Author: SM Network

ଭୁବନେଶ୍ଵର: ନବରଙ୍ଗପୁର ସହରର ଝିଅ ପ୍ରଧାନମନ୍ତ୍ରୀ ବାଲ ପୁରସ୍କାର ବିଜୟିନୀ ହୋଇଥିବା ବନୀତା ଦାଶ ପୁନର୍ବାର ଅବିଭକ୍ତ କୋରାପୁଟ ପାଇଁ ଗୌରବ ଆଣିଛନ୍ତି। ବନିତା ଦାଶ ସେ ଆସନ୍ତା ଜାନୁଆରୀ ୧୧ ଓ ୧୨ ତାରିଖରେ ନୂଆଦିଲ୍ଲୀଠାରେ ଭାରତ ମଣ୍ଡପମରେ ଅନୁଷ୍ଠିତ ହେବାକୁ ଥିବା ଜାତୀୟ ଯୁବ ମହୋତ୍ସବରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମ୍ମୁଖରେ “ବିକଶିତ ଭାରତ ଯୁବନେତା ବାର୍ତ୍ତାଳାପ ୨୦୨୫” କାର୍ଯ୍ୟକ୍ରମରେ “ସେମିକଣ୍ଡକ୍ଟର ଓ ବିକଶିତ ଭାରତ” ସମ୍ପର୍କିତ ବିଷୟରେ ନିଜର ବକ୍ତବ୍ୟ ଉପସ୍ଥାପନ କରିବାକୁ ଓଡିଶା ସରକାରଙ୍କ ତରଫରୁ ମନୋନୀତ ହୋଇଛନ୍ତି। କ୍ରୀଡା ଓ ଯୁବସେବା ବିଭାଗ ପକ୍ଷରୁ ଆୟୋଜିତ ପ୍ରତିଯୋଗିତାରେ ସଫଳତା ହାସଲ କରି ସେ ଏହି ସୁଯୋଗ ଲାଭ କରିଛନ୍ତି। ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରିବାପାଇଁ ସେ ଆଠ ଜାନୁଆରୀରେ ସେ ନୂଆଦିଲ୍ଲୀ ଯାତ୍ରା କରିବେ। ବିନୀତଙ୍କ ଏହି ସଫଳତା ପାଇଁ ଜିଲ୍ଲା ରାଜ୍ୟ ଓ ଦେଶର ବିଭିନ୍ନ ମହଲରୁ ତାଙ୍କ ପାଖକୁ…

ଭୁବନେଶ୍ଵର: ଜନ୍ମ ପ୍ରମାଣପତ୍ର ପ୍ରଦାନ ପାଇଁ ୟୁପିଆଇ କାରବାର (ଫୋନପେ) ମାଧ୍ୟମରେ ୪,୦୦୦ ଟଙ୍କା ଲାଞ୍ଚନେବା ସମୟରେ କଳାହାଣ୍ଡି ଜିଲ୍ଲା ଥୁଆମୂଳ ରାମପୁରର ବହୁମୁଖୀ ସ୍ୱାସ୍ଥ୍ୟ ପର୍ଯ୍ୟବେକ୍ଷକ ଲକ୍ଷ୍ମୀ ନାରାୟଣ ମହାରଣାଙ୍କୁ ଗିରଫ କରାଯାଇଛି। ବହୁମୁଖୀ ସ୍ୱାସ୍ଥ୍ୟ ପର୍ଯ୍ୟବେକ୍ଷକ ମହୁଲପାଟଣା ସେକ୍ଟର ଥୁଆମୂଳ ରାମପୁର ଅଭିଯୋଗକାରୀ ଏବଂ ତାଙ୍କ ସମ୍ପର୍କୀୟଙ୍କ ଜନ୍ମ ପ୍ରମାଣପତ୍ର ପ୍ରକ୍ରିୟାକରଣ ଏବଂ ପ୍ରଦାନ ପାଇଁ ଜଣେ ଅଭିଯୋଗକାରୀଙ୍କଠାରୁ ଫୋନପେ ମାଧ୍ୟମରେ ୪,୦୦୦ ଟଙ୍କା ଲାଞ୍ଚ ନେବା ଅଭିଯୋଗରେ ଓଡ଼ିଶା ଭିଜିଲାନ୍ସ ଦ୍ୱାରା ଗିରଫ କରାଯାଇଛି। ଅଭିଯୋଗ ଆଧାରରେ, ୦୨.୦୧.୨୦୨୫ ରେ ଏକ ଜାଲ ବିଛାଯାଇଥିଲା, ଯେଉଁଥିରେ ଅଭିଯୁକ୍ତ ଲକ୍ଷ୍ମୀ ନାରାୟଣ ମହାରଣାଙ୍କୁ ଅଭିଯୋଗକାରୀଙ୍କଠାରୁ ଫୋନପେ ମାଧ୍ୟମରେ ୪,୦୦୦/- ଅନୁଚିତ ଲାଭ ଦାବି କରିବା ଏବଂ ନେବା ଅଭିଯୋଗରେ ଓଡ଼ିଶା ଭିଜିଲାନ୍ସର ଏକ ଦଳ ଗିରଫ କରିଥିଲା। ଅଭିଯୁକ୍ତ ଶ୍ରୀ ମହାରଣାଙ୍କ ସ୍ମାର୍ଟ ଫୋନ୍ ଯେଉଁଥିରେ ସେ ଫୋନପେ ମାଧ୍ୟମରେ ଲାଞ୍ଚ ରାଶି ଗ୍ରହଣ କରିଥିଲେ ଏବଂ ଜନ୍ମ…

ନୂଆଦିଲ୍ଲୀ: ଜୟ ଶାହା ଆଇସିସିର ନୂତନ ଚେୟାରମ୍ୟାନ୍ ଭାବରେ ନିର୍ବାଚିତ ହୋଇଥିଲେ। ସେ ଡିସେମ୍ବର 2024 ରେ କାର୍ଯ୍ୟଭାର ଗ୍ରହଣ କରିଥିଲେ। ଜୟ ଶାହାଙ୍କ ପରେ ବିସିସିଆଇରେ ତାଙ୍କ ସ୍ଥାନ ଖାଲି ପଡିଥିଲା। ଜୟ ଶାହା ଆଇସିସି ଯିବା ପରେ ଦେବଜିତ୍ ସାଇକିଆ ସଚିବ ପଦର ଦାୟିତ୍ଵ ପାଇପାରନ୍ତି। ଏକ ରିପୋର୍ଟ ଅନୁଯାୟୀ, ସେ ଏହି ରେସରେ ଆଗରେ ଅଛନ୍ତି। ସାଇକିଆ ବର୍ତ୍ତମାନ ଅନ୍ତରୀଣ ସଚିବ ଭାବରେ କାର୍ଯ୍ୟ କରୁଛନ୍ତି। ଯେଉଁଠାରେ ପ୍ରଭତେଜ ସିଂ ଭାଟିଆ କୋଷାଧ୍ୟକ୍ଷ ଭାବରେ ନିର୍ବାଚିତ ହୋଇପାରନ୍ତି। ପ୍ରକୃତରେ, ଜୟ ଶାହାଙ୍କ ପରେ ସାଇକିଆ ଅନ୍ତରୀଣ ସଚିବ ଭାବରେ ନିର୍ବାଚିତ ହୋଇଥିଲେ। ସେ ପ୍ରଥମ ଶ୍ରେଣୀ କ୍ରିକେଟର ଅଟନ୍ତି। ସାଇକିଆ ଆସାମରୁ ଆସିଛନ୍ତି। ସେ ସି.କେ ନାଇଡୁ ଟ୍ରଫିରେ ଆସାମ ପାଇଁ ଖେଳିଛନ୍ତି। ଏହା ସହିତ ସୌରଭ ଗାଙ୍ଗୁଲିଙ୍କ ଦଳର ଏକ ଅଂଶ ହୋଇସାରିଛନ୍ତି। ଗାଙ୍ଗୁଲି ଏବଂ ସାଇକିଆ ପୂର୍ବ ଜୋନ୍ ପାଇଁ ଖେଳିଛନ୍ତି। ସେ 1991…

ନୂଆଦିଲ୍ଲୀ: ଯଦି କେହି ଟିକିଏ ଅହଂକାର ଦେଖାନ୍ତି, ଅନ୍ୟ ଜଣକ ନିଜର ଶକ୍ତି ଦେଖାଇବାରେ ଅବହେଳା କରେ ନାହିଁ। ଶେଖ ହାସିନାଙ୍କ ପରାଜୟ ପରେ ଭାରତକୁ କ୍ରମାଗତ ଭାବେ ଟାର୍ଗେଟ କରୁଥିବା ବାଂଲାଦେଶ ସହ ମଧ୍ୟ ସମାନ ମାମଲା ରହିଛି। ଅଦ୍ୟାବଧି ଭାରତ ଏହି ପ୍ରସଙ୍ଗରେ ବାଂଲାଦେଶ ବିରୋଧରେ ସାମାନ୍ୟତମ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରି ନାହିଁ। କିନ୍ତୁ ଯଦି ଭାରତ କାର୍ଯ୍ୟାନୁଷ୍ଠାନ ଆରମ୍ଭ କରେ, ତେବେ ଆମର ପଡୋଶୀ ଦେଶ ଅନ୍ଧକାରରେ ବୁଡ଼ିଯିବ। ତାଙ୍କର ସମସ୍ତ ଅହଂକାର କିଛି କ୍ଷଣ ମଧ୍ୟରେ ଚୁରମାର ହୋଇଯିବ। ଆସନ୍ତୁ ଜାଣିବା ସମଗ୍ର ବିଷୟ କ’ଣ? ବାଂଲାଦେଶ ବିଦ୍ୟୁତ ସଙ୍କଟ ଦେଇ ଗତି କରୁଛି: ଗୁରୁତ୍ୱପୂର୍ଣ୍ଣ କଥା ହେଉଛି ବାଂଲାଦେଶ ବର୍ତ୍ତମାନ ବିଦ୍ୟୁତ ସଙ୍କଟ ଦେଇ ଗତି କରୁଛି। ବାସ୍ତବରେ ଶେଖ ହସିନା ସରକାରଙ୍କ କାର୍ଯ୍ୟକାଳ ସମୟରେ ବାଂଲାଦେଶରେ ଅନେକ ପାୱାର ପ୍ଲାଣ୍ଟ ନିର୍ମାଣ କରାଯାଇଥିଲା। ଏହି କାରଣରୁ ବାଂଲାଦେଶର ଶକ୍ତି ଉତ୍ପାଦନ କ୍ଷମତା…

ପୁରୀ: ଶପଥ ନେବା ପୂର୍ବରୁ ରାଜ୍ୟପାଳ ହରିବାବୁ କମ୍ଭମପତି ମହାପ୍ରଭୁଙ୍କ ଦର୍ଶନ କରିଛନ୍ତି। ଗୁରୁବାର ସନ୍ଧ୍ୟାରେ ସପରିବାର ଶ୍ରୀମନ୍ଦିର ଆସି ମହାପ୍ରଭୁଙ୍କ ଦର୍ଶନ ସହ ସାନିଧ୍ୟ ଲାଭ କରିଛନ୍ତି କମ୍ଭମପତି।ଚତୁର୍ଦ୍ଧାମୂର୍ତ୍ତି ଙ୍କ ଦର୍ଶନ ସହ ମା ବିମଳା, ମହାଲକ୍ଷ୍ମୀ ମନ୍ଦିର ସମେତ ମୁକ୍ତିମଣ୍ଡପ ଯାଇ ଆଶିଷ ନେଇଥିବା ବେଳେ ଭିତର ବେଢ଼ା ମଧ୍ୟ ପରିକ୍ରମା କରିଛନ୍ତି। ତେବେ ଅପରାହ୍ନରେ ପ୍ରଥମେ ସେ ପୁରୀ ରାଜଭବନ ଠାରେ ପହଁଚିଥିବା ବେଳେ ସନ୍ଧ୍ୟାରେ ଶ୍ରୀଜୀଉଙ୍କୁ ଦର୍ଶନ ପାଇଁ ଶ୍ରୀମନ୍ଦିର ଆସିଥିଲେ। ତେବେ ସିଂହଦ୍ୱାରରେ ପହଞ୍ଚିବା ପରେ ଶ୍ରୀମନ୍ଦିର ପ୍ରଶାସନ ସମେତ ସେବାୟତ ମାନେ ଲାଗି ଖଣ୍ଡୁଆ ଦେଇ ସ୍ବାଗତ କରିଥିଲେ। ଶ୍ରୀମନ୍ଦିରରେ ପ୍ରାୟ ୪୫ ମିନିଟ୍ ଅତିବାହିତ କରିଥିବା ବେଳେ ମହାପ୍ରଭୁଙ୍କ ମହାପ୍ରସାଦ ସେବନ କରିଥିଲେ କମ୍ଭମପତି। ଦର୍ଶନ ସାରି ଫେରିବା ପରେ ଜୟ ଜଗନ୍ନାଥ କହି ଭାବବିହ୍ୱଳ ହେବା ସହ ଦର୍ଶନ ଅନୁଭୁତିକୁ ସୌଭାଗ୍ୟର କଥା ବୋଲି ମତ ରଖିଥିବା ବେଳେ ଆଜି…

ଭୁବନେଶ୍ଵର: ଡିଏପି ଉପରେ ଏକକାଳୀନ ସ୍ୱତନ୍ତ୍ର ପ୍ୟାକେଜକୁ ପରବର୍ତ୍ତୀ ନିଷ୍ପତ୍ତି ପର୍ଯ୍ୟନ୍ତ ସଂପ୍ରସାରଣ କରିବାକୁ କ୍ୟାବିନେଟ ଅନୁମୋଦନ କରିଛି। କେନ୍ଦ୍ର କେବିନେଟ୍ ନିଷ୍ପତ୍ତି ଉପରେ ଚାଷୀ କୂଳ ନିଜ ପ୍ରତିକ୍ରିୟା ରଖିଛନ୍ତି। ଏହି ନିଷ୍ପତ୍ତିକୁ ସ୍ଵାଗତ କରିଥିବା ବେଳେ ନୂଆପଡ଼ା ଜିଲ୍ଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କେନ୍ଦ୍ର କ୍ୟାବିନେଟ ଡିଏପି ସାର ଉପରେ ସବସିଡି ଯୋଗଇଦେବା ଲାଗି ଏକକାଳୀନ ସ୍ୱତନ୍ତ୍ର ପ୍ୟାକେଜକୁ ସଂପ୍ରସାରଣ କରିଛନ୍ତି। କେନ୍ଦ୍ର ସରକାରଙ୍କ କେବିନେଟ ନିଷ୍ପତ୍ତି ପାଇଁ ଜିଲ୍ଲାର ଚାଷୀ କୂଳ ସ୍ୱାଗତ କରିଛନ୍ତି। ନୂଆପଡ଼ା ଜିଲ୍ଲା ଏକ କୃଷି ପ୍ରଧାନ ଜିଲ୍ଲା ହୋଇଥିବା ବେଳେ ଏହି ଡିଏପି ସାରା ଉପରେ ରିହାତି ଅବ୍ୟାହତ ରହିବ ନେଇ ଚାଷୀଙ୍କ ପାଇ ସହାୟକ ହେବ ବୋଲି ପ୍ରକାଶ କରିଛନ୍ତି। ରବି ଧାନ ସହ ପନିପରିବା ଏବଂ ଡାଲି ଜାତୀୟ ବିକଳ୍ପ ଚାଷ ପାଇଁ କୃଷକମାନେ ରାସାୟନିକ ସାର ବ୍ୟବହାର କରି ଅଧିକ ଅମଳକ୍ଷମରେ ପରିଣତ ହେଉଅଛି। ଜମିର ଉର୍ବରତା…

ନୂଆଦିଲ୍ଲୀ/ଭୁବନେଶ୍ୱର: ନୂଆଦିଲ୍ଲୀ ସ୍ଥିତ ଡ. ଆମ୍ବେଦକର ଇଣ୍ଟରନ୍ୟାସନାଲ ସେଣ୍ଟରରେ ଗୁରୁବାର କେନ୍ଦ୍ର ଗୃହ ଓ ସମବାୟ ମନ୍ତ୍ରୀ ଅମିତ ଶାହାଙ୍କ କରକମଳରେ “ଜମ୍ମୁ-କାଶ୍ମୀର ଆଣ୍ଡ୍ ଲଦାଖ୍ : ଥ୍ରୋ ଦ ଏଜେସ୍” (“ଜମ୍ମୁ ଓ କଶ୍ମୀର ଏବଂ ଲଦାଖ: ନିରନ୍ତରତା ଏବଂ ସଂଯୋଗର ଏକ ଐତିହାସିକ ବିବରଣୀ)” ପୁସ୍ତକ ଉନ୍ମୋଚିତ ହୋଇଯାଇଛି। କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ନ୍ୟାସନାଲ ବୁକ ଟ୍ରଷ୍ଟ(ଏନବିଟି) ଏବଂ ଭାରତୀୟ ଇତିହାସ ଅନୁସନ୍ଧାନ ପରିଷଦ(ଆଇସିଏଚଆର)ର ମିଳିତ ଉଦ୍ୟମରେ ପ୍ରସ୍ତୁତ ହୋଇଥିବା ଏହି ପୁସ୍ତକକୁ ଇଂରାଜୀ ଏବଂ ହିନ୍ଦୀ ଭାଷାରେ ଲୋକାର୍ପିତ କରାଯାଇଛି। ଏହି ପୁସ୍ତକ ଉନ୍ମୋଚନ ସମାରୋହରେ ଶ୍ରୀ ଶାହ କହିଛନ୍ତି ଯେ ଜମ୍ମୁ-କଶ୍ମୀର ଭାରତର ଅବିଚ୍ଛେଦ୍ୟ ଅଙ୍ଗ ଥିଲା, ଅଛି ଏବଂ ରହିବ । ଏହାକୁ ଆଇନର କୌଣସି ଧାରା ବଦଳାଇପାରିବ ନାହିଁ । ଜମ୍ମୁ-କଶ୍ମୀରର ଇତିହାସ ଓ ସାଂସ୍କୃତିକ ଐତିହ୍ୟକୁ ପୁନରୁଦ୍ଧାର କରିବା ଦିଗରେ ମୋଦୀ ସରକାର କାର୍ଯ୍ୟ କରୁଛନ୍ତି ।…

ମେଷ- ଆଜି ଆପଣଙ୍କ ପାଇଁ ଭଲ ଦିନ ନୁହେଁ। କିଛି ସମସ୍ୟା କିମ୍ବା ଟେନସନ ଆପଣଙ୍କ ପାଖରେ ରହିବ, କିନ୍ତୁ ପ୍ରୟାସ ସହିତ ସବୁକିଛି ଠିକ୍ ହୋଇଯିବ। ପିତା କିମ୍ବା ଧର୍ମ ଗୁରୁଙ୍କୁ ସମର୍ଥନ ମିଳିବ। ପଡୋଶୀ କିମ୍ବା ରାଜନୈତିକ ବ୍ୟକ୍ତିଙ୍କ କାରଣରୁ ଟେନସନ ହୋଇପାରେ, ତେଣୁ ସତର୍କ ରୁହନ୍ତୁ। ସ୍ୱାସ୍ଥ୍ୟ ସଚେତନ ରୁହନ୍ତୁ ଏବଂ ଖାଦ୍ୟର ଯତ୍ନ ନିଅନ୍ତୁ। ପୁରୁଣା ସାଙ୍ଗମାନଙ୍କୁ ଭେଟି ପାରିବେ । ବକ୍ତବ୍ୟକୁ ନିୟନ୍ତ୍ରଣ କରିବା ଆବଶ୍ୟକ। ବୃଷ- ଆଜି ଆପଣଙ୍କ ପାଇଁ ଏକ ଭଲ ଦିନ ହେବ। ଅର୍ଥପୂର୍ଣ୍ଣ କାର୍ଯ୍ୟଗୁଡ଼ିକ ସଫଳ ହେବ। ପାରିବାରିକ ଜୀବନ ଖୁସି ହେବ। ଆର୍ଥିକ ସ୍ଥିତିରେ ସୁଧାର ଆସିବ । ବୁଲିବା ପାଇଁ କୌଣସି ସ୍ଥାନକୁ ଯାଇପାରନ୍ତି । ଯଦି ଆପଣଙ୍କ ଶକ୍ତିକୁ ସୃଜନଶୀଳ କାର୍ଯ୍ୟରେ ଲଗାଇବ, ଏହା ଭଲ ହେବ, ଭଲ ଫଳାଫଳ ବାହାରକୁ ଆସିବ। ଏକ ପ୍ରାକୃତିକ ପରିବେଷ ପାହାଡ ଅଞ୍ଚଳକୁ ଯାତ୍ରା ଯୋଜନା ଅଛି । ମିଥୁନ- ଆଜି…

ଭୁବନେଶ୍ୱର: ଭାରତୀୟ ରେଳବାଇ ଓଡିଶାରେ ଏହାର ପ୍ରମୁଖ ଭିତ୍ତିଭୂମି ସମ୍ପ୍ରସାରଣ ଜାରି ରଖି ଏବେ ବରଗଡ ରୋଡରୁ ନୂଆପଡା ରୋଡକୁ ସଂଯୋଗ କରୁଥିବା 138.32 କିମି ଦୈର୍ଘ୍ୟ ନୂତନ ରେଳ ଲାଇନ ନିର୍ମାଣ କାର୍ଯ୍ୟ ତ୍ୱରାନ୍ୱିତ କରିବାକୁ ପ୍ରଖର ଉଦ୍ୟମ ଜାରିରଖିଛି। ଏହି ରଣନୀତିକ ପ୍ରକଳ୍ପ ରେଳ ସଂଯୋଗୀକରଣରେ ଉନ୍ନତି ଆଣିବା, ଆଞ୍ଚଳିକ ବିକାଶକୁ ବୃଦ୍ଧି କରିବା, ରୋଜଗାର ସୃଷ୍ଟି କରିବା ଏବଂ ଏହି ଅଞ୍ଚଳରେ ଉଭୟ ଯାତ୍ରୀ ଏବଂ ପଣ୍ୟ ପରିବହନ ପାଇଁ ମହତ୍ୱପୂର୍ଣ୍ଣ ସୁବିଧା ପ୍ରଦାନ କରିବାକୁ ସ୍ଥିର ହୋଇଛି। ପ୍ରକଳ୍ପ ଅନୁମୋଦିତ ଏବଂ ଆର୍ଥିକ ସମୀକ୍ଷା: ରେଳବାଇ ବୋର୍ଡ ଏହି ପ୍ରକଳ୍ପକୁ 10 ସେପ୍ଟେମ୍ବର 2024 ରେ ମୋଟ ₹2621.92 କୋଟି ମଞ୍ଜୁର କରିଥିଲା। ଏହି ପ୍ରକଳ୍ପର ଆର୍ଥିକ ବ୍ରେକଅପ୍ ହେଉଛି _ ସିଭିଲ୍ ଇଞ୍ଜିନିୟରିଂ: ₹2107.30 କୋଟି, ଇଲେକ୍ଟ୍ରିକାଲ୍ ଇଞ୍ଜିନିୟରିଂ: ₹305.55 କୋଟି ଏବଂ ସିଗନାଲ ଏବଂ ଟେଲିକମ୍ ଇଞ୍ଜିନିୟରିଂ: ₹209.07 କୋଟି। ବିନାମୂଲ୍ୟରେ ଜମି…

ଭୁବନେଶ୍ୱର: ଓଡ଼ିଶା ସରକାରଙ୍କର କୃଷି ଓ କୃଷକ ସଶକ୍ତିକରଣ ବିଭାଗ ଦ୍ଵାରା ଆସନ୍ତା କାଲିଠାରୁ ୩ ଦିନ ପର୍ଯ୍ୟନ୍ତ ଭୁବନେଶ୍ୱର ବରମୁଣ୍ଡା, ବିଜୁପଟ୍ଟନାୟକ ଖେଳ ପଡ଼ିଆରେ “କୃଷି ଓଡ଼ିଶା – ୨୦୨୫” ର ଆୟୋଜନ ହେବାକୁ ଯାଉଛି। ଏହି ସମାରୋହ ଆସନ୍ତାକାଲି ଦିନ ୧୧ ଘଟିକା ସମୟରେ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ କରକମଳରେ ଉଦଘାଟନ ହେବ। ଉପମୁଖ୍ୟମନ୍ତ୍ରୀ ତଥା କୃଷି ଓ କୃଷକ ସଶକ୍ତିକରଣ ମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଉଦବୋଧନ ଦେବେ। କୃଷି ଓଡ଼ିଶା-୨୦୨୫ ର ବିଷୟବସ୍ତୁ ରହିଛି “ଚିରନ୍ତନ ଖାଦ୍ୟ ପ୍ରଣାଳୀ ପାଇଁ ଏକ ପ୍ରୟାସ”। ପ୍ରଥମଦିନର ବିଷୟବସ୍ତୁ ରହିବ ଜଳବାୟୁ ଉପଯୋଗୀ ଖାଦ୍ୟ ପଦ୍ଧତି ଓ ଜଳବାୟୁ ତ୍ୱରିତ ଉଦ୍ୟାନକୃଷି । ଦ୍ୱିତୀୟ ଦିବସ ମୃତ୍ତିକା ସ୍ୱାସ୍ଥ୍ୟ, ପ୍ରାକୃତିକ କୃଷି ଓ ଏହାର ମୂଲ୍ୟଶୃଙ୍ଖଳା ଏବଂ ତୃତୀୟ ଦିବସର ବିଷୟ ହେଉଛି ପାଣି ପଞ୍ଚାୟତ ପକ୍ଷ ପାଳନ…

ନୂଆଦିଲ୍ଲୀ: ଭାରତ ସହିତ ଚାଲିଥିବା ତିକ୍ତତା ମଧ୍ୟରେ ବାଂଲାଦେଶ ସେନା ମୁଖ୍ୟ ୱକାର-ଉଜ-ଜମାନ ଏକ ବଡ଼ ବିବୃତ୍ତି ଦେଇଛନ୍ତି। ଭାରତ ଏବଂ ଚୀନ୍ ସହିତ ବାଂଲାଦେଶର ସମ୍ପର୍କ ଉପରେ ସେ ନିଜର ମତ ରଖିଛନ୍ତି। ସ୍ଥାନୀୟ ଖବରକାଗଜକୁ ଦିଆଯାଇଥିବା ଏକ ସାକ୍ଷାତକାରରେ ସେ କହିଛନ୍ତି ଯେ, ବାଂଲାଦେଶର ଭାରତ ସହ ସମ୍ପର୍କ ନେବା ଦେବା ଭଳି। ବାଂଲାଦେଶର ବିକାଶରେ ଚାଇନା ଅଂଶୀଦାର ବୋଲି ସେନା ମୁଖ୍ୟ ବର୍ଣ୍ଣନା କରିଛନ୍ତି। ସେ ସ୍ପଷ୍ଟ କରିଛନ୍ତି ଯେ, ବାଂଲାଦେଶ ଭାରତର ରଣନୈତିକ ସ୍ୱାର୍ଥକୁ ନେଇ ଭାରତ ବିରୁଦ୍ଧରେ କେବେ ବି ଯିବ ନାହିଁ। କିନ୍ତୁ ସେ ଆହୁରି ମଧ୍ୟ କହିଛନ୍ତି ଯେ, ଦୁଇ ଦେଶ ମଧ୍ୟରେ ସମ୍ପର୍କ ନିରପେକ୍ଷ ହେବା ଉଚିତ୍। ‘ବାଂଲାଦେଶ ଅନେକ କ୍ଷେତ୍ରରେ ଭାରତ ଉପରେ ନିର୍ଭର କରେ’: ସେନା ମୁଖ୍ୟ ୱକାର ଉଜ-ଜମାନ କହିଛନ୍ତି ଯେ, “ଆମେ ଅନେକ କ୍ଷେତ୍ରରେ ଭାରତ ଉପରେ ନିର୍ଭରଶୀଳ। ଭାରତ ମଧ୍ୟ ଆମ ଦ୍ୱାରା…

ଭୁବନେଶ୍ବର: ଆଜି ଅପରାହ୍ନରେ ଭୁବନେଶ୍ବରରେ ପହଞ୍ଚିଛନ୍ତି ରାଜ୍ୟପାଳ ନିଯୁକ୍ତ ହରିବାବୁ କୁମ୍ଭମପତି। ତାଙ୍କୁ ବିମାନ ବନ୍ଦରରେ ମୁଖ୍ୟମନ୍ତ୍ରୀ ମୋହନ ମାଝୀ ସ୍ବାଗତ କରିଥିଲେ।ଓଡିଶାର ନୂଆ ରାଜ୍ୟପାଳ ଭାବେ ଆସନ୍ତାକାଲି ଶପଥ ନେବେ ହରିବାବୁ କୁମ୍ଭମପତି। ଓଡିଶାର ରାଜ୍ୟପାଳ ପଦବୀରୁ ରଘୁବର ଦାସ ଇସ୍ତଫା ଦେବା ପରେ କେନ୍ଦ୍ର ସରକାର କୁମ୍ଭମପତିଙ୍କୁ ନୂଆ ରାଜ୍ୟପାଳ ଭାବେ ନିଯୁକ୍ତି ଦେଇଛନ୍ତି। ତାଙ୍କର ଶପଥ ପାଇଁ ଭୁବନେଶ୍ବରରେ ଥିବା ରାଜଭବନର ଅଭିଷେକ ହଲକୁ ପ୍ରସ୍ତୁତ କରାଯାଇଛି। ସେ ଶୁକ୍ରବାର 10ଟା 15 ମିନିଟରେ ଶପଥ ନେବେ। ତାଙ୍କୁ ହାଇକୋର୍ଟର ମୁଖ୍ୟ ବିଚାରପତି ଚକ୍ରଧାରୀ ଶରଣ ସିଂ ଶପଥ କରାଇବେ। ହରିବାବୁ ଆଜି ଅପରାହ୍ନରେ ଭୁବନେଶ୍ବର ଆସିବାର କାର୍ଯ୍ୟକ୍ରମ ରହିଛି।

ଭୁବନେଶ୍ୱର: ସ୍ୱାଧୀନତା ସଂଗ୍ରାମୀ ମାନେ ଆମର ଅମୂଲ୍ୟ ରତ୍ନ। ସେମାନେ ଯେଉଁ ତ୍ୟାଗ କରିଛନ୍ତି ତା’ର ମୂଲ୍ୟ କେହି ଦେଇ ପାରିବେ ନାହିଁ। ଆମେ କେବଳ ତାଙ୍କୁ ସମ୍ମାନ ଦେଇ ପାରିବା ଏବଂ ସେମାନଙ୍କ ସ୍ମୃତିକୁ ଉଜ୍ଜୀବିତ କରି ରଖିବା ବୋଲି ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆଜି ଭୁବନେଶ୍ୱର ସ୍ୱାଧୀନତା ସଂଗ୍ରାମୀ ସଦନ ପଡିଆ ଠାରେ ଉତ୍କଳ କେଶରୀ ଡଃ ହରେକୃଷ୍ଣ ମହତାବଙ୍କ ଶ୍ରାଦ୍ଧ ଉତ୍ସବ ଉପଲକ୍ଷେ ଆୟୋଜିତ ସ୍ୱାଧୀନତା ସଂଗ୍ରାମୀ ମହୋତ୍ସବ କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଯୋଗଦେଇ କହିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ ସ୍ୱାଧୀନତା ସଂଗ୍ରାମୀଙ୍କ ସମ୍ମାନାର୍ଥେ ରାଜ୍ୟର ସ୍ୱାଧୀନତା ସଂଗ୍ରାମୀମାନଙ୍କ ପେନସନକୁ ବୃଦ୍ଧି କରିଛନ୍ତି। ମୁଖ୍ୟମନ୍ତ୍ରୀଙ୍କ ଘୋଷଣା ଅନୁଯାୟୀ ରାଜ୍ୟର ଜେଲ୍ ଯାଇଥିବା (ବନ୍ଦୀ) ସ୍ୱାଧୀନତା ସଂଗ୍ରାମୀ ମାନଙ୍କ ପେନସନକୁ ୧୦ ହଜାର ଟଙ୍କାରୁ ୨୦ ହଜାର ଟଙ୍କାକୁ ବୃଦ୍ଧି କରାଯାଇଛି। ଏହା ସହିତ  ଅଣବନ୍ଦୀ ସ୍ୱାଧୀନତା ସଂଗ୍ରାମୀମାନେ ପୂର୍ବରୁ ୯ ହଜାର ଟଙ୍କା…

ନୂଆଦିଲ୍ଲୀ: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଘନିଷ୍ଠ ଦୁଲାଲ ସରକାରଙ୍କୁ ଗୁଳି କରି ହତ୍ୟା କରାଯାଇଛି। ଦୁଲାଲ ସରକାରଙ୍କୁ ଦିବାଲୋକରେ ବାଇକ୍ ଚଳାଉଥିବା ଦୁର୍ବୃତ୍ତମାନେ ଗୁଳି କରିଛନ୍ତି। ପଶ୍ଚିମବଙ୍ଗର ମାଲଦା ଜିଲ୍ଲାର ଝାଲଝାଲିଆ ମୋଡ ଅଞ୍ଚଳରେ ବାଇକ୍ ଆରୋହୀମାନେ ଏହି ଘଟଣା କରିଛନ୍ତି। ଏହି ସମ୍ପୂର୍ଣ୍ଣ ଘଟଣା ଏକ ସିସିଟିଭି କ୍ୟାମେରାରେ କଏଦ ହୋଇଛି। ଗଣମାଧ୍ୟମରେ ଏକ ଭିଡିଓ ରିଲିଜ କରାଯାଇଛି, ଯେଉଁଥିରେ ଟିଏମସି କାଉନସିଲର ଦୁଲାଲ ସରକାର ତାଙ୍କ ଜୀବନ ବଞ୍ଚାଇବାକୁ ଦୌଡ଼ୁଥିବାର ଦେଖାଯାଉଛି। ସେ ତାଙ୍କ ଦୋକାନରେ ବସିଥିବା ବେଳେ କିଛି ଲୋକ ତାଙ୍କ ନିକଟକୁ ଆସିଥିଲେ। ପୋଲିସଠାରୁ ମିଳିଥିବା ସୂଚନା ଅନୁଯାୟୀ, ବାଇକ୍ ରେ ଆସିଥିବା ଆକ୍ରମଣକାରୀମାନେ ଅତି ନିକଟରୁ ତାଙ୍କ ମୁଣ୍ଡରେ ଅନେକ ଥର ଗୁଳି ଚଳାଇଥିବା ଜଣାପଡିଛି। ତାଙ୍କୁ ଡାକ୍ତରଖାନା ନିଆଯିବା ବେଳକୁ ତାଙ୍କର ମୃତ୍ୟୁ ଘଟିଥିଲା।

ବାଣପୁର: ବହୁ ଅଭିଯୋଗ ପରେ ଶେଷରେ ବଦଳିଲେ ଖୋର୍ଦ୍ଧା ଜିଲ୍ଲା ବାଣପୁର ଏନଏସି କାର୍ଯ୍ୟନିର୍ବାହୀ ଅଧିକାରିଣୀ କାଦମ୍ବିନୀ ଜେନା। ଶ୍ରୀମତୀ ଜେନାଙ୍କ ନାମରେ ବାରମ୍ବାର ଅଭିଯୋଗ ହୋଇଆସୁଥିଲା। ଏନଏସି ର ବିଭିନ୍ନ ଉନ୍ନୟନ କାର୍ଯ୍ୟରେ ଅନିୟମିତତା, ବେଆଇନ ଭାବେ ରାତିଅଧିଆ ପ୍ରକଳ୍ପ ନିର୍ମାଣ, ପରିବେଶ ଓ ଜଙ୍ଗଲ ବିଭାଗ ଆଇନକୁ ବେଖାତିର, ଜଳସେଚନ ବିଭାଗ ଅଧିକାରୀଙ୍କ ନିର୍ଦ୍ଦେଶକୁ ବେଖାତିର, ଉଚ୍ଚ ନ୍ୟାୟାଳୟ ନିର୍ଦ୍ଦେଶ ଅବମାନନା, ସୂଚନା ଅଧିକାର ଆଇନକୁ ନ ମାନି ତଥ୍ୟ ନ ଦେବା ଆଦି ଏକାଧିକ ଅଭିଯୋଗ ତାଙ୍କ ବିରୁଦ୍ଧରେ ରହିଛି। ଏପରିକି ରାଜ୍ୟ ସୂଚନା କମିଶନଙ୍କ ନିକଟରେ ତାଙ୍କ ବିରୁଦ୍ଧରେ ଏକାଧିକ ଅପିଲ ମଧ୍ୟ ବିଚାରଧୀନ ରହିଛି। ଅନୁରୂପ ଭାବେ ଏକ ୱାର୍ଡରେ ବିନା ଡ୍ରେନେଜ ନିର୍ମାଣରେ ବେଆଇନ ଭାବେ ସଡ଼କ ନିର୍ମାଣ ହୋଇଥିବାରୁ ତାହାକୁ ନେଇ ଉଚ୍ଚ ନ୍ୟାୟାଳୟରେ ଅଦ୍ୟାବଧି ଅଦାଲତ ଅବମାନନା ମାମଲା ମଧ୍ୟ ଜାରି ରହିଛି। ଏପରି ଏକାଧିକ ମାମଲାରେ ଛନ୍ଦି ହୋଇପଡ଼ିଥିଲେ…

ନୂଆଦିଲ୍ଲୀ: ଏକ ଐତିହାସିକ ପୁସ୍ତକ ଉନ୍ମୋଚନ କାର୍ଯ୍ୟକ୍ରମରେ କେନ୍ଦ୍ର ଗୃହମନ୍ତ୍ରୀ ଅଂଶଗ୍ରହଣ କରିଥିଲେ। ଏହି ସମୟରେ ସେ ଧାରା ୩୭୦ ଏବଂ ଆତଙ୍କବାଦ ସମ୍ପର୍କରେ ନିଜର ମତ ରଖିଥିଲେ। ଏହା ସହିତ ସେ ଇଙ୍ଗିତରେ ମଧ୍ୟ କହିଛନ୍ତି ଯେ, ଖୁବ ଶୀଘ୍ର ପାକିସ୍ତାନ ଅଧିକୃତ କଶ୍ମୀର ଭାରତରେ ସାମିଲ ହେବ। ସେ କହିଛନ୍ତି ଯେ, “ବ୍ରିଟିଶ ଯୁଗରେ ଲିଖିତ ଇତିହାସର ବ୍ୟାଖ୍ୟା ଭୁଲ ଥିଲା। ଭାରତ ହେଉଛି ସମଗ୍ର ବିଶ୍ୱରେ ଏକ ଦେଶ ଯାହା ସଂସ୍କୃତି ସହିତ ଜଡିତ। ଏହି ଦେଶକୁ ଯେଉଁମାନେ ରାଜନୈତିକ ଦୃଷ୍ଟିକୋଣରୁ ଦେଖନ୍ତି ସେମାନଙ୍କ ଦ୍ୱାରା ଏହି ଦେଶ ବ୍ୟାଖ୍ୟା କରାଯାଇପାରିବ ନାହିଁ। ଭାରତକୁ ବୁଝିବା ପାଇଁ ଦେଶକୁ ଯୋଡିବା ତତ୍ତ୍ଵକୁ ବୁଝିବାକୁ ହେବ। କାଶ୍ମୀରରେ ଯେଉଁ କଳା, ସଂସ୍କୃତି ଓ ବାଣିଜ୍ୟ କାଶ୍ମୀରରେ ଥିଲା, ତାହା ଧୀରେ ଧୀରେ ସମଗ୍ର ଭାରତରେ ବ୍ୟାପିଗଲା ଏବଂ ଏହା ଆଜି ରହିଛି ଏବଂ ସର୍ବଦା ରହିବ। ଗୃହମନ୍ତ୍ରୀ କହିଛନ୍ତି…

ନୂଆଦିଲ୍ଲୀ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କେନ୍ଦ୍ରୀୟ ବାହିନୀ ଉପରେ ଏକ ବଡ ଅଭିଯୋଗ କରିଛନ୍ତି। ମମତା ବାନାର୍ଜୀ ଅଭିଯୋଗ କରିଛନ୍ତି ଯେ, ସୀମା ସୁରକ୍ଷା ବଳ (ବିଏସ୍ଏଫ୍) ରାଜ୍ୟକୁ ଅସ୍ଥିର କରିବା ପାଇଁ ବାଂଲାଦେଶୀ ନାଗରିକଙ୍କ ଅନୁପ୍ରବେଶକୁ ଅନୁମତି ଦେଉଛି ଏବଂ ମହିଳାମାନଙ୍କୁ ନିର୍ଯାତନା ଦେଉଛି। ମମତା ବାନାର୍ଜୀ ଏହାକୁ କେନ୍ଦ୍ର ସରକାରଙ୍କ ଏକ ଅତ୍ୟନ୍ତ ନିନ୍ଦନୀୟ ଯୋଜନା ବୋଲି କହି ଏକ ବଡ଼ ବିବାଦ ସୃଷ୍ଟି କରିଛନ୍ତି। ଆସନ୍ତା ବର୍ଷ ପଶ୍ଚିମବଙ୍ଗରେ ଅର୍ଥାତ୍ ୨୦୨୬ ମସିହାରେ ବିଧାନସଭା ନିର୍ବାଚନ ହେବାକୁ ଯାଉଛି ଏବଂ ମୁଖ୍ୟମନ୍ତ୍ରୀ ବାନାର୍ଜୀଙ୍କ ଏହି ବିବୃତ୍ତି ପରେ ନିର୍ବାଚନରେ ​​ଉଭୟ ଦଳ ଟିଏମସି ଏବଂ ବିଜେପି ମଧ୍ୟରେ କଡ଼ା ପ୍ରତିଯୋଗିତା ହୋଇପାରେ। ମମତା ବାନାର୍ଜୀଙ୍କ ଏହି ବିବୃତ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବିବୃତ୍ତିର ଏକ ସପ୍ତାହ ପରେ ଆସିଛି। ସିଏମ ମମତା ବାନାର୍ଜୀ କ’ଣ କହିଥିଲେ?: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ,…

ଭୁବନେଶ୍ବର: ଚଳିତ ବର୍ଷ ଆଗୁଆ ହେବ ଆଦିବାସୀ ମେଳା। ଏ ନେଇ ରାଜ୍ୟ ଅନୁସୂଚିତ ଜାତି ଓ ଜନଜାତି ବିଭାଗ ତରଫରୁ ଘୋଷଣା କରାଯାଇଛି। ସେହି ଅନୁସାରେ ଭୁବନେଶ୍ବର ଆଦିବାସୀ ପଡିଆରେେ ଏହି ଉତ୍ସବ ଜାନୁଆରୀ ୫ ତାରିଖରୁ ଆୟୋଜନ ହେବ। ପ୍ରତିବର୍ଷ ଏହି ମେଳା ଜାନୁୟାରୀ 26 ତାରିଖ ସଂଧ୍ୟାରେ ଉଦଘାଟିତ ହେଉଥିଲା। ତେବେ ଏ ନେଇ ବିଭାଗ ତରଫରୁ ଏକ ସୂଚନା ଦିଆଯାଇଛି। ତାହା ହେଲା ପ୍ରବାସୀ ଭାରତୀୟ ଦିବସକୁ ଧ୍ୟାନରେ ରଖି ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ଏବଂ ସଂଖ୍ୟାଲଘୁ ଓ ପଛୁଆବର୍ଗ କଲ୍ୟାଣ ବିଭାଗ ଜାନୁଆରୀ ୫ ତାରିଖରୁ ଚଳିତ ବର୍ଷର ଆଦିବାସୀ ମେଳାକୁ ସ୍ବତନ୍ତ୍ର ଭାବରେ ପ୍ରବାସୀ ଭାରତୀୟ ଦିବସକୁ ଧ୍ୟାନରେ ରଖି ଆୟୋଜିତ କରାଯିବ । ସହରରେ ଆଦିବାସୀ ଗ୍ରାମ, ଆଦିବାସୀ ହାଟ, ଜନଜାତି ଖାଦ୍ୟପେୟ, ଲାଇଭ୍ ଡେମନଷ୍ଟ୍ରେସନ୍, ସ୍ବତନ୍ତ୍ର ବିର୍ସା ମୁଣ୍ଡା ପାଭିଲିୟନ୍ ଆଦି ଅନେକକୁ ଚଳିତ ବର୍ଷ…

ଭୁବନେଶ୍ବର: ନୂଆବର୍ଷ ଆରମ୍ଭରୁ ରାଜ୍ୟ ସରକାର ଆଇଏଏସ ସ୍ତରରେ ଆରମ୍ଭ କରିଛନ୍ତି ଅଦଳବଦଳ। ପ୍ରାୟ ୫ ମାସ ତଳେ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭାବେ ନିଯୁକ୍ତି ପାଇଥିବା ଅରିନ୍ଦମ ଡାକୁଆଙ୍କ ବଦଳି ହୋଇଛି। ସେ ପୂର୍ବ ସରକାରର ପାଣ୍ଡିଆନଙ୍କ ଆସନରେ କାମ କରୁଥିଲେ। ହେଲେ ହଠାତ ତାଙ୍କର ବଦଳି ବିଭିନ୍ନ ମହଲରେ ଆଲୋଚନା ଚାଲିଛି। ଅରିନ୍ଦମ ଡାକୁଆଙ୍କୁ ସେଠାରୁ ବଦଳି କରାଯାଇ ପୌର ପ୍ରଶାସକ ଭାବେ ନିଯୁକ୍ତି ଦିଆଯାଇଛି। ତାଙ୍କୁ ନଗର ଉନ୍ନୟନ ବିଭାଗ ଅତିରିକ୍ତ ସଚିବ ଭାବେ ଦାୟିତ୍ୱ ମିଳିଛି । ସେହିପରି ଏନବିଏସ୍ ରାଜପୁତଙ୍କୁ ସାଧାରଣ ଉଦ୍ୟୋଗ ବିଭାଗ ପ୍ରମୁଖ ସଚିବ ଭାବେ ନିଯୁକ୍ତି ଦିଆଯାଇଛି । ଟି. ଆଓ ଙ୍କୁ ଯୋଜନା ଓ ସଂଯୋଜନ ବିଭାଗର ସ୍ୱତନ୍ତ୍ର ସଚିବ ଏବଂ ଭୂପେନ୍ଦ୍ର ସିଂ ପୁନିଆଁଙ୍କୁ ଦକ୍ଷତା ବିକାଶ ବିଭାଗର ଅତିରିକ୍ତ ଦାୟିତ୍ୱ ଦିଆଯାଇଛି। ଏଥିସହିତ ପ୍ରେମଚନ୍ଦ୍ର ଚୌଧୁରୀଙ୍କୁ ବୟନ ଓ ହସ୍ତତନ୍ତ ଶିଳ୍ପ ବିଭାଗର ନିର୍ଦ୍ଦେଶକ କରାଯାଇଛି।

ଭୁବନେଶ୍ବର: ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଆଜି ଚିଠି ଲେଖିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଓଡିଶାରେ ବିଜେପି ସରକାର ଆସିବା ପରେ ମୁଖ୍ୟମନ୍ତ୍ରୀଙ୍କୁ ନବୀନଙ୍କ ଚିଠି ଲେଖିବା ଏହା ହେଉଛି ପ୍ରଥମ। ତେବେ ସେ ଚିଠି ଓଡିଶାର ଚାଷୀଙ୍କ ପାଇଁ ଲେଖିଛନ୍ତି। ଅଦିନିଆ ବର୍ଷା ଯୋଗୁଁ ଚାଷୀଙ୍କ ଯେଉଁ କ୍ଷୟକ୍ଷତି ହୋଇଛି ତାହାର କ୍ଷତିପୂରଣ ଦେବା ପାଇଁ ଏହି ଚିଠି ସେ ଲେଖିଛନ୍ତି। ଚାଷୀମାନଙ୍କୁ ତୁରନ୍ତ କ୍ଷତିପୂରଣ ରାଜ୍ୟ ସରକାର ଦିଅନ୍ତୁ ବୋଲି ନବୀନ ମୁଖ୍ୟମନ୍ତ୍ରୀଙ୍କ ନିକଟରେ ଦାବୀ କରିଛନ୍ତି। ସେ ଲେଖିଛନ୍ତି ଯେ, ନିକଟରେ ନିଜେ କ୍ଷତିଗସ୍ତ ପାଞ୍ଚଟି ଜିଲ୍ଲା ଗସ୍ତରେ ଯାଇଥିଲେ। ସେଠାରେ ଚାଷୀମାନେ ଯେପରି କ୍ଷତିର ସମ୍ମୁଖୀନ ହୋଇଛନ୍ତି ତାହା ପୂର୍ବରୁ କେବେ ହୋଇ ନ ଥିଲା। ଏହି ଅଦିନିଆ ବର୍ଷାରେ ଫସଲ କ୍ଷତି ହୋଇଥିବା କାରଣରୁ ଚାଷୀମାନେ କଣ କରିବେ ସେ ନେଇ ଚିନ୍ତାରେ ଅଛନ୍ତି। ଏହି କ୍ଷତି ଯୋଗୁଁ ଆତ୍ମହତ୍ୟା କରିଥିବା ଜଗତସିଂହପୁର ବାଲିକୂଦା…

ନୂଆଦିଲ୍ଲୀ: ତାମିଲନାଡୁରେ ୧୦୦୦ କୋଟିରୁ ଅଧିକ ଟଙ୍କା ସାଇବର ଠକେଇ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଆଜି ପଶ୍ଚିମବଙ୍ଗର ଆଠଟି ସ୍ଥାନ ଉପରେ ଚଢାଉ କରିଛି। କୋଲକାତା ଏବଂ ଅନ୍ୟାନ୍ୟ ଜିଲ୍ଲାର ସନ୍ଦେହଜନକ ସ୍ଥାନରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି। ଏଥି ସହ ସଲ୍ଟ ଲେକ୍ ରେ ପଚରାଉଚରା ପାଇଁ ଜଣେ ବ୍ୟକ୍ତିଙ୍କୁ ଅଟକ ରଖାଯାଇଛି ଏବଂ ସମ୍ପୃକ୍ତ ଅଭିଯୁକ୍ତମାନଙ୍କୁ ଚିହ୍ନଟ କରିବା ଏବଂ ଗିରଫ କରିବା ପାଇଁ ଉଦ୍ୟମ ଚାଲିଛି। ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ପାର୍କ ଷ୍ଟ୍ରିଟ୍, ସଲ୍ଟ ଲେକ୍ ଏବଂ କୋଲକାତାର ବାଗୁଇହାଟି ଅଞ୍ଚଳରେ ପାଞ୍ଚଟି ସ୍ଥାନରେ ଏବଂ ଜିଲ୍ଲାର ଅନ୍ୟ ତିନୋଟି ସ୍ଥାନରେ ଏକକାଳୀନ ଚଢାଉ ଚାଲିଛି। ଅଧିକାରୀ କହିଛନ୍ତି ଯେ, ସଲ୍ଟ ଲେକ୍ ଅଞ୍ଚଳରେ ହୋଇଥିବା ଚଢାଉ ସମୟରେ ଇଡି ଅଧିକାରୀମାନେ ଜଣେ ବ୍ୟକ୍ତିଙ୍କୁ ପଚରାଉଚରା ପାଇଁ ଅଟକ ରଖିଥିଲେ।