ରାଉରକେଲା, ରାଷ୍ଟ୍ରପତି ରାମନାଥ କୋବିନ୍ଦ ଆଜି ରାଉରକେଲାସ୍ଥିତ NIT ର ସମାବର୍ତ୍ତନ ଉତ୍ସବରେ ଯୋଗ ଦେଇଛନ୍ତି। ତାଙ୍କ ସହିତ ରାଜ୍ୟପାଳ ପ୍ରଫେସର ଗଣେଶୀ ଲାଲ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ସାଂସଦ ଜୁଏଲ ଓରାମ ପ୍ରମୁଖ ଯୋଗ ଦେଇଛନ୍ତି। ଏହି ଉତ୍ସବରେ ରାଷ୍ଟ୍ରପତି 6 ଜଣଙ୍କୁ ସ୍ବର୍ଣ୍ଣପଦକ ଏବଂ 70 ଜଣଙ୍କୁ ରୌପ୍ୟ ପଦକ ପ୍ରଦାନ କରିଛନ୍ତି।
ଏହି ଉତ୍ସବରେ ଯୋଗଦେଇ ରାଷ୍ଟ୍ରପତି କହିଛନ୍ତି ଯେ, ବିନା କୌଣସି ଚାପରେ ନିଷ୍ପତି ନେବାର ଶିକ୍ଷାଲାଭ କରିବା ଉଚିତ। ନିଟରେ ଛାତ୍ରୀମାନଙ୍କର ସଫଳତା ନେଇ ରାଷ୍ଟ୍ରପତି ଖୁସି ପ୍ରକଟ କରିଥିଲେ। ସେହିପରି ସେ ଓଡିଶାର ସଂସ୍କୃତି ଐତିହ୍ୟକୁ ନେଇ ଉଚ୍ଚ ପ୍ରଶଂସା କରିଥିଲେ। ଛାତ୍ରଛାତ୍ରୀମାନଙ୍କର ସ୍ନାତକ ହେଉଛି ଗୁରୁତ୍ବପୂର୍ଣ୍ଣ ସମୟ। ଏହାର ସଦଉପଯୋଗ କରିବାକୁ ରାଷ୍ଟ୍ରପତି ପରାମର୍ଶ ଦେଇଛନ୍ତି। ରାଷ୍ଟ୍ରପତି ରାଉରକେଲାରେ ମଧ୍ୟାହ୍ନ ଭୋଜନ କରି ଅପରାହ୍ନରେ ଏକ ହସପିଟାଲର ଉଦଘାଟନ କରିବେ। ଏହାପରେ ଭୁବନେଶ୍ବର ଫେରି ଆସିବେ।