ରାୟପୁର/ମାଲକାନଗିରି: ସୁରକ୍ଷା କର୍ମୀଙ୍କୁ ବଡ ସଫଳତା ମିଳିଛି। ସୁରକ୍ଷା କର୍ମୀଙ୍କ ଅପରେସନରେ ୭ ଟି ମାଓବାଦୀ କ୍ୟାମ୍ପ ଧ୍ଵଂସ ହୋଇଥିବା ସୂଚନା ମିଳିଛି। ମାତ୍ର ତିନି ଦିନ ଅପରେସନରେ ୭ ଟି ମାଓ କ୍ୟାମ୍ପ ଧ୍ଵଂସ ହୋଇଛି। ଓଡିଶା ସୀମାନ୍ତ ଛତିଶିଗଡର ନାରାୟଣପୁର ଓ କାଙ୍କେରରେ ଅପରେସନ କରି ମାଓ କ୍ୟାମ୍ପକୁ ଧ୍ଵଂସ କରାଯାଇଛି।
ସୂଚନା ଅନୁଯାୟୀ, ସୁରକ୍ଷା କର୍ମୀଙ୍କ ଚଢାଉ ବେଳେ ମାଓବାଦୀଙ୍କ ସହ ଗୁଳିବିନିମୟ ହୋଇଥିଲା। ଘଟଣାସ୍ଥଳରୁ କିଛି ଖସି ପଳାଇଥିବାରେ ସକ୍ଷମ ହୋଇଥିବା ବେଳେ କିଛି ମାଓବାଦୀ ମୃତାହତ ହୋଇଥିବା ଖବର ମିଳୁଛି। ଏହା ସହ ସେହି ଅଞ୍ଚଳରୁ ବିପୁଳ ପରିମାଣର ବିସ୍ପୋରକ ସାମଗ୍ରୀ, ଅସ୍ତ୍ରଶସ୍ତ୍ର ଜବତ କରାଯାଇଥିବା ଶୁଣିବାକୁ ମିଳିଛି।
