ପୁରୀ: ଚାରିଧାମ ମଧ୍ୟରୁ ଅନ୍ୟତମ ଧାମ ଶ୍ରୀକ୍ଷେତ୍ର ଧାମକୁ କେନ୍ଦ୍ର ସରକାର ସମସ୍ତ ସାହାର୍ଯ୍ୟ ସହଯୋଗ ଯୋଗାଉ ଦେଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।
ପୁରୀର ଉନ୍ନତିକରଣ ପାଇଁ କେନ୍ଦ୍ର ସରକାର ୧୫ତମ ଫାଇନାନ୍ସ କମିଶନରେ ୧୭୫କୋଟି ଟଙ୍କା ପୁରୀର ବିକାଶ ପାଇଁ ଯୋଜନା କରିଥିବା କେନ୍ଦ୍ର ପେଟ୍ରୋଲିୟ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଝାଡେଶ୍ୱରୀ କ୍ଲବଠାରେ କମ୍ୟୁନିଟ ସେ ରକୁ ଶୁଭଟଦଘାଟନ କରି କହିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁରୀର ବିକାଶ ପାଇଁ ସଦାବେଳେ ଉଦ୍ୟମ ଜାରି ରଖିଛନ୍ତି। ଶ୍ରୀକ୍ଷେତ୍ରର ଉନ୍ନତି ପାଇଁ ହିନ୍ଦୁ ଧର୍ମାବଲମ୍ବୀ ତୀର୍ଥଯାତ୍ରୀଙ୍କ ଶ୍ରୀଜଗନ୍ନାଥ ଦର୍ଶନ କରିବା ପାଇଁ ଅନେକ ଭିତିଭୂମିର ବିକାଶ କରାଯିବା ପାଇଁ କେନ୍ଦ୍ର ସରକାର ଯୋଜନା ରଖିଛନ୍ତି।
ଆଜି ଅପରାହ୍ନରେ ୧୮ଲକ୍ଷ ଟଙ୍କା ବ୍ୟୟରେ ବାସେଳୀ ସାହି କମ୍ୟୁନିଟ ହଲ ଓ ୨୨ଲକ୍ଷ ଟଙ୍କାର ଝାଡେଶ୍ୱରୀ କ୍ଲବର କମ୍ୟୁନିଟ୍ ସେ ରକୁ ଲୋକର୍ପିତ କରିଥିଲେ। ଏହାସହ ବାଲିସାହି ହିଞ୍ଜଳଯାଗାରେ ୪୯ଲକ୍ଷ ଟଙ୍କା ବ୍ୟୟରେ କମ୍ୟୁନିଟ୍ ହଲ ପାଇଁ ଭିତିପ୍ରସ୍ତର ସ୍ଥାପନ କରିଥିଲେ। କେନ୍ଦ୍ର ସରକାରଙ୍କ ଦ୍ୱାରା ପରିଚାଳିନ ନାଲକୋ ଗାନ୍ଧୀପାର୍କର ଉନ୍ନତିକରଣ କରିଛନ୍ତି। ସମୁଦ୍ରକୂଳକୁ ସିଧାସଳଖ ପର୍ଯ୍ୟଟକଙ୍କ ବସ ଯିବା ପାଇଁ ହରେକୃଷ୍ଣପୁରଠାରୁ ମଙ୍ଗଳାଘାଟ ଦେଇ ଷ୍ଟ୍ରଲିଂ ହୋଟେଲ ନିକଟରେ ଜାତୀୟ ରାଜପଥ ସଂଯୋଗ କରିଛି। ଯାହାଫଳରେ ପର୍ଯ୍ୟଟକମାନେ ସିଧାସଳଖ ସମୁଦ୍ରକୂଳକୁ ଯାଇପାରିବେ। ପୁରୀକୁ ଆନ୍ତର୍ଜାତିୟ ସ୍ତରରେ ଅତ୍ୟାଧୁନିକ ସହର କରିବା ପାଇଁ କେନ୍ଦ୍ର ସରକାର ରାଜ୍ୟ ସରକାରଙ୍କୁ ସମସ୍ତ ପ୍ରକାର ସାହାର୍ଯ୍ୟ ଯୋଗାଇ ଦେଉଛନ୍ତି।