Author: SM Network

ଭୁବନେଶ୍ଵର: ଶ୍ରାବଣ ମାସର ପ୍ରଥମ ସୋମବାରରେ ଭଦ୍ରକ ଜିଲ୍ଲା ଆରଡ଼ିର ପ୍ରସିଦ୍ଧ ବାବା ଆଖଣ୍ଡଳମଣିଙ୍କ ପୀଠରେ ଶତାଧିକ କାଉଡ଼ିଆ ଭକ୍ତ ଜଳାଭିଷେକ କରିଛନ୍ତି। ଭକ୍ତମାନେ ପାଣି ଭାର ନେଇ ବାବା ମଣିଙ୍କ ଠାରେ ଜଳ ଲାଗି କରିଛନ୍ତି। ବର୍ଷାରେ ଓଦା ହୋଇ ବିଭିନ୍ନ ସ୍ଥାନରୁ ଶହ ଶହ ମହିଳା ଓ ପୁରୁଷ ଭକ୍ତ ଧାଡ଼ିରେ ଆସି ଭକ୍ତି ଓ ନିଷ୍ଠାର ସହିତ ପୂଜାର୍ଚ୍ଚନା କରି ଜଳ ଅର୍ପଣ କରିଛନ୍ତି। ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।

ମେଷ: – ଆଜି, ଯଦି ଆପଣ ଫଳାଫଳ ବିଷୟରେ ଚିନ୍ତା ନକରି କଠିନ ପରିଶ୍ରମ କରନ୍ତି, ତେବେ ଆପଣ ନିଶ୍ଚିତ ଭାବରେ ସଫଳତା ପାଇବେ । ଅନାବଶ୍ୟକ ଆର୍ଥିକ ଖର୍ଚ୍ଚରୁ ଦୂରେଇ ରୁହନ୍ତୁ । ପ୍ରତିବନ୍ଧକ ହଟିଯିବ । ପରିବାର ସଦସ୍ୟଙ୍କ ସହ ତୀବ୍ର ଯୁକ୍ତିତର୍କ ହେତୁ ମନ ଦୁଃଖୀ ହୋଇପାରେ । ତୁମେ ତୁମର ପ୍ରିୟଙ୍କ ସହିତ ସମୟ ବିତାଇବା ଆବଶ୍ୟକ, ଯାହାଫଳରେ ତୁମେ ଦୁହେଁ ପରସ୍ପରକୁ ଭଲ ଭାବରେ ଜାଣିପାରିବେ ଏବଂ ବୁଝିପାରିବ । ଶାରୀରିକ ଏବଂ ମାନସିକ ସ୍ୱାସ୍ଥ୍ୟ ଭଲ ରହିବ । ବୌଦ୍ଧିକ ଆଲୋଚନା ଠାରୁ ଦୂରରେ ରୁହନ୍ତୁ । ଆଜି ଟଙ୍କା ସହ ଜଡିତ କୈଣସି ବଡ ନିଷ୍ପତ୍ତି ନିଅ ନାହିଁ । ଦିନଟି ପରିବାର ସଦସ୍ୟଙ୍କ ସହିତ ହସ, ଥଟ୍ଟା ଏବଂ ଆନନ୍ଦରେ ବିତାଇପାରେ । ବୃଷ: – ଆଜି ଆପଣ ପ୍ରତ୍ୟେକ କାର୍ଯ୍ୟରେ ସଫଳତା ପାଇବେ । ତୁମର ଖାଦ୍ୟର ବିଶେଷ…

ଭୁବନେଶ୍ଵର: ବାଲେଶ୍ବର ଏଫଏମ କଲେଜ ଛାତ୍ରୀ ଆତ୍ମାହୁତି ଉଦ୍ୟମ ଘଟଣାରେ କଲେଜର ଅଧ୍ୟକ୍ଷ ଦିଲ୍ଲୀପ ଘୋଷଙ୍କୁ ପୁଲିସ ଗିରଫ କରିଛି। ଗତକାଲି ସରକାର ତାଙ୍କୁ ନିଲମ୍ବନ କରିଥିଲେ। ଆଜି ସହଦେବଖୁଣ୍ଟା ପୁଲିସ ତାଙ୍କୁ ଗିରଫ କରିଛି। ଅନ୍ୟପକ୍ଷରେ କ୍ରାଇମବ୍ରାଞ୍ଚର ଡିଏସପି ଇମନ କଲ୍ୟାଣ ନାୟକ ତଦନ୍ତକୁ ନେଇ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ସ୍ଥାନୀୟ ପୁଲିସ ମାମଲାର ତଦନ୍ତ କରୁଛି। ତେବେ କ୍ରାଇମବ୍ରାଞ୍ଚ ଘଟଣାସ୍ଥଳରେ ତଦନ୍ତର ସ୍ଥିତି ଅନୁଧ୍ୟାନ କରୁଛି। ଏ ସମ୍ପର୍କରେ ସରକାରଙ୍କୁ ରିପୋର୍ଟ ଦିଆଯିବ ବୋଲି ସେ କହିଛନ୍ତି।

ଭୁବନେଶ୍ଵର: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି (ଜୁଲାଇ ୧୪, ୨୦୨୫) ଭୁବନେଶ୍ୱର ଏମ୍ସର ପଞ୍ଚମ ସମାବର୍ତ୍ତନ ସମାରୋହରେ ଅଂଶଗ୍ରହଣ କରିଛନ୍ତି। ସମାରୋହରେ ଉଦବୋଧନ ଦେଇ ରାଷ୍ଟ୍ରପତି କହିଥିଲେ, ଗତ ୧୨ ବର୍ଷ ମଧ୍ୟରେ ଏମ୍ସ ଭୁବନେଶ୍ୱର ଉଲ୍ଲେଖନୀୟ ପ୍ରଗତି ହାସଲ କରିବା ଖୁସିର ବିଷୟ। ସେ କହିଥିଲେ, ରୋଗୀ ସେବା, ସ୍ବାସ୍ଥ୍ୟଗତ ଗବେଷଣା କିମ୍ବା ସମାଜ କଲ୍ୟାଣ କାର୍ଯ୍ୟକଳାପ ହେଉ, ଏହି ପ୍ରତିଷ୍ଠାନ ସବୁ କ୍ଷେତ୍ରରେ ଅନେକ ପ୍ରଶଂସା ଅର୍ଜନ କରିଛି। ଏହା ଓଡ଼ିଶା ସହିତ ପଶ୍ଚିମବଙ୍ଗ, ଛତିଶଗଡ଼, ଝାଡ଼ଖଣ୍ଡ ଭଳି ପଡ଼ୋଶୀ ରାଜ୍ୟ ଏବଂ ଅନ୍ୟ ରାଜ୍ୟର ଲୋକଙ୍କ ହୃଦୟ ଜିତି ପାରିଛି। ଶଲ୍ୟ ଚିକିତ୍ସା ଉପକରଣ ଏବଂ ପ୍ରତିରୋପଣ ପୁନଃପ୍ରକ୍ରିୟାକରଣରେ ଉଚ୍ଚ ମାନଦଣ୍ଡ ପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନ ଏସିଆ ସେଫ୍‌ ସର୍ଜିକାଲ ଇମ୍ପ୍ଲାଣ୍ଟ କସୋର୍ଟିୟମ୍‌ କ୍ୟୁଆଇପି ପୁରସ୍କାର ପ୍ରଦାନ କରି ଏମ୍ସ ଭୁବନେଶ୍ୱରର ଉତ୍କର୍ଷତାକୁ ସ୍ୱୀକୃତି ପ୍ରଦାନ କରିବା ବିଷୟରେ ରାଷ୍ଟ୍ରପତି ଖୁସିର ସହ ଉଲ୍ଲେଖ କରିଥିଲେ।…

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନାଇଜେରିଆର ପୂର୍ବତନ ରାଷ୍ଟ୍ରପତି ମହମ୍ମଦୁ ବୁହାରୀଙ୍କ ବିୟୋଗରେ ଗଭୀର ଶୋକ ପ୍ରକାଶ କରିଛନ୍ତି। ଶ୍ରୀ ମୋଦୀ ନାଇଜେରିଆର ପୂର୍ବତନ ରାଷ୍ଟ୍ରପତି ମହମ୍ମଦୁ ବୁହାରୀଙ୍କ ସହ ବିଭିନ୍ନ ସମୟରେ ତାଙ୍କର ସାକ୍ଷାତ ଏବଂ ଆଲୋଚନାକୁ ମନେ ପକାଇଛନ୍ତି। ଶ୍ରୀ ମୋଦୀ କହିଛନ୍ତି ଯେ, ମହମ୍ମଦୁ ବୁହାରୀଙ୍କ ଜ୍ଞାନ ଏବଂ ଭାରତ-ନାଇଜେରିଆ ବନ୍ଧୁତା ପ୍ରତି ଅଟଳ ପ୍ରତିବଦ୍ଧତା ଅଦ୍ଭୁଦ ଥିଲା। ଶ୍ରୀ ମୋଦୀ ଆହୁରି ମଧ୍ୟ କହିଛନ୍ତି ଯେ, ସେ ଭାରତର ୧୪୦ କୋଟି ଲୋକଙ୍କ ସହ ତାଙ୍କ ପରିବାର, ନାଇଜେରିଆର ଜନତା ଏବଂ ସରକାରଙ୍କ ପ୍ରତି ସମବେଦନା ଜଣାଉଛନ୍ତି। ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି; “ନାଇଜେରିଆର ପୂର୍ବତନ ରାଷ୍ଟ୍ରପତି ମହମ୍ମଦୁ ବୁହାରୀଙ୍କ ବିୟୋଗରେ ମୁଁ ଗଭୀର ଦୁଃଖିତ। ବିଭିନ୍ନ ସମୟରେ ଆମର ସାକ୍ଷାତ ଏବଂ ଆଲୋଚନାକୁ ମୁଁ ସ୍ନେହରେ ମନେ ପକାଉଛି। ତାଙ୍କର ଜ୍ଞାନ ଏବଂ ଭାରତ-ନାଇଜେରିଆ ବନ୍ଧୁତା ପ୍ରତି ତାଙ୍କର ଅଟଳ ପ୍ରତିବଦ୍ଧତା ଅଦ୍ଭୁତ ଥିଲା।…

ନୂଆଦିଲ୍ଲୀ: ଭାରତ ଏହାର ସ୍ୱଚ୍ଛ ଶକ୍ତି ଦିଗରେ ପରିବର୍ତ୍ତନର ଯାତ୍ରାରେ ଏକ ଐତିହାସିକ ସଫଳତା ହାସଲ କରିଛି। ପ୍ୟାରିସ ଚୁକ୍ତିନାମାରେ ଜାତୀୟ ନିର୍ଦ୍ଧାରିତ ଅବଦାନ ଅନୁଯାୟୀ ଧାର୍ଯ୍ୟ ଲକ୍ଷ୍ୟଠାରୁ ପାଞ୍ଚ ବର୍ଷ ପୂର୍ବରୁ ଭାରତ ଅଣ-ଜୀବାଶ୍ମ ଇନ୍ଧନ ଉତ୍ସରୁ ସ୍ଥାପିତ ବିଦ୍ୟୁତ୍ କ୍ଷମତାର ୫୦% ହାସଲ କରିଛି। ଏହି ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ଜଳବାୟୁ କାର୍ଯ୍ୟ ଏବଂ ଦୀର୍ଘସ୍ଥାୟୀ ବିକାଶ ପ୍ରତି ଦେଶର ଦୃଢ଼ ପ୍ରତିବଦ୍ଧତାକୁ ସ୍ପଷ୍ଟ କରିଥାଏ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତର ସ୍ୱଚ୍ଛ ଶକ୍ତି ଦିଗରେ ପରିବର୍ତ୍ତନର ଯାତ୍ରା ତ୍ୱରାନ୍ୱିତ ହେଉଥିବା ଏଥିରୁ ପ୍ରମାଣିତ ହୋଇଛି। କେନ୍ଦ୍ର ନୂତନ ଏବଂ ଅକ୍ଷୟ ଶକ୍ତି ମନ୍ତ୍ରୀ ଶ୍ରୀ ପ୍ରହଲ୍ଲାଦ ଜୋଶୀ କହିଛନ୍ତି, ‘‘ଜଳବାୟୁ ପରିବର୍ତ୍ତନ ସମସ୍ୟାର ସମାଧାନ ଖୋଜୁଥିବା ବିଶ୍ୱରେ, ଭାରତ ମାର୍ଗ ଦେଖାଉଛି। ୨୦୩୦ ସୁଦ୍ଧା ଧାର୍ଯ୍ୟ ଲକ୍ଷ୍ୟଠାରୁ ପାଞ୍ଚ ବର୍ଷ ପୂର୍ବରୁ ୫୦% ଅଣ-ଜୀବାଶ୍ମ ଇନ୍ଧନ କ୍ଷମତା ହାସଲ କରିବା ପ୍ରତ୍ୟେକ ଭାରତୀୟଙ୍କ ପାଇଁ ଏକ ଗର୍ବର…

ନୂଆଦିଲ୍ଲୀ: ଜୁନ୍ 12 ତାରିଖରେ ଅହମ୍ମଦାବାଦରେ ଏୟାର ଇଣ୍ଡିଆ ବିମାନ ଦୁର୍ଘଟଣାର ତଦନ୍ତ ରିପୋର୍ଟ ପରେ, ଏବେ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (DGCA) ଖୁବ୍ ଶୀଘ୍ର ଏକ ନିର୍ଦ୍ଦେଶ ଜାରି କରିବାକୁ ଯାଉଛି। ଭାରତରେ ବିମାନ କମ୍ପାନୀଗୁଡ଼ିକୁ ଏବେ ସେମାନଙ୍କର ବୋଇଂ 787 ବିମାନର ଇନ୍ଧନ ସ୍ୱିଚ୍ ଯାଞ୍ଚ କରିବାକୁ ପଡିବ। ବିମାନ ଦୁର୍ଘଟଣା ତଦନ୍ତ ବ୍ୟୁରୋ (AAIB) ର ପ୍ରାଥମିକ ତଦନ୍ତ ରିପୋର୍ଟ ପରେ ସରକାର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରସ୍ତୁତ ହେଉଛନ୍ତି। DGCA ର କଡ଼ା ନିର୍ଦ୍ଦେଶ: AAIB ର ପ୍ରାଥମିକ ତଦନ୍ତ ରିପୋର୍ଟରେ କୁହାଯାଇଥିଲା ଯେ, AI-171 ର ଉଭୟ ଇଞ୍ଜିନର ଇନ୍ଧନ ସ୍ୱିଚ୍ ରନ୍ ରୁ କଟଅଫ୍ ମୋଡ୍ କୁ ଆସିଥିଲା, ଯାହା ଯୋଗୁଁ ଏହି ବିମାନ ଦୁର୍ଘଟଣା ଘଟିଛି। ଏହି ମାମଲା ଏବେ ମଧ୍ୟ ତଦନ୍ତାଧୀନ ଅଛି। DGCA ସମସ୍ତ ଏୟାରଲାଇନ୍ସ ଅପରେଟରମାନଙ୍କୁ 21 ଜୁଲାଇ, 2025 ସୁଦ୍ଧା ଯାଞ୍ଚ କାର୍ଯ୍ୟ…

ବାଲୁଗାଁ: ଅବକାରୀ ଅଧିକ୍ଷିକା ସୁମତି ତ୍ରିପାଠୀଙ୍କ ନିର୍ଦ୍ଦେଶକ୍ରମେ ଟାଙ୍ଗୀ ରେଞ୍ଜ ଅବକାରୀ ନିରୀକ୍ଷକ ରାଧାକାନ୍ତ ଭୋଇଙ୍କ ତତ୍ୱବଧାନରେ ବାଲୁଗାଁ ଅବକାରୀ ଅଧିକାରୀ ସୁଜିତ କୁମାର ମୁଦୁଲିଙ୍କ ନେତୃତ୍ୱରେ ବାଲୁଗାଁ ଓ ନାଚୁଣି ଥାନା ଅଞ୍ଚଳରେ ଚଢ଼ାଉ କରି ୪୦ ଲିଟର ଦେଶୀମଦ ଓ ୧୦ ଲିଟର ଆସ୍କା ଫର୍ଟି ଜବତ କରିବାସହ ୨ ଜଣଙ୍କୁ ଗିରଫ କରିଛି। ଅଭିଯୁକ୍ତ ମାନେ ହେଲେ ବଉଳାବନ୍ଧ ଗ୍ରାମର କାହ୍ନୁ ବେହେରା (୪୪) ଓ ବିଷ୍ଣୁଡିହ ଗ୍ରାମର ଭିକାରୀ ବେହେରା (୬୦)।ଗିରଫ ଅଭିଯୁକ୍ତଙ୍କ ବିରୁଦ୍ଧରେ କେଶ ନଂ ୮୪/୨୫-୨୬ ଓ ୮୫/୨୫-୨୬ ରେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଥିବା ଅବକାରୀ ଅଧିକାରୀ ଶ୍ରୀ ମୁଦୁଲି କହିଛନ୍ତି। ଏହି ଚଢ଼ାଉରେ ବାଲୁଗାଁ ଅବକାରୀ ଅଧିକାରୀ ଶ୍ରୀ ମୁଦୁଲିଙ୍କ ସମେତ ଏସଆଇ ମୀନକେତନ ମହାଳିକ, କନେଷ୍ଟବଳ ମନୋଜ କୁମାର ଜୟସିଂ, ରଞ୍ଜିତ ପଟେଲ, ସୁନିତା ମହାରଣା, ନିରଞ୍ଜନ ପରିଡା, କାଳୁ ପ୍ରଧାନ ପ୍ରମୁଖ ସାମିଲ ଥିଲେ।

ନୂଆଦିଲ୍ଲୀ: ଦିଲ୍ଲୀରେ ଆପ ବିଧାୟକ ଚୌଧୁରୀ ଜୁବୈର ଅହମ୍ମଦ କାଉଡିଆ ଯାତ୍ରା ବିଷୟରେ ଉଲ୍ଲେଖ କରି କହିଛନ୍ତି ଯେ, ପ୍ରତିବର୍ଷ ମାଂସ ଦୋକାନ ବନ୍ଦ ହୋଇଥାଏ। ଶିବ ଭକ୍ତମାନେ ଯେଉଁଠାରୁ ଯାଆନ୍ତି, ସେହି କାଉଡିଆ ଯାତ୍ରାର ରୁଟରେ ଥିବା ମାଂସ ଦୋକାନଗୁଡ଼ିକ ସର୍ବଦା ବନ୍ଦ ହୋଇଆସିଛି। ଏଥିରେ କିଛି ନୂଆ ନାହିଁ। ବିଜେପିକୁ ଟାର୍ଗେଟ କରି ସେ କହିଛନ୍ତି ଯେ, ଏହା ସେମାନଙ୍କର ମାନସିକତାକୁ ଦର୍ଶାଉଛି। ‘୨୩ ତାରିଖ ପର୍ଯ୍ୟନ୍ତ ମାଂସ ଏବଂ ମଦ ଦୋକାନ ବନ୍ଦ କର’ ସେ ଆହୁରି କହିଛନ୍ତି ଯେ, “ମାଂସ ସହିତ ମଦ ଦୋକାନ ବନ୍ଦ କରନ୍ତୁ। କେବଳ ରାସ୍ତାରୁ ନୁହେଁ, ଗତ ଦୁଇ କିମ୍ବା ତିନି ଦିନ ମଧ୍ୟରେ ଆମର ଶିବ ଭକ୍ତମାନେ ଭିତର ଗଳିରେ ନିଜ ଘର ଆଡ଼କୁ ଯିବେ, ସେଠାରେ ମଦ ଏବଂ ମାଂସ ଦୋକାନ ରହିପାରେ। ମୁଁ ହାତ ଯୋଡି ନିବେଦନ କରୁଛି ଯେ, ୨୩ ତାରିଖ ପର୍ଯ୍ୟନ୍ତ ଏହି…

ମୁମ୍ବାଇ: ଏମ୍ଆଇ ନ୍ୟୁୟର୍କ ୨୦୨୫ ମେଜର ଲିଗ୍ କ୍ରିକେଟ୍ (ଏମଏଲସି) ଟାଇଟଲ୍ ଜିତିଛି। ମୁମ୍ବାଇ ଇଣ୍ଡିଆନ୍ସ ମାତ୍ର ତିନି ସିଜିନ୍ ମଧ୍ୟରେ ଦ୍ୱିତୀୟ ଚାମ୍ପିଅନସିପ୍ ଟାଇଟଲ୍ ଜିତିଛି। ବିଶ୍ୱ ସ୍ତରରେ ମୁମ୍ବାଇ ଇଣ୍ଡିଆନ୍ସର ଏହା ୧୩ତମ ଟାଇଟଲ୍। ମୁମ୍ବାଇ ଇଣ୍ଡିଆନ୍ସ କେବଳ ୨୦୨୫ରେ ତିନୋଟି ଟ୍ରଫି ଜିତିଛି। ପୂର୍ବରୁ, ଏମ୍ଆଇ କେପ୍ ଟାଉନ୍ ଦକ୍ଷିଣ ଆଫ୍ରିକା ଟ୍ୱେଣ୍ଟି ଏବଂ ମୁମ୍ବାଇ ଇଣ୍ଡିଆନ୍ସ ମହିଳା ଦଳ ଚଳିତ ବର୍ଷ ଆରମ୍ଭରେ ଡବ୍ଲୁପିଏଲରେ ଟାଇଟଲ୍ ଜିତିଥିଲା। ମୁମ୍ବାଇ ଇଣ୍ଡିଆନ୍ସ ହେଉଛି ସବୁଠାରୁ ସଫଳ ବିଶ୍ୱସ୍ତରୀୟ ଟି-ଟ୍ୱେଣ୍ଟି ଫ୍ରାଞ୍ଚାଇଜ୍ କ୍ରିକେଟ୍ ସମୂହ। ଏହି ଅବସରରେ ନୀତା ଏମ. ଅମ୍ବାନୀ କହିଛନ୍ତି, “ମୁମ୍ବାଇ ଇଣ୍ଡିଆନ୍ସ ପରିବାର ପାଇଁ ଏହା ବାସ୍ତବରେ ଏକ ବିଶେଷ ମୁହୂର୍ତ୍ତ। ତିନି ବର୍ଷ ମଧ୍ୟରେ ଆମର ଦ୍ୱିତୀୟ ଏମଏଲସି ଟ୍ରଫି ଜିତିବା ମୁମ୍ବାଇ ଇଣ୍ଡିଆନ୍ସର ଉତ୍ସାହ, ବିଶ୍ୱାସ ଏବଂ ଦଳଗତ ଉଦ୍ୟମର ବିଜୟ। ଆମେ ଆମର ସମସ୍ତ ପ୍ରଶଂସକ – ମୁମ୍ବାଇ ଇଣ୍ଡିଆନ୍ସ…

ଭୁବନେଶ୍ୱର: କର୍ମଚାରୀ ରାଜ୍ୟ ବୀମା ନିଗମ ପକ୍ଷରୁ ଅଣ ପଞ୍ଜିକୃତ କର୍ମ ସଂସ୍ଥାନଗୁଡ଼ିକ ପାଇଁ ଏକ ବିଶେଷ ସୁଯୋଗ ଘୋଷଣା କରାଯାଇଛି। ନିଗମ ପକ୍ଷରୁ ପ୍ରସ୍ତୁତ ସ୍ୱତନ୍ତ୍ର ‘ସ୍ପ୍ରୀ-୨୦୨୫’ ଯୋଜନା ମାଧ୍ୟମରେ ଅଣ ପଞ୍ଜିକୃତ ସଂସ୍ଥାମାନେ ସେମାନଙ୍କ କର୍ମଚାରୀଙ୍କୁ ବିନା କୌଣସି ବକେୟା ଦେୟ ବା ରେକର୍ଡ ଯାଞ୍ଚରେ ପଞ୍ଜିକୃତ କରିପାରିବେ। ଖାଲି ସେତିକି ନୁହେଁ, ଏହି ଯୋଜନାରେ ପଞ୍ଜିକୃତ କର୍ମଚାରୀ ବି ଅବିଳମ୍ବେ ଚିକିତ୍ସା ଓ ଦୁର୍ଘଟଣା ବୀମା ସୁବିଧା ପାଇପାରିବେ। ସମସ୍ତଙ୍କୁ ସାମାଜିକ ସୁରକ୍ଷା ପରିଧିରେ ଆଣିବା ପାଇଁ ଏହି ବିଶେଷ ଯୋଜନା ଲାଗୁ କରାଯାଇଛି। ଏହି ଯୋଜନା ସମ୍ପର୍କରେ ଅଧିକ ସୂଚନା ଦେଇ ଇଏସ୍‍ଆଇସି ପକ୍ଷରୁ କୁହାଯାଇଛି, ସ୍ପ୍ରୀ-୨୦୨୫ ଯୋଜନା ୧ ଜୁଲାଇ ରୁ ୩୧ ଡିସେମ୍ବର ୨୦୨୫ ପର୍ଯ୍ୟନ୍ତ କାର୍ଯ୍ୟକ୍ଷମ ରହିବ। ଏହାକୁ ଏକ ସୁଯୋଗ ଭାବେ ଗ୍ରହଣ କରି ସଂସ୍ଥାମାନେ ସେମାନଙ୍କ କାରଖାନା ବା ସଂସ୍ଥା ଏବଂ ସମସ୍ତ ଯୋଗ୍ୟ କର୍ମଚାରୀଙ୍କୁ ବୀମାଭୁକ୍ତ କରିବାକୁ…

ଖୋର୍ଦ୍ଧା: ଆଜି ପୂର୍ବାହ୍ନରେ ଭାରତ ସରକାରଙ୍କ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏକ ଦିନିକିଆ ଖୋର୍ଦ୍ଧା ଜିଲ୍ଲା ଗସ୍ତରେ ଆସି ବିକ୍ରମ ନଗର, ତରତୁଆସ୍ଥିତ ଭାରତ ତିଦ୍ଦତ ସୀମା ପୋଲିସ, ୪୧ ବାଟାଲିୟନ ପରିସରରେ ବହୁ ଉପେକ୍ଷିତ ଅସ୍ଥାୟୀ କେନ୍ଦ୍ରୀୟ ବିଦ୍ୟାଳୟ କ୍ୟାମ୍ପସ ଉଦ୍ଘାଟନ କରି ସ୍ଥାୟୀ କେନ୍ଦ୍ରୀୟ ବିଦ୍ୟାଳୟ କ୍ୟାମ୍ପସର ଶିଳା ନ୍ୟାସ କରିଛନ୍ତି। ପରିସରରେ ଆୟୋଜିତ ଏକ ସାଧାରଣ ସଭାରେ ମୁଖ୍ୟ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ବଳନ ପୂର୍ବକ ଉଦ୍ଘାଟନ କରି ନିଜ ଅଭିଭାଷଣରେ ଶିକ୍ଷାମନ୍ତ୍ରୀ କହିଲେ ଯେ, ଓଡ଼ିଶାରେ ୮ଟି କେନ୍ଦ୍ରୀୟ ବିଦ୍ୟାଳୟ ନୂତନ ଭାବେ ଖୋଲା ହେଲା। ଓଡ଼ିଶାରେ ସମୁଦାୟ ୭୫ଗୋଟି କେନ୍ଦ୍ରୀୟ ବିଦ୍ୟାଳୟ ଅଛି। କେନ୍ଦ୍ରୀୟ ବିଦ୍ୟାଳୟକୁ ସବୁ ଉପଖଣ୍ଡରେ ଖୋଲାଯାଇ କେନ୍ଦ୍ର ସରକାରଙ୍କ ୨୦୨୦ଶିକ୍ଷା ନୀତିକୁ ବିସ୍ତାର କରି ବିକଶିତ ଭାରତ ଓ ବିକଶିତ ଓଡ଼ିଶାର ସ୍ବପ୍ନକୁ ସାକାର କରାଯିବ ବୋଲି ପ୍ରେଚେଷ୍ଟା ଜାରି ରହିଛି। ସେ କହିଥିଲେ ୧୮୩୫ ମସିହାରେ ଭାରତର…

ନୂଆଦିଲ୍ଲୀ: ଜଗଦଗୁରୁ ଶଙ୍କରାଚାର୍ଯ୍ୟ ସ୍ୱାମୀ ଅଭିମୁକ୍ତେଶ୍ୱରାନନ୍ଦ ସରସ୍ୱତୀ ମରାଠୀ ଭାଷା, ହିନ୍ଦୁତ୍ୱ ସମେତ ଅନେକ ପ୍ରସଙ୍ଗରେ ନିଜର ମତ ପ୍ରକାଶ କରିଛନ୍ତି। ସେ ହିନ୍ଦୁତ୍ୱ ଏବଂ ମରାଠୀ ପ୍ରସଙ୍ଗରେ ଠାକରେ ଭାଇମାନଙ୍କୁ ମଧ୍ୟ ଟାର୍ଗେଟ କରିଛନ୍ତି। ଶଙ୍କରାଚାର୍ଯ୍ୟ ଆଶ୍ଚର୍ଯ୍ୟ ପ୍ରକାଶ କରି କହିଛନ୍ତି ଯେ, ଏକଦା କଠୋର ହିନ୍ଦୁତ୍ୱ ପାଇଁ ଜଣାଶୁଣା ଠାକରେ ପରିବାର ଏବେ ମୁସଲିମ ଶୈଳୀରେ ନିଜର ମତାମତକୁ ପ୍ରୋତ୍ସାହିତ କରିବାକୁ ଚେଷ୍ଟା କରୁଛି। ଏହାର ପ୍ରଭାବ କେଉଁଠାରୁ ଆସିଛି ତାହା ଜଣାନାହିଁ। ସେ କହିଛନ୍ତି ଯେ, “ଲୋକମାନଙ୍କୁ ମାଡ଼ ମାରି ନିଜ ପକ୍ଷରେ ଆଣିବା, ଏହା ମୁସଲିମମାନଙ୍କର ଉପାୟ, ତେଣୁ ଏହି ପଦ୍ଧତି ଗ୍ରହଣ କରାଯାଉଛି। ଠାକରେ ଭାଇମାନେ ଯେଉଁ ପଦ୍ଧତି ଗ୍ରହଣ କରିଛନ୍ତି ତାହା ମୁସଲିମ ଉପାୟ। ଏହି ସମୟରେ ଜଗତଗୁରୁ ପହଲଗାମ ଘଟଣା ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ସେ କହିଛନ୍ତି ଯେ, ପହଲଗାମରେ କଲମା ପଢିବା ପାଇଁ କୁହାଯାଇଥିଲା। ଯେଉଁମାନେ କଲମା ପଢିଥିଲେ,…

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗୋପାଳପୁର ୩ ନଂ ୱାର୍ଡ଼ କାଉନସିଲର ବି ଗୋପାଳକୃଷ୍ଣଙ୍କ ଝୁଲନ୍ତା ଶବ ଉଦ୍ଧାର କରାଯାଇଛି। ନିଜ ଦୋକାନର ଫ୍ୟାନରେ ଝୁଲୁଥିବା ଅବସ୍ଥାରେ ଗୋପାଳକୃଷ୍ଣଙ୍କୁ ଦୁଇ ପୁଅ ପବନ ଓ ଭିକି ଦେଖି ପୋଲିସକୁ ଖବର ଦେଇଥିଲେ। ପୋଲିସ ପହଞ୍ଚି ଶବ ଉଦ୍ଧାର କରି ଘଟଣାର ତଦନ୍ତ ଆରମ୍ଭ କରିଛି। ସୁଚନା ଥାଉକି କାଉନସିଲରଙ୍କ ମୃତ୍ୟୁ ରହସ୍ୟ ଘେରରେ ରହିଛି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ପୋଲସରା ଥାନା ଅର୍ନ୍ତଗତ ଚିରିକିପଡା ଶାସନ ଶିବ ମନ୍ଦିର ତିନି ଛକରେ ଥିବା ମନ୍ଦିରର ସିଂହଦ୍ଵାରକୁ ମୋଟରସାଇକେଲ ଧକ୍କା ଦେଇଛି। ଯାହାଫଳରେ ଦୁଇ ମୋଟରସାଇକେଲ ଚାଳକ ଓ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ଖବର ପାଇ ପୋଲସରା ଥାନା ଅଧିକାରୀ ଘଟଣାସ୍ଥଳରେ ପହଞ୍ଚିଥିଲେ। ଡାକ୍ତରଙ୍କ ମୃତ ଘୋଷଣା ପରେ ଉଭୟଙ୍କ ଶବକୁ ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡଡାକ୍ତରଖାନାକୁ ପଠାଇଯାଇଛି।

ନୂଆଦିଲ୍ଲୀ: ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆଜି ମୌଳିକ ଶିକ୍ଷା ବିଭାଗର ଏକ ଉଚ୍ଚସ୍ତରୀୟ ସମୀକ୍ଷା ବୈଠକ କରିଥିଲେ। ଏହି ସମୟରେ ମୁଖ୍ୟମନ୍ତ୍ରୀ କହିଥିଲେ ଯେ, ୬ ରୁ ୧୪ ବର୍ଷ ବୟସର ଗୋଟିଏ ବି ପିଲା ସ୍କୁଲରୁ ବଞ୍ଚିତ ନହେବା ଉଚିତ୍, ସ୍କୁଲ ପରିଚାଳନା କମିଟି ଏହା ସୁନିଶ୍ଚିତ କରିବା ଉଚିତ୍। ଏହି ଦିଗରେ, ‘ସ୍କୁଲ ଚଲୋ ଅଭିଯାନ’ ପ୍ରଭାବଶାଳୀ ଭାବରେ କାର୍ଯ୍ୟକାରୀ କରାଯିବା ଉଚିତ୍ ଯାହା ଦ୍ୱାରା କୌଣସି ପିଲା ସ୍କୁଲ ଯିବାରୁ ବଞ୍ଚିତ ନହୁଏ। ମୁଖ୍ୟମନ୍ତ୍ରୀ ରାଜ୍ୟରେ ପ୍ରାଥମିକ ଶିକ୍ଷାର ଗୁଣବତ୍ତା ଆହୁରି ଉନ୍ନତ କରିବା, ପିଲାମାନଙ୍କର ୧୦୦ ପ୍ରତିଶତ ସ୍କୁଲ ଉପସ୍ଥାନ ସୁନିଶ୍ଚିତ କରିବା, ସମ୍ବଳର ଦକ୍ଷ ବ୍ୟବହାର ଏବଂ ଭିତ୍ତିଭୂମିକୁ ସୁଦୃଢ଼ କରିବା ସମ୍ପର୍କରେ ଅନେକ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ମଧ୍ୟ ଜାରି କରିଥିଲେ। ୫୦ ରୁ ଅଧିକ ଛାତ୍ରଛାତ୍ରୀ ଥିବା ସ୍କୁଲ… ସେ କହିଛନ୍ତି ଯେ, ୟୁନିଫର୍ମ, ଜୋତା, ମୋଜା, ଷ୍ଟେସନାରୀ ଏବଂ ପାଠ୍ୟ ସାମଗ୍ରୀ…

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ହରିହର ନଗର ସ୍ଥିତ ଭରଦ୍ବାଜ ପ୍ରତିଷ୍ଠାନ ଠାରେ ଡ଼େଙ୍ଗୁ ରୋଗ ସଚେତନା ଓ ମାଗଣା ସ୍ବାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି।  ଭରଦ୍ବାଜ ପ୍ରତିଷ୍ଠାନର ଅଧ୍ୟକ୍ଷ ଡା.ନକୁଳ ସାହୁ ଉପସ୍ଥିତ ରହି ବର୍ଷା ଦିନ ଆରମ୍ଭରେ ଡେଙ୍ଗୁ ବା ଦଣ୍ଡାପତାନକ ନହେବା ପାଇଁ ସଚେତନ କରି କହିଲେ ମଶା ଡେଙ୍ଗୁର କାରଣ, ମଶା ନବଢ଼ିବା ପାଇଁ ଘର ଚାରିପାଖରେ ପାଣି ଜମା ହେବାକୁ ଦିଅନ୍ତୁ ନାହିଁ। ମଶାରୀ ଟାଙ୍ଗୀ କିମ୍ବା ନିମ୍ବ ତେଲ ଲଗାଇ ଶୁଅନ୍ତୁ। ପ୍ରତିଷେଧ ପାଇଁ କଣ୍ଟା ମାରିଶ ମୂଳ ତିନି ଗ୍ରାମ ସକାଳୁ ସାତ ଦିନ ଖାଆନ୍ତୁ। ମୁଖ୍ୟ ଲକ୍ଷଣ ସବୁ ସନ୍ଧି ସ୍ଥାନ, ଚକ୍ଷୁ ପଛ ଭାଗ ବ୍ୟଥା, କମ୍ପ ଜ୍ୱର, ଦୁର୍ବଳ ଅନୁଭବ ହୁଏ। ରକ୍ତଚାପ କମିଯାଏ। ଦେହରେ ନାଲି ନାଲି ଦାଗ ହୁଏ। ଅଧିକ ଲେମ୍ବୁ ଲୁଣ ମଧୁ ମିଶ୍ରିତ ଜଳ ପିଅନ୍ତୁ। ଜ୍ୱର ଓ ସନ୍ଧି…

ନୂଆଦିଲ୍ଲୀ: ଲର୍ଡସ କ୍ରିକେଟ ଗ୍ରାଉଣ୍ଡରେ ଖେଳାଯାଉଥିବା ଭାରତ ବନାମ ଇଂଲଣ୍ଡ ତୃତୀୟ ଟେଷ୍ଟ ସମୟରେ ICC ଆଚରଣ ସଂହିତା ଉଲ୍ଲଂଘନ କରିଥିବାରୁ ମହମ୍ମଦ ସିରାଜଙ୍କୁ ତାଙ୍କ ମ୍ୟାଚ୍ ଫିର ୧୫ ପ୍ରତିଶତ ଜରିମାନା କରାଯାଇଛି। ଚତୁର୍ଥ ଦିନରେ ବେନ୍ ଡକେଟଙ୍କ ୱିକେଟ୍ ନେବା ପରେ ଖୁସି ମନାଇବା ପାଇଁ ସିରାଜଙ୍କୁ ଏହି ଦଣ୍ଡ ଦିଆଯାଇଛି, ଯାହାର ଭିଡିଓ ସାମାଜିକ ଗଣମାଧ୍ୟମରେ ପ୍ରସାରିତ ହେଉଛି। ICC ତାର ବିବୃତ୍ତିରେ କହିଛି ଯେ, “ସିରାଜଙ୍କୁ ICC ଆଚରଣ ସଂହିତାର ଧାରା ୨.୫ ଉଲ୍ଲଂଘନ କରିବା ପାଇଁ ଦୋଷୀ ସାବ୍ୟସ୍ତ କରାଯାଇଛି, ଯାହା “ଆନ୍ତର୍ଜାତୀୟ ମ୍ୟାଚ୍ ସମୟରେ ଜଣେ ବ୍ୟାଟସମ୍ୟାନ୍ ଆଉଟ୍ ହେବା ସମୟରେ ତାଙ୍କ ଭାଷା, ଆଚରଣ କିମ୍ବା ହାବଭାବ ପ୍ରତି ଅପମାନଜନକ ପ୍ରତିକ୍ରିୟା ପ୍ରକାଶ କରିବା” ସହିତ ଜଡିତ। ମହମ୍ମଦ ସିରାଜଙ୍କୁ କ’ଣ ପାଇଁ ଦଣ୍ଡ ଦିଆଯାଇଥିଲା? ୱିକେଟ ନେବା ପରେ ସିରାଜ ତାଙ୍କ ଫଲୋ-ଥ୍ରୁରେ ବ୍ୟାଟସମ୍ୟାନ୍ ପାଖକୁ ଯାଇ ଖୁସି ମନାଇଲେ…

ଭୁବନେଶ୍ଵର: ବଲାଙ୍ଗିର ସାମ୍ବାଦିକ ଭବନ ଠାରେ ସୃଜନ ସଳିତା ନବନିତା ପକ୍ଷରୁ ଯୁବ ଲେଖକ ସମାବେଶ ‘ପଲ୍ଲଵନ’ ଅନୁଷ୍ଠିତ ହୋଇଯାଇଛି। ରାଜେଶ ଝାଙ୍କରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବରଗଡ ସାଂସଦ ପ୍ରଦୀପ ପୁରୋହିତ ଯୋଗଦେଇ ସାହିତ୍ୟ ସବୁ ସମୟରେ ସମାଜକୁ ଉତ୍ତମ ଦିଗଦର୍ଶନ ଦେଇଥାଏ ବୋଲି ପ୍ରକାଶ କରିଥିଲେ। ସମ୍ମାନିତ ଅତିଥି ଭାବରେ ସାମାଜିକ କର୍ମୀ ସରୋଜ ମହାନ୍ତି ଓ ସାହିତ୍ୟିକ ବାସୁଦେବ ସୁନାନୀ ଯୋଗ ଦେଇଥିଲେ। ଏହି ଅବସରରେ ସାହିତ୍ୟ ଆସନ୍ତାକାଲିର ଆହ୍ୱାନ ସମ୍ଭାବନା ଉପରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା। ମୁଖ୍ୟଅତିଥି ବହୁ ଗଳ୍ପ ଓ କବିତା ପୁସ୍ତକକୁ ଉନ୍ମୋଚନ କରିଥିଲେ।

ନୂଆଦିଲ୍ଲୀ: ପ୍ରସିଦ୍ଧ ବ୍ୟାଡମିଣ୍ଟନ ଖେଳାଳି ସାଇନା ନେହୱାଲ ତାଙ୍କ ସ୍ୱାମୀ ପାରୁପଲ୍ଲୀ କଶ୍ୟପଙ୍କଠାରୁ ଅଲଗା ହେବାର ନିଷ୍ପତ୍ତି ସାର୍ବଜନୀନ କରିଛନ୍ତି। ସେ ସୋସିଆଲ ମିଡିଆରେ ଏକ ନୋଟ୍ ସେୟାର କରି ଏ ବିଷୟରେ ସୂଚନା ଦେଇଛନ୍ତି। ଉଭୟଙ୍କ ପ୍ରେମ କାହାଣୀ ବ୍ୟାଡମିଣ୍ଟନ କୋର୍ଟରୁ ହିଁ ଆରମ୍ଭ ହୋଇଥିଲା। ଉଭୟ ହାଇଦ୍ରାବାଦର ପୁଲେଲା ଗୋପୀଚାନ୍ଦ ଏକାଡେମୀରେ ଏକାଠି ତାଲିମ ନେଇଥିଲେ, ଏହିଠାରୁ ଉଭୟଙ୍କ ମଧ୍ୟରେ ବନ୍ଧୁତା ଆରମ୍ଭ ହୋଇଥିଲା ଯାହା ପରେ ପ୍ରେମରେ ପରିଣତ ହୋଇଥିଲା। ସାଇନା ନେହୱାଲ ଇନଷ୍ଟାଗ୍ରାମ ଷ୍ଟୋରୀରେ ଏକ ନୋଟ୍ ସେୟାର କରି ଲେଖିଛନ୍ତି ଯେ, “ଜୀବନ କେତେବେଳେ ଆମକୁ ଭିନ୍ନ ରାସ୍ତାରେ ନେଇଯାଏ। ବହୁତ ଚିନ୍ତା କରିବା ପରେ, ପାରୁପଲ୍ଲୀ କଶ୍ୟପ ଏବଂ ମୁଁ ଅଲଗା ହେବାକୁ ନିଷ୍ପତ୍ତି ନେଇଛୁ। ଆମେ ପରସ୍ପର ପାଇଁ ଶାନ୍ତି, ବିକାଶ ଏବଂ ସୁସ୍ଥ ଜୀବନ ବାଛିବାକୁ ନିଷ୍ପତ୍ତି ନେଇଛୁ। ମୁଁ ଏହି ସ୍ମରଣୀୟ ମୁହୂର୍ତ୍ତଗୁଡ଼ିକ ପାଇଁ କୃତଜ୍ଞ ଏବଂ ଭବିଷ୍ୟତ…

ଭୁବନେଶ୍ଵର: ନବରଙ୍ଗପୁରଠାରେ କର୍ଣ୍ଣେଲ ସୁନିଲ କୁମାର ଓ ସୁବେଦାର ମେଜର କେଦାରନାଥ ପ୍ରଧାନଙ୍କ ନେତୃତ୍ବରେ ତ୍ରୟୋଦଶ ଏନସିସି ବାଲାଟିୟନ ପକ୍ଷରୁ ସ୍ଥଳସେନା ପ୍ରଶିକ୍ଷଣ ଶିବିର ଗତକାଲିଠାରୁ ଆରମ୍ଭ ହୋଇଛି। ୧୦ ଦିନ ଧରି ଚାଲିବାକୁ ଥିବା ଏହି ଶିବିରରେ  ନବରଙ୍ଗପୁର ସମେତ କୋରାପୁଟ, ଗଞ୍ଜାମ, କଳାହାଣ୍ଡି, ଖୋର୍ଦ୍ଧା, ନୟାଗଡ, ମାଲକାନଗିରି, ପୁରୀ, ସମ୍ବଲପୁର ଆଦି ଜିଲ୍ଲାର ୪୯୫ ଜଣ କ୍ୟାଡେଡ୍ ଭାଗ ନେଇଛନ୍ତି। ସେନାରେ ଭର୍ତ୍ତି ହେବା ପରେ ଯେଉଁଭଳି ଅନୁଶାସନରେ ରହିବାକୁ ହୁଏ ଏବଂ ନିଜକୁ ପ୍ରସ୍ତୁତ ରହିବାକୁ ପଡିଥାଏ ତାକୁ ନେଇ ପ୍ରଥମ ୫ ଦିନ ପ୍ରଶିକ୍ଷଣ ଦିଆଯିବା ପରେ ପ୍ରତିବନ୍ଧକ କୋର୍ସ, ମାନଚିତ୍ର ପ୍ରଦର୍ଶନ ଶିକ୍ଷା, ଶାରୀରିକ ଓ ମାନସିକ ସନ୍ତୁଳନ, ବନ୍ଧୁକ ଚାଳନା, ମାର୍ସଲ ଡ୍ରିଲ ଆଦି ପ୍ରଦାନ କରାଯିବ ବୋଲି ଶ୍ରୀ କୁମାର କହିଛନ୍ତି।