ପିପିଲି, ପ୍ରଦେଶ କଂଗ୍ରେସ ତରଫରୁ ଡକାଯାଇଥିବା ଓଡିଶା ବନ୍ଦର ପ୍ରଭାବ ପିପିଲି ନିର୍ବାଚନ ମଣ୍ଡଳୀରେ ଜୋରଦାର ପରିଲକ୍ଷିତ ହୋଇଛି। ପିପିଲି ଡେଲାଙ୍ଗ କଂଗ୍ରେସ କର୍ମମାନେ ସକାଳୁ ସହର ପରିକ୍ରମା କରିବା ପରେ ଜାତୀୟ ରାଜପଥ ଅବରୋଧ କରିଥିଲେ। ଫଳରେ ଭୁବନେଶ୍ବରରୁ ପୁରୀ ଆଡକୁ ଯାଉଥିବା ଯାତ୍ରୀମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି। କର୍ମିମାନେ ରାସ୍ତା ଉପରେ ଟାୟାର ଜାଲି ଏହି ଅବରୋଧ କରିଥିଲେ। ପୂର୍ବରୁ ଦଳ ତରଫରୁ ବନ୍ଦ କରାଯିବ ବୋଲି ଡାକରା ଦିଆଯାଇଥିଲା। ଫଳରେ ପୁରୀ ରାସ୍ତାରେ ଗାଡିମୋଟର ସଂଖ୍ୟା କମିଯାଇଥିଲେ ମଧ୍ୟ ବାହାରା ଯାତ୍ରୀମାନେ ଯିବାଆସିବା କରୁଥିଲେ। ଦିନ 1ଟା ପରେ ପରିସ୍ଥିତି ସ୍ବାଭାବିକ ହୋଇଥିଲା।
Tags: Odisha Band Pipili, ଓଡିଶା ବନ୍ଦ
