ନୂଆଦିଲ୍ଲୀ: କଂଗ୍ରେସ ହାତରୁ ଆଉ ଏକ ରାଜ୍ୟର ଶାସନ କ୍ଷମତା ଚାଲିଯାଇଛି। ପୁଡୁଚେରୀ ବିଧାନସଭାର ଅସ୍ଥାଭୋଟରେ ବହୁମତ ହାସଲ କରିବାରେ କଂଗ୍ରେସ ବିଫଳ ହୋଇଛି। ବିଧାନସଭା ବାଚସ୍ପତି ଏନେଇ ଘୋଷଣା କରିଛନ୍ତି। ଯାହାଫଳରେ ମୁଖ୍ୟମନ୍ତ୍ରୀରୁ ଭି. ନାରାୟଣ ସ୍ଵାମୀ ବିଦାୟ ହେବା ନିଶ୍ଚିତ ହୋଇଯାଇଛି।
ସୂଚନା ଯୋଗ୍ୟ ଯେ, ନାରାୟଣ ସରକାରଙ୍କୁ ଆସ୍ଥା ଭୋଟରେ ବହୁମତ ଲାଗି ୧୪ ଟି ଭୋଟ ଆବଶ୍ୟକ କରୁଥିଲା। କିନ୍ତୁ ସରକାରକୁ ମାତ୍ର ୧୨ ଜଣ ବିଧାୟକଙ୍କ ସମର୍ଥନ ମିଳିଥିଲା। ଏହା ପୂର୍ବରୁ ନାରାୟଣ ସ୍ଵାମୀ ଫ୍ଲୋର ଟେଷ୍ଟରେ ବହୁମତ ହାସଲ କରିବେ ବୋଲି ଦାବି କରୁଥିଲେ।
ତେବେ ଏହି ଫଳାଫଳ ପରେ କଂଗ୍ରେସକୁ ସମାଲୋଚନା କରିବାକୁ ବିଜେପିକୁ ସୁଯୋଗ ମିଳିଯାଇଛି। ବିଜେପି ନେତା ଅମୀତ ମାଲବୀୟ କହିଛନ୍ତି ଯେ, ରାହୁଲ ଗାନ୍ଧୀ ପୁଡୁଚେରୀ ଯାଇଥିଲେ। ସେଠାରେ ମଧ୍ୟ ତାଙ୍କ ସରକାର ଭାଙ୍ଗିଲା।
