ମଧ୍ୟ କହିଛନ୍ତି ଯେ, ପଞ୍ଚନାମା ଠିକ୍ ଭାବରେ କରାଯାଇ ନଥିଲା। ବାଇକଟି ସାଧ୍ୱୀ ପ୍ରଜ୍ଞାଙ୍କ ନାମରେ ଥିଲା କି ନାହିଁ ତାହା ପ୍ରମାଣିତ ହୋଇପାରିଲା ନାହିଁ। ମାଲେଗାଓଁ ବିସ୍ଫୋରଣରେ ଏକ…

ନୂଆଦିଲ୍ଲୀ: ଆଇସିସି ରାଙ୍କିଙ୍ଗରେ ଭାରତୀୟ କ୍ରିକେଟ ଦଳର ଆଧିପତ୍ୟ ବଜାୟ ରହିଛି। ଦିନିକିଆ ଏବଂ ଟି-୨୦ ରେ ଟିମ୍ ଇଣ୍ଡିଆ ବିଶ୍ୱର ନମ୍ବର-୧ ଦଳ। ଶୁଭମନ ଗିଲ, ଜସପ୍ରିତ ବୁମରାହ, ରବିନ୍ଦ୍ର ଜାଡେଜା ସମେତ ୫ ଜଣ ଭାରତୀୟ ଖେଳାଳି ତିନୋଟି ଫର୍ମାଟ (ଟେଷ୍ଟ, ଦିନିକିଆ ଏବଂ ଟି-୨୦ଆଇ)ର ବିଭିନ୍ନ ବର୍ଗରେ ନମ୍ବର-୧ ରେ ଅଛନ୍ତି। ବୁଧବାର ଜୁଲାଇ ୩୦ ତାରିଖରେ ICC ସଦ୍ୟତମ ରାଙ୍କିଙ୍ଗ ପ୍ରକାଶ କରିଛି। ଏହା ପରେ ରାଙ୍କିଙ୍ଗରେ କିଏ କେଉଁଠି ଅଛନ୍ତି ଜାଣନ୍ତୁ। ICC ପୁରୁଷ ଦଳ ରାଙ୍କିଙ୍ଗ: ପୁରୁଷ ଦଳ ରାଙ୍କିଙ୍ଗରେ ଅଷ୍ଟ୍ରେଲିଆ ଟେଷ୍ଟରେ ଶୀର୍ଷରେ ଅଛି, ୧୨୪ ପଏଣ୍ଟ ସହିତ ଦଳ ଏକ ନମ୍ବରରେ ଅଛି। ଏଠାରେ ଭାରତ ଚତୁର୍ଥ ସ୍ଥାନରେ ଅଛି, ଟିମ୍ ଇଣ୍ଡିଆର ୧୦୫ ପଏଣ୍ଟ ଅଛି। ଭାରତୀୟ କ୍ରିକେଟ ଦଳ ODI ଏବଂ ଟି-୨୦ ରେ ଶୀର୍ଷରେ ଅଛି। ଭାରତ ୧୨୪ ପଏଣ୍ଟ ସହିତ ODIରେ ଏବଂ ୨୭୧…

ନୂଆଦିଲ୍ଲୀ: ବୁଧବାର କାଲିଫର୍ନିଆର ନୌସେନା ବାୟୁସେନା ଷ୍ଟେସନ ଲେମୁର ନିକଟରେ ଏକ ଆମେରିକୀୟ ଲଢ଼ୁଆ ବିମାନ F-35 ଦୁର୍ଘଟଣାଗ୍ରସ୍ତ ହୋଇଛି। ଜେଟ୍ ଦୁର୍ଘଟଣାଗ୍ରସ୍ତ ହେବା ପରେ ତୁରନ୍ତ ଏଥିରେ ନିଆଁ ଲାଗିଗଲା ଏବଂ ଆକାଶରେ ଧୂଆଁ ଉଠିବାକୁ ଲାଗିଲା। ଏହି ଘଟଣାର ଭିଡିଓ ସୋସିଆଲ ମିଡିଆରେ ସେୟାର କରାଯାଇଛି। ଆମେରିକା ନୌସେନା ଏକ ପ୍ରେସ୍ ବିବୃତ୍ତି ମାଧ୍ୟମରେ ଘଟଣା ବିଷୟରେ ସୂଚନା ଦେଇଛି। ଦୁର୍ଘଟଣା କାହିଁକି ଘଟିଲା ସେ ବିଷୟରେ ସୂଚନା ଏପର୍ଯ୍ୟନ୍ତ ଉପଲବ୍ଧ ନାହିଁ। ଆମେରିକା ନୌସେନାର କାଲିଫର୍ନିଆର ଲେମୁର ନିକଟରେ ଏକ ମାଷ୍ଟର ଷ୍ଟ୍ରାଇକ୍ ଫାଇଟର ବେସ୍ ଅଛି। F-35C ଏବଂ F/A-18E/F ଜେଟ୍ ମଧ୍ୟ ଏଠାରେ ନିୟୋଜିତ କରାଯାଇଛି। ବୁଧବାର ସନ୍ଧ୍ୟାରେ ଏହି ବେସ୍ ନିକଟରେ ଲଢ଼ୁଆ ଜେଟ୍ F-35 ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣା ପରେ ତୁରନ୍ତ ଘଟଣାସ୍ଥଳରେ ଅଗ୍ନିଶମ ବାହିନୀ ଗାଡ଼ି ପହଞ୍ଚିଥିଲା। ନୌସେନା କହିଛି ଯେ, F-35 ଲଢ଼ୁଆ ବିମାନକୁ ଷ୍ଟ୍ରାଇକ୍ ଫାଇଟର ସ୍କ୍ୱାଡ୍ରନ୍…

ଭୁବନେଶ୍ଵର: ଚଳିତବର୍ଷ ଭୁବନେଶ୍ଵରର ଓଲ୍ଟ ଟାଉନସ୍ଥିତ ପରକରଣ ସାଇର ମା’ ନାରାୟଣୀ ଯୁବକ ସଂଘ ପକ୍ଷରୁ ୩୫ ତମ “ଗଣେଷ ପୂଜା” ପାଳନ କରାଯିବ। ୩୫ ତମ ପୂର୍ତ୍ତି ଅବସରରେ ବିଶେଷ ଆକର୍ଷଣ ରାଜଧାନୀର ପ୍ରଥମ ପିତଳ ମେଢ଼ ଶୁଭ ଉଦ୍ଘାଟନ ହେବାକୁ ଯାଉଅଛି। ଏହି ଦୁର୍ଲଭ ମେଢ଼ କଟକର ଅଭିଜ୍ଞ ତାରକସୀ କାରୀଗର ମାନଙ୍କ ଦ୍ଵାରା ନିର୍ମାଣ କରାଯାଇଅଛି। ଏହି ପିତଳ ମେଢ଼ର ନିର୍ମାଣ ନିମନ୍ତେ ତିନିଲକ୍ଷ ଟଙ୍କା ବ୍ୟୟ କରାଯାଇଅଛି। ଏହାର ଓଜନ ପାଖାପାଖି ଏକ କ୍ୟୁଇଣ୍ଟାଲ ପଚାଶ କେଜି ହେବ। ଚଳିତବର୍ଷ ଗଣେଶ ପୂଜାରେ ସାତଲକ୍ଷ ଟଙ୍କା ବ୍ୟୟ କରିବା ପାଇଁ ସଂଘ ନିଷ୍ପତ୍ତି ନେଇଛି। ତେବେ ଏନେଇ ସଂଘ ପକ୍ଷରୁ କାର୍ଯ୍ୟସୂଚୀ ଘୋଷଣା କରାଯାଇଛି। ଆସନ୍ତା ୨୬ ତାରିଖରେ ଉକ୍ତ ମେଢର ଶୁଭ ଉଦ୍ଘାଟନ ହେବାକୁ ଥିବା ବେଳେ ଅଗଷ୍ଟ ୨୭ ତାରିଖରେ ପୂଜାର୍ଚ୍ଚନା, ହୋମଯଜ୍ଞ ଓ ସାଂସ୍କୃତିକ କାର୍ଯ୍ୟକ୍ରମ ପାଇଁ ସ୍ଥିର କରାଯାଇଛି। ସେହିଭଳି…

ନୂଆଦିଲ୍ଲୀ: ଜନସାଧାରଣଙ୍କ ପାଇଁ ସମନ୍ବିତ, ସୁଲଭ ଏବଂ ଆଧୁନିକ ରେଳ ଯାତ୍ରା ଦିଗରେ ଏକ ପ୍ରମୁଖ ପଦକ୍ଷେପ ସ୍ୱରୂପ, ଭାରତୀୟ ରେଳ ବ୍ୟାପକ ସଂସ୍କାର ଏବଂ ନବସୃଜନ କରୁଛି। ଏହି କ୍ରମରେ ଅମୃତ ଭାରତ ଏକ୍ସପ୍ରେସର ପ୍ରଚଳନ ଅନ୍ତର୍ଭୁକ୍ତ – ଏକ ସମ୍ପୂର୍ଣ୍ଣ ଅଣ-ଏସି ଟ୍ରେନ ଯାହା ସାଧାରଣ ବର୍ଗର ଯାତ୍ରୀଙ୍କ ପାଇଁ ବିଶ୍ୱସ୍ତରୀୟ ସୁବିଧା ପ୍ରଦାନ କରେ। ଏହି ପ୍ରୟାସଗୁଡ଼ିକ ସୁରକ୍ଷା, ଆରାମ ଏବଂ ସିଟ୍ କ୍ଷମତା ବିସ୍ତାର ଉପରେ ଧ୍ୟାନ ପ୍ରଦାନ କରି ନିମ୍ନ ଏବଂ ମଧ୍ୟମ ଆୟକାରୀ ଗୋଷ୍ଠୀଙ୍କ ପ୍ରତି ସରକାରଙ୍କ ପ୍ରତିବଦ୍ଧତାକୁ ସୁଦୃଢ଼ କରୁଛି। ଲୋକସଭାରେ ସୂଚନା ପ୍ରଦାନ କରି କେନ୍ଦ୍ର ରେଳ, ସୂଚନା ଏବଂ ପ୍ରସାରଣ ତଥା ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଭାରତୀୟ ରେଳ ସକ୍ରିୟ ଭାବରେ ଅଣ-ଏସି କୋଚ୍ର ଅନୁପାତ ବୃଦ୍ଧି କରୁଛି, ସୁଲଭ ଭଡ଼ା ସହିତ ଟ୍ରେନ୍ ପରିଚାଳନା କରୁଛି ଏବଂ ଅଣସଂରକ୍ଷିତ…

ଭୁବନେଶ୍ବର: ଭୁବନେଶ୍ବରରେ ଆଜି ସନ୍ କ୍ରାନ୍ତି ଏପିଭି ସମ୍ମିଳନୀ ଆୟୋଜିତ ହୋଇଛି। ଏହି ସମ୍ମିଳନୀରେ ବାଚସ୍ପତି ସୁରମା ପାଢୀ ଓ ରାଜ୍ୟ MSME ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ଯୋଗ ଦେଇଥିଲେ। ଏହି ଅବସରରେ ରାଜ୍ୟର ସୌରଶକ୍ତି କ୍ଷେତ୍ରରେ ସନ୍ କ୍ରାନ୍ତି ଏପିଭି ସମ୍ମିଳନୀ ଏକ ନୂତନ ସମ୍ଭାବନା ସୃଷ୍ଟି କରିବ ବୋଲି ଅତିଥିମାନେ ମତ ଦେଇଛନ୍ତି।

ସମ୍ବଲପୁର: ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନସ୍ଥ କେନ୍ଦ୍ରୀୟ ସଞ୍ଚାର ବ୍ୟୁରୋ ସମ୍ବଲପୁର କ୍ଷେତ୍ରୀୟ ଶାଖା ତରଫରୁ ଆଜି ସ୍ଥାନୀୟ ମାନ୍ଧାତା ବାବା ଉଚ୍ଚତର ବିଦ୍ୟାଳୟରେ ଏକ୍ ପେଡ୍ ମା କେ ନାମ୍ ୨.୦, ଜଳ ସଞ୍ଚୟ ଏବଂ ଜନ ଭାଗିଦାରୀ ଶୀର୍ଷକ ଏକ ବିଶାଳ ଜନସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମକୁ କେନ୍ଦ୍ରୀୟ ସଞ୍ଚାର ବ୍ୟୁରୋର ସହକାରୀ ନିର୍ଦ୍ଦେଶକ ମନମୋହନ ପାଢ଼ୀ ପରିଚାଳନା କରିଥିବା ବେଳେ ବିଦ୍ୟାଳୟର ସମସ୍ତ ଶିକ୍ଷକ, କର୍ମଚାରୀ, ଛାତ୍ରଛାତ୍ରୀଗଣ ଏବଂ ଅଧ୍ୟକ୍ଷ ସହଯୋଗ କରି ସଫଳ କରିଥିଲେ। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମାନେଶ୍ୱର ବ୍ଲକ ର ଅଧ୍ୟକ୍ଷା ରୁକମଣୀ ମହାନନ୍ଦା ଯୋଗଦେଇ ଉପସ୍ଥିତ ସମସ୍ତ ଅଂଶଗ୍ରହଣକାରୀ ସମାଜ ଏବଂ ସରକାରଙ୍କ ସମସ୍ତ ଜନମଙ୍ଗଳ କାର୍ଯ୍ୟକ୍ରମରେ ସହଭାଗୀ ହେବାପାଇଁ ଗୁରୁତ୍ଵାରୋପ କରିଥିଲେ। ବିଦ୍ୟାଳୟ ର ଅଧ୍ୟକ୍ଷ ଗୋଣ୍ଡା ରାମ ଘଡେଇଲ୍ ସମ୍ମାନୀୟ ଅତିଥି ରୂପେ ଯୋଗଦେଇ ଉପସ୍ଥିତ ଛାତ୍ରଛାତ୍ରୀ ଏବଂ ଜନସାଧାରଣଙ୍କୁ…

ଭୁବନେଶ୍ଵର: ପୁରୀ ଜିଲ୍ଲା ବଳଙ୍ଗା ପିଡିତାଙ୍କ ଦିଲ୍ଲୀ ଏମ୍ସରେ ବୟାନ ରେକର୍ଡ ନେଇ ପୁରୀ ପୁଲିସ ଦିଲ୍ଲୀ ଗସ୍ତ କରିଛି ବୋଲି ଏସ୍ପି ପିନାକ ମିଶ୍ର ସୂଚନା ଦେଇଛନ୍ତି। କେସ୍ର ତଦନ୍ତକାରୀ ଅଧିକାରୀଙ୍କ ସହ ବଳଙ୍ଗା ଥାନା ଅଧିକାରୀ ଓ ଜଣେ ମହିଳା ଡିଏସ୍ପି ପିଡିତାର ବୟାନ ରେକର୍ଡ କରିବେ। ଦିଲ୍ଲୀର ସ୍ଥାନୀୟ କୋର୍ଟଙ୍କ ନିର୍ଦ୍ଦେଶରେ ଜଣେ ମାଜିଷ୍ଟ୍ରେଟ୍ ଙ୍କ ଉପସ୍ଥିତିରେ ବୟାନ ରେକର୍ଡ କରାଯିବ। ନାବାଳିକାର ଚିକିତ୍ସା ଜାରି ରହିଥିବାରୁ ପୁଲିସ ପକ୍ଷରୁ ସତର୍କତାର ସହ ତଦନ୍ତ ପ୍ରକ୍ରିୟା ଜାରି ରହିଛି ବୋଲି ଏସ୍ପି କହିଛନ୍ତି।

ନୂଆଦିଲ୍ଲୀ: ମିଥ୍ୟା ଖବର, ଭ୍ରମାତ୍ମକ ସୂଚନା ଏବଂ ଅନୁଚିତ କାର୍ଯ୍ୟକ୍ରମ ପ୍ରସାରଣ ଉପରେ ଅଙ୍କୁଶ ଲଗାଇବା ପାଇଁ ସରକାର ଅନେକଗୁଡ଼ିଏ ପଦକ୍ଷେପ ନେଇଛନ୍ତି। ଏହାକୁ ଏକ ସ୍ୱାୟତ୍ତ କର୍ତ୍ତବ୍ୟ ରୂପେ ଗ୍ରହଣ କରି ସରକାର ଜରୁରୀ ପଦକ୍ଷେପ ଗ୍ରହଣ କରିଥିବା କହିଛନ୍ତି କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ଅଶ୍ୱିନୀ ବୈଷ୍ଣବ। ଲୋକସଭାରେ କେନ୍ଦ୍ର ମନ୍ତ୍ରୀ ଦାଖଲ କରିଥିବା ସୂଚନା ମୁତାବକ, ଭ୍ରମାତ୍ମକ ସୂଚନା ଓ ମିଥ୍ୟା ଖବର ପ୍ରସାରଣ ଲାଗି ସରକାର ଅନେକ ଆଇନଗତ ବ୍ୟବସ୍ଥା କରିଛନ୍ତି। ସମ୍ବାଦପତ୍ରଗୁଡ଼ିକୁ ଭାରତୀୟ ପ୍ରେସ୍ ପରିଷଦ (ପିସିଆଇ) ଦ୍ୱାରା ପ୍ରକାଶିତ ‘ସାମ୍ବାଦିକ ଆଚରଣର ମାନଦଣ୍ଡ’ ପାଳନ କରିବାକୁ ପଡ଼ିଥାଏ। ଏହି ମାନଦଣ୍ଡଗୁଡ଼ିକ ଅନ୍ୟ ବିଷୟଗୁଡ଼ିକ ସହିତ ମିଥ୍ୟା / ଅପମାନଜନକ / ଭ୍ରମାତ୍ମକ ଖବର ପ୍ରକାଶନକୁ ପ୍ରତିରୋଧ କରେ। ପରିଷଦ ଆଇନର ଧାରା ୧୪ ଅନୁଯାୟୀ, ମାନଦଣ୍ଡର କଥିତ ଉଲ୍ଲଂଘନର ତଦନ୍ତ କରାଯାଇପାରିବ ଏବଂ ସମ୍ବାଦପତ୍ର, ସମ୍ପାଦକ, ସାମ୍ବାଦିକ ଇତ୍ୟାଦିଙ୍କୁ ସତର୍କ କରାଯାଇପାରିବ…

ଭୁବନେଶ୍ଵର: ବୁଧବାର ଲୋକସେବା ଭବନ ଠାରେ ଆଇନ ବିଭାଗର ସମ୍ମିଳନୀ କକ୍ଷଠାରେ ଆୟୋଜିତ ଏକ ଉଚ୍ଚସ୍ତରୀୟ ବୈଠକରେ ଓଡ଼ିଶା ସରକାରଙ୍କ ମାନ୍ୟବର ଆଇନ, ପୂର୍ତ୍ତ‌ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚ଼ନ୍ଦନ ଅଧ୍ୟକ୍ଷତା କରି ମନ୍ଦିର ଗୁଡ଼ିକର ଶୃଙ୍ଖଳିତ ରୀତିନୀତି, ପୁରାତନ ମନ୍ଦିର ଗୁଡିକର ଉନ୍ନତିକରଣ ଓ ସଂରକ୍ଷଣ ନେଇ ବିଭିନ୍ନ ବିଷୟରେ ଆଲୋଚ଼ନା କରିଥିଲେ। ଏହି ବୈଠକରେ ସାଧାରଣ ଲୋକଙ୍କ ଲାଗି ଆବଶ୍ୟକ ସମସ୍ତ ତଥ୍ୟ ଉପଲବ୍ଧ ହେବା ଭଳି ଦେବୋତ୍ତର କମିଶନରଙ୍କ ୱେବ୍ସାଇଟର ଆଧୁନିକୀକରଣ, ଦେବୋତ୍ତର ତଥା ବ୍ୟକ୍ତିଗତ ମାଲିକାନାରେ ଥିବା ମନ୍ଦିର ଗୁଡିକର ସଠିକ ନୀତିକାନ୍ତି, ପର୍ବପର୍ବାଣୀ ଆୟୋଜନ, ମନ୍ଦିର ପରିଚାଳନା ପାଇଁ ସ୍ୱତନ୍ତ୍ର ଅନୁଦାନ, ସତ୍ଵଲିପି ଅନୁଯାଇ ସେବାପୂଜା ଅଧିକାର, ଟ୍ରଷ୍ଟ ବୋର୍ଡର ଦାୟିତ୍ୱ ଓ କର୍ତ୍ତବ୍ୟ, OHRE Act 1951 ର ପ୍ରାବଧାନ ଅନୁସାରେ ହିନ୍ଦୁ ଧାର୍ମିକ ଅନୁଷ୍ଠାନ ଗୁଡିକର ସୁପରିଚାଳନା, ଦେବୋତ୍ତର ନିରୀକ୍ଷକଙ୍କ ଦାୟିତ୍ୱ ଏବଂ ସରକାରୀ କାର୍ଯ୍ୟକୁ ତ୍ୱରିତ ଢଙ୍ଗରେ ଆଗେଇ…

ମେଷ- ଆପଣଙ୍କର ବକ୍ତବ୍ୟରେ ମୃଦୁତା ରହିବ, କିନ୍ତୁ ପ୍ରକୃତିରେ କ୍ରୋଧ ମଧ୍ୟ ହୋଇପାରେ। ଯାହା ଆପଣଙ୍କ ସମ୍ପର୍କ ଉପରେ ପ୍ରଭାବ ପକାଇପାରେ, ତେଣୁ ସତର୍କ ରୁହନ୍ତୁ। ଯଦି ଆପଣ ସଜାଗ ରୁହନ୍ତି ତେବେ ଆପଣ ଭଲ ଫଳାଫଳ ପାଇବେ। ଆପଣଙ୍କ ଜୀବନ ସହଜ ହେବ, କିନ୍ତୁ ସାମଗ୍ରିକ ଭାବେ ଆପଣଙ୍କର ଆୟ ଆଜି ବୃଦ୍ଧି ପାଇବ। ବୃଷ- ଆଜି ଆପଣ ଆତ୍ମବିଶ୍ୱାସରେ ପରିପୂର୍ଣ୍ଣ ହେବେ, ଏଥିରେ କୈଣସି ସନ୍ଦେହ ନାହିଁ। ଭାଇଭଉଣୀ ଏବଂ ଅନ୍ୟ ପରିବାର ସଦସ୍ୟଙ୍କ ସମର୍ଥନ ପାଇବ, ଯାହା ଆପଣଙ୍କୁ ଖୁସିର ଅନୁଭବ ମଧ୍ୟ ଦେବ। ଆର୍ଥିକ ଦୃଷ୍ଟିରୁ ଦିନଟି ଭଲ ରହିବ। ମିଥୁନ- ଆପଣ ଆତ୍ମବିଶ୍ୱାସୀ ହେବେ, କିନ୍ତୁ କିଛି ବିଷୟରେ ମାନସିକ ଚାପ ରହିପାରେ। ଚାପ ଆପଣଙ୍କ ବ୍ୟକ୍ତିତ୍ୱ ଉପରେ ପ୍ରାଧାନ୍ୟ ଦେବାକୁ ଦିଅନ୍ତୁ ନାହିଁ, ଏହାର ନକାରାତ୍ମକ ପ୍ରଭାବ ପଡିପାରେ। ପିତାମାତାଙ୍କ ସ୍ୱାସ୍ଥ୍ୟ ଦୁର୍ବଳ ହୋଇପାରେ। କର୍କଟ- ଯଦି ଆପଣ ସକାରାତ୍ମକ ରୁହନ୍ତି ତେବେ ଏହି ଦିନ ଆପଣଙ୍କୁ ଭଲ…

ସମ୍ବଲପୁର: ହୀରାକୁଦ ଜଳଭଣ୍ଡାରରୁ ଆଜି ପର୍ଯ୍ୟାୟକ୍ରମେ ୬ଟି ଗେଟ ବନ୍ଦ କରାଯାଇଛି। ପୂର୍ବରୁ ୧୮ଟି ଗେଟ ଖୋଲାଥିବା ବେଳେ ବର୍ତ୍ତମାନ ୧୨ଟି ଗେଟ ଦେଇ ବନ୍ୟା ଜଳ ନିଷ୍କାସନ ଜାରି ରହିଛି। ଉପର ମୁଣ୍ଡରୁ ଜଳଭଣ୍ଡାରକୁ ଜଳ ପ୍ରବେଶ ହ୍ରାସପାଇବା ପରେ ଡ୍ୟାମ କର୍ତ୍ତୁପକ୍ଷ ଏହି ନିଷ୍ପତ୍ତି ନେଇଛନ୍ତି। ବର୍ତ୍ତମାନ ୧ ଲକ୍ଷ ୫୮ ହଜାର ୩୩୨ କ୍ୟୁସେକ୍ ପାଣି ପ୍ରତି ସେକେଣ୍ଡରେ ଜଳଭଣ୍ଡାରକୁ ପ୍ରବେଶ କରୁଛି। ସେହିପରି ପ୍ରତି ସେକେଣ୍ଡ ପିଛା ୨ ଲକ୍ଷ ୫୦ ହଜାର ୨୭୫ କ୍ୟୁସେକ୍ ପାଣି ଛଡାଯାଉଛି। ଜଳଭଣ୍ଡାରର ଜଳସ୍ତର ହ୍ରାସପାଇ ୬୧୨ ଦଶମିକ ୨୩ ଫୁଟ୍ ରହିଛି।

ଭୁବନେଶ୍ୱର: ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନ କେନ୍ଦ୍ରୀୟ ସଞ୍ଚାର ବ୍ୟୁରୋ, ବାଲେଶ୍ୱର କ୍ଷେତ୍ର କାର୍ଯ୍ୟାଳୟ ପକ୍ଷରୁ ଏକ୍ ପେଡ୍ ମା’ କେ ନାମ୍ ଏବଂ ଜଳ ସଞ୍ଚୟ – ଜନଭାଗିଦାରୀ ଉପରେ ଏକ ସମନ୍ୱିତ ଯୋଗାଯୋଗ ଏବଂ ଜନସମ୍ପର୍କ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବାଙ୍ଗରାସ୍ଥିତ ନୀଳକଣ୍ଠେଶ୍ୱର ମହାବିଦ୍ୟାଳୟଠାରେ ଆୟୋଜିତ ଏହି କାର୍ଯ୍ୟକ୍ରମରେ କଲେଜର ଏନଏସଏସ ୟୁନିଟ୍ ସହଯୋଗ କରିଥିଲା। ରେମୁଣା ବିଧାୟକ ଗୋବିନ୍ଦ ଚନ୍ଦ୍ର ଦାସ ମୁଖ୍ୟ ଅତିଥି ଭାବରେ ଯୋଗ ଦେଇ ଅନୁଷ୍ଠାନ ପରିସରରେ ସମନ୍ୱିତ ଯୋଗାଯୋଗ ଏବଂ ଜନସମ୍ପର୍କ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ଶ୍ରୀ ଦାସ ‘ଏକ୍ ପେଡ୍ ମା କେ ନାମ୍ ୨.୦’ ଅନ୍ତର୍ଗତ ଏକ ଚାରା ରୋପଣ କରିଥିଲେ। ସେ ଏହି ବିଷୟବସ୍ତୁ ଉପରେ ଏକ ସଚେତନତା ଶୋଭାଯାତ୍ରାକୁ ପତାକା ଦେଖାଇ ଶୁଭାରମ୍ଭ କରିଥିଲେ। ଶ୍ରୀ ଦାସ ଛାତ୍ରଛାତ୍ରୀମାନଙ୍କୁ ‘ଏକ ପେଡ୍ ମା କେ ନାମ ୨.୦’ ଅଧୀନରେ ଅଧିକ ଗଛ…

ରେଢ଼ାଖୋଲ (କନ୍ଦର୍ପ ବେହେରା): ଆକାଂକ୍ଷୀ ବ୍ଲକ୍ ଭାବରେ ‘ସଂପୂର୍ଣ୍ଣତା ଅଭିଯାନ ସମ୍ମାନ ପାଇଲେ ନାକଟିଦେଉଳ ବ୍ଲକ ର ବିଡ଼ିଓ କ୍ଷମା ନିଧି ଭୋଇ। ଭୁବନେଶ୍ୱରରେ ଅନୁଷ୍ଠିତ ରାଜ୍ୟ ସ୍ତରୀୟ ସମ୍ମାନ ସମାରୋହରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗଦେଇ ନାକଟିଦେଉଳ ବିଡ଼ିଓଙ୍କୁ ତାମ୍ର ଫଳକ ଦେଇ ସମ୍ମାନିତ କରିଥିଲେ। ଓଡ଼ିଶାର ଦୁର୍ଗମ ଅଞ୍ଚଳର ସର୍ବାଙ୍ଗୀନ ବିକାଶ ପାଇଁ ଆକାଂକ୍ଷୀ ଜିଲ୍ଲା ଓ ବ୍ଲକ କାର୍ଯ୍ୟକ୍ରମ ଏକ ମାଇଲଖୁଣ୍ଟ ସାବ୍ୟସ୍ତ ହୋଇଛି। ଏହି ଯୋଜନାକୁ ଅଧିକ କ୍ରିୟାଶୀଳ କରିବା ସହିତ ୬ଟି ମୁଖ୍ୟ ସୂଚକାଙ୍କରେ ପରିପୂର୍ଣ୍ଣତା ଆଣିବା ପାଇଁ ‘ସମ୍ପୂର୍ଣ୍ଣତା ଅଭିଯାନ’ ଏକ ବିଶେଷ ପଦକ୍ଷେପ ଭାବେ ଆରମ୍ଭ ହୋଇଛି। ଏହି ଯୋଜନା ବର୍ତ୍ତମାନ ରାଜ୍ୟର ୧୦ଟି ଜିଲ୍ଲା ଓ ୪୦ଟି ବ୍ଲକରେ କାର୍ଯ୍ୟକାରୀ ହେଉଛି, ଯାହା କେନ୍ଦ୍ର-ରାଜ୍ୟ ସମନ୍ୱୟ ଏବଂ ସ୍ଥାନୀୟ ପ୍ରଶାସନ ଓ ନାଗରିକଙ୍କ ସକ୍ରିୟ ଭାଗିଦାରିତାରେ ଆହୁରି ତ୍ୱରାନ୍ୱିତ ହୋଇଛି। ସ୍ୱାସ୍ଥ୍ୟ, ଶିକ୍ଷା, କୃଷି, ଆର୍ଥିକ ସମାବେଶ, ମୌଳିକ…

ନୂଆଦିଲ୍ଲୀ: ଭାରତୀୟ ରେଳବାଇ ଉଚ୍ଚ ଘନତା ବିଶିଷ୍ଟ ଦିଲ୍ଲୀ-ମୁମ୍ବାଇ ରୁଟର ମଥୁରା-କୋଟା ସେକ୍ସନରେ ସ୍ୱଦେଶୀ ରେଳ ସୁରକ୍ଷା ପ୍ରଣାଳୀ କବଚ ୪.୦ ସ୍ଥାପନ କରାଯାଇଛି। ଦେଶରେ ରେଳ ସୁରକ୍ଷା ବ୍ୟବସ୍ଥାର ଆଧୁନିକୀକରଣ ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୀଙ୍କ ‘ଆତ୍ମନିର୍ଭର ଭାରତ’ ଦୃଷ୍ଟିକୋଣରୁ ଅନୁପ୍ରାଣିତ ହୋଇ ରେଳବାଇ ସ୍ୱଦେଶୀ ଭାବରେ କବଚ ସ୍ୱୟଂଚାଳିତ ଟ୍ରେନ୍ ସୁରକ୍ଷା ପ୍ରଣାଳୀ ଡିଜାଇନ୍, ବିକଶିତ ଏବଂ ନିର୍ମାଣ କରିଛି। କବଚ ୪.୦ ଏକ ଅତ୍ୟାଧୁନିକ ପ୍ରଯୁକ୍ତିବିଦ୍ୟା ପ୍ରଣାଳୀ। ଏହାକୁ ଜୁଲାଇ ୨୦୨୪ ରେ RDSO (ଗବେଷଣା ଡିଜାଇନ୍ ଏବଂ ମାନକ ସଂଗଠନ) ଦ୍ୱାରା ଅନୁମୋଦିତ କରାଯାଇଥିଲା। ଏପରି ଟ୍ରେନ ସୁରକ୍ଷା ପ୍ରଣାଳୀ ବିକଶିତ ଏବଂ ସ୍ଥାପନ କରିବାକୁ ବିକଶିତ ଦେଶ ଗୁଡ଼ିକୁ ୨୦ ରୁ ୩୦ ବର୍ଷ ସମୟ ଲାଗିଥାଏ। କୋଟା-ମଥୁରା ରେଳ ସେକ୍ସନରେ କବଚ ୪.୦ ବହୁତ କମ ସମୟ…

ଭୁବନେଶ୍ଵର: ମାଧ୍ୟମିକ ଶିକ୍ଷା ପରିଷଦ (BSE), ଓଡିଶା ଆନୁକୁଲ୍ୟରେ ଆୟୋଜିତ ହେବାକୁ ଥିବା  OTET-୨୦୨୫ ପରୀକ୍ଷାର ପ୍ରଶ୍ନପତ୍ର ଲିକ୍ ଘଟଣାର ପର୍ଦ୍ଦାଫାସ କରିଛି କ୍ରାଇମବ୍ରାଞ୍ଚ। ଏହି ଘଟଣାରେ ସମ୍ପୃକ୍ତ ଥିବା ଛଅ ଜଣ ଅଭିଯୁକ୍ତଙ୍କୁ କ୍ରାଇମବ୍ରାଞ୍ଚ ଗିରଫ କରିଛି ବୋଲି ଏକ ସାମ୍ବାଦିକ ସମ୍ମିଳନୀରେ ଡିଜିପି, କ୍ରାଇମବ୍ରାଞ୍ଚ ବିନୟତୋଷ ମିଶ୍ର ସୂଚନା ଦେଇଛନ୍ତି। ଗିରଫ ଅଭିଯୁକ୍ତ ମାନେ ହେଉଛନ୍ତି ମାଧ୍ଯମିକ ଶିକ୍ଷା ପରିଷଦର ଡାଟା ଏଣ୍ଟ୍ରି ଅପରେଟର (୧) ଜିତନ ମହାରଣା ,କଛାପଡା,  ସିମୁଳିଆ, ବାଲେଶ୍ଵର (୨) ବିଜୟ କୁମାର ମିଶ୍ର, ରାଜ୍ୟ ପୂର୍ବତନ କ୍ୟାଡର ଶିକ୍ଷକ ସଂଘର କାର୍ଯ୍ୟକାରୀ ସଭାପତି, କୋମାସାହି, ଆମ୍ବୋଡିଆ, ରାୟଗଡା (୩) ସନାତନ ବିଶୋୟୀ, କୋରାପୁଟ ଜିଲ୍ଲା ପୂର୍ବତନ କ୍ୟାଡର ଶିକ୍ଷକ ସଂଘର ସଭାପତି, ସାଗରଗୁଡା, କୁନ୍ଦ୍ରା, କୋରାପୁଟ, (୪) ରାମଜୀ ପ୍ରସାଦ ଗୁପ୍ତା, ନାରାୟଣ ଲେନ, ଗୁପ୍ତା ନିବାସ, ବାଦାମବାଡି, କଟକ (୫) ଅଜୟ କୁମାର ସାହୁ, ଲିଙ୍ଗିପାଲି କେଶବନଗର (ପଞ୍ଚମ ଲେନ), ବିଦ୍ୟାଧରପୁର,…

ଭୁବନେଶ୍ଵର: ରାଜ୍ୟରେ ଥିବା ୭୪ ହଜାର ୨୨୦ଟି ଅଙ୍ଗନବାଡିକୁ ସକ୍ଷମ ଅଙ୍ଗନବାଡିରେ ପରିଣତ କରାଯିବ ବୋଲି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା କହିଛନ୍ତି। ଏଥିପାଇଁ ଅଙ୍ଗନବାଡି କେନ୍ଦ୍ରଗୁଡିକର ନିଜସ୍ୱ ଘର, ସ୍ୱଚ୍ଛତା ଏବଂ ବିଦ୍ୟୁତ ବ୍ୟବସ୍ଥା ଆଦି ଥିବା ଆବଶ୍ୟକ ବୋଲି ସେ କହିଛନ୍ତି। ଏଥିପାଇଁ ଆଜି ରାଜ୍ୟ ସରକାର ଅଓ୍ୱସମ ନାମରେ ଏକ ଆପ୍ ର ଶୁଭାରମ୍ଭ କରିଛନ୍ତି, ଯେଉଁଥିରେ ଅଙ୍ଗନବାଡି ସମ୍ପର୍କରେ ବିସ୍ତୃତ ସୂଚନା ସ୍ଥାନ ପାଇବ ବୋଲି ସେ କହିଛନ୍ତି। ଆସନ୍ତା ଅଗଷ୍ଟ ପହିଲାରୁ ୧୫ ତାରିଖ ପର୍ଯ୍ୟନ୍ତ ଅଙ୍ଗନବାଡି କେନ୍ଦ୍ରଗୁଡିକରେ ଜାତୀୟ ପତାକା ପ୍ରଦର୍ଶନ କରାଯିବ। ଏଥିପୂର୍ବରୁ ଆସନ୍ତା ଅଗଷ୍ଟ ପହିଲାରେ ହେବାକୁ ଥିବା ବିଶ୍ୱ ସ୍ତନ୍ୟପାନ ସପ୍ତାହ ଅବସରରେ – ଆସ ବୁଲିଯିବା ଅଙ୍ଗନବାଡି କ୍ୟାମ୍ପେନର ଶୁଭାରମ୍ଭ କରାଯିବ ବୋଲି ସେ କହିଛନ୍ତି। ଏଥିରେ ସମାଜର ସବୁ ବର୍ଗର ଲୋକ ନିଜ ଅଞ୍ଚଳରେ ଥିବା ଅଙ୍ଗନବାଡି କେନ୍ଦ୍ରକୁ ବୁଲିବାକୁ ଯାଇ ସେଠାରେ ଯୋଗାଇ ଦିଆଯାଉଥିବା ଖାଦ୍ୟର…

ନୂଆଦିଲ୍ଲୀ: ଭାରତ ବନାମ ଇଂଲଣ୍ଡ ପଞ୍ଚମ ଟେଷ୍ଟ ଜୁଲାଇ ୩୧ ତାରିଖ ଅର୍ଥାତ୍ ଆସନ୍ତାକାଲିଠାରୁ ଓଭାଲ୍ ଗ୍ରାଉଣ୍ଡରେ ଖେଳାଯିବାକୁ ଅଛି। ଏହା ପୂର୍ବରୁ ସାମ୍ବାଦିକ ସମ୍ମିଳନୀରେ ଭାରତୀୟ ଅଧିନାୟକ ଶୁଭମନ ଗିଲ୍ ଗୌତମ ଗମ୍ଭୀର ଏବଂ ପିଚ୍ କ୍ୟୁରେଟରଙ୍କ ମଧ୍ୟରେ ହୋଇଥିବା ଝଗଡ଼ା ଉପରେ ପ୍ରତିକ୍ରିୟା ରଖିଛନ୍ତି। ଅଧିନାୟକ ଗିଲ୍ ୱାଶିଂଟନ୍ ସୁନ୍ଦରଙ୍କ ପ୍ରଶଂସା କରିଛନ୍ତି ଏବଂ ଏହା ମଧ୍ୟ କହିଛନ୍ତି ଯେ, ଅର୍ଶଦୀପ ସିଂହଙ୍କୁ ପଞ୍ଚମ ଟେଷ୍ଟ ପାଇଁ ପ୍ରସ୍ତୁତ ରହିବାକୁ କୁହାଯାଇଛି। ତଥାପି ସେ ଅର୍ଶଦୀପଙ୍କ ଖେଳକୁ ନିଶ୍ଚିତ କରି ନାହାଁନ୍ତି। ଗମ୍ଭୀର ଏବଂ ପିଚ୍ କ୍ୟୁରେଟରଙ୍କ ମଧ୍ୟରେ ହୋଇଥିବା ଝଗଡ଼ା ଉପରେ କଥାବାର୍ତ୍ତା ମଙ୍ଗଳବାର ଗୌତମ ଗମ୍ଭୀର ଏବଂ ଓଭାଲ୍ ଗ୍ରାଉଣ୍ଡ ପିଚ୍ କ୍ୟୁରେଟର୍ ଲି ଫୋର୍ଟିସ୍ ମଧ୍ୟରେ ଓଭାଲ୍ ଗ୍ରାଉଣ୍ଡରେ ଝଗଡ଼ା ହୋଇଥିଲା। ଏହା ଉପରେ ଅଧିନାୟକ ଗିଲ୍ କହିଛନ୍ତି ଯେ, “ମୁଁ ଜାଣିନାହିଁ ସେଠାରେ କ’ଣ ଘଟିଥିଲା ଏବଂ ପିଚ୍ କ୍ୟୁରେଟର୍ କାହିଁକି ଏପରି…

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗୋଳନ୍ଥରା ଥାନା ଅର୍ନ୍ତଗତ ଭୈରବୀ ମନ୍ଦିର ରାସ୍ତାରେ ପି ଭାନୁ ମୁର୍ତ୍ତୀ ନାମକ ଜଣେ ଯୁବକଙ୍କୁ ଆତର୍କିତ ଭାବେ ଆକ୍ରମଣ କରି ଅଭିଯୁକ୍ତମାନେ ଘଟଣାସ୍ଥଳରୁ ଚମ୍ପଟ୍ ମାରିଛନ୍ତି। କିନ୍ତୁ ସେମାନଙ୍କୁ ପୋଲିସ୍  ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ ଅଜିତ୍ କୁମାର କର, ପପୁ ପ୍ରଧାନ, ହେମନ୍ତ ଯେନା ଓ ଶଙ୍କର ଗୌଡ ବୋଲି ଜଣାପଡିଛି। ଗତକାଲି ସନ୍ଧ୍ୟାରେ ଉକ୍ତ ଯୁବକମାନେ ଭାନୁ ମୁର୍ତ୍ତୀଙ୍କୁ ସଂଘବଦ୍ଧ ଭାବେ ଆକ୍ରମଣ କରି ଗୁରୁତର ଅବସ୍ଥାରେ ତାକୁ ଛାଡି ଚମ୍ପଟ୍ ମାରିଥିବା ବେଳେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଗୁରୁତର ଆହତ ଯୁବକଙ୍କୁ ଉଦ୍ଧାର କରି ଡାକ୍ତରଖାନାକୁ ଚିକିତ୍ସା ପାଇଁ ପଠାଇଥିଲେ।

ଭୁବନେଶ୍ୱର: ପୁରୀ ଏବଂ ରାଉରକେଲା ମଧ୍ୟରେ ଦ୍ରୁତ ଏବଂ ଅଧିକ ଆରାମଦାୟକ ରେଳ ଯାତ୍ରା ଉପଲବ୍ଧ କରାଇବା ପାଇଁ ବର୍ଦ୍ଧିତ ଚାହିଦାକୁ ଦୃଷ୍ଟିରେ ରଖି ଭାରତୀୟ ରେଳବାଇ 20836/20835 ପୁରୀ-ରାଉରକେଲା-ପୁରୀ ବନ୍ଦେ ଭାରତ ଏକ୍ସପ୍ରେସରେ 50% କୋଚ୍ ବୃଦ୍ଧି ଘୋଷଣା କରିଛି। ଏହି ଟ୍ରେନଟି ଆସନ୍ତା ତା.07.08.2025ରିଖ ଠାରୁ ପୂର୍ବ ଗଠନ 08 କୋଚ୍ ବଦଳରେ 16 କୋଚ୍ ସହିତ ଚଳାଚଳ କରିବ। ଏହି କୋଚ ସଂଯୋଗ ବୃଦ୍ଧିରେ ଆଠଟି ଏସି ଚେୟାର କାର୍ କୋଚ୍ ଯୋଡାଯାଇଛି, ଯାହାର ଲକ୍ଷ୍ୟ ହେଉଛି ଯାତ୍ରୀଙ୍କ ୱେଟିଂ ଲିଷ୍ଟକୁ ହ୍ରାସ କରିବା, ଯାତ୍ରୀ ସଂଖ୍ୟାକୁ ଵୃଦ୍ଧି କରିବା ଏବଂ ସମଗ୍ର ଓଡ଼ିଶାରେ ଏହି ପ୍ରତିଷ୍ଠିତ ସେମି-ହାଇ-ସ୍ପିଡ୍ ଟ୍ରେନ୍ ସେବାକୁ ଆହୁରି ପ୍ରୋତ୍ସାହିତ କରିବା। ଅପଗ୍ରେଡ୍ ରେକ୍ କମ୍ପୋଜିସନ୍‌ରେ ଏବେ 12ଟି ଏସି ଚେୟାର କାର୍ କୋଚ୍, 2ଟି ଏକଜିକ୍ୟୁଟିଭ୍ ଚେୟାର କାର୍ କୋଚ୍ ଏବଂ 2ଟି କ୍ରିୟୁ ଏବଂ ଏସି ଚେୟାର କାର୍ କୋଚ୍…

ନୂଆଦିଲ୍ଲୀ: ୟୁକ୍ରେନ ଯୁଦ୍ଧ ସମ୍ପର୍କରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ରୁଷକୁ ନୂତନ ଚେତାବନୀ, ଡଲାର ତୁଳନାରେ ଭାରତୀୟ ଟଙ୍କା କ୍ରମାଗତ ଭାବରେ ଦୁର୍ବଳ ହେବା ଏବଂ ଅଶୋଧିତ ତୈଳ ମୂଲ୍ୟରେ ହ୍ରାସ ସୁନାର ଚମକ ବୃଦ୍ଧି କରିଛି। ନିବେଶକମାନେ ଏବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ନିର୍ଦ୍ଧାରିତ ଅଗଷ୍ଟ ୧ ତାରିଖର ଶୁଳ୍କ ସମୟସୀମା ଉପରେ ନଜର ରଖିଛନ୍ତି। ଆମେରିକା ବାଣିଜ୍ୟ ସଚିବ ହାୱାର୍ଡ ଲୁଟନିକ୍ କହିଛନ୍ତି ଯେ, ସେମାନେ ୟୁରୋପୀୟ ସଂଘ ସହିତ ବାଣିଜ୍ୟ ଚୁକ୍ତି ବିଷୟରେ ସକାରାତ୍ମକ। ଆଜି ପ୍ରାରମ୍ଭିକ ବାଣିଜ୍ୟରେ ସୁନାର ମୂଲ୍ୟ ୬୦୦ ଟଙ୍କା ବୃଦ୍ଧି ପାଇଛି। ଯେତେବେଳେ, ରୂପା ମଧ୍ୟ ପ୍ରତି କିଲୋଗ୍ରାମ ୧,୧୫,୯୦୦ ଟଙ୍କାରେ ବିକ୍ରି ହେଉଛି। ଜାତୀୟ ରାଜଧାନୀ ଦିଲ୍ଲୀ ସହିତ ଜୟପୁର, ଅହମ୍ମଦାବାଦ ଏବଂ ପାଟନାରେ ୨୪ କ୍ୟାରେଟ୍ ସୁନା ପ୍ରତି ୧୦ ଗ୍ରାମ ୧,୦୦,୬୩୦ ଟଙ୍କାରେ ଉପଲବ୍ଧ ହେଉଥିବା ବେଳେ, ଆର୍ଥିକ ରାଜଧାନୀ ମୁମ୍ବାଇ, ହାଇଦ୍ରାବାଦ,…