Author: Samikhsya Bureau

ଭୁବନେଶ୍ବର: ଓଡ଼ିଶା ରିଅଲ୍ ଇଷ୍ଟେଟ୍ ଓକିଲ ସଂଘ ଦ୍ଵାରା,ରିଅଲ ଇଷ୍ଟେଟ ଆପିଲେଟ ଟ୍ରିବୁନାଲର ମାନ୍ୟବର ଅଧ୍ୟକ୍ଷ ଶ୍ରୀ ପ୍ରମଥ ପଟ୍ଟନାୟକଙ୍କୁ ଅବସର କାଳୀନ ସମ୍ବର୍ଦ୍ଧନା ଦିଆଯାଇଛି। ମାନ୍ୟବର ଶ୍ରୀ ନ୍ୟାୟମୂର୍ତ୍ତି ପ୍ରମଥ ପଟ୍ଟନାୟକ ଭୁବନେଶ୍ୱରର ବିଶିଷ୍ଟ ଆଇନଜୀବୀ ସ୍ଵର୍ଗତ ଦୁର୍ଗା ପ୍ରସନ୍ନ ପଟ୍ଟନାୟକ ସୁପୁତ୍ର, ସେ ୧୯୭୫ ମସିହାରେ ଭୁବନେଶ୍ୱରସ୍ଥିତ ୟୁନିଟ୍ ୧ ସରକାରୀ ଉଚ୍ଚ ବିଦ୍ୟାଳୟରୁ ମାଟ୍ରିକ୍ ପରୀକ୍ଷା ଉତ୍ତୀର୍ଣ୍ଣ ହୋଇଥିଲେ ଏବଂ ବିଜେବି ମହାବିଦ୍ୟାଳୟରୁ 1979 ମସିହାରେ ସମ୍ମାନ ସହ ସ୍ନାତକ ଡିଗ୍ରୀ ଲାଭ କରିଥିଲେ। ପରେ ୧୯୮୧ ମସିହାରେ ଦିଲ୍ଲୀ ବିଶ୍ୱବିଦ୍ୟାଳୟରୁ ରାଜନୀତି ବିଜ୍ଞାନରେ ସ୍ନାତକୋତ୍ତର ଡିଗ୍ରୀ ଏବଂ ୧୯୮୬ ମସିହାରେ ଉତ୍କଳ ବିଶ୍ୱବିଦ୍ୟାଳୟର ୟୁନିଭର୍ସିଟି ଲ’ କଲେଜ, ବାଣୀବିହାରରୁ ଆଇନ ଶାସ୍ତ୍ରରେ ସ୍ନାତକ ଡିଗ୍ରୀ ଅର୍ଜନ କରିଥିଲେ,୧୯୮୬ ମସିହାରେ ସେ ଆଇନଜୀବୀ ଭାବେ ନାମ ପଞ୍ଜୀକୃତ କରି ନିଜର ଆଇନ ବୃତ୍ତି ଆରମ୍ଭ କରିଥିଲେ। ବିଭିନ୍ନ ସମୟରେ ସେ ଓଡ଼ିଆ ଉଚ୍ଚ ନ୍ଯାୟାଳୟ ଏବଂ ଓଡିଶା…

ଭୁବନେଶ୍ବର: ଖୁବ ଶିଘ୍ର ଭୁବନେଶ୍ବରରେ ନିର୍ମାଣ ହେବ ଏକ ସୌନ୍ଦର୍ଯ୍ୟମୟ ଅଟ୍ଟାଳିକା ଜନାଶ୍ରୟ ଭବନ। ଏଥିପାଇଁ ରାଜଧାନୀର ଜନପଥ ରୋଡରେ ଜମି ଚିହ୍ନଟ ହୋଇଛି। ଏଥିରେ ୩.୨ ଏକର ବା ୯୪୯୪୯ ବର୍ଗ ମିଟର ପରିମିତ ସ୍ଥାନରେ ଏହି ଆଧୁନିକ ଅଟ୍ଟାଳିକ ନିର୍ମାଣ ହେବ। ଏଥିପାଇଁ ପୂର୍ତ୍ତମନ୍ତ୍ରୀ ଶ୍ରୀ ପୃଥ୍ବୀରାଜ ହରିଚନ୍ଦନ କ୍ଷେତ୍ର ପରିଦର୍ଶନ କରିବା ସହିତ ଏହାର ଲେଆଉଟ ତଦାରଖ କରିସାରିଛନ୍ତି। ପୂର୍ତ୍ତ ବିଭାଗ ଅନୁସାରେ ଏହି ଅଟ୍ଟାଳିକା ୧୯ ମହଲା ବିଶିଷ୍ଠ ହେବ ଏବଂ ତିନିଟି ବେସମେଣ୍ଟ ରହିବ। ଏଥିରେ ରହିବା ପାଇଁ ମୋଟ ୧୯୮୪ଟି ଶଯ୍ୟା ବା ବେଡ ରହିବ। ଏଥିରେ ୪୪୮ ଟି ତିନି ଶଯ୍ୟା ବିଶିଷ୍ଠ କୋଠରୀ ରହୁଥିବା ବେଳେ ୩୨୦ଟି ଦୁଇ ଶଯ୍ୟା ବିଶିଷ୍ଠ କୋଠରୀ ରହିବ। ତଳେ ମିନି ବସ ଷ୍ଟାଣ୍ଡ ସହିତ ସପିଂ ମଲ, ପାଠାଗାର, ଭୋଜନାଳୟ ଏବଂ  ୬୮୭ ଟି ଗାଡି ରହିବା ପାଇଁ ପାର୍କିଂ ବ୍ୟବସ୍ଥା କରାଯିବ।…

ପୁରୀ: ଜଗନ୍ନାଥ ସଂସ୍କୃତିର ସୁରକ୍ଷା ଏବଂ ଓଡ଼ିଆ ଅସ୍ମିତାକୁ ବିଶ୍ୱ ଦରବାରରେ ପ୍ରତିଷ୍ଠିତ କରିବା ପାଇଁ ଦୃଢ଼ ପଦକ୍ଷେପ ନେଇଥିବାରୁ ଆଜି ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କୁ ପୁରୀ ଟାଉନ ହଲ ଠାରେ ଅନୁଷ୍ଠିତ ଏକ ସ୍ୱତନ୍ତ୍ର ଉତ୍ସବରେ ଭବ୍ୟ ଗଣସମ୍ବର୍ଦ୍ଧନା ଜ୍ଞାପନ କରାଯାଇଛି। ‘ଶ୍ରୀ ଜଗନ୍ନାଥ ଭକ୍ତ ସେବା ସଂସ୍ଥାନ’ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ପୂଜ୍ୟ ସାଧୁ-ସନ୍ଥ, ଶ୍ରୀମନ୍ଦିରର ସେବାୟତ ମଣ୍ଡଳୀ ଏବଂ ହଜାର ହଜାର ଜଗନ୍ନାଥପ୍ରେମୀ ଭକ୍ତଙ୍କ ଉପସ୍ଥିତିରେ ମୁଖ୍ୟମନ୍ତ୍ରୀଙ୍କୁ ସାଦର ସମ୍ବର୍ଦ୍ଧିତ କରିଥିଲେ । ପଶ୍ଚିମବଙ୍ଗର ଦିଘା ଜଗନ୍ନାଥ ମନ୍ଦିର ନାମରୁ “ଧାମ” ଶବ୍ଦ ହଟାଇବା ପାଇଁ ମୁଖ୍ୟମନ୍ତ୍ରୀ କରିଥିବା ସଫଳ ଓ ଐତିହାସିକ ହସ୍ତକ୍ଷେପ ପାଇଁ ସଂସ୍ଥାନ ପକ୍ଷରୁ ତାଙ୍କୁ ଗଭୀର କୃତଜ୍ଞତା ପ୍ରକାଶ କରାଯାଇ ଥିଲା। ଏହି ଅବସରରେ ମୁଖ୍ୟମନ୍ତ୍ରୀ ସ୍ପଷ୍ଟ କରି କହିଥିଲେ ଯେ, ସନାତନ ସଂସ୍କୃତି ଓ ଶାସ୍ତ୍ରୀୟ ବିଧିବିଧାନ ଅନୁଯାୟୀ ସମଗ୍ର ବିଶ୍ଵରେ କେବଳ ‘ପୁରୀ’ ହିଁ…

ସୋମନାଥ ସ୍ୱାଭିମାନ ଯାତ୍ରା-୨୦୨୬: ଓଡ଼ିଶାର ସାଂସ୍କୃତିକ ଓ ଆଧ୍ୟାତ୍ମିକ ଇତିହାସରେ ଆଜି ଏକ ନୂତନ ସ୍ୱର୍ଣ୍ଣିମ ଅଧ୍ୟାୟ ଯୋଡ଼ି ହୋଇଯାଇଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ଭୁବନେଶ୍ୱରଠାରେ ଆନୁଷ୍ଠାନିକ ଭାବେ ଐତିହାସିକ ‘ସୋମନାଥ ସ୍ୱାଭିମାନ ଯାତ୍ରା-୨୦୨୬’ର ଶୁଭାରମ୍ଭ କରିଛନ୍ତି। ଓଡ଼ିଶାର ପ୍ରାୟ ୧୧୦୦ରୁ ଅଧିକ ଭକ୍ତଙ୍କୁ ନେଇ ଗୁଜରାଟର ପବିତ୍ର ପ୍ରଭାସ ପାଟଣସ୍ଥିତ ପ୍ରଭୁ ସୋମନାଥଙ୍କ ଧାମ ଅଭିମୁଖେ ଯାତ୍ରା କରିବାକୁ ଥିବା ଏହି ସ୍ୱତନ୍ତ୍ର ଟ୍ରେନକୁ ମୁଖ୍ୟମନ୍ତ୍ରୀ ସବୁଜ ପତାକା ଦେଖାଇ ତୀର୍ଥ ଯାତ୍ରାର ଶୁଭ ଆରମ୍ଭ କରିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି ଯେ, ଏହା କେବଳ ଏକ ରେଳ ଯାତ୍ରା ନୁହେଁ, ବରଂ ଆମର ଆସ୍ଥା, ଭକ୍ତି ଏବଂ ସାଂସ୍କୃତିକ ସ୍ୱାଭିମାନର ଏକ ମହାଯାତ୍ରା। ପୂର୍ବରେ ମହାପ୍ରଭୁ ଶ୍ରୀଜଗନ୍ନାଥ ଏବଂ ପଶ୍ଚିମରେ ପ୍ରଭୁ ସୋମନାଥ – ଏହି ଦୁଇ ଦିବ୍ୟ ଶକ୍ତି ସମଗ୍ର ଭାରତବର୍ଷକୁ ଏକତା, ଆଧ୍ୟାତ୍ମିକତା ଓ ଅବିନାଶୀ ଚେତନାର ସୂତ୍ରରେ ବାନ୍ଧି ରଖିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି…

ଭୁବନେଶ୍ବର: ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ଆସନ୍ତା ଜୁନ୍ ୧୯ ତାରିଖରେ ରାଇରଙ୍ଗପୁରରେ ପହଁଚିବେ। ଏହାର ପରଦିନ ଜୁନ୍ ୨୦ ତାରିଖରେ ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦୀ ରାଇରଙ୍ଗପୁରେ ପହଁଚିବେ। ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀ ଉଭୟ ଜୁନ ୨୦ରେ ଓଡ଼ିଶା ରାଜ୍ୟ ସରକାରଙ୍କ ଦୁଇବର୍ଷ ପୂର୍ତ୍ତି ଅବସରରେ ରାଇରଙ୍ଗପୁରସ୍ଥିତ ଦାଣ୍ଡବୋଷଠାରେ ବିଭିନ୍ନ ଉନ୍ନୟନମୂଳକ କାର୍ଯ୍ୟକ୍ରମର ଉଦଘାଟନ ଓ ଭିତ୍ତିଭୂମି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବା ସହ ଏକ ସାଧାରଣ ସଭାରେ ଜନସାଧାରଣଙ୍କୁ ଉଦବୋଧନ ଦେବେ। ଏହି କାର୍ଯ୍ୟକ୍ରମରେ ଓଡ଼ିଶାର ରାଜ୍ୟପାଳ ଏବଂ ମୁଖ୍ୟମନ୍ତ୍ରୀ ମଧ୍ୟ ଯୋଗଦେବେ। ସାଧାରଣ ସଭା ପୂର୍ବରୁ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ ମଧ୍ୟ ରାଇରଙ୍ଗପୁର ସ୍ଥିତ ପାହାଡ଼ପୁର ଯାଇ ସେଠାରେ  ସ୍ଥାନୀୟ କାର୍ଯ୍ୟକ୍ରମରେ ଯୋଗଦାନ ସହ ଏକ ପ୍ରଦର୍ଶନୀ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି। ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀଙ୍କ ଓଡ଼ିଶା ଗସ୍ତ କାର୍ଯ୍ୟକ୍ରମକୁ ଦୃଷ୍ଟିରେ ରଖି ଆଜି ପୂର୍ବାହ୍ଣରେ ଲୋକସେବା ଭବନସ୍ଥିତ ସମ୍ମିଳନୀ କକ୍ଷ ଠାରେ ମୁଖ୍ୟ ଶାସନ…

ରଜ ଉତ୍ସବ: ଆସନ୍ତାକାଲି ରବିବାରଠାରୁ ଆରମ୍ଭ ହେବ ରଜ। ଏହି ତିନିଦିନିଆ ଉତ୍ସବର ପ୍ରଥମ ଦିନ ହେଉଛି ପହିଲି ରଜ। ଏହାପରେ ରଜ ସଂକ୍ରାନ୍ତି ଏବଂ ଶେଷ ରଜ। ଏହି ଉତ୍ସବ ଗ୍ରାମାଞ୍ଚଳରେ ବେଶ ଧୂମଧାମରେ ପାଳନ କରାଯାଇଥାଏ। ହେଲେ ସହରରେ ଏହି ଉତ୍ସବକୁ ପ୍ରେକ୍ଷାଳୟ ମଧ୍ୟରେ ବେଶ ରଂଗାରଂଗ ପରିବେଷରେ ମଧ୍ୟ ଆୟୋଜିତ ହୋଇଆସୁଛି। ତେବେ ଏହି ରଜ ଉପଲକ୍ଷେ ସୋମବାର 15 ତାରିଖରେ ଭୁବନେଶ୍ବରର ପ୍ରତିଷ୍ଠିତ ସଂସ୍ଥା ମଶାଲ ତରଫରୁ ବଡ ଆୟୋଜନ କରାଯାଇଛି। ଭୁବନେଶ୍ବରର ବାସିନ୍ଦାଙ୍କୁ ରଜର ସ୍ବାଦ ଚଖାଇବାରେ ପାଇଁ ଏହି ସଂସ୍ଥା ତରଫରୁ ପାରଂପାରିକ ନୃତ୍ୟଗୀତ ସହିତ ବିଭିନ୍ନ ପ୍ରତିଯୋଗୀତାର ଆୟୋଜନ କରାଯାଇଛି। ଭୁବନେଶ୍ବରର ରବିନ୍ଦ୍ର ମଣ୍ଡପରେ ଆୟୋଜିତ ଏହି ଉତ୍ସବରେ ଝୋଟି ଚିତା ପ୍ରତିଯୋଗାତା ସହିତ ପୋଡପିଠା ପ୍ରଦର୍ଶନର ବ୍ୟବସ୍ଥା କରାଯାଇଛି।ସେହିପରି ପିଲାଙ୍କ ମଉଜ, ପଶାଖେଳ ଆଡ୍ଡା, ପାନ ଭଙ୍ଗା କାର୍ଯ୍ୟକ୍ରମ ରଖାଯାଇଛି। ପ୍ରେକ୍ଷାଳୟ ଭିତରେ କବିତା ପାଠ ଉତ୍ସବ, ଓଡିଆ ଅସ୍ମିତା…

Kolkata Fire: କୋଲକାତାର ଏକ ସରକାରୀ କୋଠାରେ ଏକ ବଡ଼ ଅଗ୍ନିକାଣ୍ଡ ଘଟି ବହୁ କ୍ଷୟକ୍ଷତି ହୋଇଛି। ଦକ୍ଷିଣ କୋଲକାତାର ଆଲିପୁର ଅଞ୍ଚଳରେ ଅବସ୍ଥିତ ଏକ ନଅ ମହଲା ବିଶିଷ୍ଟ ସରକାରୀ କୋଠାରେ ବୁଧବାର ଦିନ ନିଆଁ ଲାଗିଗଲା। କୋଠାରେ ଅନେକ ସରକାରୀ ବିଭାଗର କାର୍ଯ୍ୟାଳୟ ଥିଲା। ନିଆଁ ଏତେ ଦ୍ରୁତ ଗତିରେ ବ୍ୟାପିଗଲା ଫଳରେ ସେଠାରେ ଥିବା ପ୍ରାୟ ୪,୦୦୦ ଇଲେକ୍ଟ୍ରୋନିକ୍ ଭୋଟିଂ ମେସିନ୍ (EVM) ଜଳିପୋଡି ପାଉଁଶ ହୋଇଯାଇଥିବା ଜଣାପଡିଛି।  ଏହି ମେସିନ୍ଗୁଡ଼ିକ ନିକଟରେ ପଶ୍ଚିମବଂଗରେ ହୋଇଥିବା ବିଧାନସଭା ନିର୍ବାଚନ ସମୟରେ ବ୍ୟବହାର ହୋଇଥିବାର ସୂଚନା ମିଳିଛି। ସୂଚନା ପାଇଁ ଅଗ୍ନିଶମ ଦଳ ପହଞ୍ଚି ବହୁ ସମୟ ପରେ ନିଆଁକୁ ଆୟତ କରିଥିଲେ। ଅଗ୍ନିଶମ ଅଧିକାରୀଙ୍କ କହିବା କଥା ଯେ, ଅଗ୍ନିକାଣ୍ଡରେ ପ୍ରାୟ ୪,୦୦୦ ଇଭିଏମ୍ ପୋଡି ନଷ୍ଟ ହୋଇଯାଇଛି। ସେ କହିଛନ୍ତି ଯେ ଏହି ମେସିନଗୁଡ଼ିକ ରାଜ୍ୟର ୧୦ଟି ବିଧାନସଭା ନିର୍ବାଚନ ମଣ୍ଡଳୀରେ ନିର୍ବାଚନ ସମୟରେ ବ୍ୟବହାର…

ଭୁବନେଶ୍ବର: ରାଜ୍ୟ ସରକାରଙ୍କ ୨ ବର୍ଷ ପୂର୍ତ୍ତି ଅବସରରେ ଲୋକସେବା ଭବନ କନ୍‌ଭେନ୍‌ସନ୍‌ ସେଣ୍ଟରରେ ସୋସିଆଲ ମିଡିଆ ଇନଫ୍ଲୁଏନ୍ସର ଏବଂ ଡିଜିଟାଲ୍ କ୍ରିଏଟରମାନଙ୍କୁ ନେଇ ଏକ ସ୍ୱତନ୍ତ୍ର ଆଲୋଚନାଚକ୍ର ଅନୁଷ୍ଠିତ ହୋଇଛି। ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଏହି କାର୍ଯ୍ୟକ୍ରମରେ ଯୋଗଦେଇ ଡିଜିଟାଲ୍ କ୍ରିଏଟରମାନଙ୍କୁ ବିକଶିତ ଭାରତ ଓ ସମୃଦ୍ଧ ଓଡ଼ିଶାର ସବୁଠାରୁ ଶକ୍ତିଶାଳୀ ‘ଡିଜିଟାଲ୍ ଆମ୍ବାସଡରସ୍’ ଏବଂ ଭବିଷ୍ୟତର ‘ଓପିନିଅନ ଲିଡରସ୍’ ବୋଲି କହିଛନ୍ତି। ଡିଜିଟାଲ କ୍ରିଏଟର ମାନଙ୍କୁ ପରାମର୍ଶ ଦେଇ ମୁଖ୍ୟମନ୍ତ୍ରୀ କହିଥିଲେ ଯେ, ଯିଏ ଯେଉଁ ଚିନ୍ତାଧାରାର ସମର୍ଥକ ହୁଅନ୍ତୁ ନା କାହିଁକି, ସମସ୍ତଙ୍କ ପାଇଁ ‘ରାଷ୍ଟ୍ର ସର୍ବୋପରି’ ହେବା ଉଚିତ। ‘ଦେଶ’ ଏବଂ ‘ସରକାର’ ମଧ୍ୟରେ ପାର୍ଥକ୍ୟ ଦର୍ଶାଇ ସେ କହିଥିଲେ, ଆପଣ ସରକାରଙ୍କୁ ସମାଲୋଚନା କରି ପାରିବେ, କିନ୍ତୁ ସରକାରଙ୍କୁ ସମାଲୋଚନା କରିବା ଆଳରେ ‘ଦେଶକୁ’ ଅସମ୍ମାନ କରିବା କେବେ ବି ଗ୍ରହଣୀୟ ନୁହେଁ । ସୋସିଆଲ ମିଡିଆରେ ଆପତ୍ତିଜନକ ପୋଷ୍ଟିଂ ଯୋଗୁଁ…

ଭୁବନେଶ୍ୱର: ଆଜି ଓଡିଶା ସରକାରଙ୍କ କାର୍ଯ୍ୟକାଳ ଦୁଇବର୍ଷ ପୂର୍ଣ୍ଣ ହେବାକୁ ନେଇ ଭଣ୍ଡ ପୂର୍ତ୍ତୀ ଉତ୍ସବ ପାଳନକୁ ନେଇ କଂଗ୍ରେସ କ୍ରମାଗତ ଭାବେ ସାମ୍ବାଦିକ ସମ୍ମିଳନୀ କରି ସରକାରଙ୍କ ଅସଲ ମୁଖା ଖୋଲୁଛି। ସେହି ପରିପେକ୍ଷୀରେ ଆଜି କଂଗ୍ରେସ ଭବନଠାରେ ପୂର୍ବତନ ମନ୍ତ୍ରୀ ଡଃ ପଞ୍ଚାନନ କାନୁନଗୋ ଏବଂ ପିସିସି ବରିଷ୍ଠ ମୁଖପାତ୍ର ମନୋରଞ୍ଜନ ଦାଶ ସରକାରଙ୍କ ଅପାରଗତାର ପର୍ଦାଫାଶ କରିଥିଲେ। ଗଣମାଧ୍ୟମକୁ ସମ୍ବୋଧିତ କରି ଡଃ କାନୁନଗୋ କହିଲେ, ବିଜେପିର ସରକାର ମୋହନ ମାଝିଙ୍କ ମୁଖ୍ୟମନ୍ତ୍ରିତ୍ୱରେ 2 ବର୍ଷ ପୁରିଲା। ନାଗରିକ ବା ରାଜ୍ୟବାସୀଙ୍କ ମଙ୍ଗଳ ସହିତ ସୁରକ୍ଷା ଦେବା ପ୍ରତ୍ୟେକ ସରକାରର କାର୍ଯ୍ୟ ଓ ଦାୟିତ୍ୱ। ବଜାରରେ କମିବା ଦୂରେ ଥାଉ ଦରଦାମ ବୃଦ୍ଧିରେ ଲୋକେ ଅତିଷ୍ଠ ହୋଇ ଗଲେଣି। ଆଜି ନାରୀଙ୍କ ସୁରକ୍ଷା ଉପରେ ବଡ଼ ପ୍ରଶ୍ନବାଚୀ। ଗତ 24 ମାସରେ 11 ଗୋଟି ହାଜତ ମୃତ୍ୟୁ ସମ୍ପର୍କରେ ମକଦ୍ଦମା ଆରମ୍ଭ ହୋଇଛି। ଆହୁରି 13 ଟି…

ଭୁବନେଶ୍ବର: ଆଜି ମୋହନ ସରକାରଙ୍କୁ ପୁରିଲା ଦୁଇ ବର୍ଷ। ଏହି ଦୁଇବର୍ଷରେ ରାଜ୍ୟ ସରକାର କଣ ସଫଳତା ହାସଲ କରିଛନ୍ତି ତାହାର ରୂପରେଖ ବର୍ଣ୍ଣନା କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ସେ କହିଛନ୍ତି ଯେ, ଗତ ୨ ବର୍ଷରେ ସରକାର ୧୨୧ ଟି ନୂଆ ଯୋଜନା, କାର୍ଯ୍ୟକ୍ରମ କିମ୍ବା ପଦକ୍ଷେପ ଘୋଷଣା କରିଛି। ଯାହା ଓଡିଶାକୁ ସମୃଦ୍ଧ ଓଡିଶାର ନିକଟତର କରୁଛି। ଭୁବନେଶ୍ବରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ମୁଖ୍ୟମନ୍ତ୍ରୀ ବିଭିନ୍ନ ବିଭାଗର ସଫଳତାକୁ ଉପସ୍ଥାପନା କରିଛନ୍ତି। ସେ କହିଛନ୍ତି ଯେ, ବନ୍ଧୁଗଣ, ଆପଣମାନେ ଏଠାରେ ଉପସ୍ଥିତ ଅଛନ୍ତି ଏବଂ ରାଜ୍ୟର ମୁଖ୍ୟମନ୍ତ୍ରୀଙ୍କୁ ଗତ ଥର ପରି ଏଥର ବି ଆପଣମାନେ ଖୋଲା ମଞ୍ଚରେ ପ୍ରଶ୍ନ କରି ପାରୁଛନ୍ତି। ତଥା କଥିତ ୨୪ ବର୍ଷୀୟା ସୁଶାସନ ସମୟରେ ଆପଣମାନେ କେତେଦୂର ତତ୍କାଳୀନ ମୁଖ୍ୟମନ୍ତ୍ରୀଙ୍କୁ ଏପରି ଖୋଲାଖୋଲି ଭାବେ ପ୍ରଶ୍ନ ପଚାରିବାକୁ ସୁଯୋଗ ପାଇଥିଲେ ଆପଣମାନେ ତାହା ଜାଣିଛନ୍ତି। ତିନିଦିନ ତଳେ ମୁଁ…

ଭୁବନେଶ୍ବର: ନିର୍ଦ୍ବନ୍ଦରେ ରାଜ୍ୟସଭାକୁ ନିର୍ବାଚିତ ହୋଇ ଗଲେ ଦେବାଶିଷ ସାମନ୍ତରାୟ। ଗୁରୁବାରରେ ତାଙ୍କୁ ରାଜ୍ୟସଭା ନିର୍ବାଚନର ରିଟର୍ଣ୍ଣିଂ ଅଫିସର ନିର୍ବାଚିତ ହୋଇଥିବା ପ୍ରମାଣ ପତ୍ର ପ୍ରଦାନ କରିଛନ୍ତି। ଦେବାଶିଷ ଏକମାତ୍ର ଖାଲିଥିବା ଆସନ ପାଇଁ ଏକମାତ୍ର ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଥିଲେ। ଫଳରେ ପ୍ରାର୍ଥୀପତ୍ର ପ୍ରତ୍ୟାହାର ପାଇଁ ଥିବା ଶେଷ ତାରିଖରେ ତାଙ୍କୁ ବିଜେତା ଭାବେ ଘୋଷଣା କରାଯାଇଛି। ଏହାପରେ ଦେବାଶିଷଙ୍କୁ ଭୁବନେଶ୍ବର ରାଜ୍ୟ କାର୍ଯ୍ୟଳାୟରେ ସ୍ବାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିଲା। ଏଥିରେ ରାଜ୍ୟ ସଭାପତି ତଥା ସାଂସଦ ମନମୋହନ ସାମଲ ତାଙ୍କୁ ଦଳ ତରଫରୁ ସ୍ବାଗତ କରିଛନ୍ତି। ଏଥିରେ ସଂଗଠନ ସଂପାଦକ ମାନସ ମହାନ୍ତି ପ୍ରମୁଖ ଯୋଗ ଦେଇଥିଲେ। ଦେବାଶିଷ ବିଜେଡିରୁ ସାଂସଦ ଥିଲେ। ସେ କିଛିମାସ ତଳେ ବିଜେଡିରୁ ଇସ୍ତଫା ଦେବା ସହିତ ରାଜ୍ୟସଭା ସଭ୍ୟ ପଦରୁ ଇସ୍ତଫା ଦେଇଥିଲେ। ପରେ ସେ ବିଜେପିରେ ଯୋଗ ଦେଇ ସେହି ଆସନ ପାଇଁ ଦଳରୁ ପ୍ରାର୍ଥୀ ହୋଇଥିଲେ।

ସମ୍ବଲପୁର: ନିଟ ପ୍ରଶ୍ନପତ୍ର ଲିକ ଓ ସିବିଏସସି ମୂଲ୍ୟାୟନ ବିଭ୍ରାଟକୁ ନେଇ ଏନଏସୟୁଆଇ ତରଫରୁ ସମ୍ବଲପୁରରେ ମହା ଆକ୍ରୋଶ ସମାବେଶ ଆୟୋଜନ କରା ଯାଇଥିଲା। ଏହି ସମାବେଶରେ ଏନଏସୟୁଆଇର ଜାତୀୟ ପ୍ରଭାରୀ କହେଁୟା କୁମାର ଓ ସଭାପତି ବିନୋଦ ଜାଖଡ଼ ଯୋଗ ଦେଇଥିଲେ। ଏହି ବିଶାଳ ଆକ୍ରୋଶ ରାଲିକୁ ଉଦବୋଧନ ଦେଇ ଏନଏସୟୁଆଇ ରାଷ୍ଟ୍ରୀୟ ପ୍ରଭାରୀ କହେଁୟା କୁମାର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ କଠୋର ସମାଲୋଚନା କରି କହିଲେ ଯେ, ବିଗତ 12 ବର୍ଷରେ 80 ରୁ ଉର୍ଧ୍ଵଥର ବିଭିନ୍ନ ପ୍ରଶ୍ନପତ୍ର ଲିକ ହେଲାଣି। ଧର୍ମେନ୍ଦ୍ରଙ୍କ ସମୟରେ 2 ଥର ନିଟ ପ୍ରଶ୍ନ ଲିକ ହେଲାଣି। ତେଣୁ ଧର୍ମେନ୍ଦ୍ର ପ୍ରଧାନ ଜନତାଙ୍କ ସାମ୍ନାକୁ ଆସି ଦୋଷ ସ୍ୱୀକାର କରନ୍ତୁ। ଆପଣଙ୍କ ରାଜ୍ୟ ଓ ସମ୍ବଲପୁରକୁ ଲଜ୍ୟାରୁ ବଞ୍ଚାନ୍ତୁ। ଧର୍ମେନ୍ଦ୍ର ପ୍ରଧାନଙ୍କୁ ଏଵେ ଲିକ ପ୍ରଧାନ ଭାବେ ଲୋକ ଜାଣିଲେଣି। ସାମାନ୍ୟ ଯଦି ଟିକିଏ ଲଜ୍ୟାବୋଧ ଥାଏ ତେବେ କୁହନ୍ତୁ ମୁଁ ଶିକ୍ଷା…

ଭୁବନେଶ୍ବର: ଲୋକସେବା ଭବନରୁ ଫାଇଲ ଚୋରୀ ଘଟଣା ନେଇ ସାରା ରାଜ୍ୟରେ ବେଶ ଚର୍ଚ୍ଚାର ବିଷୟ ପାଲଟିଛି। ମୁଖ୍ୟତଃ ଦୁଇଟି ତଦନ୍ତ ରିପୋର୍ଟ କିଏ କାହିଁକି ଚୋରୀ କଲା ସେ ନେଇ ବିଭିନ୍ନ ମହଲରେ ସନ୍ଦେହ ସୃଷ୍ଟି ହୋଇଛି। ଯେଉଁ ଦୁଇଟି ତଦନ୍ତ ରିପୋର୍ଟ ଚୋରୀ ହୋଇଛି ତାହା ହେଲା ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀ ଏବଂ ସମ ହସପିଟାଲ ଅଗ୍ନିକାଣ୍ଡ ଘଟଣାର ଆରଡିସି ତଦନ୍ତ ରିପୋର୍ଟ। ମନ୍ତ୍ରୀ ପୃଥ୍ବୀରାଜ ହରିଚନ୍ଦନ ଏ ନେଇ ଗଣମାଧ୍ୟମ ଆଗରେ କହିବା ପରେ ତାହା ହଇଚଇ ସୃଷ୍ଟି କରିଛି। ତେବେ ଲୋକସେବା ଭବନ ଖୋଳତାଡ କରିବା ପରେ ଏହି ଦୁଇଟି ଫାଇଲ ନ ମିଳିବା ପରେ ବର୍ତ୍ତମାନ ଗୃହ ବିଭାଗ କ୍ୟାପିଟାଲ ଥାନାରେ ଏଫଆଇଆର ଦେଇଛି। ଗୃହ ବିଭାଗର ଯୁଗ୍ନ ସଚିବ ଶରତ ଚନ୍ଦ୍ର ମାରଣ୍ଡି ଏ ନେଇ କ୍ୟାପିଟାଲ ଥାନାରେ ମାମଲା ଋଜୁ କରିଛନ୍ତି। ଏହାପରେ କ୍ୟାପିଟାଲ ଥାନା ତରଫରୁ ନ୍ୟାୟିକ ସଂହିତାର ଧାରା…

ନୂଆଦିଲ୍ଲୀ: କେନ୍ଦ୍ର କ୍ୟାବିନେଟ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଲଗାତାର ସବୁଠାରୁ ଦୀର୍ଘ ସମୟ ଧରି ନିର୍ବାଚିତ ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଥିବାରୁ ପ୍ରଶଂସା କରି ଏକ ପ୍ରସ୍ତାବ ପାରିତ କରିଛି। ନିର୍ବାଚିତ ପ୍ରଧାନମନ୍ତ୍ରୀ ଭାବରେ ସେ ନିରନ୍ତର ଭାବେ ୪୩୯୯ ଦିନ ସେବା ସହିତ ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ପୂର୍ବ ରେକର୍ଡକୁ ଅତିକ୍ରମ କରିଛନ୍ତି। ନେହୁର ନିରନ୍ତର ଭାବରେ ୪୩୯୮ ଦିନ ସେବା କରିଥିଲେ। କ୍ୟାବିନେଟ ବୈଠକ ପରେ ନୂଆଦିଲ୍ଲୀରେ ଗଣମାଧ୍ୟମକୁ ସୂଚନା ଦେଇ ସୂଚନା ଏବଂ ପ୍ରସାରଣ ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ ଏହି ସଂକଳ୍ପ ଶ୍ରୀ ମୋଦୀଙ୍କ ଦେଶ ପ୍ରତି ନିରନ୍ତର ସେବାରେ ଏହି ଐତିହାସିକ ମାଇଲଖୁଣ୍ଟ। ଅନେକ ପ୍ରତିବଦ୍ଧତା ଏବଂ ସଫଳତାକୁ ରୂପରେଖ ପ୍ରଦାନ କରେ। ସେ କହିଛନ୍ତି ଯେ ଏହି ଐତିହାସିକ ସଫଳତା ପାଇଁ ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ଜଣାଇବା ପାଇଁ କ୍ୟାବିନେଟ ଏକ ସାତ-ସୂତ୍ରୀ ସଂକଳ୍ପ ଗ୍ରହଣ କରିଛି। ଲୋକଙ୍କ କଲ୍ୟାଣ…

ଭୁବନେଶ୍ବର: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଧାରାବାହିକ ଭାବେ ୧୨ ବର୍ଷ ବା ୪୩୯୯ ଦିନ ଧରି ପ୍ରଧାନମନ୍ତ୍ରୀ ଭାବେ ରହିଆସିଛନ୍ତି। ଏହା ଏକ ରେକର୍ଡ କାରଣ ଭାରତର କୌଣସି ପ୍ରଧାନମନ୍ତ୍ରୀ ଏତେଦିନ ଧରି ଶାସନ କ୍ଷମତାରେ ନ ଥିଲେ। ଏହି ଉପଲକ୍ଷେ ରାଜ୍ୟର ବିଭିନ୍ନ ସ୍ଥାନରେ ଭିନ୍ନ ଭିନ୍ନ କାର୍ଯ୍ୟକ୍ରମ କରାଯାଇଛି। କେଉଁଠାରେ ଦୀପଦାନ କରାଯାଇଥିବା ବେଳେ କେଉଁଠି ରକ୍ତଦାନ କରାଯାଇଛି। ଏହି ଐତିହାସିକ ଅବସରରେ ଆଜି ସାଂସଦ ମନମୋହନ ସାମଲ ବିଜେପି କାର୍ଯ୍ୟକର୍ତ୍ତାଙ୍କ ସହ ଦହି ପଣା ବଣ୍ଟନ କରି ଏ ମହାନ ମୁହୂର୍ତ୍ତକୁ ପାଳନ କରିଛନ୍ତି । ମୋଦୀ ଜୀଙ୍କ ଅଦ୍ୱିତୀୟ ନେତୃତ୍ୱ, ଅଦମ୍ୟ ପରିଶ୍ରମ ଏବଂ ଜାତି ପ୍ରତି ଅଦ୍ୱିତୀୟ ସମର୍ପଣ ଭାରତକୁ ବିଶ୍ୱ ମଞ୍ଚରେ ଏକ ଶକ୍ତିଶାଳୀ ରାଷ୍ଟ୍ର ଭାବେ ପ୍ରତିଷ୍ଠିତ କରିଛି ବୋଲି ସେ କହିଛନ୍ତି । ତାଙ୍କର ଦୀର୍ଘମୟ ଜୀବନ କାମନା କରିଛନ୍ତି। ଏହି କାର୍ଯ୍ୟକ୍ରମରେ ଏକାମ୍ର ଭୁବନେଶ୍ବରର ବିଧାୟକ ବାବୁ…

Kalinga Literary Festival: ଲଳିତପୁର, ନେପାଳର ହୋଟେଲ ହିମାଳୟଠାରେ ଦୁଇ ଦିନର ଜୀବନ୍ତ ସାହିତ୍ୟିକ, ସାଂସ୍କୃତିକ ଏବଂ ବୌଦ୍ଧିକ ପ୍ରତିବଦ୍ଧତା ପରେ କାଠମାଣ୍ଡୁ କଳିଙ୍ଗ ସାହିତ୍ୟ ମହୋତ୍ସବ (କେଏଲ୍‌ଏଫ୍‌) ର ଚତୁର୍ଥ ସଂସ୍କରଣ ସଫଳତାର ସହ ସମାପ୍ତ ହୋଇଛି। ସମଗ୍ର ଦକ୍ଷିଣ ଏସିଆରୁ ପ୍ରଶଂସିତ ଲେଖକ, କଳାକାର, ବିଦ୍ୱାନ, ଚିନ୍ତାନାୟକ ଏବଂ ସାଂସ୍କୃତିକ ସାଧକମାନଙ୍କୁ ଏକତ୍ରିତ କରି, ଏହି ମହୋତ୍ସବ ସଂଳାପ, ସୃଜନଶୀଳତା ଏବଂ ସୀମା-ପାର ସାଂସ୍କୃତିକ ବୁଝାମଣାକୁ ପ୍ରୋତ୍ସାହିତ କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ମଞ୍ଚ ଭାବରେ ନିଜର ସ୍ଥିତିକୁ ପୁନଃ ପ୍ରତିପାଦିତ କରିଛି । “ସୀମା ବାହାରେ – ଏକ ପରିବର୍ତ୍ତିତ ବିଶ୍ୱରେ ଦକ୍ଷିଣ ଏସୀୟ ସାହିତ୍ୟ: ଏକ ଅଂଶୀଦାର ଭବିଷ୍ୟତର କଳ୍ପନା ଆଡକୁ” ଆଭିମୁଖ୍ୟ (ଥିମ୍) ଅଧୀନରେ ଆୟୋଜିତ ଏହି ମହୋତ୍ସବକୁ ନେପାଳର ପୂର୍ବତନ ପ୍ରଧାନ ବିଚାରପତି ସୁଶୀଳା କାର୍କି ଉଦ୍‌ଘାଟନ କରିଥିଲେ। ଏହି କାର୍ଯ୍ୟକ୍ରମ ଦକ୍ଷିଣ ଏସିଆର ସମୃଦ୍ଧ ସାହିତ୍ୟିକ ଏବଂ ସାଂସ୍କୃତିକ ଐତିହ୍ୟକୁ ପାଳନ…

ଭୁବନେଶ୍ବର: ମଦ ଦୋକାନ ଲାଇସେନ୍ସ ଦେବା ପୂର୍ବରୁ ସରକାରଙ୍କୁ ଶୁଖିଲା ଶୁଖିଲାରେ ମିଳିଗଲାଣି ୮୪୦ କୋଟି ଟଙ୍କା। ଯାହା ଏଥର ନିଲାମର ସର୍ବାଧିକ ରେକର୍ଡ। ଯେଉଁମାନେ ମଦ ଦୋକାନ ଖୋଲିବେ ସେମାନଙ୍କୁ ଆବେଦନ କରିବା ପାଇଁ କୁହାଯାଇଥିଲା। ସେଥିରେ ଅଫେରସ୍ତ ତିନି ଲକ୍ଷ ଟଙ୍କା ଜମା ରଖିବାକୁ କୁହାଯାଇଥିଲା। ଫଳରେ ରାଜ୍ୟରୁ ପ୍ରାୟ ୨୯ ହଜାର ଆବେଦନ ମିଳିଛି। ଫଳରେ ରାଜ୍ୟ ସରକାର ନିଲାମ ପୂର୍ବରୁ ୮୭୦ କୋଟି ଟଙ୍କା ପାଇସାରିଲେଣି। ମଦ ଲାଇସେନ୍ସ ପାଇଁ ୨୦୨୧ ମସିହାରେ ଶେଷ ଥର ନିମନ୍ତେ ନିଲାମ ଡକାଯାଇଥିଲା। ସେତେବେଳେ ମିଳିଥିଲା ମାତ୍ର ୨୦୦ କୋଟି ଟଙ୍କା। କାରଣ ସେତେବେଳେ ଜମା ରାଶି ଥିଲା ଏକ ଲକ୍ଷ ଟଙ୍କା। ଚଳିତ ବର୍ଷ ଏହାକୁ ତିନି ଲକ୍ଷକୁ ବୃଦ୍ଧି କରିବା ସହିତ ପାଞ୍ଚ ବର୍ଷ ପରିବର୍ତ୍ତି ତିନି ବର୍ଷ ପାଇଁ ନିଲାମ ଡାକିଛନ୍ତି। ତେବେ ବିଦେଶୀ ମଦ ଦୋକାନ ପାଇଁ ତିନି ଲକ୍ଷ ଥିବା ବେଳେ…

ଭୁବନେଶ୍ବର: ଭୁବନେଶ୍ୱର ୟୁନିଟ୍–୨ ଠାରେ ନିର୍ମାଣ ହେବ ଜନାଶ୍ରୟ ଭବନ। ଏଥିରେ ବିଭିନ୍ନ ଜିଲ୍ଲାରୁ ରାଜଧାନୀକୁ ଆସୁଥିବା ଲୋକମାନଙ୍କର ସୁବିଧା ରହଣି ବ୍ୟବସ୍ଥା କରାଯିବ। ସେଥିପାଇଁ 30 ଜିଲ୍ଲା ପାଇଁ 30ଟି ଭବନ ନିର୍ମାଣ କରାଯିବ। ଆଜି ଏହି କାର୍ଯ୍ୟର ତଦାରଖ କରିଛନ୍ତି ମନ୍ତ୍ରୀ ପୃଥ୍ବୀରାଜ ହରିଚନ୍ଦନଙ୍କ ସହିତ ବିଭାଗୀୟ ଅଧିକାରୀ। ଏହି ଜନାଶ୍ରୟ ଭବନ ନିର୍ମାଣ ହେବା ଦ୍ୱାରା ଓଡ଼ିଶାର ପ୍ରତିଟି ଜିଲ୍ଲାରୁ ବିଭିନ୍ନ କାର୍ଯ୍ୟ ଓ ଅନ୍ୟାନ୍ୟ ଆବଶ୍ୟକତା ପାଇଁ ଭୁବନେଶ୍ୱର ଆସୁଥିବା ସାଧାରଣ ଲୋକମାନେ ସୁବିଧାଜନକ ରହଣି ବ୍ୟବସ୍ଥା ପାଇପାରିବେ। ଏହା ଜନସାଧାରଣଙ୍କ ସୁବିଧା ବୃଦ୍ଧି କରିବା ସହିତ ଲୋକଙ୍କ ସରକାରଙ୍କ ଜନକଲ୍ୟାଣମୂଳକ ପଦକ୍ଷେପକୁ ଆହୁରି ସୁଦୃଢ଼ କରିବ ବୋଲି ଆଶା କରାଯାଇଛି। ଓଡିଶା ସରକାରଙ୍କ ଦୁଇ ବର୍ଷ ପୁର୍ତ୍ତି ଉପଲକ୍ଷେ ମୁଖ୍ୟମନ୍ତ୍ରୀ ଶ୍ରୀ ମୋହନ ଚ଼ରଣ ମାଝି ଏହାର ଭିତ୍ତିପ୍ରସ୍ତର ସ୍ଥାପନ କରିବେ। ଏହି ଅବସରରେ ପୂର୍ତ୍ତ ବିଭାଗର ପ୍ରମୁଖ ଶାସନ ସଚିବ ଶ୍ରୀ ସଞ୍ଜୟ…

ଭୁବନେଶ୍ୱର: ମୋଦି ସରକାରର ୧୨ ବର୍ଷ ପୂର୍ତ୍ତି ଉପରେ ଆଜି ଭୁବନେଶ୍ବରରେ ବିସ୍ତୁତ ତଥ୍ୟ ରଖିଛନ୍ତି କେନ୍ଦ୍ର ଆଇନ, ନ୍ୟାୟ ଓ ସଂସଦୀୟ ବ୍ୟାପର ମନ୍ତ୍ରୀ ଅଜ୍ଜୁନରାମ ମେଘୱାଲ। ଆଜି ସକାଳେ ସେ ଭୁବନେଶ୍ବରରେ ପହଞ୍ଚିବା ପରେ ସେ ଲୋକସେବା ଭବନରେ ଆୟୋଜିତ ସାମ୍ବାଦିକ ସମ୍ମିଳନୀରେ ଯୋଗ ଦେଇଥିଲେ। ଏଥିରେ ସେ ଓଡିଶା ତଥା ଦେଶର ବିକାଶ ଧାରା ଉପରେ ତଥ୍ୟ ଉପସ୍ଥାପିତ କରିଥିଲେ। ସେ କହିଛନ୍ତି ଯେ, ୨୦୧୪ ମେ ୨୬ରୁ କ୍ରମାଗତ ଭାବେ ଶାସନ କ୍ଷମତାରେ ଥିବା  ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ ସରକାର ଦେଶର ବିକାଶ, ସୁରକ୍ଷା ଏବଂ କଲ୍ୟାଣମୂଳକ ଯୋଜନାରେ ଅନେକ ଐତିହାସିକ ପଦକ୍ଷେପ ଗ୍ରହଣ କରିଛନ୍ତି । ଆର୍ଥିକ ଅଭିବୃଦ୍ଧି ଓ ଡିଜିଟାଲ୍‌ ଇଣ୍ଡିଆ ଠାରୁ ଆରମ୍ଭ କରି ଆନ୍ତର୍ଜାତୀୟ ସ୍ତରରେ ଭାରତର ସ୍ଥିତିକୁ ସୁଦୃଢ଼ କରିବା ଏହି ଦୀର୍ଘ ସମୟର ମୁଖ୍ୟ ବିଶେଷତା ରହିଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଉପମୂଖ୍ୟମନ୍ତ୍ରୀ କନକବର୍ଦ୍ଧନ…

ଭୁବନେଶ୍ବର: କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଗଡରେ ଗର୍ଜ୍ଜନ କରିବ ଛାତ୍ର କଂଗ୍ରେସ। ଏଥିରେ ଯୋଗଦେବେ ଯୁବ କଂଗ୍ରେସ କର୍ମିଙ୍କୁ ବେଶ ଉତ୍ସାହିତ କରିପାରୁ ଥିବା ନେତା କହ୍ନେୟା କୁମାର। ଆସନ୍ତା ୧୦ ତାରିଖରେ ସମ୍ବଲପୁରରେ ବଡ ଆନ୍ଦୋଳନ ଡାକରା ଦେଇଛି ପ୍ରଦେଶ ଯୁବ ଓ ଛାତ୍ର କଂଗ୍ରେସ। ଏଥିରେ ସେମାନେ ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବୀ କରିବା ସହିତ ବଡ ଆନ୍ଦୋଳନ କରିବେ। ସମ୍ବଲପୁରରୁ ଧର୍ମେନ୍ଦ୍ର ପ୍ରଧାନ ସାଂସଦ ହୋଇଥିବାରୁ ତାଙ୍କରି ଗଡରେ ଆକ୍ରୋଶ ସମାବେଶ କରିବାକୁ କଂଗ୍ରେସ ନିଷ୍ପତି କରିଛି। ୧୦ ତାରିଖ ଅପରାହ୍‌ଣ ୫ଟାରେ ଧନକଉଡ଼ା ବ୍ଲକ୍‌ ଅଫିସ ପାଖ ପଡ଼ିଆାରେ ଆୟୋଜିତ ହେଉଥିବା ଏହି ବିଶାଳ ସମାବେଶରେ କହ୍ନେୟାଙ୍କ ସହିତ ଛାତ୍ର କଂଗ୍ରେସର ଜାତୀୟ ସଭାପତି ବିନୋଦ ଝାଖଡ଼ ମଧ୍ୟ ଯୋଗ ଦେବେ। ସେଦିନ ଅପରାହ୍‌ଣ ୩ଟା ୩୦ରେ ଅଇଁଠାପାଲି ମଙ୍ଗଳା ମନ୍ଦିର ପାଖରୁ ଏକ ବିଶାଳ ବାଇକ୍ ରାଲି ବାହାରି ସଭାସ୍ଥଳରେ ପହଞ୍ଚିବାର…

ଭୁବନେଶ୍ବର: ରାଜନୀତିରେ ଯୋଗଦେବେ ସୁଜାତା କାର୍ତ୍ତିକେୟନ ପାଣ୍ଡିଆନ। ଏ ନେଇ ରାଜ୍ୟ ରାଜନୀତିରେ ଚର୍ଚ୍ଚା ଜୋର ଧରିଛି। ସୁଜାତା ହେଉଛନ୍ତି ଭି କେ ପାଣ୍ଡିଆନଙ୍କ ଧର୍ମପତ୍ନୀ। ସେ ମଧ୍ୟ ପାଣ୍ଡିଆନଙ୍କ ପରି ଆଇଏଏସ ଚାକିରୀ ଛାଡି ଦେଇଛନ୍ତି। ସେ ଚାକିରୀ ଛାଡିବା ପରେ ସେତେବେଳେ ମଧ୍ୟ ଚର୍ଚ୍ଚା ହେଉଥିଲା ଯେ ଭି କେ ପାଣ୍ଡିଆନଙ୍କ ପରି ସେ ମଧ୍ୟ ବିଜେଡିରେ ଯୋଗଦେବେ। ହେଲେ ସେତେବେଳେ ତାହା ହୋଇ ନ ଥିଲା। କିନ୍ତୁ ବର୍ତ୍ତମାନ ଏହି ଚର୍ଚ୍ଚା ଜୋରଜାର ଧରିଛି। ସୋମବାର ଦିନ ବିଜେଡି ନେତା ମନ୍ନଥ ରାଉତରାୟ ଖୋଲମ ଖୋଲା ସୁଜାତା ବିଜେଡିରେ ଯୋଗଦେବା କଥା ପରୋକ୍ଷରେ ସୂଚାଇଛନ୍ତି। ସେ କହିଛନ୍ତି ଯେ ସୁଜାତା ଆମ ଦଳରେ ଯୋଗ ଦିଅନ୍ତୁ ଏହା ଆମେ ଚାହୁଛୁ। ସେ ଯୋଗ ଦେଲେ ଦଳ ସୁଦୃଢ ହେବ। ଏଥିରେ କେତେକ ଅସନ୍ତୁଷ୍ଠ ହୋଇପାରିନ୍ତି। ହେଲେ ପରବର୍ତ୍ତି ସମୟରେ ସେମାନେ ତାଙ୍କୁ ସମର୍ଥନ କରିବେ। ସେତେକି ନୁହେଁ…