ନୂଆଦିଲ୍ଲୀ: ଶନିବାର ସକାଳେ ପଶ୍ଚିମ ଜିଲ୍ଲାର ମୋତି ନଗର ଅଂଚଳରେ ଦିଲ୍ଲୀ ପୋଲିସ ଏଏସଆଇ ତେଜପାଲ ସେବା ରିଭଲଭର ସାହାଯ୍ୟରେ ଗୁଳି ଚଳାଇଥିଲେ। ପୋଲିସ ଘଟଣାସ୍ଥଳରେ ପହଂଚି ମୃତଦେହକୁ ନିକଟସ୍ଥ ଡାକ୍ତରଖାନାରେ ଶବ ବ୍ୟବଚ୍ଛେଦ ପାଇଁ ସୁରକ୍ଷିତ ରଖିଥିଲା। ବର୍ତ୍ତମାନ ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି।
ପୋଲିସ ସୂଚନା ଅନୁସାରେ ମୃତ ବ୍ୟକ୍ତିଙ୍କ ନାମ ତେଜପାଲ (୫୫) ବୋଲି ଜଣାପଡ଼ିଛି। ୧୯୮୬ ମସିହାରେ ଏଏସଆଇ ତେଜପାଲ ଭର୍ତ୍ତି ହୋଇଥିଲେ। ସେ ବର୍ତ୍ତମାନ ପରିବାର ସହିତ ଗାଜିଆବାଦରେ ରହୁଥିଲେ ଏବଂ ସେ ପିସିଆରରେ କାର୍ଯ୍ୟ କରୁଥିଲେ। ଏହି ଘଟଣା ସକାଳ ପ୍ରାୟ ୭ଟା ବେଳେ ଘଟିଥିଲା। ଏହି ଘଟଣା ପରେ ପିସିଆରରେ କାର୍ଯ୍ୟରତ ଡ୍ରାଇଭର ଏଏସଆଇ ସହିତ ନିକଟସ୍ଥ ଡାକ୍ତରଖାନାରେ ପହଂଚିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ପ୍ରାଥମିକ ସୂଚନା ଅନୁଯାୟୀ ପାରିବାରିକ କଳହ ହେତୁ ଏଏସଆଇ ଏତେବଡ଼ ପଦକ୍ଷେପ ନେଇଛନ୍ତି। ତେବେ ପୋଲିସ ଅଧିକାରୀ ଏହା ପ୍ରମାଣ କରିନାହାନ୍ତି। ପୋଲିସ ଏହି ମାମଲାର ତଦନ୍ତ କରୁଛି।
