Author: SM Network

ଭୁବନେଶ୍ବର: ଭୁବନେଶ୍ବର ଓଡ଼ିଶା କୃଷି ପ୍ରଯୁକ୍ତିବିଦ୍ୟା ବିଶ୍ବବିଦ୍ୟାଳୟ ସଭାଗୃହରେ ଓଡ଼ିଶା ଏନସିସି ନିର୍ଦ୍ଦେଶାଳୟ ପକ୍ଷରୁ ରାଷ୍ଟ୍ର ଗଠନରେ ଏନସିସିର ଅବଦାନ ଶୀର୍ଷକ ଏକ ଦିନିକିଆ ଜାତୀୟ ସେମିନାର ଅନୁଷ୍ଠିତ ହୋଇଯାଇଛି। ରାଜ୍ୟପାଳ ହରିବାବୁ କମ୍ଭମପାଟି ଏହି କାର୍ଯ୍ୟକ୍ରମକୁ ଉଦ୍‌ଘାଟନ କରି ଯୁବପିଢିଙ୍କ ଚରିତ୍ର ଗଠନ, ଦେଶପ୍ରେମ, ନେତୃତ୍ବ, ଏକତା, ଅନୁଶାସନ ଓ ଦେଶମାତୃକା ପାଇଁ ନିଃସ୍ବାର୍ଥପର ସେବା ନିମନ୍ତେ ପ୍ରତିବଦ୍ଧତା ଉପରେ ଗୁରୁତ୍ବାରୋପ କରିଛନ୍ତି। ମୁଖ୍ୟବକ୍ତା ଭାବେ ଏନସିସି ନିର୍ଦ୍ଦେଶାଳୟର ନିର୍ଦ୍ଦେଶକ କର୍ଣ୍ଣେଲ ସତ୍ୟବ୍ରତ ସ୍ବାଇଁ ଯୋଗଦେଇ ଏନସିସି ମାଧ୍ୟମରେ ସଶକ୍ତ, ଦାୟିତ୍ବବାନ ଓ ସେବାମୁଖୀ ଯୁବବର୍ଗ ଗଠନ ଉପରେ ଆଲୋକପାତ କରିଛନ୍ତି। ଏହି କାର୍ଯ୍ୟକ୍ରମରେ ସେନାବାହିନୀର ବରିଷ୍ଠ ଅଧିକାରୀ, ପ୍ରଶାସକ, ବିଶିଷ୍ଟ ଶିକ୍ଷାବିତ ଓ ବିଶେଷଜ୍ଞମାନେ ଯୋଗ ଦେଇଥିଲେ। ଏହି ଜାତୀୟ ସେମିନାରରେ ୧ ହଜାରରୁ ଊର୍ଦ୍ଧ୍ବ କ୍ୟାଡେଟ୍‌, ସହଯୋଗୀ ଏନସିସି ଅଧିକାରୀ ଓ ବହୁ ବିଶିଷ୍ଟ ବ୍ୟକ୍ତି ଯୋଗଦେଇ ଭାବ ବିନିମୟ କରିଥିଲେ।

ଭୁବନେଶ୍ଵର: ଉପକୂଳ ଓଡ଼ିଶାରେ ଅସହ୍ୟ ଗୁଳୁଗୁଳି ସାଙ୍ଗକୁ ପଶ୍ଚିମ ଓଡ଼ିଶାରେ ଗ୍ରୀଷ୍ମପ୍ରବାହ ସାଧାରଣ ଜୀବନଯାତ୍ରାକୁ ଅସ୍ତବ୍ୟସ୍ତ କରି ଦେଇଛି। ଅନ୍ୟପକ୍ଷରେ ରାଜ୍ୟର କେତେକାଞ୍ଚଳରେ କାଳବୈଶାଖୀ ଜାରି ରହିଛି। ଏହି କାଳବୈଶାଖୀ ଆହୁରି ୩ ଦିନ ଯାଏ ଲାଗି ରହିବ ବୋଲି ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି।

ଭୁବନେଶ୍ଵର: ନିକଟରେ ନକ୍ସଲ ବିରୋଧୀ ଅଭିଯାନରେ ଦେଶ ଏକ ଐତିହାସିକ ସଫଳତା ପାଇଥିଲା। ଛତିଶଗଡ଼-ତେଲେଙ୍ଗାନା ସୀମାରେ ଅବସ୍ଥିତ ନକ୍ସଲମାନଙ୍କ ଗଡ଼ କୁହାଯାଉଥିବା କରେଗୁଟାଲୁ ପାହାଡିଆ ଅଞ୍ଚଳ (କେଜିଏଚ)ରେ ଏପ୍ରିଲ ୨୧ରୁ ମେ ୧୧, ୨୦୨୫ ମଧ୍ୟରେ ସୁରକ୍ଷାବାହିନୀ ଦ୍ବାରା କରାଯାଇଥିବା ଏକ ବୃହତ୍ ନକ୍ସଲ ବିରୋଧୀ ଅଭିଯାନରେ ଏହି ସଫଳତା ମିଳିଥିଲା। କେନ୍ଦ୍ରୀୟ ରିଜର୍ଭ ପୁଲିସ ବଳ (ସିଆରପିଏଫ), ସ୍ପେଶାଲ ଟାସ୍କ ଫୋର୍ସ, ଡିଷ୍ଟ୍ରିକ୍ଟ ରିଜର୍ଭ ଗାର୍ଡ (ଡିଆରଜି) ଓ ରାଜ୍ୟ ପୁଲିସ ବାହିନୀ ଦ୍ବାରା ମିଳିତଭାବେ କରାଯାଇଥିବା ଏହି ଅଭିଯାନରେ ୩୧ଜଣ ନକ୍ସଲ ମୃତ୍ୟୁବରଣ କରିଥିଲେ, ଯେଉଁମାନଙ୍କ ମଧ୍ୟରେ ୧୬ ଜଣ ମହିଳା ଥିଲେ। ଏହି ଅଭିଯାନରେ ସୁରକ୍ଷାବାହନୀର କୌଣସି କ୍ଷୟକ୍ଷତି ହୋଇନଥିଲା। ଏହା ପରେ ଏହି ନକ୍ସଲ ଅଧ୍ୟୁଷିତ ଅଂଚଳରେ କେତେକ ସୁରକ୍ଷା ଶିବିର ସ୍ଥାପନ କରି ତାହା ଉପରେ ସରକାରଙ୍କ ନିୟନ୍ତ୍ରଣ ପୁନଃସ୍ଥାପନ କରାଯାଇଥିଲା। ସେହିପରି ଛତିଶଗଡ଼ର ବିଭିନ୍ନ ନକ୍ସଲ ଅଧ୍ୟଷିତ ଜିଲ୍ଲାରେ ସୁରକ୍ଷାବାହିନୀର ପ୍ରଭାବୀ ଅଭିଯାନ…

ନୂଆଦିଲ୍ଲୀ: କେନ୍ଦ୍ର ସ୍ୱରାଷ୍ଟ୍ର ତଥା ସମବାୟ ମନ୍ତ୍ରୀ ଅମିତ ଶାହ ଗୁଜରାଟର ରାଜଧାନୀ ଗାନ୍ଧୀନଗରରେ ୭୦୮ କୋଟି ଟଙ୍କା ମୂଲ୍ୟର ବିଭିନ୍ନ ବିକାଶ ପ୍ରକଳ୍ପର ଉଦଘାଟନ ଏବଂ ଭିତ୍ତିପ୍ରସ୍ତର ସ୍ଥାପନ କରିଛନ୍ତି ଏବଂ ଡାକ ବିଭାଗର ଲାଭ ବଣ୍ଟନ କାର୍ଯ୍ୟକ୍ରମକୁ ସମ୍ବୋଧିତ କରିଛନ୍ତି। ଏହି ଅବସରରେ ନିଜର ଅଭିଭାଷଣରେ ଅମିତ ଶାହ କହିଥିଲେ ଯେ ପ୍ରଧାନମନ୍ତ୍ରୀ ହେବା ପରଠାରୁ ନରେନ୍ଦ୍ର ମୋଦୀ ଗୁଜରାଟ ଭଳି ଦେଶର ବିକାଶ କରିଛନ୍ତି ଏବଂ ଆଜି ଭାରତ ପ୍ରତ୍ୟେକ କ୍ଷେତ୍ରରେ ବିକଶିତ ହେବା ଦିଗରେ ଅଗ୍ରସର ହେଉଛି। ଅମିତ ଶାହ କହିଥିଲେ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କେବଳ ଦେଶର ପ୍ରତ୍ୟେକ କ୍ଷେତ୍ରରେ ବିକାଶ କରିନାହାନ୍ତି, ବରଂ ଏହାକୁ ସୁରକ୍ଷିତ ରଖିବା ପାଇଁ ମଧ୍ୟ କାର୍ଯ୍ୟ କରିଛନ୍ତି। ସେ କହିଥିଲେ ଯେ ୨୦୧୪ରେ ଶ୍ରୀ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ହେବା ପୂର୍ବରୁ ଦେଶରେ ପ୍ରାୟ ପ୍ରତିଦିନ ଆତଙ୍କବାଦୀ ଆକ୍ରମଣ ହେଉଥିଲା, ପାକିସ୍ତାନରୁ ଆତଙ୍କବାଦୀ ଆସି ଆମର…

ଭୁବନେଶ୍ଵର: ମୟୂରଭଞ୍ଜ ଜିଲ୍ଲାପାଳଙ୍କ କାର୍ଯ୍ୟାଳୟ ସ୍ଥିତ ସମ୍ମିଳନୀ କକ୍ଷ ଠାରେ ଆୟୋଜିତ ସମୀକ୍ଷା ବୈଠକରେ ଓଡ଼ିଶା ସରକାରଙ୍କ ଆଇନ, ପୂର୍ତ୍ତ‌ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚ଼ନ୍ଦନ ଅଧ୍ୟକ୍ଷତା କରି ମୟୂରଭଞ୍ଜ (ଆର୍& ବି) ଡ଼ିଭିଜନ ଅଧିନସ୍ଥ ଚାଲୁଥିବା ଉନ୍ନୟନ ମୂଳକ ପ୍ରକଳ୍ପ କାର୍ଯ୍ୟର ସ୍ଥିତି ଓ ଅଗ୍ରଗତି ସମ୍ପର୍କରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ। ଉକ୍ତ ସମୀକ୍ଷା ବୈଠକରେ ଜିଲ୍ଲାରେ ପୂର୍ତ୍ତ ବିଭାଗର ୨ଟି ଡିଭିଜନ ଯଥା ବାରିପଦା ଓ ରାଇରଙ୍ଗପୁର, ଏନ୍ .ଏଚ୍ ଏବଂ ଏନ୍ .ଏଚ.ଏ.ଆଇ ଅଧୀନରେ କାର୍ଯ୍ୟକାରୀ ହେଉଥିବା ବିଭିନ୍ନ ଉନ୍ନୟନ ମୂଳକ ପ୍ରକଳ୍ପ ଯଥା ରାସ୍ତା, ପୋଲ, ଗୃହ ନିର୍ମାଣ ଇତ୍ୟାଦି ପ୍ରକଳ୍ପ ଗୁଡିକର ଅଗ୍ରଗତି ସମ୍ପର୍କରେ ସମୀକ୍ଷା ହୋଇଥିଲା। ଉକ୍ତ ବୈଠକରେ ମନ୍ତ୍ରୀ ଗୃହ ନିର୍ମାଣ ଓ ନଗର ଉନ୍ନୟନ ଡ଼. କୃଷଚନ୍ଦ୍ର ମହାପାତ୍ର,ମୟୂରଭଞ୍ଜ ଲୋକସଭା ସାଂସଦ ନବ ଚରଣ ମାଝୀ, ରାଜ୍ୟସଭା ସାଂସଦ ମମତା ମହାନ୍ତ, ମୟୂରଭଞ୍ଜ ଜିଲ୍ଲାର ବିଧାୟକ, ବିଧାୟିକା ଗଣଙ୍କ…

ମେଷ- କିଛି ଗୁରୁତ୍ୱପୂର୍ଣ୍ଣ କାର୍ଯ୍ୟ ପାଇଁ ଅବଗଣନା ଆରମ୍ଭ ହୋଇଛି, ଭଲ ପ୍ରସ୍ତୁତ ରୁହ। ଅଧ୍ୟୟନ ସ୍ତରରେ ଯେଉଁମାନେ ଅସୁବିଧାର ସମ୍ମୁଖୀନ ହେଉଛନ୍ତି, ସେମାନେ ସ୍ଥିତିର ଉନ୍ନତି ପାଇଁ କଠିନ ପରିଶ୍ରମ ଆରମ୍ଭ କରିବେ। ସମ୍ପତ୍ତି ଭଲ ଫଳ ଆଣିବ ବୋଲି ଆଶା କରାଯାଉଛି। ଏହି ସପ୍ତାହରେ ଅଳଙ୍କାର କିମ୍ବା ସୁନା କ୍ଷେତ୍ରରେ କାର୍ଯ୍ୟ କରୁଥିବା ଲୋକଙ୍କ ଆୟ ବୃଦ୍ଧି ପାଇବ ବୋଲି ଆଶା କରାଯାଉଛି। ଯେ କୈଣସି ଆସାଇନମେଣ୍ଟ କିମ୍ବା ପ୍ରୋଜେକ୍ଟ ଆପଣ ସମାପ୍ତ କଲେ ମଧ୍ୟ ସିନିୟରମାନଙ୍କୁ ପ୍ରଭାବିତ କରିବ ନାହିଁ। ବୃଷ- କୌଣସି ନିଷ୍ପତ୍ତି ନେବା ପୂର୍ବରୁ ସାମ୍ପ୍ରତିକ ପରିସ୍ଥିତି ଉପରେ ନଜର ରଖିବା ଆବଶ୍ୟକ ହେବ। ଏକ ବୃତ୍ତିଗତ ସ୍ତରର ସମସ୍ୟାର ସମାଧାନ ପାଇଁ ଆପଣ ପୁରସ୍କାର ପାଇପାରିବେ। ବୁଝାମଣା ମାଧ୍ୟମରେ ଏହି ରାଶିର ଲୋକମାନେ କମ୍ ମୂଲ୍ୟରେ କିଛି କିଣିବାକୁ ଯାଉଛନ୍ତି। ନବ ବିବାହିତାମାନେ ସେମାନଙ୍କର ଦାମ୍ପତ୍ୟ ଜୀବନକୁ ପୂର୍ଣ୍ଣ ଉପଭୋଗ କରିବାକୁ ସକ୍ଷମ ହେବେ। ପ୍ରେମ…

ଭୁବନେଶ୍ୱର: ସରକାରଙ୍କ ତରଫରୁ ଚଳିତ ଶିକ୍ଷାବର୍ଷରେ ରାଜ୍ୟର ସମସ୍ତ ପ୍ରାଥମିକ ଓ ମାଧ୍ୟମିକ ସ୍କୁଲର ଶିକ୍ଷକମାନଙ୍କ ବଦଳି ପ୍ରକ୍ରିୟାକୁ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ (ଓଷ୍ଟା) ସମର୍ଥନ ଜଣାଇବା ସହ ଏଥିରେ ସ୍ୱଚ୍ଛତା ବଜାୟ ରଖିବା ପାଇଁ ଓଷ୍ଟାର ସାଧାରଣ ସଂପାଦକ ରଞ୍ଜନ କୁମାର ଦାଶ ଏକ ପ୍ରେସ୍ ବିବୃତ୍ତି ମାଧ୍ୟମରେ ଜଣାଇଛନ୍ତି। ସୂଚନାଥାଉକି, ୨୦୨୫-୨୬ ଶିକ୍ଷାବର୍ଷ ପାଇଁ ରାଜ୍ୟବ୍ୟାପୀ ପ୍ରାଥମିକ ଓ ମାଧ୍ୟମିକ ବିଦ୍ୟାଳୟର ଶିକ୍ଷକମାନଙ୍କର ବଦଳି ନିମନ୍ତେ ନିର୍ଦ୍ଦେଶନାମା ପ୍ରକାଶ ପାଇଛି। ଏହି ପ୍ରକ୍ରିୟା ପାଇଁ ମଇ ମାସ ୧୫ ତାରିଖରୁ ଆବେଦନ ଆରମ୍ଭ ହୋଇ ୩୦ ତାରିଖରେ ଶେଷ ହେବାକୁ ଥିବାବେଳେ ବର୍ତ୍ତମାନସୁଦ୍ଧା ୱେବସାଇଟ୍ ଖୋଲୁ ନାହିଁ, ପୁନଶ୍ଚ ଟିଚର ପ୍ରୋଫାଇଲ ଅପଡେଟ୍ ପାଇଁ କୌଣସି ନିଷ୍ପତ୍ତି ହୋଇ ନାହିଁ। ମଇ ୩୧ ତାରିଖରେ ଜିଲ୍ଲା ଶିକ୍ଷାଧିକାରୀମାନେ ଆବେଦନକୁ ଅପଲୋଡ଼ କରିବେ ଏବଂ ଜୁନ୍ ୫ ତାରିଖରେ ସ୍ୱାସ୍ଥ୍ୟଗତ ସମସ୍ୟା ଥିବା ଶିକ୍ଷକଙ୍କ ଆବେଦନକୁ ରାଜ୍ୟ…

ଭୁବନେଶ୍ଵର: ଆନ୍ତର୍ଜାତିକ ଯୋଗ ଦିବସ ୨୦୨୫ ଉପଲକ୍ଷେ ‘ଯୋଗ ଅନପ୍ଲକଡ’ କାର୍ଯ୍ୟକ୍ରମରେ ଦେଶର ପ୍ରମୁଖ ଯୋଗ ସଂସ୍ଥାନଗୁଡିକ ଯୋଗଦାନ କରିବେ। ଏହି କାର୍ଯ୍ୟକ୍ରମ ଅଧୀନରେ ବିଶ୍ୱର ସବୁଠାରୁ ପ୍ରମୁଖ ଯୋଗ ସଂସ୍ଥା କୈବଲ୍ୟ ଧାମ ଯୁବକମାନଙ୍କ ଲାଗି କିଛି କାର୍ଯ୍ୟକ୍ରମ ଆରମ୍ଭ କରିଛି । ‘ଯୋଗ ଫର ୟଙ୍ଗ ମାଇଣ୍ଡସ’ ହେଉଛି ଏମିତି ଏକ କ୍ୟାମ୍ପେନ ଯେଉଁଥିରେ ଅନଲାଇନ ମାଧ୍ୟମରେ କମନ ଯୋଗ ପ୍ରୋଟୋକଲ ଉପରେ ତାଲିମ ମିଳୁଛି। ସାରା ଦେଶର ବିଦ୍ୟାର୍ଥୀ ଓ ଯୁବ ନେତୃତ୍ୱଙ୍କୁ ସୁବିଧାରେ ଯୋଗ ଜ୍ଞାନ ପହଂଚାଇବା ଏହାର ମୁଖ୍ୟ ଲକ୍ଷ୍ୟ। ଅନଲାଇନ ଭର୍ଚୁଆଲ ଗ୍ଲୋବାଲ ସମିଟରେ ଯୋଗିନାର ମାଧ୍ୟମରେ ନିଜକୁ ଯୋଡିବାକୁ କୈବଲ୍ୟ ଧାମ ଲକ୍ଷ୍ୟ ରଖିଛି। ଚଳିତବର୍ଷର ଆନ୍ତର୍ଜାତିକ ଯୋଗ ଦିବସ ଉପଲକ୍ଷେ ବିଭିନ୍ନ ପ୍ରକାର ସର୍ଜନାତ୍ମକ କାର୍ଯ୍ୟକ୍ରମ ମାଧ୍ୟମରେ ଯୁବକମାନଙ୍କୁ ଯୋଡିବାକୁ ନିଷ୍ପତି ନିଆଯାଇଛି। ୧୯୨୪ରେ ସ୍ୱାମୀ କୁବଳୟାନନ୍ଦଙ୍କ ଦ୍ୱାରା ପ୍ରତିଷ୍ଠା କରାଯାଇଥିବା ଏହି କୈବଲ୍ୟଧାମ ମହର୍ଷି ପତଞ୍ଜଳି କୃତ ଯୋଗସୂତ୍ର…

ଭୁବନେଶ୍ଵର: ଅପରେସନ ସିନ୍ଦୂରର ସଫଳତା ପାଳନ ଅବସରରେ ମୟୁରଭଞ୍ଜ ଜିଲ୍ଲା ସ୍ଥିତ ବାରିପଦା ଠାରେ ଆୟୋଜିତ ‘ସିନ୍ଦୂର ପଦଯାତ୍ରା’ ରେ ଓଡ଼ିଶା ସରକାରଙ୍କ ଆଇନ, ପୂର୍ତ୍ତ‌ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚ଼ନ୍ଦନ ଯୋଗ ଦେଇଥିଲେ। ଯେପରି ସିନ୍ଦୂର ପ୍ରତ୍ୟେକ ଭାରତୀୟ ନାରୀଙ୍କର ଗର୍ବ ଓ ଗୌରବ ସେପରି ଆମ ଭାରତୀୟ ଯବାନ ଆମ ସମସ୍ତଙ୍କ ପାଇଁ ଗର୍ବ ଓ ଗୌରବ।ବୀର ଯବାନମାନଙ୍କର ପରାକ୍ରମ ଓ ଶୌର୍ଯ୍ୟ ପାଇଁ ମାନ୍ୟବର ମନ୍ତ୍ରୀ ଶ୍ରୀ ହରିଚ଼ନ୍ଦନ ଅଶେଷ ଅଶେଷ ଅଭିନନ୍ଦନ ଜ୍ଞାପନ କରିଥିଲେ। ଆଜିର ଏହି ପଦଯାତ୍ରା ଥିଲା ଆମ ମାତୃଭୂମି ପ୍ରତି ଆମର ସମର୍ପଣ, ସାହସ ଓ ଶକ୍ତିର ନିଦର୍ଶନ। ଏହି ପଦଯାତ୍ରାରେ ଗୃହ ଓ ନଗର ଉନ୍ନୟନ ଓ ସାଧାରଣ ଉଦ୍ୟୋଗ ମନ୍ତ୍ରୀ ଡ଼ଃ କୃଷ୍ଣଚ଼ନ୍ଦ୍ର ମହାପାତ୍ର, ମୟୂରଭଞ୍ଜ ଲୋକସଭା ସାଂସଦ ନବ ଚରଣ ମାଝୀ, ରାଜ୍ୟସଭା ସାଂସଦ ମମତା ମହାନ୍ତ, ବାରିପଦା ବିଧାୟକ ପ୍ରକାଶ ସୋରେନ୍, କରଞ୍ଜିଆ ବିଧାୟକ…

ନୂଆଦିଲ୍ଲୀ: ଆଜିଠାରୁ ପୁଣି ଥରେ ଆଇପିଏଲ-୨୦୨୫ ଆରମ୍ଭ ହେଉଛି। ଆରସିବି ଏବଂ କୋଲକାତା ନାଇଟ୍ ରାଇଡର୍ସ ମଧ୍ୟରେ ମ୍ୟାଚ୍ ବେଙ୍ଗାଲୁରୁରେ ଖେଳାଯିବ। ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର କୋଟି କୋଟି ପ୍ରଶଂସକ ଅଛନ୍ତି ଏବଂ ଯେତେବେଳେ ବାଙ୍ଗାଲୋରରେ ଏକ ମ୍ୟାଚ୍ ଖେଳାଯାଏ, ସେତେବେଳେ ପ୍ରଶଂସକମାନେ RCB ଜର୍ସି ପିନ୍ଧିଥିବାରୁ ସମଗ୍ର ପଡ଼ିଆ ଲାଲ ଦେଖାଯାଏ। ଆଜି ଏସବୁ ପରିବର୍ତ୍ତନ ହେବାକୁ ଯାଉଛି କାରଣ ଆଜି ଏମ୍ ଚିନ୍ନାସ୍ୱାମୀ ଷ୍ଟାଡିୟମକୁ ଲାଲ ରଙ୍ଗ ବଦଳରେ ଧଳା କରାଯିବ। ଏହା କାହିଁକି ହେବ ଜାଣନ୍ତୁ? ଚିନ୍ନାସ୍ୱାମୀ ଷ୍ଟାଡିୟମକୁ ଧଳା ରଙ୍ଗ କରାଯିବ: ଏହି ମାମଲା ବିରାଟ କୋହଲିଙ୍କ ଟେଷ୍ଟ ଅବସର ସହିତ ଜଡିତ। ବାତିଲ ପରେ IPL-୨୦୨୫ ପୁନଃ ଆରମ୍ଭ ହେଉଛି, ଯେଉଁଠାରେ RCB ପ୍ରଥମ ମ୍ୟାଚ୍ ରେ ଖେଳିବାର ଦେଖାଯିବ। ଏହି ସମୟରେ ସୋସିଆଲ ମିଡିଆରେ ଏକ ଭିଡିଓ ସାମ୍ନାକୁ ଆସିଛି, ଯେଉଁଠାରେ ପ୍ରଶଂସକମାନେ ବିରାଟ କୋହଲିଙ୍କୁ ସମ୍ମାନ ଦେବା ପାଇଁ ଧଳା ଜର୍ସି…

ବାଣପୁର: ସ୍ଥାନୀୟ ଅଗ୍ରଣୀ ସାହିତ୍ୟ ସିନ୍ଦୂରା ଅନୁଷ୍ଠାନ ତରଫରୁ ପହଲଗାଓଁ ର ଆତଙ୍କୀ ଆକ୍ରମଣର ପ୍ରତିଶୋଧ ସ୍ୱରୂପ ଭାରତ ତରଫରୁ “ଅପରେସନ ସିନ୍ଦୂର” ରେ ଦେଶମାତୃକା ପାଇଁ ପ୍ରାଣବଳି ଦେଇ ସହିଦ ହୋଇଥିବା ଭାରତୀୟ ସେନା ମାନଙ୍କ ପାଇଁ ଶ୍ରଦ୍ଧାଞ୍ଜଳି ଜ୍ଞାପନ କରାଯିବା ସହିତ ବିଜୟ ଦିବସ ପାଳନ କରାଯାଇଥିଲା। ସାହିତ୍ୟ ସିନ୍ଦୂରା ଅନୁଷ୍ଠାନର ସଭାପତି ଗୋଲଖ ବିହାରୀ ପରିଡ଼ାଙ୍କ ଆବାହକତ୍ୱରେ ତଥା ଶିକ୍ଷାବିତ୍ ଚିନ୍ତାମଣି ମିଶ୍ର ଏବଂ ଗ୍ରାମୀଣ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ସର୍ବେଶ୍ଵର ଷଡ଼ଙ୍ଗୀଙ୍କ ସଂଯୋଜନାରେ ଅନୁଷ୍ଠିତ ଉକ୍ତ ସଭାରେ ପ୍ରାକ୍ତନ ଅଧ୍ୟକ୍ଷ ନୃସିଂହ ଚରଣ ପ୍ରଧାନ, ବିଶିଷ୍ଟ ଗାଳ୍ପିକ ଶିବ ମିଶ୍ର, ବର୍ଷୀୟାନ କବି ପୁରୁଷୋତ୍ତମ ମହାପାତ୍ର, ଗବେଷକ ମଦନମୋହନ ମହାପାତ୍ର, ପନ୍ତା କୂଳିଆ କବି ଦିଗମ୍ବର ବିଶ୍ୱାଳ, କବି ବାଳମୁକୁନ୍ଦ ଦାସ, ପ୍ରାକ୍ତନ ଅଧ୍ୟକ୍ଷ ସଂଗ୍ରାମ କେଶରୀ ସାହୁ, ବ୍ରଜକିଶୋର ଜେନା, ରଙ୍କନାଥ ସେଠୀ, ଆଇନଜୀବୀ ଶରତ ପଟ୍ଟନାୟକ, ରାଜକିଶୋର ରଥ, ତ୍ରିଲୋଚନ…

କଟକ: ଝାରସୁଗୁଡା ଜିଲ୍ଲାରେ ଦୁଇ ଜଣ ନାବାଳକଙ୍କୁ ଦୁଷ୍କର୍ମ କରାଯାଇଥିବା ମାମଲାର ଆଜି ଚୂଡାନ୍ତ ରାୟ ପ୍ରକାଶ ପାଇଛି। ଅତିରିକ୍ତ ଜିଲ୍ଲା ଓ ଦୌରା ଅଦାଲତ ବିଚାରପତି, POCSO ପୂଜା ଷଡ଼ଙ୍ଗୀ ଏହି ମାମଲାରେ ସମ୍ପୃକ୍ତ ଥିବା ମୁଖ୍ୟ ଅଭିଯୁକ୍ତଙ୍କୁ ୨୫ ବର୍ଷ ସଶ୍ରମ କାରାଦଣ୍ଡଦେଶ ପ୍ରଦାନ କରିଛନ୍ତି। ଗୁରୁତ୍ୱପୂର୍ଣ୍ଣ କଥା ହେଉଛି, ମାତ୍ର ୫୫ ଦିନ ମଧ୍ୟରେ ଅଭିଯୁକ୍ତଙ୍କ ବିରୋଧରେ ପୋଲିସ ପକ୍ଷରୁ ଚାର୍ଜସିଟ ଦାଖଲ କରାଯାଇଥିଲା। ସେହି ଅନୁଯାୟୀ ଏହି ମାମଲାର ଚୂଡାନ୍ତ ରାୟ ଆଜି ପ୍ରକାଶ ପାଇଛି। ମାମଲାର ବିବରଣୀ ଅନୁଯାୟୀ, ଚଳିତ ବର୍ଷ ମାର୍ଚ୍ଚ ମାସ ୨୩ ତାରିଖରେ ବ୍ରଜରାଜନଗର ଥାନାରେ ଏହି ବଳାତ୍କାର ମାମଲା ପଞ୍ଜିକୃତ ହୋଇଥିଲା। ଅଭିଯୁକ୍ତ ଅଜିତ ନାଗ ଜଣେ ୧୧ ବର୍ଷ ବୟସର ନାବାଳକଙ୍କୁ ଏକ ନିକାଞ୍ଚନ ଜାଗାକୁ ନେଇ ଯୌନ ନିର୍ଯାତନା ଦେଇଥିଲା। ଏହାର ପ୍ରତିବାଦ କରିବାରୁ ଅଭିଯୁକ୍ତ ଅଜିତ ପୀଡିତ ନାବାଳକଙ୍କୁ ମାଡ ମାରିବା ସହ ଘଟଣା…

ନୂଆଦିଲ୍ଲୀ: ଅପରେସନ ସିନ୍ଦୂର ସମ୍ପର୍କରେ ଲୋକସଭାର ବିରୋଧୀ ଦଳ ନେତା ଏବଂ କଂଗ୍ରେସ ସାଂସଦ ରାହୁଲ ଗାନ୍ଧୀ ସରକାରଙ୍କୁ ପ୍ରଶ୍ନ କରିଛନ୍ତି। ସେ କହିଛନ୍ତି ଯେ, ଅପରେସନ ସିନ୍ଦୂର ସମୟରେ କେତେ ବିମାନ କ୍ଷତି ହୋଇଛି। ସେ ବୈଦେଶିକ ମନ୍ତ୍ରୀଙ୍କ ବୟାନ ଆଧାରରେ ସରକାରଙ୍କୁ ପଚାରିଛନ୍ତି ଯେ, ଆକ୍ରମଣ ପୂର୍ବରୁ ସରକାର ପାକିସ୍ତାନକୁ କାହିଁକି ସୂଚନା ଦେଇଥିଲେ? ଏଥିପାଇଁ ଆମେ କେତେ ଯୁଦ୍ଧଜାହାଜ ହରାଇଲୁ? “ଆମର ଆକ୍ରମଣ ଆରମ୍ଭରେ ପାକିସ୍ତାନକୁ ସୂଚନା ଦେବା ଏକ ଅପରାଧ ଥିଲା। ବୈଦେଶିକ ମନ୍ତ୍ରୀ ସର୍ବସାଧାରଣରେ ସ୍ୱୀକାର କରିଛନ୍ତି ଯେ, ଭାରତ ସରକାର ଏହା କରିଥିଲେ,” ସେ ସୋସିଆଲ ମିଡିଆ ପ୍ଲାଟଫର୍ମ X ରେ ପୋଷ୍ଟ କରିଛନ୍ତି। ସେ ଆହୁରି ପ୍ରଶ୍ନ କରିଛନ୍ତି ଯେ, “ଏହାକୁ କିଏ ଅନୁମତି ଦେଇଥିଲା? ଏହାର ଫଳସ୍ୱରୂପ ଆମ ବାୟୁସେନା କେତେ ବିମାନ ହରାଇଲା?” କଂଗ୍ରେସ ନେତାଙ୍କ ଦ୍ୱାରା ସେୟାର କରାଯାଇଥିବା ଭିଡିଓରେ ଏସ. ଜୟଶଙ୍କର କହୁଥିବା ଶୁଣାଯାଉଛି ଯେ,…

ନୂଆଦିଲ୍ଲୀ: ଦିଲ୍ଲୀରେ ଆମ ଆଦମୀ ପାର୍ଟିର ୧୩ ଜଣ କାଉନସିଲର ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି। ହେମଚନ୍ଦ୍ର ଗୋୟଲଙ୍କ ନେତୃତ୍ୱରେ ଏକ ତୃତୀୟ ସାମ୍ମୁଖ୍ୟ ଦଳ ଗଠନ ହେବାକୁ ଯାଉଛି। ସମସ୍ତ ପୌର ପରିଷଦ ସଦସ୍ୟ ଇସ୍ତଫା ଦେଇଛନ୍ତି ଏବଂ ‘ଇନ୍ଦ୍ରପ୍ରସ୍ଥ ବିକାଶ ପାର୍ଟି’ ଗଠନ କରିବାକୁ ନିଷ୍ପତ୍ତି ନେଇଛନ୍ତି। ଏହି ଦଳର ନେତା ହେବେ ମୁକେଶ ଗୋୟଲ। ଇସ୍ତଫା ଦେଇଥିବା ୧୩ ଜଣ କାଉନସିଲରଙ୍କ ନାମ: ହେମନ ଚାନ୍ଦ ଗୋୟଲ ଦିନେଶ ଭରଦ୍ୱାଜ ହିମାନୀ ଜୈନ ଉଷା ଶର୍ମା ସାହିବ କୁମାର ରାଖି କୁମାର ଅଶୋକ ପାଣ୍ଡେ ରାଜେଶ କୁମାର ଅନିଲ ରାଣା ଆମ ଆଦମୀ ପାର୍ଟି ପାଖରେ ଅଛନ୍ତି: ଦେବେନ୍ଦ୍ର କୁମାର ହିମାନୀ ଜୈନ

ଭୁବନେଶ୍ୱର: ଏମ୍‌ସ ଭୁବନେଶ୍ୱରରେ ଜାତୀୟ ଡେଙ୍ଗୁ ଦିବସ ପାଳିତ ହୋଇଯାଇଛି। ସଚେତନ ହେଲେ ଡେଙ୍ଗୁ ଭଳି ପ୍ରାଣଘାତୀ ଶତ୍ରୁ କବଳରୁ ମୁକ୍ତି ମିଳିପାରିବ। ଏନେଇ ଆଜି ଏମ୍‌ସ ପକ୍ଷରୁ ବ୍ୟାପକ ଜନଜାଗରଣ କାର୍ଯ୍ୟକ୍ରମ ଆୟୋଜିତ ହେବା ସହିତ ଜନସାଧାରଣଙ୍କୁ ଉଭୟ ଓଡ଼ିଆ ଓ ଇଂରାଜୀରେ ସଚେତନତାଧର୍ମୀ ପ୍ରଚାରପତ୍ର ବଣ୍ଟନ କରାଯାଇଥିଲା। ଭାରତ ସରକାରଙ୍କ ସ୍ୱାସ୍ଥ୍ୟ ସେବା ମହାନିର୍ଦ୍ଦେଶାଳୟ (DGHS) ର ଜାତୀୟ ଭେକ୍ଟର ବର୍ଣ୍ଣ ରୋଗ ନିୟନ୍ତ୍ରଣ କେନ୍ଦ୍ର (NCVBDC) ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ମାର୍ଚ୍ଚ ୨୦୨୫ ସୁଦ୍ଧା ସାରା ଦେଶରେ ମୋଟ ୧୨,୦୪୩ ଡେଙ୍ଗୁ ମାମଲା ଏବଂ ୬ ଜଣଙ୍କର ମୃତ୍ୟୁ ରିପୋର୍ଟ ହୋଇଛି, ଯେଉଁଥିରେ ତାମିଲନାଡୁରୁ ସର୍ବାଧିକ ମାମଲା ରହିଛି। ଡେଙ୍ଗୁ ଓ ଭୂତାଣୁବାହୀ ରୋଗ କ୍ଷେତ୍ରରେ ଅନ୍ତର୍ଜାତୀୟ ବିଶେଷଜ୍ଞ ତଥା ଏମ୍‌ସ ଭୁବନେଶ୍ୱର କାର୍ଯ୍ୟନିର୍ବାହୀ ନିର୍ଦ୍ଦେଶକ ଡ. ଆଶୁତୋଷ ବିଶ୍ବାସ ଡେଙ୍ଗୁ ମଶା ପ୍ରଜନନକୁ ରୋକିବା ନିମନ୍ତେ ଘର ଓ ପରିବେଶକୁ ପରିଷ୍କାର ରଖିବା ଏବଂ…

ନୂଆଦିଲ୍ଲୀ: ଅପରେସନ ସିନ୍ଦୂର ପ୍ରେକ୍ଷାପଟ୍ଟରେ ଓ ସୀମାପାର ଆତଙ୍କବାଦ ବିପକ୍ଷରେ ଭାରତ ପକ୍ଷରୁ ସାତଟି ପ୍ରତିନିଧି ଦଳ ଏହି ମାସ ଶେଷ ବେଳକୁ ବିଭିନ୍ନ ଦେଶ ଗସ୍ତ କରିବାର କାର୍ଯ୍ୟକ୍ରମ ରହିଛି। ମିଳିତ ଜାତିସଂଘ ନିରାପତ୍ତା ପରିଷଦର କିଛି ସଦସ୍ୟମାନଙ୍କ ସହ ସାତଟି ଦଳର ପ୍ରତିନିଧିମାନେ ନିଜ ନିଜ ଟିମ ସହ କିଛି ପ୍ରମୁଖ ରାଷ୍ଟ୍ର ଭ୍ରମଣରେ ଯିବାର କାର୍ଯ୍ୟକ୍ରମ ରହିଛି। ଆତଙ୍କବାଦର ସବୁପ୍ରକାର ରୂପକୁ ନିନ୍ଦା କରି ସେସବୁ ଦେଶରେ ଏହି ପ୍ରତିନିଧି ଦଳ ଭାରତର ଆଭିମୁଖ୍ୟକୁ ଉପସ୍ଥାପନ କରିବାର କାର୍ଯ୍ୟକ୍ରମ ରହିଛି। ଆତଙ୍କବାଦ ବିପକ୍ଷରେ ଆମ ଦେଶର ଶୂନ୍ୟ ସହନଶୀଳତା ସମ୍ପର୍କରେ ପ୍ରତିନିଧିମାନେ ନିଜ ନିଜ ଆଭିମୁଖ୍ୟ ଉପସ୍ଥାପନ କରିବେ। ଏହି ପ୍ରତିନିଧି ଦଳରେ ବିଭିନ୍ନ ଦଳର ସାଂସଦ, ରାଜନୈତିକ ବ୍ୟକ୍ତି ବିଶେଷ, ବିଭିନ୍ନ କୂଟନୈତିକମାନେ ଅନ୍ତର୍ଭୁକ୍ତ ରହିବେ। କଂଗ୍ରେସର ଶଶୀ ଥରୁର, ବିଜେପିର ରବିଶଙ୍କର ପ୍ରସାଦ, ଜେଡିୟୁର ସଞ୍ଜୟ କୁମାର ଝା, ବିଜେପିର ବୈଜୟନ୍ତ ପଣ୍ଡା, ଡିଏମକେର…

ନୂଆଦିଲ୍ଲୀ: ଦୋହା ଡାଇମଣ୍ଡ ଲିଗ୍ ୨୦୨୫ରେ ଜାଭେଲିନ୍ ଥ୍ରୋରେ ୯୦ ମିଟର ଟାର୍ଗେଟ ଅତିକ୍ରମ କରିବା ଏବଂ ବ୍ୟକ୍ତିଗତ ସର୍ବୋତ୍ତମ ଥ୍ରୋ ହାସଲ କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୀରଜ ଚୋପ୍ରାଙ୍କୁ ଅଭିନନ୍ଦନ ଜଣାଇଛନ୍ତି। ଶ୍ରୀ ମୋଦୀ କହିଛନ୍ତି, “ଏହା ତାଙ୍କର ନିରନ୍ତର ଉଦ୍ୟମ, ଶୃଙ୍ଖଳା ଏବଂ ଆଗ୍ରହର ପରିଣାମ।” ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି; “ଏକ ଚମତ୍କାର ସଫଳତା! ଦୋହା ଡାଇମଣ୍ଡ ଲିଗ୍ ୨୦୨୫ରେ ୯୦ ମିଟରର ଆକଳନ ଅତିକ୍ରମ କରିବା ଏବଂ ବ୍ୟକ୍ତିଗତ ସେର୍ବାତ୍ତମ ଥ୍ରୋ ହାସଲ କରିବା ପାଇଁ ନୀରଜ ଚୋପ୍ରାଙ୍କୁ ଅଭିନନ୍ଦନ। ଏହା ତାଙ୍କର ନିରନ୍ତର ସମର୍ପଣ, ଶୃଙ୍ଖଳା ଏବଂ ଆଗ୍ରହର ପରିଣାମ। ଭାରତ ତାଙ୍କର ସଫଳତାକୁ ନେଇ ଆନନ୍ଦିତ ଏବଂ ଗର୍ବିତ।”

ନୂଆଦିଲ୍ଲୀ: ଭାରତକୁ ପରମାଣୁ ବୋମା ଧମକ ଦେଉଥିବା ଏବଂ ଆତଙ୍କବାଦୀଙ୍କୁ ଆଶ୍ରୟ ଦେଇଥିବା ପାକିସ୍ତାନ ଆଜି ପ୍ରତ୍ୟେକ ବୁନ୍ଦା ପାଣି ପାଇଁ ବ୍ୟାକୁଳ ହେଉଛି। ଭାରତ ସରକାର ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିବା ପରେ ପାକିସ୍ତାନର ଗଳା ଶୁଖିବା ଆରମ୍ଭ କରିଛି। ଏପରି ପରିସ୍ଥିତିରେ ଯେତେବେଳେ ପାକିସ୍ତାନକୁ ପାନୀୟ ଜଳ ମିଳୁନଥିଲା, ସେତେବେଳେ ଭାରତ ଆଗରେ ଭିକ୍ଷା ମାଗିବାକୁ ପାକିସ୍ତାନ ବାଧ୍ୟ ହୋଇଥିଲା ଏବଂ ଭାରତ ସରକାରଙ୍କୁ ପାଣି ଛାଡ଼ିବାକୁ ଅନୁରୋଧ କରିବା ଆରମ୍ଭ କରିଥିଲା। ତଥାପି, ମୋଦି ସରକାର ଏ ବିଷୟରେ ନିଜର ମତ ସ୍ପଷ୍ଟ କରିଛନ୍ତି। କ୍ୟାବିନେଟ ସଚିବ ଟିଭି ସୋମନାଥନଙ୍କୁ କେନ୍ଦ୍ର ଜଳ ଶକ୍ତି ମନ୍ତ୍ରଣାଳୟ କହିଛି ଯେ, “ପାକିସ୍ତାନ ବିଶ୍ୱସନୀୟ ଏବଂ ସ୍ଥାୟୀ ଭାବରେ ସୀମାପାର ଆତଙ୍କବାଦକୁ ସମର୍ଥନ ନ ଦେବା ପର୍ଯ୍ୟନ୍ତ ସିନ୍ଧୁ ଜଳ ଚୁକ୍ତି ସ୍ଥଗିତ ରହିବ।” ମଙ୍ଗଳବାର ଦିନ କ୍ୟାବିନେଟ ସଚିବ ଟିଭି ସୋମନାଥନଙ୍କୁ ପ୍ରଦାନ କରାଯାଇଥିବା ମାସିକ ରିପୋର୍ଟରେ…

ନୂଆଦିଲ୍ଲୀ: ଆଜିଠାରୁ ପୁଣିଥରେ ଆରମ୍ଭ ହେବ ଇଣ୍ଡିଆନ୍ ପ୍ରିମିୟର ଲିଗ୍। ଭାରତ-ପାକିସ୍ତାନ ଉତ୍ତେଜନା ଯୋଗୁଁ ମଇ ୮ ତାରିଖରେ ଲିଗ୍ ବନ୍ଦ ହୋଇଯାଇଥିଲା। ଆଜିଠାରୁ IPL ୨୦୨୫ ପୁଣି ଥରେ ଆରମ୍ଭ ହେବ। ଆଜି ବେଙ୍ଗାଲୁରୁର ଏମ୍ ଚିନ୍ନାସ୍ୱାମୀ ଷ୍ଟାଡିୟମରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (RCB) ଏବଂ କୋଲକାତା ନାଇଟ୍ ରାଇଡର୍ସ (KKR) ମଧ୍ୟରେ ଏକ ମ୍ୟାଚ୍ ହେବ। ଆରସିବି ଏବଂ କେକେଆର ମଧ୍ୟରେ ମ୍ୟାଚ୍ ପାଇଁ ଟସ୍ ସନ୍ଧ୍ୟା ୭ଟାରେ ହେବ। ମ୍ୟାଚ୍ ସନ୍ଧ୍ୟା ୭.୩୦ ରେ ଆରମ୍ଭ ହେବ। କିଏ ଆଗରେ?: RCB ଏବଂ KKR ମଧ୍ୟରେ ହେଡ୍ ଟୁ ହେଡ୍ ମ୍ୟାଚରେ କୋଲକାତା ନାଇଟ୍ ରାଇଡର୍ସର ପଲ୍ଲା ଭାରି ରହିଛି। KKR ଦଳ IPLରେ ୨୦ ଥର ବାଙ୍ଗାଲୋରକୁ ପରାସ୍ତ କରିଛି। ଯେତେବେଳେ RCB କୋଲକାତାକୁ ୧୫ ଥର ପରାସ୍ତ କରିଛି। ଏମ୍ ଚିନ୍ନାସ୍ୱାମୀଙ୍କ ବିଷୟରେ କହିବାକୁ ଗଲେ, ଏଠାରେ ଦୁଇ ଦଳ ମଧ୍ୟରେ ୧୨ଟି ମ୍ୟାଚ୍…

ନୂଆଦିଲ୍ଲୀ: ଆତଙ୍କବାଦ ସମ୍ପର୍କରେ ଅନ୍ତର୍ଜାତୀୟ ସ୍ତରରେ ପାକିସ୍ତାନକୁ ପର୍ଦ୍ଦାଫାସ କରିବା ପାଇଁ, କେନ୍ଦ୍ର ସରକାର ବିଦେଶକୁ ସର୍ବଦଳୀୟ ପ୍ରତିନିଧିମଣ୍ଡଳ ପଠାଇବାକୁ ନିଷ୍ପତ୍ତି ନେଇଛନ୍ତି। ଏହି ମାସ ଶେଷରେ ଏହି ପ୍ରତିନିଧିମଣ୍ଡଳୀ ବିଭିନ୍ନ ଦେଶ ଗସ୍ତ କରିବେ ଏବଂ ଭାରତର ଦୃଷ୍ଟିକୋଣ ଉପସ୍ଥାପନ କରିବେ। କଂଗ୍ରେସ ପକ୍ଷରୁ ଶଶି ଥରୁରଙ୍କୁ ଏହି ପ୍ରତିନିଧିମଣ୍ଡଳରେ ସାମିଲ କରାଯାଇଛି କିନ୍ତୁ କଂଗ୍ରେସ ତାଙ୍କୁ ଏଥିରୁ ଦୂରେଇ ରଖିଥିଲା। ସୂତ୍ର ଅନୁସାରେ ଥରୁର ନିକଟ ଅତୀତରେ ଦଳୀୟ ନୀତି ବିରୋଧରେ ଦେଇଥିବା ବୟାନ ଯୋଗୁଁ ବିବାଦରେ ରହିଛନ୍ତି। ସେବେଠାରୁ ଦଳର ହାଇକମାଣ୍ଡ ଥରୁରଙ୍କ ଉପରେ ଅତ୍ୟନ୍ତ କ୍ଷୁବ୍ଧ ଅଛନ୍ତି। ଅନେକ ଦଳୀୟ ନେତା ମଧ୍ୟ ତାଙ୍କ ନାମକୁ ଏଥିରୁ ବାଦ ଦେବାକୁ ହାଇକମାଣ୍ଡଙ୍କୁ ଅନୁରୋଧ କରିଥିଲେ। ଦଳୀୟ ସୂତ୍ର ଅନୁଯାୟୀ, ସରକାର ଥରୁରଙ୍କୁ ପଠାଇବାକୁ ପ୍ରସ୍ତାବ ଦେଇଥିଲେ, ଯାହା ଉପରେ କଂଗ୍ରେସ ସ୍ପଷ୍ଟ କରିଥିଲା ​​ଯେ, କଂଗ୍ରେସ ସଦସ୍ୟମାନଙ୍କୁ ଚୟନ କରିବା ତାଙ୍କର ନିଷ୍ପତ୍ତି, ଯାହା ଦଳୀୟ…

ନୂଆଦିଲ୍ଲୀ: ଆତଙ୍କବାଦ ବିରୋଧରେ ଭାରତର ଲଢ଼େଇ ଜାରି ରହିଛି। ଅପରେସନ ସିନ୍ଦୂର ପରେ ଭାରତର ଏକ ସାତ ଜଣିଆ ପ୍ରତିନିଧିମଣ୍ଡଳ ଏହି ମାସ ଶେଷରେ ମିଳିତ ଜାତିସଂଘ ସୁରକ୍ଷା ପରିଷଦ (UNSC)ର ସଦସ୍ୟମାନଙ୍କ ସମେତ ପ୍ରମୁଖ ଅଂଶୀଦାର ଦେଶଗୁଡ଼ିକୁ ଗସ୍ତ କରିବାର କାର୍ଯ୍ୟକ୍ରମ ରହିଛି। ଏହି ସାତଟି ପ୍ରତିନିଧି ଦଳ ଆତଙ୍କବାଦ ବିରୋଧରେ ଭାରତର ଶୂନ୍ୟ ସହନଶୀଳତା ନୀତିକୁ ବିଶ୍ୱ ସମ୍ମୁଖରେ ଉପସ୍ଥାପନ କରିବେ। ଏମାନଙ୍କ ମଧ୍ୟରେ ବିଭିନ୍ନ ଦଳର ସଂସଦ ସଦସ୍ୟ ଅଛନ୍ତି। ଏହି ସାତ ଦଳୀୟ ପ୍ରତିନିଧି ଦଳ କଂଗ୍ରେସରୁ ଶଶି ଥରୁର, ବିଜେପିରୁ ରବି ଶଙ୍କର ପ୍ରସାଦ, ଜେଡିୟୁରୁ ​​ସଞ୍ଜୟ କୁମାର ଝା, ବିଜେପି ପକ୍ଷରୁ ବୈଜୟନ୍ତ ପଣ୍ଡା, ଡିଏମକେରୁ କାନିମୋଜି କରୁଣାନିଧି, ଏନସିପିରୁ ସୁପ୍ରିୟା ସୁଲେ ଏବଂ ଶିବସେନାର ଶ୍ରୀକାନ୍ତ ଏକନାଥ ସିନ୍ଦେ ଅଛନ୍ତି। ଭାରତୀୟ ପ୍ରତିନିଧି ଦଳ ପାକିସ୍ତାନର ମିଛର ପର୍ଦ୍ଦାଫାସ କରିବେ ଏବଂ କହିବେ ଯେ ପାକିସ୍ତାନ ଆତଙ୍କବାଦୀଙ୍କୁ ଆଶ୍ରୟ ଦେଇଛି ଏବଂ…