କଟକରେ ବାର୍ଡ ଫ୍ଲୁ ଆତଙ୍କ । ବାର୍ଡ ଫ୍ଲୁ ନେଇ ଫୁଡ ସେଫ୍ଟି କର୍ମଚାରୀ କଟକ ସହରରେ ଥିବା ବିଭିନ୍ନ ଚିକେନ ସେଣ୍ଟରମାନଙ୍କରେ ନୋଟିସ ଲଗାଇଛନ୍ତି। ଏହାକୁ ନେଇ ୩ମାସ ପର୍ଯ୍ୟନ୍ତ ସହରରେ କୁକୁଡା ଓ କୁକୁଡା ଜାତ ଦ୍ରବ୍ୟ ବିକ୍ରି ଉପରେ ନିଷେଧାଦେଶ ଜାରି କରାଯାଇଛି। କଟକ ଖପୁରିଆସ୍ଥିତ ବତକ ପ୍ରଜନନ କେନ୍ଦ୍ରରେ ବାର୍ଡ ଫ୍ଲୁ ହେବା ଜଣା ପଡିବା ପରେ ସହରରେ ଏନେଇ ଆତଙ୍କ ଖେଳି ଯାଇଛି। ସତର୍କତାମୂଳକ ପଦକ୍ଷେପ ସ୍ୱରୂପ ଫୁଡ ସେଫ୍ଟି କର୍ମଚାରୀ ସହରରେ ଥିବା ବିଭିନ୍ନ ଚିକେନ୍ ସେଣ୍ଟରମାନଙ୍କରେ ନୋଟିସ୍ ଲଗାଇ ଲୋକମାନଙ୍କୁ ସଚେତନ କରିବା ପାଇଁ ଏହି ପଦକ୍ଷେପ ନିଆଯାଇଥିବା କୁହାଯାଉଛି। ୪୩୫ ବତକଙ୍କୁ ପୋତାଯାଇଛି, ବତକ ଖାଦ୍ୟ ଓ ଅଣ୍ଡା ପ୍ରଭୃତି ନଷ୍ଟ କରାଯାଇଛି।
