ନୂଆଦିଲ୍ଲୀ: ଆସନ୍ତାକାଲି ଅର୍ଥାତ୍ ୨୦ ଜୁଲାଇ, ୨୦୨୩ ଠାରୁ କିଲୋପ୍ରତି ୭୦ ଟଙ୍କାର ଖୁଚୁରା ଦରରେ ଟମାଟୋ ବିକ୍ରି କରିବା ଲାଗି ଭାରତ ସରକାରଙ୍କ ଉପଭୋକ୍ତା ବ୍ୟାପାର ବିଭାଗ ପକ୍ଷରୁ ଏନସିସିଏଫ ଏବଂ ନାଫେଡକୁ ନିର୍ଦ୍ଦେଶ ଦିଆଯାଇଛି। ଟମାଟୋର ପାଇକାରୀ ମୂଲ୍ୟ ହ୍ରାସକୁ ଦୃଷ୍ଟିରେ ରଖି ସରକାର ଏହି ନିଷ୍ପତ୍ତି ନେଇଛନ୍ତି। ପୂର୍ବରୁ ଏନସିସିଏଫ ଏବଂ ନାଫେଡ ଦ୍ୱାରା କିଣା ଯାଇଥିବା ଟମାଟୋକୁ ଜୁଲାଇ ୧୬, ୨୦୨୩ ଠାରୁ କିଲୋ ପ୍ରତି ୯୦ ଟଙ୍କା ଏବଂ ୮୦ ଟଙ୍କାରେ ଯୋଗାଇ ଦିଆଯାଇଥିଲା। ବର୍ତ୍ତମାନ ୭୦ ଟଙ୍କାରେ ଟମାଟୋ ବିକ୍ରି କରାଯିବା ଦ୍ୱାରା ଉପଭୋକ୍ତାମାନେ ବିଶେଷ ଲାଭବାନ ହୋଇପାରିବେ। ସୂଚନାଯୋଗ୍ୟ ଯେ, ଗତ ୧ ମାସ ହେବ ଦେଶର ବିଭିନ୍ନ ସ୍ଥାନରେ ଟମାଟୋର ଖୁଚୁରା ମୂଲ୍ୟ ବୃଦ୍ଧି ପାଇଥିଲା। ଦର ବୃଦ୍ଧି ଉପରେ ଅଙ୍କୁଶ ଲଗାଇବା ପାଇଁ ଆନ୍ଧ୍ରପ୍ରଦେଶ, ମହାରାଷ୍ଟ୍ର ଏବଂ କର୍ଣ୍ଣାଟକର ବିଭିନ୍ନ ମଣ୍ଡିରୁ ଟମାଟୋ କିଣି ବିଭିନ୍ନ ସ୍ଥାନରେ ବିକ୍ରି…
Author: Samikhsya Bureau
ନୂଆଦିଲ୍ଲୀ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ସଂଧ୍ୟାରେ ରାଜ୍ୟର ୮ଟି ଜିଲ୍ଲାରେ ୮ଟି Extra High Voltage Grid Substation ଲୋକାର୍ପିତ କରିଛନ୍ତି। ଏହିସବୁ ସ୍ଥାନ ଗୁଡିକ ହେଲା ଅନୁଗୁଳର ମେରାମୁଣ୍ଡଳି, ଖୋର୍ଦ୍ଧାର କଣ୍ଟାବାଡ, କୋରାପୁଟର ବୋରିଗୁମା, ଝାରସୁଗୁଡାର ଲଖନପୁର, ସୁନ୍ଦରଗଡର କୁମାରମୁଣ୍ଡା, ସମ୍ବଲପୁରର ବାମରା, ବରଗଡର ଭଟଲି ଏବଂ ଭଦ୍ରକ। ଏହିସବୁ ଗ୍ରୀଡ ସବ୍ଷ୍ଟେସନ ପାଇଁ ରାଜ୍ୟ ସରକାର ୬୫୦ କୋଟି ଟଙ୍କା ବିନିଯୋଗ କରିଛନ୍ତି ଏବଂ ଏହାଦ୍ବାରା ରାଜ୍ୟର ୨ ଲକ୍ଷ ୨୦ ହଜାର ଉପଭୋକ୍ତା ଉପକୃତ ହେବେ। ଭିଡିଓ କନ୍ଫରେନ୍ସିଂ ଜରିଆରେ ଆୟୋଜିତ ଏହି କାର୍ଯ୍ୟକ୍ରମରେ ନିଜର ଅଭିଭାଷଣ ରଖି ମୁଖ୍ୟମନ୍ତ୍ରୀ କହିଲେ ଯେ ଏହାଦ୍ବାରା ଜନସାଧାରଣ ଗୁଣାତ୍ମକ ଓ ନିରନ୍ତର ବିଜୁଳି ପାଇପାରିବେ । ସମସ୍ତଙ୍କ ପାଇଁ ବିଜୁଳିର ଲକ୍ଷ୍ୟ ହାସଲ ଦିଗରେ ମଧ୍ୟ ଏହା ଏକ ବଡ ସଫଳତା ବୋଲି ମୁଖ୍ୟମନ୍ତ୍ରୀ କହିଥିଲେ। ମୁଖ୍ୟମନ୍ତ୍ରୀ କହିଥିଲେ ଯେ ଆମର ରାଜ୍ୟରେ ୧୬,୩୦୦ ସର୍କିଟ କିଲୋମିଟର…
ରଣପୁର: ରାଜ୍ୟ ସରକାରଙ୍କ ୫ ଟି ସଚିବ ଭି.କାର୍ତ୍ତିକେନ ପାଣ୍ଡିଆନ ଗୁରୁବାର ରଣପୁର ଆସିବାର କାର୍ଯ୍ୟକ୍ରମ ରହିଛି। ସକାଳ ୯ ଟା ବେଳେ ଜେଲ ପଡିଆ ଠାରେ ହେଲିକ୍ୟାପଟର ରୁ ଅବତରଣ କରିବା ପାଇଁ ହେଲିପ୍ୟାଡର ନିର୍ମାଣ ସରିଛି। ସେଥିପାଇଁ ଆଜି ରଣପୁର ଚଳଚଂଚଳ ହୋଇଥିବା ବେଳେ ବହୁ ଗୁରୁତ୍ୱପୂର୍ଣ୍ଣ ଲୋକ ଆଜି ରଣପୁର ଆସି ପରିଦର୍ଶନ କରିଥିବାଦେଖିବାକୁ ମିଳିଛି। ଆସନ୍ତାକାଲି ସକାଳେ ୫ଟି ସଚିବ ଶ୍ରୀ ପାଣ୍ଡିଆନ ରଣପୁର ରେ ଆସିମପହଚିଂବେ। ପରେ ସେ ମଣିନାଗ ପୀଠ ଯାଇ ମା କୁ ଦର୍ଶନ କରିବା ସହ ତଳ ମଣିନାଗ ଓ ଉପର ମଣିନାଗ ର କିଭଳି ଉନ୍ନତି ହୋଇ ପାରିବ ସେ ଉପରେ ସମିକ୍ଷା କରିବେ। ପରେ ରଣପୁର ଜଗନ୍ନାଥ ମନ୍ଦିର ଆସି ଶ୍ରୀଜିୟୁ ଙ୍କୁ ଦର୍ଶନ କରିବେ। ଓଡିଶାର ଅନେକ ଜଗନ୍ନାଥ ମନ୍ଦିରକୁ ରାଜ୍ୟ ସରକାର ଉନ୍ନତି କରଣ ପାଇଁ ଅର୍ଥ ଯୋଗାଇ ଦେଇଥିବା ବେଳେ ଓଡିଶାର ଦ୍ୱିତୀୟ…
ଭୁବନେଶ୍ୱର: ଓଡ଼ିଶା ବିଧାନସଭାରେ ଆଜି ଆମେନିଟିଜ୍ କମିଟିର ସଦସ୍ୟ ଥିବା ବିଧାୟକମାନେ ନେଭା ଆପ୍ଲିକେସନ୍ର ପ୍ରୟୋଗ ସଂପର୍କିତ ଆବଶ୍ୟକୀୟ ପ୍ରଶିକ୍ଷଣ ନେଇଛନ୍ତି। ପ୍ରକାଶଯୋଗ୍ୟ ଯେ ଭାରତ ସରକାରଙ୍କ ଏହା ହେଉଛି ଏକ ମିଶନ ମୋଡ୍ ପ୍ରକଳ୍ପ। ଖୁବ୍ ଶୀଘ୍ର ଏହା ମାଧ୍ୟମରେ ଦେଶରେ ସଂସଦ ସମେତ ସମସ୍ତ ବିଧାନସଭାକୁ ପେପରଲେସ୍ ପ୍ରକ୍ରିୟାରେ ପରିଚାଳନା କରାଯିବ। ଆଜି ଦ୍ୱିତୀୟ ଦିନର ଏହି କାର୍ଯ୍ୟକ୍ରମରେ ମାନ୍ୟବର କାର୍ଯ୍ୟକାରୀ ବାଚସ୍ପତି ରଜନୀକାନ୍ତ ସିଂହଙ୍କ ଉପସ୍ଥିତିରେ ନେଭା କାର୍ଯ୍ୟକ୍ରମ କିଭଳି ଭାବେ ଓଡ଼ିଶା ବିଧାନସଭାରେ ସଫଳ ଭାବେ କାର୍ଯ୍ୟକାରୀ ହେବ ସେ ସଂପର୍କିତ ସମସ୍ତ ଦିଗକୁ ଦୃଷ୍ଟିରେ ରଖି ବିଶଦ ଆଲୋଚନା ହୋଇଥିଲା। ପ୍ରଶିକ୍ଷଣ ଗ୍ରହଣ କରୁଥିବା ବିଧାୟକମାନଙ୍କୁ ଶ୍ରୀ ସିଂହ କହିଥିଲେ ଯେ ଏହି ଆପ୍ଲିକେସନ୍ର ସଫଳ ପ୍ରୟୋଗରେ ସାଧାରଣ ଜନତାଙ୍କ ପାଖରେ ସରକାରଙ୍କ ଆଭିମୁଖ୍ୟ ପହଞ୍ଚିପାରିବ ଏବଂ ଏହି ଆପ୍ଲିକେସନ୍ ଆପଣମାନଙ୍କ କାର୍ଯ୍ୟପ୍ରଣାଳୀକୁ ଆହୁରି ସରଳ କରିବ। ବିଧାନସଭା ପକ୍ଷରୁ ନେଭାର ସଫଳ କାର୍ଯ୍ୟକାରିତା…
ଭୁବନେଶ୍ୱର: ବାଲେଶ୍ୱର ଜିଲ୍ଲା ଚାନ୍ଦିପୁର ଥାନା ଆଇଆଇସି ଓ ଏଏସ୍ଆଇ ଭିଜିଲାନ୍ସ ପଞ୍ଝାରେ ଫସିଯାଇଛନ୍ତି। ଆଇଆଇସି ଗଣେଶ୍ୱର ପ୍ରଧାନ ଓ ଏଏସ୍ଆଇ ବଳି ମହାନ୍ତି ମାସିକିଆ ଚାନ୍ଦା ନେବା ବେଳେ ଭିଜିଲାନ୍ସ ହାତରେ ଧରାପଡିଛନ୍ତି। ମଦ ଦୋକାନୀଙ୍କ ଠାରୁ ମାସିକ ଚାନ୍ଦା ଭାବେ ୫୦ ହଜାର ଟଙ୍କା ନେବା ବେଳେ ଥାନା ଅଧିକାରୀ ଧରାପଡିଛନ୍ତି।
ମୁମ୍ବାଇ: ଏକନାଥ ସିନ୍ଦେ ସରକାରରେ ଯୋଗଦେବା ପରେ ଶିବସେନା (ୟୁବିଟି) ନେତା ଉଦ୍ଧବ ଠାକରେ ବୁଧବାର ଏନସିପି ନେତା ତଥା ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କୁ ଭେଟିଛନ୍ତି। ରାଜ୍ୟ ବିଧାନ ପରିଷଦ ସଦସ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଗୃହ ପ୍ରକ୍ରିୟାରେ ଯୋଗଦେବା ଏବଂ ବେଙ୍ଗାଲୁରୁରେ ବିରୋଧୀ ଦଳ ସହ ଏକ ଗୁରୁତ୍ୱପୂର୍ଣ୍ଣ ବୈଠକରେ ଯୋଗଦେବାର ଗୋଟିଏ ଦିନ ପରେ ଏହି ବୈଠକ ହୋଇଥିଲା। ଅବିଭକ୍ତ ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି) ର ଅଂଶ ଭାବରେ ଠାକରେଙ୍କ ପୂର୍ବତନ ସହଯୋଗୀ ଅଜିତ ପାୱାର ଗୋଷ୍ଠୀ ବଦଳାଇ ବିଜେପି-ଶିବସେନା ସରକାରରେ ଯୋଗଦେବା ପରେ ଏହା ଉଭୟଙ୍କ ମଧ୍ୟରେ ପ୍ରଥମ ବାର୍ତ୍ତାଳାପ ଏବଂ ଆନୁଷ୍ଠାନିକ ବୈଠକ ଥିଲା। ବୈଠକ ପରେ ଉଦ୍ଧବ ଠାକରେ କହିଛନ୍ତି ଯେ, “ମୁଁ ଅଜିତ ପାୱାରଙ୍କୁ ଭେଟି ତାଙ୍କୁ ଅଭିନନ୍ଦନ ଜଣାଇଥିଲି। ମୁଁ ଆଶା କରୁଛି ସେ ଲୋକଙ୍କ ପାଇଁ ଠିକ୍ କାର୍ଯ୍ୟ କରିବେ। ମୁଁ ତାଙ୍କ ସହ…
ଭୁବନେଶ୍ୱର: ୫-ଟି ସ୍କୁଲ ରୂପାନ୍ତର କାର୍ଯ୍ୟକ୍ରମ, ଛାତ୍ରଛାତ୍ରୀ ତଥା ଅଭିବାବକମାନଙ୍କ ମଧ୍ୟରେ ବିପୁଳ ଉତ୍ସାହ ସୃଷ୍ଟି କରିଛି। ସ୍କୁଲ ଭିତ୍ତିଭୂମିର ରୂପାନ୍ତର ସହିତ ପାଠ ପଢିବା ପାଇଁ ନୂତନ ସୁବିଧା ସୁଯୋଗର ବିକାଶ ଯଥା ଇ-ଲାଇବ୍ରେରୀ, ଅଧୁନିକ ବିଜ୍ଞାନାଗାର, ସ୍ମାର୍ଟ କ୍ଳାସ ରୁମ ଇତ୍ୟାଦି ପିଲାମାନଙ୍କ ଭିତରେ ପାଠ ପଢିବା ପାଇଁ ଆଗ୍ରହ ସୃଷ୍ଟି କରିଥିବା ପରିଲକ୍ଷିତ ହେଉଛି। ଏ ପର୍ଯ୍ୟନ୍ତ ରାଜ୍ୟରେ ତିନୋଟି ପର୍ଯ୍ୟାୟରେ ୬୮୮୩ ହାଇସ୍କୁଲ ରୂପାନ୍ତର କାମ ସମ୍ପୂର୍ଣ୍ଣ ହୋଇଛି। ଡିସେମ୍ବର ୨୦୨୩ ସୁଦ୍ଧା ରାଜ୍ୟର ସମସ୍ତ ୮୬୫୪ ସରକାରୀ ହାଇସ୍କୁଲଗୁଡିକରେ ରୂପାନ୍ତର କାମ ଶେଷ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି। ଏ ପରିପେକ୍ଷୀରେ ୫-ଟି ସଚିବ ଭି.କେ. ପାଣ୍ଡିଆନ ଗତକାଲି ଓ ଆଜି ଦୁଇଦିନ ଧରି ଗଂଜାମ, ବରଗଡ, କେନ୍ଦୁଝର, କଟକ, ମୟୁରଭଞ୍ଜ, ମାଲକାନଗିର, ପୁରୀ, ଗଜପତି, ଢେଙ୍କାନାଳ ଆଦି ୯ଟି ଜିଲ୍ଲାର ୧୦୧ଟି ବ୍ଲକର ଓ ୨ଟି ମୁନିସିପାଲିଟି କର୍ପୋରେସନର…
ଭୁବନେଶ୍ୱର: ମଙ୍ଗଳବାର ବେଙ୍ଗାଲୁରୁରେ ବିରୋଧୀ ଦଳର ଦ୍ୱିତୀୟ ବଡ଼ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକର ଶେଷରେ ସମ୍ବାଦିକ ସମ୍ମିଳନୀରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର, ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ଓ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ଉପସ୍ଥିତ ନ ଥିଲେ। ସେମାନଙ୍କ ବିମାନ ଛାଡ଼ିବା ସମୟ ହୋଇଯାଇଥିବା କୁହାଯାଇଥିଲା। କିନ୍ତୁ ସେମାନେ ଚାର୍ଟାର୍ଡ ବିମାନରେ ବେଙ୍ଗାଲୁରୁ ଯାଇଥିଲେ। ଏଭଳି ପରିସ୍ଥିତିରେ ସବୁଠାରୁ ବଡ଼ ପ୍ରଶ୍ନ ହେଉଛି ସେମାନେ ଯେତେବେଳେ ଚାର୍ଟାର୍ଡ ବିମାନରେ ଯାଇଥିଲେ, ତେବେ ସେମାନଙ୍କର ବିମାନ ସମୟ କିପରି ହୋଇଯାଇଥିଲା। ଅନ୍ୟପକ୍ଷରେ ସାମ୍ବାଦିକ ସମ୍ମିଳନୀରୁ ସେମାନଙ୍କ ନିଖୋଜକୁ ନେଇ ଅନେକ ପ୍ରଶ୍ନ ଉଠିବା ଆରମ୍ଭ ହୋଇଛି। ଏଥିରେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ବିରୋଧୀ ଏକତାର ସ୍ରଷ୍ଟା ଥିବା ନୀତୀଶ କୁମାର ଓ ଲାଲୁ ପ୍ରସାଦ ଯାଦବ ଅସନ୍ତୁଷ୍ଟ ହୋଇଛନ୍ତି ନା ଆଉକିଛି। ତେବେ ଏ ନେଇ ନୀତୀଶ କୁମାର କିଛି କହୁନାହାନ୍ତି କି କଂଗ୍ରେସ କିମ୍ବା…
ଭୁବନେଶ୍ୱର: ୨୦୨୪ ଲୋକସଭା ନିର୍ବାଚନରେ ବିଜୟ ନେଇ କୌଣସି ପକ୍ଷ ନିଶ୍ଚିତ ନୁହନ୍ତି। ୨୦୨୪ ନିର୍ବାଚନ ପୂର୍ବରୁ ନିଜର ଦବଦବା ବଢ଼ାଇ ମତଦାତାମାନଙ୍କୁ ଆକୃଷ୍ଟ କରିବା ପାଇଁ ଉଭୟ ବିଜେପି ନେତୃତ୍ୱାଧୀନ ଏନଡିଏ ଏବଂ ମିଳିତ ବିରୋଧୀଦଳ ପ୍ରୟାସ ଆରମ୍ଭ କରିଛନ୍ତି। କୌଣସି ପକ୍ଷ ବିଜୟ ନେଇ ନିଶ୍ଚିତ ନ ଥିବାରୁ ସେମାନେ ମେଣ୍ଟ ସହଯୋଗୀ ସଂଖ୍ୟା ବଢ଼ାଇବାକୁ ବ୍ୟସ୍ତ ହୋଇପଡ଼ିଛନ୍ତି। ବେଙ୍ଗାଲୁରୁରେ ଦୁଇ ଦିନିଆ ବିରୋଧୀ ଏକତା ବୈଠକ ଶେଷ ହେବା ଦିନ ମଙ୍ଗଳବାର ଏନଡିଏର ୩୯ଟି ଦଳ ଦିଲ୍ଲୀରେ ଏକାଠି ହୋଇଥିଲେ। ଦୁଇ ମେଣ୍ଟ ମଧ୍ୟରେ ବୈଠକରେ ବହୁତ ପାର୍ଥକ୍ୟ ରହିଛି। ବିରୋଧୀଙ୍କ ଉଦ୍ଦେଶ୍ୟ କେବଳ ଗୋଟିଏ ଲକ୍ଷ୍ୟରେ ସୀମିତ ରହିଛି- କେନ୍ଦ୍ରରେ ମୋଦୀ ଏବଂ ବିଜେପିକୁ କ୍ଷମତାରୁ ହଟାଇବା। ତେଣୁ ବିରୋଧୀମାନେ ସେମାନଙ୍କର ନୂଆ ମେଣ୍ଟକୁ INDIA ଅର୍ଥାତ ଇଣ୍ଡିଆନ ନ୍ୟାସନାଲ ଡେଭଲପମେଣ୍ଟାଲ ଇନକ୍ଲୁସିଭ ଆଲାଏନ୍ସ ନାମରେ ନାମିତ କରି ଏକତା ପ୍ରଦର୍ଶନ କରିବାକୁ ଅପଚେଷ୍ଠା କରିଛନ୍ତି।…
ନୂଆଦିଲ୍ଲୀ: କୁସ୍ତିଯୋଦ୍ଧା ବିଶାଲ କାଲିରମନ କହିଛନ୍ତି ଯେ, “ମୁଁ ମଧ୍ୟ ୬୫ କିଲୋଗ୍ରାମ ବର୍ଗରେ ଖେଳୁଛି। କିନ୍ତୁ ବିନା ପରୀକ୍ଷଣରେ ଏସିଆନ ଗେମ୍ସ ପାଇଁ ବଜରଙ୍ଗ ପୁନିଆଙ୍କୁ ସିଧାସଳଖ ପ୍ରବେଶ କରାଯାଇଛି। ଏହି କୁସ୍ତିଯୋଦ୍ଧାମାନେ ପ୍ରାୟ ଏକ ବର୍ଷ ଧରି ବିକ୍ଷୋଭ ପ୍ରଦର୍ଶନ କରୁଥିବାବେଳେ ଆମେ ନିରନ୍ତର ଅଭ୍ୟାସ କରୁଛୁ।” ଆମେ ମଧ୍ୟ କୌଣସି ଅନୁଗ୍ରହ କିମ୍ବା ଲାଭ ଚାହୁଁ ନାହୁଁ, କିନ୍ତୁ ଅନ୍ତତଃପକ୍ଷେ ପରୀକ୍ଷା କରାଯିବା ଉଚିତ ଅନ୍ୟଥା ଆମେ ମଧ୍ୟ କୋର୍ଟକୁ ଯିବାକୁ ପ୍ରସ୍ତୁତ ଏବଂ ଆମେ କୋର୍ଟରେ ଆବେଦନ କରିବୁ। ଆମେ ୧୫ ବର୍ଷ ଧରି ସଂଗ୍ରାମ କରୁଛୁ। ଏଥିପାଇଁ ପ୍ରସ୍ତୁତ ହେଉଛୁ। ଯଦି ବଜରଙ୍ଗ ପୁନିଆ ଏସିଆନ୍ ଗେମ୍ସରେ ଖେଳିବାକୁ ମନା କରିଦେଲେ, ତେବେ ଅନ୍ୟ କେହି ସୁଯୋଗ ପାଇବେ ଏବଂ ଏସିଆନ୍ ଗେମ୍ସରେ ଖେଳିବେ। ” ନିକଟରେ ବହୁ କୁସ୍ତିଯୋଦ୍ଧା ବିଜେପି ସାଂସଦ ବ୍ରିଜ ଭୂଷଣ ଶରଣ ସିଂଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିଥିଲେ।…
ଭୁବନେଶ୍ୱର: ଆଗାମୀ ୨୦୨୪ ସାଧାରଣ ନିର୍ବାଚନ ପାଇଁ ରଣକୌଶଳ ପ୍ରସ୍ତୁତ କରିବା ସହିତ ମେଣ୍ଟ କରି ନିର୍ବାଚନ ଲଢ଼ିବାକୁ ବେଙ୍ଗାଲୁରୁରେ ଅନୁଷ୍ଠିତ ୨୬ଟି ବିରୋଧୀ ଦଳର ସାଧାରଣ ବୈଠକରେ ରାଜନୀତିର ଅନେକ ରଙ୍ଗ ଦେଖିବାକୁ ମିଳିଛି। କେହି ନାଲି ଟୋପି ପିନ୍ଧି ବସିଥିବାବେଳେ ଆଉ କିଏ ପାରମ୍ପରିକ କାଶ୍ମୀର ଟୋପି ପିନ୍ଧିଥିଲେ। ଲାଲୁଙ୍କୁ ପୁଣିଥରେ ଦେଖିବା ପରେ ରାଜନୀତିର ରଙ୍ଗ ବୃଦ୍ଧି ପାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ୨୦୨୪ ନିର୍ବାଚନରେ କ୍ଷମତାରୁ ହଟାଇବା ପାଇଁ ୨୬ଟି ବିରୋଧୀ ଦଳର ନେତାମାନେ INDIA ବାଜି ଗଠନ କରିଛନ୍ତି। ବିଜେପି ନେତୃତ୍ୱାଧୀନ ଏନଡିଏକୁ ବିରୋଧୀ ଦଳଗୁଡ଼ିକର INDIA ଚ୍ୟାଲେଞ୍ଜ କରିବ ବୋଲି ସ୍ପଷ୍ଟ ହୋଇଛି। ଗତକାଲି ଅପରାହ୍ନରେ ଯେତେବେଳେ ବିରୋଧୀ ମୋର୍ଚ୍ଚାର ନାମ INDIA ରଖାଯିବାବୋଲି ଖବର ଆସିବା ଆରମ୍ଭ ହେଲା, ସେତେବେଳେ ପ୍ରଥମେ କୁହାଯାଇଥିଲା ଯେ ଏହା ‘ଭାରତୀୟ ଜାତୀୟ ଗଣତାନ୍ତ୍ରିକ ସମାବେଶୀ ମେଣ୍ଟ ହେବ’, କିନ୍ତୁ କିଛି ସମୟ ପରେ ‘ଡି’…
ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି (ଜୁଲାଇ ୧୯, ୨୦୨୩) ରାଷ୍ଟ୍ରପତି ଭବନରେ ଆୟୋଜିତ ଏକ ସମାରୋହରେ ଚାଡ୍, ବୁରୁଣ୍ଡି, ଫିନଲ୍ୟାଣ୍ଡ, ଆଙ୍ଗୋଲା ଏବଂ ଇଥିଓପିଆର ରାଷ୍ଟ୍ରଦୂତଙ୍କଠାରୁ ପ୍ରମାଣପତ୍ର ଗ୍ରହଣ କରିଛନ୍ତି। ଯେଉଁମାନେ ସେମାନଙ୍କର ପ୍ରମାଣପତ୍ର ଉପସ୍ଥାପନ କରିଥିଲେ ସେମାନେ ହେଲେ: ୧. ଡିଲାହ ଲୁସିଏନ୍, ଚାଡ୍ ରିପବ୍ଲିକ୍ ର ରାଷ୍ଟ୍ରଦୂତ ୨. ବୁରୁଣ୍ଡି ଗଣତନ୍ତ୍ରର ରାଷ୍ଟ୍ରଦୂତ ବ୍ରିଗେଡିୟର ଜେନେରାଲ ଅଲୋୟସ୍ ବିଜିନ୍ଦାଭି ୩. ଫିନଲ୍ୟାଣ୍ଡ ଗଣତନ୍ତ୍ରର ରାଷ୍ଟ୍ରଦୂତ କିମ୍ମୋ ଲାହଡେଭିର୍ତା ୪. ଆଙ୍ଗୋଲା ଗଣତନ୍ତ୍ରର ରାଷ୍ଟ୍ରଦୂତ କ୍ଲେମେଣ୍ଟେ ପେଡ୍ରୋ ଫ୍ରାନ୍ସିସ୍କୋ କାମେନ୍ହା ୫. ଫେଡେରାଲ ଡେମୋକ୍ରାଟିକ୍ ରିପବ୍ଲିକ୍ ଅଫ୍ ଇଥିଓପିଆର ରାଷ୍ଟ୍ରଦୂତ ଡେମେକ ଆଟନାଫୁ ଆମ୍ବୁଲୋ।
ନୂଆଦିଲ୍ଲୀ: ଜନସନ ଆଣ୍ଡ ଜନସନକୁ କାଲିଫର୍ନିଆର ଜଣେ ବ୍ୟକ୍ତିଙ୍କୁ ୧୫୪ କୋଟି ଟଙ୍କା ଦେବାକୁ ନିର୍ଦ୍ଦେଶ ଦିଆଯାଇଛି, ଯିଏ କମ୍ପାନୀର ଶିଶୁ ପାଉଡରରୁ କର୍କଟ ରୋଗ ହୋଇଛି ବୋଲି କହିଥିଲେ। କାଲିଫର୍ନିଆର ଜଣେ ବ୍ୟକ୍ତି କର୍କଟ ରୋଗ ପାଇଁ କମ୍ପାନୀର ଟେଲକମ୍ ପାଉଡରକୁ ଦାୟୀ କରିଥିଲେ। ସେ ଅଭିଯୋଗ କରିଥିଲେ ଯେ, ଶିଶୁ ପାଉଡର କାରଣରୁ ହୋଇଥିବା ସ୍ୱାସ୍ଥ୍ୟ ସମସ୍ୟାକୁ କମ୍ପାନୀ ଲୁଚାଇ ରଖିଛି। ଆମେରିକାର ଓକଲ୍ୟାଣ୍ଡରେ ଥିବା ଡିଫଲ୍ଟ ଷ୍ଟେଟ କୋର୍ଟର ଜୁରି ସଦସ୍ୟମାନେ ମଙ୍ଗଳବାର ଦିନ ସିଦ୍ଧାନ୍ତରେ ପହଞ୍ଚିଛନ୍ତି ଯେ ,ଜେ ଆଣ୍ଡ ଜେର ଶିଶୁ ପାଉଡର କାରଣରୁ ହିନ ଆନ୍ଥୋନୀ ହର୍ଣ୍ଣାଡିଜ୍ ଭାଲାଡେଜଙ୍କୁ ମେସୋଥେଲିଓମା ନାମକ କର୍କଟ ରୋଗରେ ଆକ୍ରାନ୍ତ ହୋଇଥିଲେ। ୨୪ ବର୍ଷର ହର୍ଣ୍ଣାଡିଜ୍ କହିଛନ୍ତି ଯେ, ସେ ପିଲାଦିନରୁ କମ୍ପାନୀର ଟେଲକମ୍ ପାଉଡର ବ୍ୟବହାର କରିବା ପରେ ଛାତି ନିକଟରେ ମେସୋଥେଲିଓମା କର୍କଟ ରୋଗ ହୋଇଥିଲା। ନ୍ୟୁ ବ୍ରୁନସ୍ୱିକ୍ ଏନଜେ ଯୁକ୍ତରାଷ୍ଟ୍ରରେ ଅବସ୍ଥିତ ଜେ…
ନୂଆଦିଲ୍ଲୀ: ଭାରତର ତାରକା ଖେଳାଳି ସାତ୍ତ୍ଵିକ ସାଇରାଜ ରଙ୍କିରେଡି ୫୬୫ କିଲୋମିଟର ଦ୍ରୁତ ଗତିରେ ସ୍ମାଶ କରି ବ୍ୟାଡମିଣ୍ଟନରେ ଜଣେ ପୁରୁଷ ଖେଳାଳିଙ୍କ ଦ୍ରୁତତମ ‘ହିଟ୍’ ପାଇଁ ଗିନିଜ ୱାର୍ଲ୍ଡ ରେକର୍ଡ ସୃଷ୍ଟି କରିଛନ୍ତି। ଚିରାଗ ଶେଟ୍ଟୀଙ୍କ ସହ ନିକଟରେ ଇଣ୍ଡୋନେସିଆ ଓପନ୍ ସୁପର-୧୦୦୦ ଟାଇଟଲ୍ ଜିତିଥିବା ସାତ୍ତ୍ଵିକ ମଧ୍ୟ ମାଲେସିଆର ଟେନ୍ ବୁନ୍ ହିୟୋଙ୍ଗଙ୍କ ଏକ ଦଶନ୍ଧିରୁ ଅଧିକ ପୁରୁଣା ରେକର୍ଡକୁ (୪୯୩ କିଲୋମିଟର ପ୍ରତି ଘଣ୍ଟା) ଭାଙ୍ଗିଛନ୍ତି। ଏକ ଫର୍ମୁଲା ୱାନ କାର ଦ୍ୱାରା ହାସଲ ହୋଇଥିବା ୩୭୨.୬ କିଲୋମିଟରର ଦ୍ରୁତ ଗତିଠାରୁ ସାତ୍ତ୍ଵିକଙ୍କ ସ୍ମାଶ ଦ୍ରୁତ ଗତିରେ ଥିଲା। ମହିଳା ବିଭାଗରେ ଦ୍ରୁତତମ ବ୍ୟାଡମିଣ୍ଟନ ‘ହିଟ୍’ର ରେକର୍ଡ ମାଲେସିଆର ଟେନ୍ ପୟର୍ଲିଙ୍କ ନାମରେ ନାମିତ ହୋଇଥିଲା, ଯିଏ ଘଣ୍ଟା ପ୍ରତି ୪୩୮ କିଲୋମିଟର ବେଗରେ ସଟ ଲଗାଇଥିଲେ। ଜାପାନର କ୍ରୀଡା ଉପକରଣ ଉତ୍ପାଦନକାରୀ ୟୋନେକ୍ସ ଏକ ପ୍ରକାଶନରେ କହିଛି ଯେ, ୟୋନେକ୍ସ ବ୍ୟାଡମିଣ୍ଟନ ଖେଳାଳି ସାତ୍ତ୍ଵିକ ସାଇରଜ…
ଚେନ୍ନାଇ: ସେନ୍ଥିଲ ବାଲାଜୀ ପରେ ତାମିଲନାଡୁ ସରକାରଙ୍କ ଅନ୍ୟ ଜଣେ ମନ୍ତ୍ରୀଙ୍କ ବିରୋଧରେ ପ୍ରବର୍ତ୍ତନ ନିର୍ଦ୍ଦେଶାଳୟ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ତାମିଲନାଡୁ ସରକାରରେ ଶିକ୍ଷା ମନ୍ତ୍ରୀ କେ ପୋନମୁଡି ଏବଂ ତାଙ୍କ ସାଂସଦ ପୁଅ ଗୌତମ ସିଗାମଣିଙ୍କ ପରିସରରେ ଇଡି ଚଢାଉ କରିଥିଲା। ସେଠାରୁ ୪୧.୯ କୋଟି ଟଙ୍କାର ସମ୍ପତ୍ତି ଇଡି ଜବତ କରିଛି। ମନି ଲଣ୍ଡରିଂ ମାମଲାରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ପୋନମୁଡି ଭିଲୁପୁରମ ଜିଲ୍ଲାର ତିରୁକୋଇଲୁର ବିଧାନସଭା ଆସନରୁ ବିଧାୟକ ହୋଇଥିବାବେଳେ ତାଙ୍କର ୪୯ ବର୍ଷିୟ ପୁଅ ଗୌତମ ସିଗାମଣି କଲାକୁରିଚି ଆସନକୁ ପ୍ରତିନିଧିତ୍ୱ କରୁଥିବା ସଂସଦର ସଦସ୍ୟ ଅଟନ୍ତି। ବେଆଇନ ବାଲି ଖନନ ସହ ଜଡିତ ମନି ଲଣ୍ଡରିଂ ମାମଲାରେ ଚଢାଉ ପରେ ଇଡି ଅଧିକାରୀମାନେ ପୋନମୁଡିଙ୍କୁ କାର୍ଯ୍ୟାଳୟକୁ ନେଇଥିଲେ। କେନ୍ଦ୍ରୀୟ ବାହିନୀର ସୁରକ୍ଷା ମଧ୍ୟରେ ପୋନମୁଡିଙ୍କୁ ଚେନ୍ନାଇର ଇଡି କାର୍ଯ୍ୟାଳୟକୁ ଅଣାଯାଇଥିଲା ଏବଂ ଆଠ ଘଣ୍ଟା ଧରି ପଚରାଉଚରା କରାଯାଇଥିଲା। ମଙ୍ଗଳବାର ଅପରାହ୍ନ ୪…
ନୂଆଦିଲ୍ଲୀ: ଆସନ୍ତା ଲୋକସଭା ନିର୍ବାଚନ ପାଇଁ ଭିତ୍ତିପ୍ରସ୍ତର ସ୍ଥାପନ କରୁଥିବାବେଳେ ବିରୋଧୀ ଦଳର ୨୬ ଟି ଦଳ ‘ଇଣ୍ଡିଆନ୍ ନ୍ୟାସନାଲ ଡେଭଲପମେଣ୍ଟାଲ୍ ଇନକ୍ଲୁସିଭ୍ ଆଲାଇନ୍ସ’ (INDIA) ନାମକ ଏକ ନୂତନ ମିଳିତ ମେଣ୍ଟ ଘୋଷଣା କରିଛନ୍ତି। ସେ କହିଛନ୍ତି ଯେ, ଏହି ‘INDIA’ ୨୦୨୪ ରେ ବିଜେପି ନେତୃତ୍ୱାଧୀନ ଏନଡିଏ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପରାସ୍ତ କରିବ। ବର୍ତ୍ତମାନ ବିରୋଧୀ ସଭାରେ ଯୋଗ ଦେଇଥିବା ଆରଏଲଡି ମୁଖ୍ୟ ଜୟନ୍ତ ଚୌଧୁରୀ ଏହି ବୈଠକ ସମ୍ପର୍କରେ ଅନେକ ରହସ୍ୟ ପ୍ରକାଶ କରିଛନ୍ତି। ବେଙ୍ଗାଲୁରୁରେ ଅନୁଷ୍ଠିତ ବୈଠକକୁ ଜବାବ ଦେଇ ଜୟନ୍ତ ଚୌଧୁରୀ କହିଛନ୍ତି ଯେ, ଏହି ବୈଠକରେ ପ୍ରତ୍ୟେକ ନେତା ଲୋକମାନଙ୍କର ସମସ୍ୟା ଏବଂ ଏଜେଣ୍ଡା ବିଷୟରେ ଆଲୋଚନା କରିଥିଲେ। ବୈଠକରେ ଦେଶର ବିଭିନ୍ନ ସମସ୍ୟା ବିଷୟରେ ଆଲୋଚନା କରାଯାଇଛି। କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ କୌଣସି ଆଲୋଚନା ହୋଇନାହିଁ।” ଜୟନ୍ତ ଚୌଧୁରୀଙ୍କ ଏହି ଟୁଇଟ୍ ୟୁପିରେ ରାଜନୈତିକ ଆଲୋଡ଼ନ…
ନୂଆଦିଲ୍ଲୀ: ବର୍ତ୍ତମାନ ଏମର୍ଜିଙ୍ଗ ଏସିଆ କପ୍-୨୦୨୩ ଖେଳାଯାଉଛି। ଟୁର୍ଣ୍ଣାମେଣ୍ଟରେ ଏପର୍ଯ୍ୟନ୍ତ ୧୦ ଟି ମ୍ୟାଚ୍ ଖେଳାଯାଇଛି। ଆଜି ଶ୍ରୀଲଙ୍କା ଦ୍ୱାରା ଆୟୋଜିତ ଏମର୍ଜିଙ୍ଗ ଏସିଆ କପରେ ଦୁଇଟି ମ୍ୟାଚ୍ ଖେଳାଯିବ ଯେଉଁଥିରେ ଦ୍ୱିତୀୟ ମ୍ୟାଚ୍ ଭାରତ-ଏ ଏବଂ ପାକିସ୍ତାନ-ଏ ମଧ୍ୟରେ ଖେଳାଯିବ। ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ୍ ଅପରାହ୍ନ ୨ ଟାରୁ ଆରମ୍ଭ ହେବ। ଉଭୟଙ୍କ ମଧ୍ୟରେ ଏହି ମ୍ୟାଚ୍ କଲମ୍ବୋର ଆର ପ୍ରେମଦାସା ଷ୍ଟାଡିୟମରେ ଅନୁଷ୍ଠିତ ହେବ। ଏହି ଟୁର୍ଣ୍ଣାମେଣ୍ଟରେ ୟଶ ଧୁଲ ଇଣ୍ଡିଆ-ଏ ର ନେତୃତ୍ଵ ନେଉଛନ୍ତି। ଏଥିସହିତ ସାମ ଆୟୁବ ପାକିସ୍ତାନ-ଏ ଅଧିନାୟକତ୍ୱ କରୁଛନ୍ତି। ଗ୍ରୁପ୍-ବିରେ ଭାରତ ଏବଂ ପାକିସ୍ତାନର ଦଳ ଅଛନ୍ତି। ଉଭୟ ଦଳ ଏପର୍ଯ୍ୟନ୍ତ ୨-୨ ମ୍ୟାଚ୍ ଖେଳିଛନ୍ତି ଯେଉଁଥିରେ ଉଭୟ ଦଳ କୌଣସି ମ୍ୟାଚ୍ ହାରି ନାହାଁନ୍ତି। ୟୁଏଇ-ଏ ଏବଂ ନେପାଳ ବିପକ୍ଷରେ ଉଭୟ ଦଳ ନିଜ ନିଜ ମ୍ୟାଚ୍ ଖେଳିଛନ୍ତି। ଏଭଳି ପରିସ୍ଥିତିରେ ଆଜିର ମ୍ୟାଚ୍ରେ କେଉଁ ଦଳ କାହା…
ସୀତାରାମ ଅଗ୍ରୱାଲ ବାଲୁଗାଁ: ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ନାଭାଲ ଫାଣ୍ଡି ନିକଟସ୍ଥ ନୀଳାଦ୍ରି ବିହାର ଅଞ୍ଚଳରେ ଜଣେ ମହିଳା ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ମୃତ ମହିଳାଙ୍କ ନାମ ରୋଜିରାଣୀ ମାଝୀ (୩୫)। ତାଙ୍କ ବାପ ଘର ଗଞ୍ଜାମ ଜିଲ୍ଲା ବେଗୁନିଆପଡା ଗ୍ରାମ ହୋଇଥିବା ବେଳେ ୧୨ ବର୍ଷ ପୂର୍ବେ ଡୁଙ୍ଗମାଳ ପଞ୍ଚାୟତ ନୀଳାଦ୍ରିବିହାରର କୈଳାଶ ମାଝୀଙ୍କ ପୁତ୍ର ରୋହିତ କୁମାର ମାଝୀଙ୍କୁ ବିବାହ କରିଥିଲେ। ତେବେ ଗତକାଲି ବିଳମ୍ବିତ ରାତ୍ରିରେ ରୋଜି ଘର ପଙ୍ଖାରେ ଦଉଡି ଲଗାଇ ଆତ୍ମହତ୍ୟା କରିଥିଲେ। ଖବର ପାଇ ରୋଜିଙ୍କ ପରିବାରବର୍ଗ ଶ୍ୱଶୁର ଘରେ ପହଞ୍ଚିଥିଲେ। ତେବେ ରୋଜିଙ୍କ ପିତା ଖଲି ଜେନା ଅଭିଯୋଗ କରିଛନ୍ତି କି ତାଙ୍କୁ ସଦାବେଳେ ସ୍ୱାମୀ ଓ ଶ୍ୱଶୁର ଘରେ ଲୋକେ ଯୌତୁକ ଜନିତ ନିର୍ଯ୍ୟାତନା ଦେଇ ଆସୁଥିଲେ ଯାହାଫଳରେ ରୋଜି ମାନସିକ ଚାପରେ ଥାଇ ଆତ୍ମହତ୍ୟା ପରି ଚରମ ପଦକ୍ଷେପ ନେଇଛନ୍ତି। ଅଭିଯୋଗ ଆଧାରରେ ବାଲୁଗାଁ…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଦିନ ଆଭାସୀ ମାଧ୍ୟମରେ ପୋର୍ଟବ୍ଲେୟାର ଠାରେ ବୀର ସଭରକର ଆନ୍ତର୍ଜାତିକ ବିମାନବନ୍ଦରର ନୂତନ ସମନ୍ୱିତ ରହଣି ସ୍ଥଳ ଭବନର ଉଦଘାଟନ କରିଛନ୍ତି। ୭୧୦ କୋଟି ଟଙ୍କା ବ୍ୟୟରେ ନିର୍ମିତ ଏହି ନୂତନ ରହଣି ସ୍ଥଳ ଭବନର ବାର୍ଷିକ ୫୦ ଲକ୍ଷ ଯାତ୍ରୀ ପରିବହନ କ୍ଷମତା ରହିଛି। ସମବେତ ଜନତାଙ୍କୁ ଉଦବୋଧନ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ଆଜି ଯଦିଓ କାର୍ଯ୍ୟକ୍ରମ ପୋର୍ଟପ୍ଲେୟାରରେ ହେଉଛି, ତଥାପି ସମଗ୍ର ଦେଶ ବୀର ସଭରକର ଆନ୍ତର୍ଜାତିକ ବିମାନବନ୍ଦରର ଯାତ୍ରୀ ପରିବହନ ସାମର୍ଥ୍ୟ ବୃଦ୍ଧି ଘଟଣାକୁ ଖୁବ୍ ଉତ୍ସୁକତାର ସହ ଦେଖୁଛି ଯାହା ଆଜି ସଫଳ ହୋଇଛି। ପ୍ରଧାନମନ୍ତ୍ରୀ ମଧ୍ୟ ଏହି ଅବସରରେ ସ୍ୱୟଂ ଉପସ୍ଥିତ ରହିବାର ଇଚ୍ଛା ପ୍ରକଟ କରିଥିଲେ। ସେ ଏହି ସୁଖଦ ମୁହୂର୍ତ୍ତର ଅଭିଜ୍ଞତା ଅର୍ଜନ କରିବା ସହ ନାଗରିକମାନଙ୍କ ଖୁସୀର ମୁହଁ ଦେଖିଥାନ୍ତେ ବୋଲି କହିଥିଲେ। “ଆଣ୍ଡାମାନ ପରିଦର୍ଶନରେ ଆସିବାକୁ ଉତ୍ସୁକ ବ୍ୟକ୍ତିମାନେ ମଧ୍ୟ…
ମେଷ ରାଶି- ଦ୍ୱନ୍ଦ୍ୱ ସୃଷ୍ଟି ହୋଇପାରେ। ପ୍ରେମ ସଂପର୍କରେ ସୁସଙ୍ଗତତା ରହିବ। ଆଇନଗତ ପ୍ରତିବନ୍ଧକ ହଟାଯିବ। ଆରାମ ବୃଦ୍ଧି ପାଇବ। ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟାର ସମାଧାନ ହେବ। ବ୍ୟବସାୟ ଭଲ କରିବ। ଜିନିଷକୁ ସୁରକ୍ଷିତ ରଖନ୍ତୁ। ବ୍ୟବସାୟ ଭଲ ଚାଲିବ। ବୃଷ ରାଶି- ଜମି ଏବଂ ନିର୍ମାଣ ଯୋଜନା ପ୍ରସ୍ତୁତ ହେବ। ରୋଜଗାର ବୃଦ୍ଧି ପାଇବ। ଚାକିରିରେ ଅଧିକାର ବଢିପାରେ। ଅର୍ଥନୈତିକ କାର୍ଯ୍ୟରେ ସଫଳତା ପାଇ ଆପଣ ଖୁସି ହେବେ। ସୁଖୀ ଭବିଷ୍ୟତର ସ୍ୱପ୍ନ ସାକାର ହେବ। ଧାରଣା ସକରାତ୍ମକତା ବୃଦ୍ଧି କରିବ। ବିପଦ କାର୍ଯ୍ୟକୁ ସାହସ କର ନାହିଁ। ବ୍ୟବସାୟରେ ଇଚ୍ଛାଯୁକ୍ତ ଲାଭ ହେବ। ମିଥୁନ ରାଶି- ଆପଣ ସ୍ୱାଦିଷ୍ଟ ଖାଦ୍ୟ ଉପଭୋଗ କରିବେ। ଛାତ୍ର ଶ୍ରେଣୀ ସଫଳତା ହାସଲ କରିବେ। ବ୍ୟବସାୟ ଭଲ କରିବ। ଆପଣ ଭଲ ଲୋକଙ୍କୁ ଭେଟିବ ଯେଉଁମାନେ ଉପକାରକାରୀ ହେବେ। ଯୋଜନା ସଫଳ ହେବ। ଚାକିରିରେ ପଦୋନ୍ନତି ଅଛି। ଅଳସୁଆରୁ ଦୂରେଇ ରୁହନ୍ତୁ। ପରିବାର ଲୋକେ…
ଖୋର୍ଦ୍ଧା: ଖୋର୍ଦ୍ଧା ଟାଉନ ଥାନା ପୋଲିସକୁ ମିଳିଛି ବଡ଼ ସଫଳତା। ଏକ ବଡ଼ ଧରଣର ବ୍ରାଉନ ସୁଗାର କାରବାରରେ ରୋକ ଲଗାଇବା ସହ ଚାରି ଅଭିଯୁକ୍ତଙ୍କୁ ଗିରଫ କରିଛି ପୋଲିସ। ଏ ନେଇ ଆଜି ଟାଉନ ଥାନା ପରିସରରେ ଏକ ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି ଅତିରିକ୍ତ ଏସପି ସୁରେନ୍ଦ୍ର ନାଥ ମୁର୍ମୁ। ସୂଚନା ମୁତାବକ ସାମନ୍ତରାୟପୁର ସ୍ଵପ୍ନେଶ୍ଵର ସାହି ସ୍ଥିତ ଏକ ପରିତ୍ୟକ୍ତ ଘରେ ବ୍ରାଉନ ସୁଗର କାରବାର ଚାଲିଥିବାର ଖବର ପାଇଥିଲା ପୋଲିସ। ବିଳମ୍ବ ନକରି ଏସପିଙ୍କ ନିର୍ଦ୍ଦେଶକ୍ରମେ ଏବଂ ସଦର ଏସଡିପିଓ ଏବଂ ଟାଉନ ଥାନା ଆଇଆଇସି ଙ୍କ ତତ୍ୱାବଧାନରେ ଏକ ଟିମ ଗଠନ କରାଯାଇ ସମ୍ପୃକ୍ତ ଘରେ ଚଢ଼ାଉ କରାଯାଇଥିଲା। ଚଢ଼ାଉ ବେଳେ ଉକ୍ତ ଘରୁ ୩୦ ଲକ୍ଷ ଟଙ୍କାର ବ୍ରାଉନ ସୁଗାର (୩୦୦ ଗ୍ରାମ) ଜବତ ହୋଇଥିବା ବେଳେ ଚାରି ଅଭିଯୁକ୍ତ ଗିରଫ ହୋଇଛନ୍ତି। ଗିରଫ ଅଭିଯୁକ୍ତ ମାନେ ହେଲେ ସାମନ୍ତରାୟପୁର ସ୍ଵପ୍ନେଶ୍ଵର…