- ସୀତାରାମ ଅଗ୍ରୱାଲ
ଚିଲିକା: ଆସନ୍ତାକାଲି ଚିଲିକା ନିର୍ବାଚନମଣ୍ଡଳୀରେ ଛଅ ଘଣ୍ଟା ପାଇଁ ବିଦ୍ୟୁତ ସରବରାହ ସମ୍ପୂର୍ଣ୍ଣ ବନ୍ଦ ରହିବ। ଏନେଇ ଟି.ପି.ସି.ଓ.ଡି.ଏଲ ବାଲୁଗାଁ ଉପଖଣ୍ଡ ଅଧିକାରୀ ଟୁକୁନା ଦଳେଇ ସୂଚନା ଦେଇଛନ୍ତି। ୩୩/୧୧ କେଭି ବାଲୁଗାଁ ପ୍ରାଥମିକ ସବଷ୍ଟେସନର ରକ୍ଷଣାବେକ୍ଷଣ କାର୍ଯ୍ୟ ନିମନ୍ତେ ଆସନ୍ତାକାଲି ସକାଳ ୧୦ ଘଟିକାରୁ ଅପରାହ୍ନ ୪ ଘଟିକା ଯାଏଁ ବାଣପୁର, ବାଲୁଗାଁ ଏବଂ ଚିଲିକା ଅଞ୍ଚଳରେ ବିଦ୍ୟୁତ ସରବରାହ ବନ୍ଦ ରହିବ। ୩୩/୧୧ କେଭି ବାଲୁଗାଁ ପ୍ରାଥମିକ ସବଷ୍ଟେସନ ଅଧୀନରେ ଆସୁଥିବା ସମସ୍ତ ବିଦ୍ୟୁତ ଉପଭୋକ୍ତା ମାନଙ୍କୁ ଏହି ପରିପ୍ରେକ୍ଷୀରେ ସହଯୋଗ କରିବାକୁ ନିବେଦନ କରିଛନ୍ତି ଉପଖଣ୍ଡ ଅଧିକାରୀ ଶ୍ରୀ ଦଳେଇ।
ଜାଣନ୍ତୁ କେଉଁ ଅଞ୍ଚଳରେ ବିଦ୍ୟୁତ ସରବରାହ ଚାଲୁ ରହିବ ଏବଂ କେଉଁ ଅଞ୍ଚଳରେ ୬ ଘଣ୍ଟା ପାଇଁ ବନ୍ଦ ରହିବ:
୧- ବାଣପୁର ବ୍ଲକ ଏବଂ ବାଣପୁର ଏନ.ଏ.ସି-
(କ) ଦାମିଆ ବରବରା ପଞ୍ଚାୟତ
(ଖ) ନୀଳାଦ୍ରି ପ୍ରସାଦ ପଞ୍ଚାୟତ
(ଗ) ତୋରସିଂହ ପଞ୍ଚାୟତ
(ଘ) ଭେଟେଶ୍ଵର ପଞ୍ଚାୟତ
(ଙ) ନନ୍ଦପୁର ପଞ୍ଚାୟତ
(ଚ) ଗାଲୁଆ ପଞ୍ଚାୟତ
(ଛ) ଗମ୍ଭାରିମୁଣ୍ଡା ପଞ୍ଚାୟତ
(ଜ) ଆୟତପୁର ପଞ୍ଚାୟତ
(ଝ) କୁଲେଇ ପଞ୍ଚାୟତ
(ଞ) ନାଚୁଣୀ ପଞ୍ଚାୟତ
ଏହି ସବୁ ପଞ୍ଚାୟତକୁ ବାଦ ଦେଇ ଅନ୍ୟ ସବୁ ପଞ୍ଚାୟତରେ ବିଦ୍ୟୁତ ସରବରାହ ଛଅ ଘଣ୍ଟା ପାଇଁ ବନ୍ଦ ରହିବ। ଏହା ସହ ବାଣପୁର ବିଜ୍ଞପିତ ଅଞ୍ଚଳର ସମସ୍ତ ୱାର୍ଡରେ ବିଦ୍ୟୁତ ସରବରାହ ଛଅ ଘଣ୍ଟା ପାଇଁ ବନ୍ଦ ରହିବ।
୨- ଚିଲିକା ବ୍ଲକ ଏବଂ ବାଲୁଗାଁ ଏନ.ଏ.ସି:
(କ) ନଇରୀ ପଞ୍ଚାୟତ
(ଖ) ବଉଳାବନ୍ଧ ପଞ୍ଚାୟତ
(ଗ) ହରିପୁର ପଞ୍ଚାୟତ
(ଘ) କଳକଳେଶ୍ଵର ପଞ୍ଚାୟତ
(ଙ) ସୋରଣ ପଞ୍ଚାୟତ
ଏହି ୫ ଟି ପଞ୍ଚାୟତକୁ ବାଦ ଦେଇ ବାକି ସମସ୍ତ ପଞ୍ଚାୟତରେ ଆସନ୍ତାକାଲି ବିଦ୍ୟୁତ୍ ସରବରାହ ବନ୍ଦ ରହିବ। ସେହିପରି ବାଲୁଗାଁ ଏନଏସିର ସମସ୍ତ ଅଞ୍ଚଳରେ ୬ ଘଣ୍ଟା ପାଇଁ ବିଦ୍ୟୁତ୍ ସରବରାହ ବନ୍ଦ ରହିବ ବୋଲି ସୂଚନା ରହିଛି।