OCS Exam: ରାଜ୍ୟରେ ଓଡ଼ିଶା ସିଭିଲ୍ ସର୍ଭିସ୍ (OCS) ପରୀକ୍ଷା ଦେବା ପାଇଁ ଥିବା ସର୍ବାଧିକ ୬ଟି ସୁଯୋଗର କଟକଣାକୁ ଉଚ୍ଛେଦ କରିଛନ୍ତି। ସ୍ବାଧୀନତା ଦିବସରେ ଏହାକୁ ଘୋଷଣା କରିଥିଲେ ମୁଖ୍ୟମନ୍ତ୍ରୀ ମୋହନ ମାଝୀ। ଏଣିକି ଆଶାୟୀମାନେ ନିର୍ଦ୍ଧାରିତ ସର୍ବୋଚ୍ଚ ବୟସସୀମା ପର୍ଯ୍ୟନ୍ତ OCS ପରୀକ୍ଷା ଦେଇପାରିବେ।
ଏହି ପରିପ୍ରେକ୍ଷୀରେ ଆଶାୟୀମାନେ ମନ୍ତ୍ରୀ ପୃଥ୍ବୀରାଜ ହରିଚନ୍ଦନଙ୍କୁ ସାକ୍ଷାତ କରି ସରକାରଙ୍କୁ ଧନ୍ୟବାଦ ଓ କୃତଜ୍ଞତା ଜଣାଇଛନ୍ତି। ଏ ସଂପର୍କରେ ମନ୍ତ୍ରୀ କହିଛନ୍ତି ଯେ, ଯୁବପିଢ଼ିଙ୍କ ଆଶା, ସ୍ୱପ୍ନ ଓ ପ୍ରତିଭାକୁ ସୁଯୋଗ ଦେବା ହେଉଛି ଆମ ସରକାରଙ୍କ ସଂକଳ୍ପ। ଏହି ନିଷ୍ପତ୍ତି ଅନେକ ଆଶାୟୀଙ୍କୁ ନୂଆ ଆତ୍ମବିଶ୍ୱାସ ସହ ନିଜ ସ୍ୱପ୍ନ ପୂରଣର ସୁଯୋଗ ଦେବ। ସମାନ ସୁଯୋଗ ଏବଂ ଗୁଣାତ୍ମକ ଶିକ୍ଷା ମାଧ୍ୟମରେ ଯୁବଶକ୍ତିର ବିକାଶ କରି ‘ସମୃଦ୍ଧ ଓଡ଼ିଶା’ ଗଠନ କରିବା ଏହି ଗୁରୁତ୍ୱପୂର୍ଣ୍ଣ ପଦକ୍ଷେପର ମୂଳ ଲକ୍ଷ୍ୟ ବୋଲି ମନ୍ତ୍ରୀ କହିଛନ୍ତି।