ରମେଶ ମହାନ୍ତି
ଜଗତସିଂହପୁର: ଜଗତସିଂହପୁର ଜିଲ୍ଲାରେ ଜାତୀୟ ସଡ଼କ ସୁରକ୍ଷା ସପ୍ତାହ ଜାନୁୟାରୀ ୧୮ରୁ ୨୫ ତାରିଖ ପର୍ଯ୍ୟନ୍ତ ପାଳନ କରାଯାଉଛି। ଏହି ଅବସରରେ ପୋଲିସ ପ୍ରଶାସନ ଓ ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ଏକ ସାଇକେଲ ଶୋଭାଯାତ୍ରା ସ୍ଥାନୀୟ ଏସ୍.ପି ଅଫିସ୍ ଠାରୁ ବାହାରି ବାଲିଭଉଁରି ଛକ ପର୍ଯ୍ୟନ୍ତ ଅନୁଷ୍ଠିତ ହୋଇ ଜଗତସିଂହପୁର ବସଷ୍ଟାଣ୍ଡରେ ସମାପ୍ତ ହୋଇଥିଲା।
ଏହି ଶୋଭାଯାତ୍ରାକୁ ଆରକ୍ଷୀ ଅଧିକ୍ଷକ ଶ୍ରୀ ପ୍ରକାଶ ଆର୍ ଉଦଘାଟନ କରିଥିଲେ। ଏହି ରାଲିରେ ୭୦ଜଣ ଛାତ୍ର ଛାତ୍ରୀ ସଡ଼କ ସୁରକ୍ଷା ସଚେତନତା ପ୍ଲାକାର୍ଡ ଧରି ଜନସାଧାରଣଙ୍କୁ ସଚେତନ କରାଇଥିଲେ।ଏସ୍.ପି ପ୍ରକାଶ ଆର୍ ଙ୍କ ସହିତ ଏହି ସାଇକେଲ ଶୋଭାଯାତ୍ରାରେ ଛାତ୍ର ଛାତ୍ରୀ ମାନେ ସାମିଲ ହୋଇଥିଲେ। ଏଥିସହିତ ଦୁଇଚକିଆ ଗାଡ଼ି ଚଳାଇବା ବେଳେ ହେଲମେଟ୍ ପିନ୍ଧିବା, ଚାରିଚକିଆ ଗାଡ଼ି ଚଳାଇବା ବେଳେ ସିଟ୍ ବେଲ୍ଟ ବାନ୍ଧିବା, ମୋବାଇଲ୍ ବ୍ୟବହାର ନକରି ଗାଡି ଚଳାଇବା, ଦୃତ ଗତିରେ ଗାଡ଼ି ନ ଚଲାଇବା ସମ୍ପର୍କରେ ସଚେତନ କରାଯାଇଥିଲା।
ଆଞ୍ଚଳିକ ପରିବହନ ଅଧିକାରୀ ପ୍ରତାପ କିଶୋର ପଣ୍ଡା ଏହି ଶୋଭାଯାତ୍ରାକୁ ପରିଚାଳନା କରିଥିଲେ। ଡି.ଏସ୍.ପି ସତ୍ୟ ନାରାୟଣ ପଟ୍ଟନାୟକ ,ଏସ୍. ଡି.ପି.ଓ ପ୍ରିୟ ରଞ୍ଜନ ଶତପଥୀ , ଆଇ.ଆଇ.ସି ରଜନୀକାନ୍ତ ମିଶ୍ର,ସହକାରୀ ଏମ୍.ଭି.ଆଇ ପଞ୍ଚାନନ ବେହେରା ,ଟ୍ରାଫିକ ଇନିସପେକ୍ଟର ପ୍ରଶାନ୍ତ ମହାପାତ୍ର ,କ୍ୟାରିଅର କ୍ରିଏଟର କୋଚିଂ ସେଣ୍ଟର ନିର୍ଦ୍ଦେଶକ ତପନ କୁମାର ମଲ୍ଲିକ ,ଆଶୁତୋଷ ପଶାୟତ ,ଏସ୍.ବି.ଆଇ ଚିଫ୍ ମ୍ୟାନେଜର ବିଦ୍ୟାଧର ସାହୁ, ବିଶ୍ଵ ଚେତନ ମହାନ୍ତି, ଗୋରେଖନାଥ ଟ୍ରାଭେଲ୍ସର ସୂର୍ଯ୍ୟ ନାରାୟଣ ମହାନ୍ତିଙ୍କ ସମେତ କ୍ୟାରିୟର କ୍ରିଏଟର୍ ଛାତ୍ର ଛାତ୍ରୀ ମାନେ ଏହି ସାଇକେଲ ଶୋଭାଯାତ୍ରାରେ ଉପସ୍ଥିତ ଥିଲେ।
