ସୀତାରାମ ଅଗ୍ରଓ୍ବାଲ
ବାଣପୁର: ଧାନ ବିଲରେ ନିଆଁ ଲାଗି ଧାନ କଳେଇ ସହ ପୋଡିଗଲା ଧାନ ବସ୍ତା। ସୂଚନା ଅନୁଯାୟୀ ଆଜି ଦିବା ୧୧ଘଟିକା ସମୟରେ ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଖଜୁରିଆ ଗ୍ରାମର ବେଣୁଧର ପ୍ରଧାନଙ୍କ ୧ ଏକର ବିଲରୁ ଅମଳ କରି ବିଲରେ ରଖିଥିବା ଧାନ କଳେଇରେ ହଠାତ କୌଣସି କାରଣବଶତଃ ନିଆଁ ଲାଗି ଯାଇ ନିମିଷକ ମଧ୍ୟରେ ନିଆଁ ବିଲସାରା ଓ ନିକଟସ୍ଥ ଜମିକୁ ବ୍ୟାପି ଯାଇଥିଲା। ଯାହା ଫଳରେ ବେଣୁଧର ପ୍ରଧାନଙ୍କ ବିଲରେ ଥିବା ୧ଏକର ଅମଳ ଧାନ କଳେଇ ସହ ନିକଟସ୍ଥ ବିଲରେ ଥିବା ପ୍ରଦୀପ ବିଧାରଙ୍କ ୩ ବସ୍ତା ଅମଳ ଧାନ ଜଳି ପୋଡି ନଷ୍ଟ ହୋଇଯାଇଥିବା ଅଭିଯୋଗ ହୋଇଛି।
ଉକ୍ତ ଘଟଣାର ଖବର ପାଇ ତୁରନ୍ତ ବାଣପୁର ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ଦୀର୍ଘ ୩ ଘଣ୍ଟାର ପରିଶ୍ରମ ପରେ ନିଆଁକୁ ଆୟତ୍ତ କରିବାରେ ସଫଳ ହୋଇଥିଲା। କ୍ଷତିଗ୍ରସ୍ତ ଚାଷୀ ତାଙ୍କର କ୍ଷତିପୂରଣ ପାଇଁ ସରକାରୀ ସହାୟତା ଯୋଗାଇଦେବାକୁ ତହସିଲଦାରଙ୍କୁ ନିବେଦନ କରିବେ ବୋଲି ଜଣାପଡିଛି।
Tags: ଅଗ୍ନିକାଣ୍ଡ, ବାଣପୁର
