Categories
ଜାତୀୟ ଖବର ବିଶେଷ ଖବର

ଦେଶବାସୀଙ୍କୁ ଭାବବିହ୍ବଳରେ ଶେଷ ଭାଷଣ ଦେଲେ ରାଷ୍ଟ୍ରପତି ରାମନାଥ କୋବିନ୍ଦ

ନୂଆଦିଲ୍ଲୀ: ଆଜି ରାଷ୍ଟ୍ରପତି ରାମ ନାଥ କୋବିନ୍ଦ ଦେଶବାସୀଙ୍କୁ ତାଙ୍କର ବିଦାୟ କାଳୀନ ଭାଷଣ ପ୍ରଦାନ କରିଛନ୍ତି। ରାଷ୍ଟ୍ରପତି ହିସାବରେ ତାଙ୍କର ଏହି ଭାଷଣ ହେଉଛି ଶେଷ ଭାଷଣ। ସେ ଏହି ଭାଷଣରେ କହିଛନ୍ତି ଯେ ଆଜକୁ ପାଞ୍ଚ ବର୍ଷ ପୂର୍ବେ ଆପଣମାନେ ସମସ୍ତେ ମୋ ଉପରେ ଅପାର ଭରସା ବ୍ୟକ୍ତ କରିଥିଲେ ଏବଂ ନିଜ ନିର୍ବାଚିତ ଜନ-ପ୍ରତିନିଧିମାନଙ୍କ ମାଧ୍ୟମରେ ମୋତେ ଭାରତର ରାଷ୍ଟ୍ରପତି ଭାବେ ବାଛିଥିଲେ। ଆଜି ମୋ କାର୍ଯ୍ୟକାଳ ସମ୍ପୂର୍ଣ୍ଣ ହେଉଛି। ଏହି ଅବସରରେ ମୁଁ ଆପଣମାନଙ୍କ ସହିତ କିଛି କଥା କହିବାକୁ ଚାହୁଁଛି।

ସେ କହିଛନ୍ତି ଯେ ଦେଶର ବିଭିନ୍ନ ସ୍ଥାନକୁ ଗସ୍ତ କରିବା ସମୟରେ, ନାଗରିକମାନଙ୍କ ସହ ହୋଇଥିବା ବାର୍ତ୍ତାଳାପ ଏବଂ ଜନସମ୍ପର୍କ ମୋତେ ନିରନ୍ତର ପ୍ରେରଣା ଦେଇ ଆସଛି। ସମସ୍ତେ ମୋତେ ନିଜ କର୍ତ୍ତବ୍ୟ ନିର୍ବାହ କରିବା ଲାଗି ଭରପୂର ସହଯୋଗ ଦେଇଛନ୍ତି।  ଅନେକ ଦେଶବାସୀଙ୍କୁ ଭେଟିବା ପରେ ମୋ ମନରେ ବିଶ୍ବାସ ଆହୁରି ସୁଦୃଢ଼ ହୋଇଥିଲା ଯେ ଆମ ନିଷ୍ଠାବାନ ନାଗରିକମାନେ ହିଁ ବାସ୍ତବରେ ରାଷ୍ଟ୍ର-ନିର୍ମାତା ଅଟନ୍ତି। ସେମାନେ ସମସ୍ତେ ଭାରତକୁ ଉନ୍ନତ କରିବା ଲାଗି ପ୍ରୟାସରତ ଅଛନ୍ତି। ଏପରି ସବୁ ନିଷ୍ଠାବାନ ଦେଶବାସୀଙ୍କ ହାତରେ ଆମ ମହାନ ଦେଶର ଭବିଷ୍ୟତ ସୁରକ୍ଷିତ ରହିଛି।

ଏବେ ସବୁ ଦେଶବାସୀ ‘ଆଜାଦୀ କା ଅମୃତ ମହୋତ୍ସବ’ ପାଳନ କରୁଛନ୍ତି। ଆସନ୍ତା ମାସ ଆମେ ସମସ୍ତେ ଭାରତ ସ୍ବାଧୀନତାର ୭୫ତମ ବର୍ଷ ପୂର୍ତ୍ତି ପାଳନ କରିବାକୁ ଯାଉଛୁ। ଆମେ ୨୫ ବର୍ଷର ଅବଧିର ସେହି ‘ଅମୃତ କାଳ’ରେ ପ୍ରବେଶ କରିବା, ଯାହାକି ସ୍ବାଧୀନତାର ଶତାବ୍ଦୀ ବର୍ଷ ଅର୍ଥାତ୍ ୨୦୪୭ରେ ସମ୍ପୂର୍ଣ୍ଣ ହେବ। ଏହି ବିଶେଷ ଐତିହାସିକ ବର୍ଷ ଆମ ଗଣତନ୍ତ୍ରର ପ୍ରଗତି-ପଥରେ ମାଇଲ ଖୁଣ୍ଟ ଭଳି। ଆମ ଗଣତନ୍ତ୍ରର ଏହି ବିକାଶ ଯାତ୍ରା, ଦେଶର ସ୍ବର୍ଣ୍ଣିମ ସମ୍ଭାବନାକୁ କାର୍ଯ୍ୟରୂପ ଦେଇ ବିଶ୍ବ ସମୁଦାୟ ଆଗରେ ଏକ ଶ୍ରେଷ୍ଠ ଭାରତକୁ ଉପସ୍ଥାପନ କରିବାର ଏକ ଯାତ୍ରା।

ନିଜ ପାଞ୍ଚ ବର୍ଷ ସମୟରେ ନିଜର ସମ୍ପୂର୍ଣ୍ଣ ଯୋଗ୍ୟତା ବଳରେ ନିଜ ଦାୟିତ୍ବ ନିର୍ବାହ କରିଛି। ମୁଁ ଡକ୍ଟର ରାଜେନ୍ଦ୍ର ପ୍ରସାଦ, ଡକ୍ଟର ଏସ. ରାଧାକୃଷ୍ଣନ ଏବଂ ଡକ୍ଟର ଏପିଜେ ଅବଦୁଲ କଲାମଙ୍କ ଭଳି ମହାପୁରୁଷଙ୍କ ଉତ୍ତରାଧିକାରୀ ହୋଇଥିବା ଦୃଷ୍ଟିରୁ ଅତ୍ୟନ୍ତ ସଚେତନ ରହିଥିଲି। ଯେତେବେଳେ ମୁଁ ରାଷ୍ଟ୍ରପତି ଭବନରେ ପ୍ରବେଶ କଲି, ସେତେବେଳେ ମୋର ତତ୍କାଳୀନ ପୂର୍ବସୂରୀ, ଶ୍ରୀ ପ୍ରଣବ ମୁଖାର୍ଜୀ ମଧ୍ୟ ମୋ କର୍ତ୍ତବ୍ୟ ବିଷୟରେ ମୋତେ ବୁଦ୍ଧିମତ୍ତାପୂର୍ଣ୍ଣ ପରାମର୍ଶ ଦେଇଥିଲେ। ତଥାପି, ଯେତେବେଳେ ମୋ ମନରେ କୌଣସି ପ୍ରକାର ସଂଶୟ ଉତ୍ପନ୍ନ ହେଲା, ସେତେବେଳେ ମୁଁ ଗାନ୍ଧୀଜୀଙ୍କର ଏବଂ ତାଙ୍କ ଦ୍ବାରା ପରାମର୍ଶ ଦିଆଯାଇଥିବା ମୂଳ-ମନ୍ତ୍ରର ସାହାରା ନେଇଥିଲି।

ଆମ ସମସ୍ତଙ୍କ ପାଇଁ ମା’ ଭଳି ପୂଜନୀୟା ପ୍ରକୃତି ବର୍ତ୍ତମାନ ଗଭୀର ଯନ୍ତ୍ରଣା ମଧ୍ୟ ଦେଇ ଗତି କରୁଛି। ଜଳବାୟୁ ପରିବର୍ତ୍ତନର ସଙ୍କଟ ଆମ ପୃଥିବୀର ଭବିଷ୍ୟତ ପାଇଁ ଗମ୍ଭୀର ବିପଦ ସାଜିଛି। ଆମେ ଆମ ପିଲାମାନଙ୍କ ପାଇଁ ନିଜର ପରିବେଶ, ଆମ ଭୂମି, ବାୟୁ ଏବଂ ପାଣିକୁ ସଂରକ୍ଷିତ କରି ରଖିବା ଆବଶ୍ୟକ। ନିଜର ଦିନଚର୍ଯ୍ୟାରେ ତଥା ଦୈନନ୍ଦିନ ଜୀବନରେ ବିଭିନ୍ନ ଜିନିଷ ବ୍ୟବହାର କରିବା ସମୟରେ ଆମକୁ ଆମ ବୃକ୍ଷ, ନଦୀ, ସମୁଦ୍ର ଏବଂ ପାହାଡ଼ ସହିତ ଅନ୍ୟ ସବୁ ଜୀବଜନ୍ତୁଙ୍କ ରକ୍ଷା ପାଇଁ ଅତ୍ୟନ୍ତ ସତର୍କ ରହିବାର ଆବଶ୍ୟକତା ରହିଛି।

ପ୍ରଥମ ନାଗରିକ ଭାବେ, ଯଦି ନିଜ ଦେଶବାସୀଙ୍କୁ ମୋର ଗୋଟିଏ ପରାମର୍ଶ ଦେବାର ଥାଏ, ତା’ହେଲେ ମୁଁ ଏହି ପରାମର୍ଶ ହିଁ ଦେବି। ପୁଣି ଥରେ ଦେଶବାସୀଙ୍କୁ ଧନ୍ୟବାଦ ଦେଇ ରାଷ୍ଟ୍ରପତି ରାମନାଥ କୋବିନ୍ଦ ଭାବ ବିହ୍ବଳରେ ତାଙ୍କର ବକ୍ତବ୍ୟ ଶେଷ କରିଥିଲେ।

Categories
ଆଜିର ଖବର ଜାତୀୟ ଖବର

ଆସାମ ମିଜୋରାମର ଚାରିଦିନିଆ ଗସ୍ତରେ ଗଲେ ରାଷ୍ଟ୍ରପତି ରାମନାଥ କୋବିନ୍ଦ

ନୂଆଦିଲ୍ଲୀ: ରାଷ୍ଟ୍ରପତି ରାମନାଥ କୋବିନ୍ଦ ଆଜିଠାରୁ ଆସାମ ଏବଂ ମିଜୋରାମ ଗସ୍ତରେ ଯାଉଛନ୍ତି। ସେ ଆସାମର ତମୁଲପୁରରେ ବୋଡୋ ସାହିତ୍ୟ ସଭାର 61 ତମ ବାର୍ଷିକ ସମ୍ମିଳନୀରେ ରାଷ୍ଟ୍ରପତି ସମ୍ବୋଧିତ କରିବେ।

ସେ ଗୁଆହାଟିରେ ଉତ୍ତର ପୂର୍ବ ମହୋତ୍ସବ କାର୍ଯ୍ୟରେ ସାମିଲ ହେବେ। ଯାହା କେନ୍ଦ୍ର ମନ୍ତ୍ରଣାଳୟ ଦ୍ୱାରା ‘ଆଜାଦି କା ଅମୃତ ମହୋତ୍ସବ’ର ଏକ ଅଂଶ ଭାବରେ ଆୟୋଜିତ ହୋଇଛି। ଗୁରୁବାର ଦିନ ରାଷ୍ଟ୍ରପତି ଆଇଜୱାଲରେ ମିଜୋରାମ ବିଶ୍ୱବିଦ୍ୟାଳୟର 16 ତମ ସମ୍ମିଳନୀକୁ ସମ୍ବୋଧିତ କରିବେ।

Categories
ଆଜିର ଖବର ରାଜ୍ୟ ଖବର

ରାଷ୍ଟ୍ରପତିଙ୍କ ଦୁଇ ଦିନିଆ ଓଡ଼ିଶା ଗସ୍ତ: ମହାପ୍ରଭୁଙ୍କୁ ଦର୍ଶନ କରି ଆଶୀର୍ବାଦ ଭିକ୍ଷା କଲେ

ପୁରୀ: ରାଷ୍ଟ୍ରପତି ରାମନାଥ କୋବିନ୍ଦ ଆଜିଠାରୁ ଦୁଇ ଦିନିଆ ଓଡ଼ିଶା ଗସ୍ତରେ ଆସିଛନ୍ତି। ସେ ଭୁବନେଶ୍ଵର ବିଜୁ ପଟ୍ଟନାୟକ ବିମାନ ବନ୍ଦରରେ ପହଞ୍ଚିବା ପରେ ସେଠାରୁ ଶ୍ରୀମନ୍ଦିର ଅଭିମୁଖେ ଯାତ୍ରା କରିଛନ୍ତି। ବର୍ତ୍ତମାନ ଶ୍ରୀମନ୍ଦିରରେ ରାଷ୍ଟ୍ରପତି ମହାପ୍ରଭୁଙ୍କ ଦର୍ଶନ କରୁଛନ୍ତି।

ରାଷ୍ଟ୍ରପତିଙ୍କୁ ସ୍ୱାଗତ କରିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ। ରାଷ୍ଟ୍ରପତିଙ୍କ ସହ ଓଡିଶା ରାଜ୍ୟପାଳ ପ୍ରଫେସର ଗଣେଶୀ ଲାଲ ମଧ୍ୟ ଅଛନ୍ତି।

Categories
ବିଶେଷ ଖବର

୭୩ତମ ଗଣତନ୍ତ୍ର ଦିବସର ଅବ୍ୟବହିତ ପୂର୍ବରୁ ରାଷ୍ଟ୍ର ଉଦ୍ଦେଶ୍ୟରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ବାର୍ତ୍ତା

ନୂଆଦିଲ୍ଲୀ: ୭୩ତମ ଗଣତନ୍ତ୍ର ଦିବସର ଅବ୍ୟବହିତ ପୂର୍ବରୁ ରାଷ୍ଟ୍ରପତି ରାମନାଥ କୋବିନ୍ଦ ଆଜି ରାଷ୍ଟ୍ର ଉଦ୍ଦେଶ୍ୟରେ ଦେଶବାସୀଙ୍କୁ ବାର୍ତ୍ତା ଦେଇଛନ୍ତି। ଏହି ଅବସରରେ ରାଷ୍ଟ୍ରପତି ଶ୍ରୀ କୋବିନ୍ଦ ଦେଶବାସୀଙ୍କୁ ଦେଇଥିବା ବାର୍ତ୍ତା ବିଷୟରେ ଉଲ୍ଲେଖ କରାଯାଇଛି।

ତେସ୍ତରୀ ତମ ଗଣତନ୍ତ୍ର ଦିବସର ଅବ୍ୟବହିତ ପୂର୍ବରୁ ଦେଶ ବିଦେଶରେ ରହୁଥିବା ଆପଣମାନଙ୍କୁ ସମସ୍ତଙ୍କୁ ମୋର ହାର୍ଦ୍ଦିକ ଅଭିନନ୍ଦନ। ଏହି ଦିବସ ଆମ ସମସ୍ତଙ୍କ ପାଇଁ ସମାନ ଏବଂ ଏହା ଆମର ଭାରତୀୟତାର ପ୍ରତୀକ ହୋଇଥିବାରୁ ଏହାକୁ ପାଳନ କରିବାର ଆବଶ୍ୟକତା ଅପରିହାର‌୍ୟ୍ୟ। ୧୯୫୦ର ଏହି ଦିବସରେ ଆମ ରାଷ୍ଟ୍ରୀୟତାର ପବିତ୍ର ସାରାଂଶ ଏକ ଆନୁଷ୍ଠାନିକ ରୂପ ନେଇଥିଲା। ସେହିଦିନ ଭାରତ ବିଶ୍ୱର ସର୍ବବୃହତ୍ ଗଣତାନ୍ତ୍ରିକ ସାଧାରଣତନ୍ତ୍ର ଭାବେ ପ୍ରତିଷ୍ଠିତ ହୋଇ, “ଆମେ ଭାରତବାସୀ” ଏହାର ସମ୍ବିଧାନକୁ ପ୍ରବର୍ତ୍ତନ କରିଥିଲୁ। ଆମ ଗଣତନ୍ତ୍ରର ବିବିଧତା ଓ ସ୍ପନ୍ଦନ ସାରା ବିଶ୍ୱ ଦ୍ୱାରା ସ୍ୱୀକୃତ। ଏକ ରାଷ୍ଟ୍ର ହିସାବରେ ଏକତାର ଚେତନାରେ ଆମେ ପ୍ରତିବର୍ଷ ଗଣତନ୍ତ୍ର ଦିବସ ଉତ୍ସବ ପାଳନ କରି ଆସୁଛୁ। ମହାମାରୀର ପ୍ରଭାବ ଯୋଗୁଁ ଚଳିତ ବର୍ଷର ଗଣତନ୍ତ୍ର ଦିବସ ଉତ୍ସବ ପ୍ରଭାବିତ ହୋଇଥିଲେ ମଧ୍ୟ ଏହାର ଉତ୍ସାହ ପୂର୍ବଭଳି ରହିଛି।

୨) ଏହି ଅବସରରେ ଆସନ୍ତୁ ଆମର ସେହି ମହାନ୍ ମୁକ୍ତି ସଂଗ୍ରାମୀମାନଙ୍କୁ ସ୍ମରଣ କରିବା। ସେମାନେ ସ୍ୱରାଜ ପ୍ରତିଷ୍ଠା ଲକ୍ଷ୍ୟରେ ଅତୁଳନୀୟ ସାହସ ପ୍ରଦର୍ଶନ କରି ଲୋକଙ୍କ ମନରେ ସଂଗ୍ରାମର ବହ୍ନି ସୃଷ୍ଟି କରିଥିଲେ। ଦୁଇଦିନ ତଳେ ଜାନୁୟାରୀ ୨୩ତାରିଖରେ, ଆମେ ସମସ୍ତେ ନେତାଜୀ ସୁଭାଷଚନ୍ଦ୍ର ବୋଷଙ୍କ ୧୨୫ତମ ଜୟନ୍ତୀ ପାଳନ କରିଛୁ। ସେ ଥିଲେ ‘ଜୟହିନ୍ଦ’ ସମ୍ବୋଧନର ସ୍ରଷ୍ଟା ଏବଂ ଏହାକୁ ସେ ବିଧିବଦ୍ଧଭାବେ କାର‌୍ୟ୍ୟରେ ରୂପାୟିତ କରିଥିଲେ। ସ୍ୱାଧୀନତା ପାଇଁ ତାଙ୍କ ଅନ୍ୱେଷଣ ଓ ଭାରତକୁ ଗର୍ବିତ କରିବାର ଅଭିଳାଷ ଆମ ସମସ୍ତଙ୍କୁ ଅନୁପ୍ରାଣିତ କରେ।

୩) ଆମ ସମ୍ବିଧାନ ପ୍ରଣୟନ ସଭା ଯେଉଁ ନଥି ପ୍ରସ୍ତୁତ କରିଛି ତାହାର ପ୍ରସ୍ତୁତିରେ ସେହି ସମୟର ଶ୍ରେଷ୍ଠତମ ମସ୍ତିଷ୍କମାନ ନିୟୋଜିତ ହୋଇଥିଲା। ସେଥିପାଇଁ ଆମେ ବିଶେଷ ଭାଗ୍ୟବାନ। ସେମାନେ ଆମ ମୁକ୍ତି ସଂଗ୍ରାମର ପ୍ରମୁଖ ବ୍ୟକ୍ତିତ୍ୱ ଥିଲେ। ଦୀର୍ଘ ବର୍ଷ ପରେ ଭାରତର ଆତ୍ମାର ପୁନଃ ଜାଗରଣ ହୋଇଥିଲା ଏବଂ ସେହି ଅନନ୍ୟ ପୁରୁଷ ଓ ମହିଳାମାନେ ଏକ ନୂଆ ପ୍ରଭାତର ଅଗ୍ରଦୂତ ଥିଲେ। ସେମାନେ ସମ୍ବିଧାନର ପ୍ରତ୍ୟେକ ଧାରା ଉପଧାରାକୁ ତନ୍ନତନ୍ନ କରି ଆଲୋଚନା କରିବା ସହିତ ସବୁ ବାକ୍ୟାଂଶ, ଶବ୍ଦକୁ ଜନସାଧାରଣଙ୍କ ପକ୍ଷରୁ ପରଖି ଦେଖିଥିଲେ। ସମ୍ବିଧାନର ଚିଠା ପ୍ରସ୍ତାବ ଉପରେ ପ୍ରାୟ ଦୀର୍ଘ ୩ବର୍ଷ କଳା ବିଚାର ଆଲୋଚନା ଓ ମନ୍ଥନ କରାଯାଇଥିଲା। ଅବଶେଷରେ ଡକ୍ଟର ବାବାସାହେବ ଆମ୍ବେଦକର ସମ୍ବିଧାନ ଲେଖନ କମିଟିର ଅଧ୍ୟକ୍ଷଭାବେ ଏହାର ଚୂଡାନ୍ତ ଚିଠା ପ୍ରସ୍ତୁତ କରିଥିଲେ। ତାହାହିଁ ଶେଷରେ ସମ୍ବିଧାନର ମୂଳ ନଥି ପାଲଟିଥିଲା।

୪) ସମ୍ବିଧାନରେ ରାଷ୍ଟ୍ରର କାର‌୍ୟ୍ୟ ସମ୍ପର୍କରେ ଯେଉଁ ସବିଶେଷ ଉଲ୍ଲେଖ ରହିଛିି ତାହା ବେଶ୍ ଦୀର୍ଘ। ସମ୍ବିଧାନର ମୁଖ୍ୟବନ୍ଧରେ ରାଷ୍ଟ୍ର ଶାସନର ନିର୍ଦ୍ଦେଶାବଳୀ ସଂକ୍ଷେପରେ ଉଲ୍ଲେଖ କରାଯାଇଛି। ସେଥିରେ ଗଣତନ୍ତ୍ର, ନ୍ୟାୟ, ସ୍ୱାଧୀନତା, ସମାନତା ଓ ଭ୍ରାତୃତ୍ୱ ନୀତି ଗୁରୁତ୍ୱ ପାଇଛି। ଏହି ସବୁ ନୀତିକୁ ଆଧାର କରି ଆମ ସାଧାରଣତନ୍ତ୍ର ଦଣ୍ଡାୟମାନ ହୋଇଛି। ଏହିସବୁ ମୂଲ୍ୟବୋଧର ଆମେ ସାମୂହିକ ଉତ୍ତରାଧିକାରୀ।

୫) ନାଗରିକଙ୍କ ମୌଳିକ ଅଧିକାର ଓ ମୌଳିକ କର୍ତ୍ତବ୍ୟ ଆଧାରରେ ଏସବୁ ମୂଲ୍ୟବୋଧ ଆମ ସମ୍ବିଧାନରେ ଅଗ୍ରାଧିକାର ପାଇଛି। ଅଧିକାର ଓ କର୍ତ୍ତବ୍ୟ ଗୋଟିଏ ମୁଦ୍ରାର ଉଭୟପାର୍ଶ୍ଵ। ସମ୍ବିଧାନରେ ଉଲ୍ଲେଖିତ ମୌଳିକ କର୍ତ୍ତବ୍ୟର ପରିପାଳନ ମାଧ୍ୟମରେ ମୌଳିକ ଅଧିକାର ଉପଯୋଗ କରିବାର ଉପଯୁକ୍ତ ବାତାବରଣ ସୃଷ୍ଟି ହୋଇଥାଏ। ରାଷ୍ଟ୍ରୀୟ ସେବା ପାଇଁ ପ୍ରଦତ୍ତ ଆହ୍ୱାନରେ ଅନୁପ୍ରାଣିତ ହୋଇ କୋଟି କୋଟି ଦେଶବାସୀ ଜାତୀୟ ମୌଳିକ କର୍ତବ୍ୟ ସମ୍ପାଦନ ମାଧ୍ୟମରେ ସ୍ୱଚ୍ଛ ଭାରତ ଅଭିଯାନକୁ ସଫଳ କରିଛନ୍ତି। ସେମାନଙ୍କ ଉଦ୍ୟମରେ କୋଭିଡ ଟିକାକରଣ ଅଭିଯାନ ଏକ ଗଣ ଆନ୍ଦୋଳନରେ ପରିଣତ ହୋଇଛି। ଏହିସବୁ ଅଭିଯାନର ସଫଳତାର ଶ୍ରେୟ ଅନେକାଂଶରେ ଆମ ଦାୟିତ୍ୱସମ୍ପନ୍ନ ନାଗରିକଙ୍କର। ମୁଁ ନିଶ୍ଚିତ ଯେ ଆମ ଜନତା ରାଷ୍ଟ୍ରର ହିତ ଉଦ୍ଦେଶ୍ୟରେ ଉଦ୍ଦିଷ୍ଟ ସବୁ ଅଭିଯାନକୁ ଆଗକୁ ନିରନ୍ତର ସୁଦୃଢ ଓ ବ୍ୟାପକ କରିବେ ଏବଂ ଏଥିରେ ସମାନ ଉତ୍ସର୍ଗୀକୃତ ମନୋଭାବ ନେଇ ସକ୍ରିୟତାର ସହ ସାମିଲ ହେବେ।

୬) ୧୯୪୯ ନଭେମ୍ବର ୨୬ତାରିଖରେ ଭାରତର ସମ୍ବିଧାନ ଗୃହୀତ ଓ ବୈଧିକୃତ ହୋଇଥିଲା। ସେହି ଦିବସଟିକୁ ଏବେ ସମ୍ବିଧାନ ଦିବସ ଭାବେ ପାଳନ କରାଯାଉଛି। ତେବେ ଏହାର ପ୍ରବର୍ତ୍ତନ ଦୁଇମାସ ପରେ ହୋଇଥିଲା। ଏହା କରିବା ପଛରେ ଉଦ୍ଦେଶ୍ୟ ଥିଲା ୧୯୩୦ର ସେହି ଦିନର ସଂକଳ୍ପକୁ ମନେ ରଖିବା। ୧୯୩୦ରୁ ୧୯୪୭ଯାଏ ପ୍ରତିବର୍ଷ ଜାନୁୟାରୀ ୨୬କୁ ପୂର୍ଣ୍ଣ ସ୍ୱରାଜ ଦିବସଭାବେ ପାଳନ କରାଯାଉଥିଲା। ସେହି ଦିନଟିକୁ ବାଛି ସମ୍ବିଧାନକୁ ପ୍ରବର୍ତ୍ତନ କରିବାର ନିଷ୍ପତ୍ତି ହୋଇଥିଲା।

୭) ପୂର୍ଣ୍ଣ ସ୍ୱରାଜ କିପରି ପାଳନ କରାଯିବା ଉଚିତ ସେ ବିଷୟରେ ମହାତ୍ମା ଗାନ୍ଧୀ ୧୯୩୦ରେ ଲେଖିଥିଲେ। ତାଙ୍କ ଲେଖାକୁ ମୁଁ ଉଦ୍ଧାର କରୁଛି। ସେ ଲେଖିଥିଲେ, “ ମନେରଖ, ଆମେ ଯେହେତୁ ଆମର ଲକ୍ଷ୍ୟ ଅହିଂସା ଓ ସତ୍ୟ ମାର୍ଗରେ ହାସଲ କରିବାକୁ ଆଗ୍ରହୀ ଥିଲୁ , ସେଥିପାଇଁ ଆମକୁ ଆତ୍ମଶୁଦ୍ଧି ମାଧ୍ୟମରେ କାର‌୍ୟ୍ୟ କରିବାକୁ ପଡିବ। ଅତଏବ ଆମେ ଏହି ଦିବସଟିକୁ ସେଭଳି କିଛି ଗଠନମୂଳକ କାମରେ ଆମ କ୍ଷମତା ମୁତାବକ ବିନିଯୋଗ କରିବା ଆବଶ୍ୟକ।”

୮) କହିବା ଅନାବଶ୍ୟକ ଯେ ଗାନ୍ଧିଜୀଙ୍କ ପରାମର୍ଶ ଶାଶ୍ୱତ। ଆଜି ମଧ୍ୟ ସେ ଆମକୁ ସେହିଭଳି ଗଣତନ୍ତ୍ର ଦିବସ ପାଳନ କରିବାକୁ କହିଥାନ୍ତେ। ଅନ୍ତର୍ଦୃଷ୍ଟି ଓ ଆତ୍ମସମୀକ୍ଷା ମାଧ୍ୟମରେ ଉତ୍ତମ ମଣିଷ ହୋଇ ତା’ପରେ ବାହାରକୁ ଦେଖିବାକୁ, ଅନ୍ୟ ସହିତ ହାତ ମିଳାଇବାକୁ ଏବଂ ଉତ୍ତମ ଭାରତ, ଉତ୍ତମ ପୃଥିବୀ ନିର୍ମାଣରେ ଅବଦାନ ରଖିବାକୁ ସେ ଆମକୁ କହିଥିଲେ।

ପ୍ରିୟ ଦେଶବାସୀ

୯) ଏବେ ସମଗ୍ର ବିଶ୍ୱ ଯେପରି ସହାୟତା ଲୋଡୁଛି ଆଗରୁ ସେମିତି କେବେ ହୋଇ ନ ଥିଲା। ଦୁଇବର୍ଷରୁ ଅଧିକ ସମୟ ଧରି ସମଗ୍ର ମାନବଜାତି କରୋନା ଭୂତାଣୁ ସହିତ ଲଢେଇ କରୁଛି। ଏଥିରେ ଲକ୍ଷ ଲକ୍ଷ ଲୋକଙ୍କର ଜୀବନ ଯାଇଛି। ବିଶ୍ୱ ଅର୍ଥନୀତି ଉପରେ ଏହାର ଗୁରୁତର କୁପ୍ରଭାବ ପଡିଛି। ସାରା ପୃଥିବୀ ଅଭୂତପୂର୍ବ ଦୁଃଖ ଓ ଦୁର୍ଦ୍ଦଶା ଭୋଗୁଛି। ତୁହାକୁ ତୁହା ନୂଆ ପ୍ରଜାତିର କରୋନା ଭୂତାଣୁ ନୂଆ ନୂଆ ସଙ୍କଟ ସୃଷ୍ଟି କରୁଛି। ଏହା ସମଗ୍ର ମାନବଜାତି ପାଇଁ ଏକ ଅସାଧାରଣ ଆହ୍ୱାନ।

୧୦) ଭାରତରେ ମହାମାରୀ ପରିଚାଳନା ବିଶେଷ ଜଟିଳ ହେବା ପ୍ରାୟ ନିଶ୍ଚିତ ଥିଲା। ଆମର ବିପୁଳ ଜନସଂଖ୍ୟା ଓ ଉଚ୍ଚ ବିକାଶଶୀଳ ଅର୍ଥନୀତି ଦୃଷ୍ଟିରୁ ଏହି ଅଦୃଶ୍ୟ ଶତ୍ରୁର ମୁକାବିଲା ପାଇଁ ଆମ ପାଖରେ ଆବଶ୍ୟକ ସମ୍ବଳ ଓ ଭିତ୍ତିଭୂମିର ଅଭାବ ରହିଥିଲା। ମାତ୍ର ଏଭଳି ଏକ ଜଟିଳ ସମୟରେ ହିଁ ଆମ ରାଷ୍ଟ୍ରର ସହନଶୀଳତା ଓ ସାମର୍ଥ୍ୟ ଉକୁଟି ଉଠିଲା। କରୋନା ଭୂତାଣୁ ବିରୋଧରେ ଆମେ ଅତୁଳନୀୟ ସଂକଳ୍ପ ପ୍ରଦର୍ଶନ କରି ଏହାର ମୁକାବିଲା କରିଛୁ ବୋଲି ମୁଁ ଗର୍ବର ସହ କହୁଛି। ପ୍ରଥମବର୍ଷରେ ହିଁ ଆମେ ଦେଶର ସ୍ୱାସ୍ଥ୍ୟସେବା ଭିତ୍ତିଭୂମିକୁ ବଢାଇବା ସହିତ ଦ୍ୱିତୀୟ ବର୍ଷରେ ନିଜ ଦେଶରେ ଟିକା ପ୍ରସ୍ତୁତ କରିବାକୁ ସକ୍ଷମ ହୋଇଥିଲୁ। ଏହା ସହିତ ବିଶ୍ୱ ଇତିହାସର ସର୍ବବୃହତ୍ ଟିକାଦାନ ଅଭିଯାନ ଆରମ୍ଭ କରିଥିଲୁ। ଆମ ଦେଶରେ ଏବେ କରୋନା ଟିକାକରଣ ଅଭିଯାନ ଦ୍ରୁତଗତିରେ ଆଗେଇ ଚାଲିଛି। ମହାମାରୀ ସମୟରେ ଆମେ ବିଭିନ୍ନ ଦେଶକୁ ଟିକା, ଔଷଧପତ୍ର ଓ ଅନ୍ୟାନ୍ୟ ସାମଗ୍ରୀ ଯୋଗାଇ ଦେବାରେ ସକ୍ଷମ ହୋଇଛୁ। ଭାରତର ଏହି କାର‌୍ୟ୍ୟକୁ ବିଭିନ୍ନ ଆନ୍ତର୍ଜାତିକ ସଂଗଠନ ପ୍ରଶଂସା କରିଛନ୍ତି।

୧୧) କରୋନା ଭୂତାଣୁ ନୂଆ ନୂଆ ରୂପରେ ଆସୁଥିବାରୁ ଆମକୁ ବିପତିର ସମ୍ମୁଖୀନ ହେବାକୁ ଅବଶ୍ୟ ପଡିଛି। ଅଗଣିତ ପରିବାର ଏଇ ବିପତ୍ତିକାଳରେ ଅତ୍ୟନ୍ତ କଷ୍ଟକର ସ୍ଥିତିର ସମ୍ମୁଖୀନ ହୋଇଛନ୍ତି। ଆମର ଏହି ସାମୁହିକ ଆଘାତ ଓ କ୍ଷତିକୁ ବର୍ଣ୍ଣନା କରିବାକୁ ଭାଷା ନାହିଁ। ସବୁଠୁ ବଡ ଆଶ୍ୱାସନାହେଲା ଏହି ସାମୁହିକ ବିପର‌୍ୟ୍ୟୟ ମଧ୍ୟରେ ଅନେକ ଜୀବନ ରକ୍ଷା କରାଯାଇପାରିଛି। ଏବେ ମଧ୍ୟ ମହାମାରୀ ବ୍ୟାପି ରହିଥିବାରୁ ଆମକୁ ସତର୍କ କରିବାକୁ ପଡିବ ଏବଂ ଏଥିରେ କୌଣସି ଢିଲା ଦେବାର ଅକକାଶ ନାହିଁ। ଆମେ ଏଯାଏ ଯେଉଁସବୁ ସତର୍କତା ଅବଲମ୍ବନ କରିଆସିଛୁ ତାହାକୁ ବଜାୟ ରଖିବାକୁ ପଡିବ। ମାସ୍କ ପରିଧାନ ଏବଂ ସାମାଜିକ ଦୂରତ୍ୱ ରକ୍ଷା କୋଭିଡ ନୀତି ନିୟମପାଳନର ଏକ ଗୁରୁତ୍ୱପୂର୍ଣ୍ଣ ଦିଗ। ଆମ ବୈଜ୍ଞାନିକ ଓ ବିଶେଷଜ୍ଞମାନେ ଏହି ମହାମାରୀ ସମୟରେ ଆମକୁ ଯେଉଁସବୁ ସତର୍କତା ପାଳନ କରିବାକୁ ପରାମର୍ଶ ଦେଉଛନ୍ତି ତାହାକୁ ପାଳନ କରିବା ପ୍ରତ୍ୟେକ ନାଗରିକଙ୍କ ଏକ ଜାତୀୟ କିର୍ତ୍ତବ୍ୟ। ଏହି ସଂକଟର ଅବସାନ ହେବାଯାଏ ଆମକୁ ଏହି କର୍ତ୍ତବ୍ୟ ପାଳନ କରିବାକୁ ହେବ।

୧୨) ଏକ ସଙ୍କଟ ସମୟରେ ଆମେ ସବୁ ଭାରତୀୟ ଗୋଟିଏ ପରିବାର ଭଳି ପରସ୍ପର ସହିତ ଯେପରି ଯୋଡି ହୋଇପାରିଛୁ ତାହା ମଧ୍ୟ ପ୍ରଶଂସାଯୋଗ୍ୟ। ସାମାଜିକ ଦୂରତା ରକ୍ଷାର ସମୟ ଆମକୁ ପରସ୍ପର ମଧ୍ୟରେ ଅଧିକ ନିକଟତର ଓ ନିବିଡ କରିଛି। ପରସ୍ପର ଉପରେ ନିର୍ଭର କରିବା କେତେ ଗୁରୁତ୍ୱପୂର୍ଣ୍ଣ ତାହା ଆମେ ଅନୁଭବ କରିଛୁ। ଡାକ୍ତର, ନର୍ସ, ସ୍ୱାସ୍ଥ୍ୟକର୍ମୀମାନେ ମହାମାରୀ ଆହ୍ୱାନର ମୁକାବିଲା କରିବାରେ ଯଥାର୍ଥ ଅବଦାନ ରଖିଛନ୍ତି। ସେମାନେ ଅତ୍ୟନ୍ତ ଜଟିଳ ପରିସ୍ଥିତିରେ ନିଜ ଜୀବନକୁ ବିପନ୍ନ କରି ଦୀର୍ଘ ସମୟ ଯାଏ ରୋଗୀସେବା କରିଛନ୍ତି। ଅନ୍ୟମାନେ ମଧ୍ୟ ଦେଶକୁ ଗତିଶୀଳ ଅବସ୍ଥାରେ ରଖିବାକୁ ସମର୍ଥ ହୋଇଛନ୍ତି। ଯୋଗାଣ ଶୃଙ୍ଖଳ ଓ ସେବାକୁ ପାରୁ ପର‌୍ୟ୍ୟନ୍ତ ଅବ୍ୟାହତ ରଖିବାରେ ସମ୍ପୃକ୍ତ କର୍ମଚାରୀ ସଫଳତା ଲାଭ କରିଛନ୍ତି। ଦେଶର ନେତୃମଣ୍ଡଳୀ, ନୀତି ନିର୍ମାତା, ପ୍ରଶାସକ ଓ ଅନ୍ୟମାନେ କେନ୍ଦ୍ରୀୟ ତଥା ପ୍ରାଦେଶିକସ୍ତରରେ ଏଥିରେ ସମୟୋଚିତ ସହଯୋଗ ରଖିଛନ୍ତି।

୧୩) ଏସବୁ ହସ୍ତକ୍ଷେପ ଓ ସହଯୋଗ ଯୋଗୁଁ ଗତବର୍ଷ ମନ୍ଥର ହୋଇଥିବା ଦେଶର ଅର୍ଥନୀତି ପୁନର୍ବାର ଗତିଶୀଳ ହୋଇଛି। ସକଳ ପ୍ରତିକୂଳ ସ୍ଥିତି ସତ୍ତ୍ୱେ ଭାରତର ଅର୍ଥନୀତି ଚଳିତ ଆଥିକ ବର୍ଷରେ ଏକ ଆକର୍ଷଣୀୟ ହାରରେ ବୃଦ୍ଧି ପାଇବାକୁ ଯାଉଥିବା ଆମ ସାମୁହିକ ଚେତନା ଓ ଭାରତୀୟ ମିଳିତ ପ୍ରୟାସର ଏକ ବଳିଷ୍ଠ ପ୍ରମାଣ। ପୂର୍ବବର୍ଷ ଆରମ୍ଭ ହୋଇଥିବା ଆତ୍ମନିର୍ଭର ଭାରତ ଅଭିଯାନର ସଫଳତାକୁ ଏହା ପ୍ରମାଣିତ କରୁଛି। ଦେଶର ଅର୍ଥନୀତିର ସବୁ କ୍ଷେତ୍ରରେ ସଂସ୍କାର ଆଣିବାକୁ ସରକାର ଅଦମ୍ୟ ପ୍ରୟାସ ଜାରି ରଖିଛନ୍ତିି। ଯେଉଁଠି ଆବଶ୍ୟକ ପଡୁଛି ସେଠାରେ ସରକାର ସହଯୋଗର ହାତ ବଢାଉଛନ୍ତି। କୃଷି ଓ ମାନୁଫ୍ୟାକଚରିଙ୍ଗ କ୍ଷେତ୍ରରେ ଉନ୍ନତି ଯୋଗୁଁ ଦେଶର ଅର୍ଥନୀତିରେ ଏହି ଆକର୍ଷଣୀୟ ପ୍ରଦର୍ଶନ ସମ୍ଭବ ହୋଇଛି। ଆମର ଚାଷୀ, ବିଶେଷକରି ଯୁବ କୃଷିଜୀବୀମାନେ ନିଜର ସ୍ୱଳ୍ପ ଜମିରେ ଆଗ୍ରହର ସହ ପ୍ରାକୃତିକ ଚାଷବାସ ଅଧିକରୁ ଅଧିକ କରୁଥିବା ଜାଣି ମୁଁ ଆନନ୍ଦିତ।

୧୪) ଲୋକଙ୍କୁ ରୋଜଗାର ଯୋଗାଣ ଓ ଅର୍ଥନୀତିକୁ ଗତିଶୀଳ କରିବାରେ କ୍ଷୁଦ୍ର ଓ ମଧ୍ୟମ ଉଦ୍ୟୋଗୁଡିକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଛନ୍ତି। ଆମର ନବସୃଜନକାରୀ ଯୁବ ଉଦ୍ୟୋଗୀ ଷ୍ଟାର୍ଟଅପ ପରିବେଶର ଉପଯୋଗ କରି ସଫଳତାର ନୂଆ ବେଞ୍ଚମାର୍କ ସୃଷ୍ଟି କରିଛନ୍ତି। ଦେଶର ବିରାଟ ଓ ସୁଦୃଢ ଡିଜିଟାଲ ପେମେଣ୍ଟ ବ୍ୟବସ୍ଥା ତାହାର ଏକ ବଳିଷ୍ଠ ଉଦାହରଣ। ଏହା ମାଧ୍ୟମରେ ପ୍ରତିମାସରେ ନିୟୁତ ନିୟୁତ ଡିଜିଟାଲ କାରବାର ହେଉଛି।

୧୫) ବଡ ଜନସଂଖ୍ୟାର ଲାଭ ଉଠାଇବା ପାଇଁ ସରକାର ନୂଆ ଜାତୀୟ ଶିକ୍ଷା ନୀତିରେ ଉପଯୁକ୍ତ ବାତାବରଣ ସୃଷ୍ଟି କରିଛନ୍ତି। ସେଥିରେ ପାରମ୍ପରିକ ମୂଲ୍ୟବୋଧ ଓ ଆଧୁନିକ କୌଶଳର ଯଥାର୍ଥ ସମ୍ମିଶ୍ରଣ ଘଟିଛି। ଆନନ୍ଦର କଥା ଯେ ଭାରତ ବିଶ୍ୱର ୫୦ ଅଗ୍ରଣୀ ଅର୍ଥନୀତି ମଧ୍ୟରେ ସ୍ଥାନିତ ହୋଇଛି। ଆହୁରି ସନ୍ତୋଷଜନକ ବିଷୟ ହେଲା ଆମେ ସାମଗ୍ରୀକ ସମାବେଶୀ ନୀତି କାର‌୍ୟ୍ୟକାରୀ କରୁଥିବାବେଳେ ମେଧା ଓ ପ୍ରତିଭାକୁ ମଧ୍ୟ ପ୍ରୋତ୍ସାହିତ କରୁଛୁ।
ଦେବୀ ଓ ସଜ୍ଜନ

୧୬) ଗତବର୍ଷ ଆମ କ୍ରୀଡାବିତ୍ମାନେ ଅଲିମ୍ପିକ୍ସରେ ସେମାନଙ୍କ ପ୍ରଦର୍ଶନ ଜରିଆରେ ଆମ ପାଇଁ ଗୌରବ ଓ ଆନନ୍ଦଆଣିଛନ୍ତି। ଏହି ଯୁବ ଚାମ୍ପିୟନମାନଙ୍କ ଆତ୍ମବିଶ୍ୱାସ କୋଟି କୋଟି ଲୋକଙ୍କୁ ଆଜି ଅନୁପ୍ରାଣିତ କରୁଛି।

୧୭) ବିଭିନ୍ନ କ୍ଷେତ୍ରରେ ଆମର ଲୋକମାନଙ୍କ ନିଜର ଅଙ୍ଗୀକାର ଓ ଶ୍ରମ ଦ୍ୱାରା ସମାଜ ଓ ଦେଶକୁ କିପରି ସୁଦୃଢ କରିଛନ୍ତି ତାହାର ଉଦାହରଣମାନ ମୁଁ ଗତ କେଇମାସ ମଧ୍ୟରେ ଲକ୍ଷ୍ୟ କରିଛି। ସେଥିମଧ୍ୟରୁ ମୁଁ ମାତ୍ର ଦୁଇଟି ଉଦାହରଣ ଦେବି। ଭାରତୀୟ ନୌବାହିନୀର ଏକ ଉତ୍ସର୍ଗୀକୃତ ଦଳ ଏବଂ କୋଚିନ ସିପିୟାର୍ଡ ଲିମିଟେଡ ଇତିମଧ୍ୟରେ ସ୍ୱଦେଶୀ ଜ୍ଞାନକୌଶଳରେ ବିମାନବାହୀ ଯୁଦ୍ଧ ଜାହାଜ ଆଇଏନଏସ୍ ବିକ୍ରାନ୍ତର ନିର୍ମାଣ କାର‌୍ୟ୍ୟ ଶେଷ କରିଛନ୍ତି। ତାହା ଖୁବ୍ ଶୀଘ୍ର ନୌସେନାରେ ସାମିଲ ହେବ। ଏହି ଆଧୁନିକ ସାମରିକ ଦକ୍ଷତା ଯୋଗୁଁ ଭାରତ ଏବେ ବିଶ୍ୱର ପ୍ରମୁଖ ନୌଶକ୍ତି ମଧ୍ୟରେ ସ୍ଥାନିତ ହୋଇଛି। ପ୍ରତିରକ୍ଷା କ୍ଷେତ୍ରରେ ଆତ୍ମନିର୍ଭରଶୀଳତାର ଏହା ଏକ ଆକର୍ଷଣୀୟ ସଫଳତା। ଏହା ବ୍ୟତୀତ ମୋର ଆଉ ଏକ ସ୍ୱତନ୍ତ୍ର ଅନୁଭୂତି ରହିଛି ଯାହା ବେଶ୍ ମାର୍ମିକ। ଏହି ଅନୁଭୂତି ମୁଁ ହରିୟାଣାର ଭିୱାନୀ ଜିଲ୍ଲାର ଏକ ଛୋଟ ଗାଁ ‘ସୁଇ’ରୁ ଆସିଛି। ‘ସ୍ୱପ୍ରେରିତ ଗ୍ରାମ ଯୋଜନା’ରେ ଏହି ଗ୍ରାମର ଲୋକମାନେ ନିଜ ଗାଁର ସ୍ଥିତି ବଦଳାଇବାରେ ସମର୍ଥ ହୋଇଛନ୍ତି। ଏହା ପଛରେ ରହିଛି ସେମାନଙ୍କର ସମ୍ବେଦନଶୀଳତା ଓ ଅଭିନିବେଶ। ଏଥିରେ ଗ୍ରାମପ୍ରତି ଥିବା ଆକର୍ଷଣ ଓ ମମତ୍ୱବୋଧର ନିରୋଳା ଭାବ ଦେଖିବାକୁ ମିଳେ। ସବୁ ଗାଁରେ ଏଭଳି ପରିବର୍ତ୍ତନ ଆସିବା ଉଚିତ। ସେହି ଗାଁର କୃତଜ୍ଞ ଲୋକଙ୍କ ହୃଦୟରେ ଜନ୍ମମାଟି ପ୍ରତି ଜୀବନବ୍ୟାପୀ ପ୍ରେମ ଓ ସମ୍ମାନର ଝଲକ ଦେଖିବାକୁ ମିଳେ। ଏହି ଉଦାହରଣ ମୋ ବିଶ୍ୱାସକୁ ଆହୁରି ଦୃଢତର କଲା ଯେ ନୂଆ ଭାରତ ଆତ୍ମପ୍ରକାଶ କରୁଛି – ଏକ ସଶକ୍ତ ଭାରତ, ସମ୍ବେଦନଶୀଳ ଭାରତର ଆତ୍ମପ୍ରକାଶ ହେଉଛି। ମୁଁ ନିଶ୍ଚିତ ଯେ ଏହି ଉଦାହରଣରୁ ପ୍ରେରଣା ନେଇ ଅନ୍ୟ ସମ୍ବଳବାନ୍ ଲୋକ ନିଜ ନିଜର ଗ୍ରାମ ଓ ସହରର ବିକାଶ ପାଇଁ ଅବଦାନ ରଖିବେ।

୧୮) ଏହି ପ୍ରସଙ୍ଗରେ ମୁଁ ମୋର ଏକ ବ୍ୟକ୍ତିଗତ ଅନୁଭୂତି ଆପଣଙ୍କ ସହ ବାଂଟିବାକୁ ଚାହୁଁଛି। ଗତବର୍ଷ ଜୁନ ମାସରେ ମୋର ନିଜ ଜନ୍ମମାଟି ଉତ୍ତରପ୍ରଦେଶର କାନପୁର ଦେହାତ ଜିଲ୍ଲା ଅନ୍ତର୍ଗତ ପରୌଖଁକୁ ଯିବାର ସୁଯୋଗ ମିଳିଥିଲା। ସେଠାରେ ପହଞ୍ଚିବା ପରେ ସ୍ୱାଭାବିକଭାବେ ଏହି ପବିତ୍ର ମାଟିକୁ ସମ୍ମାନ ଜଣାଇବାର ଭାବନା ମୋ ଭିତରେ ଉଦ୍ରେକ ହେଲା। ମୁଁ ମୋ ଗାଁ ମାଟିରୁ ଟିପେ ଆଣି ମୁଣ୍ଡରେ ଲଗାଇଲି।
ମୋର ବିଶ୍ୱାସ ଯେ ଗାଁର ଆଶୀର୍ବାଦ ଯୋଗୁଁ ମୁଁ ରାଷ୍ଟ୍ରପତିଭବନରେ ପହଞ୍ଚିବାକୁ ସମର୍ଥ ହେଲି। ପୃଥିବୀର ଯେଉଁଠି ଥାଏ ନା କାହିଁକି ମୋ ଗାଁ ମୋ ଦେଶ ସର୍ବଦା ମୋର ହୃଦୟରେ ଥାଏ। ନିଜର ପ୍ରତିଭା ଓ କଠୋର ଶ୍ରମ ଦ୍ୱାରା ହିଁ ଜୀବନର ସଫଳ ହୋଇଥିବା ଭାରତୀୟମାନଙ୍କୁ ମୋ ଅନୁରୋଧ, ସେମାନେ ସର୍ବଦା ନିଜର ଜଡପିଣ୍ଡ, ନିଜର ଗାଁ, ସହର ଓ ନଗରକୁ ମନେ ରଖନ୍ତୁ। ଆହୁରିମଧ୍ୟ ଆପଣମାନେ ଯେକୌଣସି ବାଟରେ ଯଥାସମ୍ଭବ ନିଜର ଜନ୍ମସ୍ଥାନ ଓ ଦେଶର ସେବା କରିବାକୁ ଚେଷ୍ଟା କରନ୍ତୁ। ଯଦି ଦେଶର ସବୁ ସଫଳ ଲୋକ ନିଜର ଜନ୍ମ ମାଟିର ଉନ୍ନତି ପାଇଁ ନିଷ୍ଠାର ସହ କାର‌୍ୟ୍ୟ କରିବେ ତେବେ ସମଗ୍ର ଦେଶ ଏଭଳି ସ୍ଥାନୀୟ ବିକାଶର ଲାଭ ପାଇପାରିବ।

୧୯) ଆଜି ଆମର ସୈନିକ ଓ ସୁରକ୍ଷା କର୍ମଚାରୀମାନେ ଜାତୀୟ ଗର୍ବର ଉତରାଧିକାର ବହନ କରୁଛନ୍ତି। ହିମାଳୟର ଅସହ୍ୟ ଥଣ୍ଡା ଓ ମରୁଭୂମିର ନାହିଁ ନ ଥିବା ତାତି ମଧ୍ୟରେ ସେମାନେ ନିଜ ପରିବାରଠାରୁ ବହୁ ଦୂରରେ ରହି ଦେଶ ମାତୃକାର ସୁରକ୍ଷାରେ ନିୟୋଜିତ ହୋଇଛନ୍ତି। ସଶନ୍ତ୍ର ବାହିନୀର ନିରନ୍ତର ସତର୍କତା ଯୋଗୁଁ ଆମ ସୀମାରେଖା ସୁରକ୍ଷିତ ରହିଛି ଏବଂ ପୁଲିସ କର୍ମଚାରୀମାନେ ଦେଶର ଆଭ୍ୟନ୍ତରୀଣ ନିରାପତାକୁ ବଜାୟ ରଖିଥିବାରୁ ଦେଶବାସୀ ଶାନ୍ତିପୂର୍ଣ୍ଣ ଜୀବନ ବିତାଉଛନ୍ତି। ଯେତେବେଳେ ଜଣେ ବୀର ଯବାନ ସହିଦ ହୁଅନ୍ତି ସେତେବେଳେ ସମଗ୍ର ଦେଶ ଦୁଃଖ ଅନୁଭବ କରେ। ଗତମାସରେ ଏକ ଦୁର୍ଭାଗ୍ୟଜନକ ଘଟଣାରେ ଆମେ ଦେଶର ଜଣେ ଅତି ସାହସୀ କମାଣ୍ଡର ଜେନେରାଲ ବିପିନ ରାୱତ, ତାଙ୍କ ପତ୍ନୀ ଓ ଅନେକ ବୀର ସୈନିକଙ୍କୁ ହରାଇଥିଲୁ। ଏହି ବିୟୋଗାନ୍ତକ ଘଟଣାରେ ସମଗ୍ର ଦେଶ ଗଭୀର ଭାବେ ଦୁଃଖାଭିଭୂତ ହୋଇଥିଲା।

୨୦) ଦେଶପ୍ରେମ ନାଗରିକଙ୍କ ମଧ୍ୟରେ ଦାୟିତ୍ୱବୋଧକୁ ସୁଦୃୃଢ କରେ। ଆପଣ ଜଣେ ଡାକ୍ତର ହୁଅନ୍ତୁ ଅବା ଆଇନଜୀବୀ କିମ୍ବା ଦୋକାନୀ ବା ଅଫିସ କର୍ମଚାରୀ, ସଫେଇ କର୍ମଚାରୀ ବା ଜଣେ ଶ୍ରମିକ ସେଥିରେ କିଛି ଯାଏ ଆସେ ନାହିଁ। ନିଜର କର୍ତ୍ତବ୍ୟ ଉପଯୁକ୍ତଭାବେ ଦକ୍ଷତାର ସହ ନିର୍ବାହ କରିବା ଦ୍ୱାରା ଆପଣ ଦେଶକୁ ପ୍ରଥମ ଓ ସର୍ବୋତମ ଅବଦାନ ଯୋଗାଉଛନ୍ତି।

୨୧) ପ୍ରତିରକ୍ଷା ବାହିନୀର ସର୍ବୋଚ୍ଚ କମାଣ୍ଡର ହିସାବରେ ମୁଁ ଆନନ୍ଦର ସହ ଉଲ୍ଲେଖ କରୁଛିି ଯେ ଆମ ପ୍ରତିରକ୍ଷା ବ୍ୟବସ୍ଥାରେ ମହିଳା ସଶକ୍ତିକରଣ ପାଇଁ ଏ ବର୍ଷଟି ଏକ ଐତିହାସିକ ବର୍ଷ ପାଲଟିଛି। ଆମ ଝିଅମାନେ ସବୁ ପ୍ରତିବନ୍ଧକକୁ ହଟାଇ ସଫଳତାର ଉଚ୍ଚସ୍ତରକୁ ଛୁଇଁଛନ୍ତି। ପ୍ରତିରକ୍ଷା ବାହିନୀର ନୂଆ ନୂଆ କ୍ଷେତ୍ରରେ ମହିଳା ଅଧିକାରୀମାନଙ୍କୁ ସ୍ଥାୟୀ ନିଯୁକ୍ତି ବା ପରମାନେଣ୍ଟ କମିଶନ ପାଇଁ ଅନୁମତି ପ୍ରଦାନ କରାଯାଇଛି। ଆହୁରି ମଧ୍ୟ ଆମ ସେନାର ପ୍ରତିଭା ଯୋଗାଣ ବ୍ୟବସ୍ଥା ଏହା ଦ୍ୱାରା ବଢିବ। ସୈନିକ ସ୍କୁଲ ଓ ସମ୍ମାନଜନକ ଜାତୀୟ ପ୍ରତିରକ୍ଷା ଏକାଡେମୀରୁ ଝିଅମାନେ ଶିକ୍ଷା ଲାଭ କରି ଆସି ପ୍ରତିରକ୍ଷା ବାହିନୀରେ ଏଣିକି ସାମିଲ ହେବେ। ଏହାଫଳରେ ଆମ ସଶସ୍ତ୍ରବାହୀନୀରେ ଥିବା ଲିଙ୍ଗଗତ ଭାରସାମ୍ୟ ଅଧିକ ଭଲ ହେବ।

୨୨) ଭବିଷ୍ୟତ ଆହ୍ୱାନର ମୁକାବିଲା କରିବାକୁ ଭାରତ ଏବେ ଅପେକ୍ଷାକୃତ ଭଲ ସ୍ଥିତିରେ ଅଛି ଏବଂ ସେ ନେଇ ମୁଁ ଆଶ୍ୱସ୍ତ। ଏକବିଂଶ ଶତାବ୍ଦୀ ଜଳବାୟୁ ପରିବର୍ତ୍ତନର ଯୁଗ ହେବାକୁ ଯାଉଛି।

ଏ କ୍ଷେତ୍ରରେ ଭାରତ ବିଶ୍ୱସ୍ତରରେ ତାହାର ନେତୃତ୍ୱ ଭୂମିକା ଗ୍ରହଣ କରି ନୂଆ ମାର୍ଗ ଦେଖାଉଛି । ନିଜର ସୁଦୃଢ ଓ ମହତାକାଂକ୍ଷୀ ଅକ୍ଷୟ ଊର୍ଜା କାର‌୍ୟ୍ୟକ୍ରମ ମାଧ୍ୟମରେ ଭାରତ ଏ କ୍ଷେତ୍ରରେ ବିଶ୍ୱକୁ ଦିଗ୍ଦର୍ଶନ ଦେଉଛି। ବ୍ୟକ୍ତିଗତ ସ୍ତରରେ ଆମେ ପ୍ରତ୍ୟେକ ଗାନ୍ଧିଜୀଙ୍କ ପରାମର୍ଶକୁ ମନେ ପକାଇ ଆମ ଚତୁଃପାଶ୍ୱର୍ର ଦୁନିଆକୁ ବଦଳାଇ ପାରିବା ଓ ଏହାର ସ୍ଥିତିରେ ଉନ୍ନତି ଆଣିପାରିବା। ଭାରତ ସର୍ବଦା ସମଗ୍ର ବିଶ୍ୱକୁ ଗୋଟିଏ କୁଟୁମ୍ବ ଭାବେ ବିଚାର କରିଆସିଛି। ମୁଁ ନିଶ୍ଚିତ ଯେ ଏହି ବିଶ୍ୱ ଭ୍ରାତୃଭାବର ଚେତନାରେ ଅନୁପ୍ରାଣିତ ହୋଇ ଆମ ଦେଶ ଓ ସମଗ୍ର ବିଶ୍ୱ ସମୁଦାୟ ଏକ ଅଧିକ କ୍ଷମତାଭିତ୍ତିକ ଓ ସମୃଦ୍ଧ ଭବିଷ୍ୟତ ଆଡକୁ ଅଗ୍ରସର ହେବ।

୨୩) ଚଳିତବର୍ଷ ଭାରତ ସ୍ୱାଧୀନତାର ୭୫ବର୍ଷ ପୂର୍ତ୍ତି ପାଳନ କରି ଏକ ମାଇଲଖୁଣ୍ଟ ଅତିକ୍ରମ କରିବ। ଏଥିପାଇଁ ଆମେ ‘ଆଜାଦି କା ଅମୃତ ମହୋତ୍ସବ’ ପାଳନ କରୁଛୁ। ଆନନ୍ଦର କଥା ଯେ ଆମ ଲୋକେ, ବିଶେଷକରି ଯୁବବର୍ଗ ଏହି ମହୋତ୍ସବ ପାଳନ ଅବସରରେ ଆୟୋଜିତ ବିଭିନ୍ନ କାର‌୍ୟ୍ୟକ୍ରମରେତ୍ତଉତ୍ସାହର ସହିତ ବହୁସଂଖ୍ୟାରେ ଯୋଗ ଦେଉଛନ୍ତି। ଉତରପିଢି ପାଇଁ ଏହା କେବଳ ଏକ ମହାର୍ଘ୍ୟ ସୁଯୋଗ ନୁହେଁ, ଏହା ମଧ୍ୟ ଅତୀତ ସହିତ ପୁନଃ ସଂଯୋଜିତ ହେବାକୁ ଆମ ନିମନ୍ତେ ଅବକାଶ ଆଣିଛି। ଆମର ଚମତ୍କାର ଗୌରବ ମୟ କାହାଣୀରେ ଆମ ମୁକ୍ତି ସଂଗ୍ରାମ ଏକ ପ୍ରେରଣାଦାୟୀ ଅଧ୍ୟାୟ। ସ୍ୱାଧୀନତାର ଏହି ୭୫ବର୍ଷ ମଧ୍ୟରେ ଯେଉଁ ମୂଲ୍ୟବୋଧ ଗୌରାବାତ୍ମକ ଜାତୀୟ ଆନ୍ଦୋଳନକୁ ଜୀବନ୍ତ କଲା ଆସନ୍ତୁ ତାହାକୁ ପୁନଃ ଆବିଷ୍କାର କରିବା। ଆମ ସ୍ୱାଧୀନତା ପାଇଁ ଅନେକ ନରନାରୀ ନିଜର ଜୀବନକୁ ଉତ୍ସର୍ଗ କରିଥିଲେ। ଆମ ମୁକ୍ତିସଂଗ୍ରାମୀମାନେ ଅଚିନ୍ତନୀୟ, ଦୁଃଖ, ଯନ୍ତ୍ରଣା ଓ ନିର‌୍ୟାତନା ଭୋଗ କରି ଆମ ପାଇଁ ଅସୀମ ତ୍ୟାଗ କରିଥିଲେ। ସେହି ତ୍ୟାଗର ପ୍ରତିଦାନରେ ସେମାନେ ଆମ ପାଇଁ ସ୍ୱାଧୀନତା ଦିବସ ଓ ଗଣତନ୍ତ୍ର ଦିବସ ଉତ୍ସବ ଉପଭୋଗ କରିବାର ସୁଯୋଗ ସୃଷ୍ଟି କରିପାରିଛନ୍ତି । ଆସନ୍ତୁ ଗଣତନ୍ତ୍ର ଦିବସ ପାଳନ ଅବସରରେ ସେମାନଙ୍କ ଅବିନାଶୀ ତ୍ୟାଗକୁ ପରମ ଶ୍ରଦ୍ଧା ଓ ସମ୍ମାନର ସହ ସ୍ମରଣ କରିବା ।

୨୪) ଭାରତ ଏକ ପ୍ରାଚୀନ ସଭ୍ୟତା ; କିନ୍ତୁ ଏକ ଯୁବ ରାଷ୍ଟ୍ର। ଆମ ପାଇଁ ରାଷ୍ଟ୍ରନିର୍ମାଣ ଏକ ନିରନ୍ତର ପ୍ରୟାସ। ଏକ ପରିବାର ଭଳି, ଦେଶରେ ମଧ୍ୟ ପରବର୍ତ୍ତୀ ପିଢିର ସୁଖସମୃଦ୍ଧି ପାଇଁ ଗୋଟିଏ ପିଢିକୁ କଠୋର ପରିଶ୍ରମ କରିବାକୁ ପଡିଥାଏ। ଆମେ ଯେତେବେଳେ ସ୍ୱାଧୀନତା ଲାଭ କଲୁ ସେତେବେଳକୁ ଉପନିବେଶବାଦୀ ଶାସନର ଶୋଷଣ ଯୋଗୁ ଆମେ ଉତ୍କଟ ଦାରିଦ୍ର‌୍ୟ ମଧ୍ୟରେ ରହିଥିଲୁ। ଏବେ କିନ୍ତୁ ବିଗତ ୭୫ବର୍ଷ ମଧ୍ୟରେ ଆମେ ବେଶ ପ୍ରଭାବଶାଳୀ ପ୍ରଗତି ହାସଲ କରିପାରିଛୁ। ଉତର ପିଢି ପାଇଁ ଅନେକ ନୂଆ ସୁଯୋଗ ସୁବିଧା ଅପେକ୍ଷା କରିଛି। ଆମର ଯୁବ ସମାଜ ଏହାର ସୁଯୋଗ ନେଇ ସଫଳତାର ନୂଆମାନଙ୍କ ସ୍ଥାପନ କରିସାରିଲେଣି। ଏହି ଶକ୍ତି, ବିଶ୍ୱାସ, ଉଦ୍ୟମିତାର ସହିତ ଆମ ଦେଶ ପ୍ରଗତି ପଥରେ ଆଗେଇ ଚାଲିବ ଓ ବୈଶ୍ୱିକସ୍ତରରେ ନିଜର ସାମର୍ଥ୍ୟ ଅନୁରୂପ ଯଥାର୍ଥ ସ୍ଥାନ ସୁନିଶ୍ଚିତ କରି ପାରିବ ବୋଲି ମୋର ଦୃଢ ବିଶ୍ୱାସ।

୨୫) ପୁନର୍ବାର ମୁଁ ଆପଣମାନଙ୍କୁ ସମସ୍ତଙ୍କୁ ଗଣତନ୍ତ୍ର ଦିବସର ଅଭିନନ୍ଦନ ଜଣାଉଛି।
ଧନ୍ୟବାଦ
ଜୟହିନ୍ଦ୍

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ପରଲୋକରେ ପଦ୍ମଶ୍ରୀ ନନ୍ଦ ସାର୍: କରୋନାରେ ସଂକ୍ରମିତ ହୋଇ ଚିକିତ୍ସିତ ହେଉଥିଲେ

ଭୁବନେଶ୍ବର: ଚାଟଶାଳୀରେ ପିଲାଙ୍କୁ ପଢାଇ ଚର୍ଚ୍ଚିତ ଥିବା ପଦ୍ମଶ୍ରୀ ନନ୍ଦ ସାର୍ ଙ୍କ ଆଜି ପରଲୋକ ହୋଇଯାଇଛି। ତାଙ୍କୁ ନଭେମ୍ବର ୯ ତାରିଖରେ ରାଷ୍ଟ୍ରପତି ରାମନାଥ କୋବିନ୍ଦ ପଦ୍ମଶ୍ରୀ ସମ୍ମାନରେ ସମ୍ମାନିତ କରିଥିଲେ। ଦିଲ୍ଲୀ ଫେରିବାର କିଛି ଦିନ ପରେ ସେ କରୋନାରେ ସଂକ୍ରମିତ ହୋଇଥିଲେ। ତେଣୁ ତାଙ୍କୁ ସମ କୋଭିଡ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। କିନ୍ତୁ ସେଠାରେ ତାଙ୍କର ଦେହାନ୍ତ ହୋଇଥିବା ସୂଚନା ରହିଛି। ଆଜି ଅପରାହ୍ନ ୧ ଟା ୨୮ ମିନିଟରେ ନନ୍ଦ ସାରଙ୍କ ପରଲୋକ ହୋଇଯାଇଛି। ୧୦୪ ବର୍ଷ ବୟସରେ ସେ ଶେଷ ନିଶ୍ଵାସ ତ୍ୟାଗ କରିଛନ୍ତି। ଏନେଇ ନନ୍ଦ ସାରଙ୍କ ନାତି ଖଗେଶ୍ଵର ପୃଷ୍ଟି ସୂଚନା ଦେଇଛନ୍ତି।

Categories
ଆଜିର ଖବର ଖେଳ ଜାତୀୟ ଖବର ରାଜ୍ୟ ଖବର

ଓଡ଼ିଆ ପାରା ବ୍ୟାଡମିଣ୍ଟନ ତାରକା ପ୍ରମୋଦ ଭଗତଙ୍କୁ ମିଳିଲା ଖେଳରତ୍ନ

ନୂଆଦିଲ୍ଲୀ: ରାଷ୍ଟ୍ରପତି ରାମନାଥ କୋବିନ୍ଦ ୨୦୨୧ ବର୍ଷ ପାଇଁ କ୍ରୀଡ଼ା ଓ ଦୁଃସାହସିକ କ୍ରୀଡ଼ା ପୁରସ୍କାର ପ୍ରଦାନ କରିଛନ୍ତି। ରାଷ୍ଟ୍ରପତି ଭବନରେ ଆଜି (ନଭେମ୍ବର ୧୩, ୨୦୨୧)ରେ ଆୟୋଜିତ ଏକ କାର‌୍ୟ୍ୟକ୍ରମରେ ରାଷ୍ଟ୍ରପତି ଶ୍ରୀ କୋବିନ୍ଦ ମେଜର ଧ୍ୟାନ ଚାନ୍ଦ ଖେଳ ରତ୍ନ ପୁରସ୍କାର-୨୦୨୧, ଅର୍ଜ୍ଜୁନ ପୁରସ୍କାର-୨୦୨୧, ଧ୍ୟାନ ଚାନ୍ଦ ପୁରସ୍କାର -୨୦୨୧, ରାଷ୍ଟ୍ରୀୟ ଖେଳ ପୁରସ୍କାର-୨୦୨୧, ମୌଲାନା ଅବୁଲ କାଲାମ ଆଜାଦ୍ ଟ୍ରଫି-୨୦୨୧ ଏବଂ ତେଞ୍ଜିଂ ନୋର୍ଗେ ଜାତୀୟ ଦୁଃସାହସିକ କ୍ରୀଡ଼ା ପୁରସ୍କାର-୨୦୨୦ ପ୍ରଦାନ କରିଥିଲେ।

ଏହି ଅବସରରେ ରାଷ୍ଟ୍ରପତି ଶ୍ରୀ କୋବିନ୍ଦ ଟୋକିଓ ପାରା ଅଲିମ୍ପିକ୍ସ ସ୍ବର୍ଣ୍ଣ ପଦକ ବିଜେତା ଓଡ଼ିଆ ବ୍ୟାଡମିଣ୍ଟନ ଖେଳାଳୀ ପ୍ରମୋଦ ଭଗତଙ୍କୁ ମେଜର ଧ୍ୟାନ ଚାନ୍ଦ ଖେଳ ରତ୍ନ ପୁରସ୍କାର ପ୍ରଦାନ କରିଥିଲେ। ଏଥିପୂର୍ବରୁ ଶ୍ରୀ ଭଗତ ୨୦୧୯ ବିଶ୍ବ ପାରା ବ୍ୟାଡମିଣ୍ଟନ ଚାମ୍ପିଅନସିପରେ ୨ଟି ସ୍ବର୍ଣ୍ଣ ପଦକ ଜିତିଥିଲେ।

ସେହିପରି ଟୋକିଓ ଅଲିମ୍ପିକ୍ସ ବ୍ରୋଞ୍ଜ ପଦକ ବିଜେତା ଭାତୀୟ ହକି ଦଳର ସଦସ୍ୟ ଓଡ଼ିଆ ହକି ଖେଳାଳୀ ଅମିତ ରୋହିଦାସ ଏବଂ ବୀରେନ୍ଦ୍ର ଲାକ୍ରାଙ୍କୁ ଅର୍ଜ୍ଜୁନ ପୁରସ୍କାରରେ ରାଷ୍ଟ୍ରପତି ସମ୍ମାନିତ କରିଥିଲେ।

Categories
ଜାତୀୟ ଖବର ବିଶେଷ ଖବର

ଲକ୍ଷ୍ମୀପୁର ହିଂସାକୁ ନେଇ ରାଷ୍ଟ୍ରପତିଙ୍କୁ ଭେଟିବେ କଂଗ୍ରେସ ପ୍ରତିନିଧି ଦଳ, ରାହୁଲ-ପ୍ରିୟଙ୍କା ସମେତ ୫ ନେତା ସାମିଲ

ନୂଆଦିଲ୍ଲୀ: ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ନେତୃତ୍ୱରେ ଏକ ପ୍ରତିନିଧୀ ଦଳ ଆଜି ଲକ୍ଷ୍ମୀପୁର ଖେରୀ ହିଂସା ମାମଲାରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ନିକଟରେ ପହଞ୍ଚିଛନ୍ତି। କଂଗ୍ରେସ ପ୍ରତିନିଧୀ ଏହି ଘଟଣାର ସତ୍ୟପାଠ ସହ ଜଡିତ ଏକ ସ୍ମାରକପତ୍ର ରାଷ୍ଟ୍ରପତିଙ୍କ ନିକଟରେ ଦାଖଲ କରିବେ।

ରାହୁଲ ଗାନ୍ଧୀଙ୍କ ବ୍ୟତୀତ ଏହି ପାଞ୍ଚ ଜଣିଆ କଂଗ୍ରେସ ପ୍ରତିନିଧି ଦଳରେ ରାଜ୍ୟସଭାରେ ବିରୋଧୀଦଳର ନେତା ମଲ୍ଲିକାର୍ଜୁନ ଖାଡଗେ, ବରିଷ୍ଠ ନେତା ଏ.କେ ଆଣ୍ଟୋନି, ଗୁଲାମ ନବୀ ଆଜାଦ, ଲୋକସଭାରେ କଂଗ୍ରେସର ନେତା ଅଧୀର ରଂଜନ ଚୌଧୁରୀ ଅଛନ୍ତି।

ଏଥିସହ ଲକ୍ଷ୍ମୀପୁର ହିଂସା ମାମଲାରେ ମୁଖ୍ୟ ଅଭିଯୁକ୍ତ ଆଶିଷ ମିଶ୍ର ଗିରଫ ହେବା ପରେ ଭାରତୀୟ କିଷାନ ୟୁନିଅନ (ବି.କେ.ୟୁ) ର ଜାତୀୟ ମୁଖପାତ୍ର ରାକେଶ ଟିକାଏତ ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କ ଇସ୍ତଫା ଦାବି କରିଛନ୍ତି। ଯେପର୍ଯ୍ୟନ୍ତ ଅଜୟ ମିଶ୍ର ତାଙ୍କ ପଦରେ ରହିଛନ୍ତି, ସେ ପର୍ଯ୍ୟନ୍ତ ନ୍ୟାୟଯୁକ୍ତ ଅନୁସନ୍ଧାନ କରିବା ସମ୍ଭବ ନୁହେଁ ବୋଲି ରାକେଶ ଟିକାଏତ କହିଛନ୍ତି। ଏଥି ସହ ଯଦି ସେ ଇସ୍ତଫା ନ ଦିଅନ୍ତି ତେବେ ଆନ୍ଦୋଳନ କରାଯିବ ବୋଲି ରାକେଶ ଚେତାବନୀ ଦେଇଛନ୍ତି।

ଲକ୍ଷ୍ମୀପୁର ଖେରୀରେ ରାକେଶ ଟିକାଏତ କହିଛନ୍ତି, “ଯଦି କେନ୍ଦ୍ର ମନ୍ତ୍ରୀ ଇସ୍ତଫା ନ ଦିଅନ୍ତି, ତେବେ ଆମେ ଏଠାରୁ ଆନ୍ଦୋଳନ ଘୋଷଣା କରିବୁ। ଏ ସମ୍ପର୍କରେ ଲକ୍ଷ୍ନୌରେ ଏକ ବଡ ପଞ୍ଚାୟତ ହେବ ବୋଲି ସେ କହିଛନ୍ତି। ଲକ୍ଷ୍ମୀପୁର ମାମଲାରେ ରାକେଶ ଟିକାଏତ ତାଙ୍କ ଯୋଜନା ବିଷୟରେ କହିଛନ୍ତି ଯେ, ହିଂସାରେ ନିହତ ହୋଇଥିବା ଚାଷୀଙ୍କ ପାଉଁଶ ଦେଶର ପ୍ରତ୍ୟେକ ଜିଲ୍ଲାକୁ ଯିବ ଏବଂ ଲୋକମାନେ ସେମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବେ।

ଅରଦାସରେ କୃଷକଙ୍କ ୫ ଟି ବଡ ନିଷ୍ପତ୍ତି:

– ଅକ୍ଟୋବର ୧୫ ତାରିଖରେ, ସାରା ଦେଶରେ ପ୍ରଧାନମନ୍ତ୍ରୀଙ୍କ କୁଶ ପୁତ୍ତଳିକା ଦାହ କରାଯିବ।

– ଅକ୍ଟୋବର ୧୮ ତାରିଖରେ ଟ୍ରେନ୍ ବନ୍ଦ କରାଯିବ।

– ଅକ୍ଟୋବର ୨୪ ତାରିଖରେ ଅସ୍ଥି ବୁଡ଼ ପକାଯିବ।

– ମୃତ ୫ କୃଷକଙ୍କ ଶହୀଦ ସ୍ମୃତି ସ୍ମାରକୀ ନିର୍ମାଣ କରାଯିବ।

– ୨୬ ତାରିଖରେ ଲକ୍ଷ୍ନୌରେ ଏକ ମହାପଞ୍ଚାୟତ ଅନୁଷ୍ଠିତ ହେବ।

Categories
ଆଜିର ଖବର ଜାତୀୟ ଖବର

ଆଜି ରାଷ୍ଟ୍ରପତି ରାମନାଥ କୋବିନ୍ଦଙ୍କର ଜନ୍ମଦିନ, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ଆଜି ହେଉଛି ରାଷ୍ଟ୍ରପତି ରାମନାଥ କୋବିନ୍ଦଙ୍କର ଜନ୍ମ ଦିନ। ଆଜି ସେ 76 ବର୍ଷ ବୟସରେ ପଦାର୍ପଣ କଲେ। କୋବିନ୍ଦ 1941 ମସିହା ଅକ୍ଟୋବର 1 ତାରିଖରେ ଉତ୍ତର ପ୍ରଦେଶର କାନପୁର ଜିଲ୍ଲାର ପରୌଙ୍ଖ ଗାଁରେ ଜନ୍ମ ଗ୍ରହଣ କରିଥିଲେ। ସେ 2017 ଜୁଲାଇ 25 ତାରିଖରେ ଦେଶର 14 ତମ ରାଷ୍ଟ୍ରପତି ଭାବେ ଶପଥ ଗ୍ରହଣ କରିଥିଲେ।

ତାଙ୍କର ଜନ୍ମ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁଭେଚ୍ଛା ଜଣାଇଛନ୍ତି। ଆଜି ସକାଳୁ ପ୍ରଧାନମନ୍ତ୍ରୀ ରାଷ୍ଟ୍ରପତି ଭବନ ଯାଇ କୋବନ୍ଦଙ୍କୁ ଶୁଭେଚ୍ଛା ଜଣାଇଛନ୍ତି। ସେ ଟୁଇଟ କରି କହିଛନ୍ତି ଯେ, ‘ ରାଷ୍ଟ୍ରପତି ହେଉଛନ୍ତି ଜଣେ ନମ୍ର ବ୍ୟକ୍ତି, ସେଥିପାଇଁ ତାଙ୍କୁ ଦେଶର ଲୋକେ ଭଲ ପାଆନ୍ତି। ଦେଶର ଗରିବମାନେ ଉନ୍ନତି କରିବା ହିଁ ତାଙ୍କର କର୍ତ୍ତବ୍ୟ ହୋଇଛି। ତାଙ୍କର ଦୀର୍ଘ ଜୀବନ କାମନା କରୁଛି। ସେହିପରି ବିଶିଷ୍ଠ ବ୍ୟକ୍ତିମାନେ ତାଙ୍କର ଜନ୍ମଦିନରେ ଶୁଭେଚ୍ଛା ଦେବାରେ ଲାଗିଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଓଡିଶାର ୨ ଶିକ୍ଷକଙ୍କୁ ମିଳିଲା ରାଷ୍ଟ୍ରୀୟ ଶିକ୍ଷକ ପୁରସ୍କାର-୨୦୨୧

ନୂଆଦିଲ୍ଲୀ: ଆଜି ସମଗ୍ର ଦେଶ ପବିତ୍ର ଗୁରୁଦିବସ ପାଳନ କରୁଛି। ଏହି ଅବସରରେ ଆଜି ରାଷ୍ଟ୍ରପତି ରାମନାଥ କୋବିନ୍ଦ ଦେଶର ଶିକ୍ଷକମାନଙ୍କୁ ସମ୍ମାନିତ କରିଛନ୍ତି। ଦେଶର ବିଭିନ୍ନ ରାଜ୍ୟର ଶିକ୍ଷକମାନକୁ ଭିଡିଓ କନଫରେନ୍ସ ମାଧ୍ୟମରେ ରାଷ୍ଟ୍ରପତି ରାମନାଥ କୋବିନ୍ଦ।

ତେବେ ଓଡିଶାର ଦୁଇଜଣ ଶିକ୍ଷକଙ୍କୁ ରାଷ୍ଟ୍ରପତି ରାଷ୍ଟ୍ରୀୟ ଶିକ୍ଷକ ପୁରସ୍କାର ପ୍ରଦାନ କରିଥିଲେ। ଭଦ୍ରକ ଜିଲ୍ଲା ସ୍କୁଲର ଶିକ୍ଷକ ଅଶୋକ କୁମାର ଶତପଥୀ ଏବଂ ଗଞ୍ଜାମ ଜିଲ୍ଲା କଣମଣା ଉ.ପ୍ରା ବିଦ୍ୟାଳୟର ଶିକ୍ଷକ ଅଜିତ ସେଠୀଙ୍କୁ ରାଷ୍ଟ୍ରପତି ସମ୍ମାନିତ କରିଛନ୍ତି। ଏହି ଦୁଇ ଶିକ୍ଷକଙ୍କୁ ରାଷ୍ଟ୍ରୀୟ ଶିକ୍ଷକ ପୁରସ୍କାର-୨୦୨୧ ସମ୍ମାନରେ ରାଷ୍ଟ୍ରପତି ସମ୍ମାନିତ କରିଛନ୍ତି। ଆଜିର ଏହି ଉତ୍ସବରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଉପସ୍ଥିତ ଥିଲେ।

Categories
ଜାତୀୟ ଖବର ବିଶେଷ ଖବର

ହେଲିକାପ୍ଟରରୁ ଓହ୍ଲାଇ ପ୍ରଥମେ ମାଟିକୁ ମୁଣ୍ଡିଆ ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ, ହେଲେ କାହିଁକି ?

ନୂଆଦିଲ୍ଲୀ, ରାଷ୍ଟ୍ରପତି ହେବା ପରେ ପ୍ରଥମ ଥର ପାଇଁ ନିଜ ଗାଁରେ ପହଂଚିଥିବା ରାମ ନାଥ କୋବିନ୍ଦ ହେଲିପ୍ୟାଡରେ ଅବତରଣ କରି ନିଜ ଜନ୍ମମାଟିକୁ ଛୁଇଁ ମୁଣ୍ଡିଆ ମାରିଥିଲେ। ଏହି ଦୃଶ୍ୟ ସେଠାରେ ଉପସ୍ଥିତ ଥିବା ଗ୍ରାମବାସୀଙ୍କୁ ବେଶ ଉତ୍ସାହିତ କରିଥିଲା। ଏପରିକି ରାଜ୍ୟପାଳ ଆନନ୍ଦୀବେନ ପଟେଲ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ମଧ୍ୟ ଆଶ୍ଚର୍ଯ୍ୟ କରିଦେଇଥିଲା।

ଗାଁରେ ପହଁଞ୍ଚିବା ପରେ ରାଷ୍ଟ୍ରପତି କହିଛନ୍ତି ଯେ ମୁଁ ଆଜି ଯେଉଁ ସ୍ତରରେ ପହଞ୍ଚିଛି ତାହା କେବଳ ଏହି ଗାଁ ମାଟି ପାଇଁ ସମ୍ଭବ ହୋଇଛି। ଏହାର ଶ୍ରେୟ କେବଳ ଏହି ମାଟି ଏବଂ ଏହି ଅଞ୍ଚଳର ଲୋକମାନଙ୍କର ଭଲପାଇବା ଏବଂ ଆଶୀର୍ବାଦ। ମୁଁ ସ୍ୱପ୍ନରେ ମଧ୍ୟ କଳ୍ପନା କରି ନ ଥିଲି ଯେ ମୋ ଭଳି ଜଣେ ସାଧାରଣ ବାଳକ ଦେଶର ସର୍ବୋଚ୍ଚ କାର୍ଯ୍ୟାଳୟର ଦାୟିତ୍ବ ତୁଲାଇବ।

ରାଷ୍ଟ୍ରପତି ହେବା ପରେ ପ୍ରଥମ ଥର ପାଇଁ ରବିବାର ଦିନ ରାମନାଥ କୋବିନ୍ଦ ତାଙ୍କ ଗ୍ରାମ ଉତ୍ତର ପ୍ରଦେଶର କାନପୁର ନିକଟସ୍ଥ ପରାଉଙ୍ଖ୍ ଗାଁକୁ ଯାଇଥିଲେ। ସେଠାରେ ରାଷ୍ଟ୍ରପତି ସଂପର୍କୀୟଙ୍କୁ ଭେଟି ବେଶ ଖୁସି ପ୍ରକଟ କରିଥିଲେ। ସେ କହିଛନ୍ତି ଯେ ମାତୃଭୂମିର ଏହି ପ୍ରେରଣା ମୋତେ ହାଇକୋର୍ଟରୁ ସୁପ୍ରିମକୋର୍ଟ, ସୁପ୍ରିମକୋର୍ଟରୁ ରାଜ୍ୟସଭା, ରାଜ୍ୟସଭାରୁ ରାଜଭବନ ଏବଂ ରାଜଭବନରୁ ରାଷ୍ଟ୍ରପତି ଭବନକୁ ନେଇଛି।

ଦେଶର ଅମୂଲ୍ୟ ବଳିଦାନ ଏବଂ ଅବଦାନ ପାଇଁ ସେ ଦେଶର ସ୍ୱାଧୀନତା ସଂଗ୍ରାମୀ ତଥା ସମ୍ବିଧାନ ନିର୍ମାତାମାନଙ୍କୁ ଅଭିବାଦନ ଜଣାଇଛନ୍ତି। ଭାରତୀୟ ସଂସ୍କୃତିରେ ‘ମାତୃ ଦେବୋ ଭବ’, ‘ପିତୃ ଦେବୋ ଭବ’, ‘ଆଚାର୍ଯ୍ୟ ଦେବୋ ଭବ’ ଶିକ୍ଷା ଦିଆଯାଏ। ଆମ ଘରେ ମଧ୍ୟ ସମାନ ଶିକ୍ଷା ଦିଆଯାଇଥିଲା। ପିତାମାତା ଏବଂ ଗୁରୁ ଏବଂ ପିତୃଜନମାନଙ୍କୁ ସମ୍ମାନ କରିବା ଆମ ଗ୍ରାମୀଣ ସଂସ୍କୃତିରେ ଅଧିକ ପରିଦୃଷ୍ଟ ହୋଇଥାଏ।

ସେ କହିଛନ୍ତି ଯେ ଜାତି, ଶ୍ରେଣୀ କିମ୍ବା ସମ୍ପ୍ରଦାୟ ନିର୍ବିଶେଷରେ ଗାଁର ବୟସ୍କା ମହିଳାଙ୍କୁ ଏବଂ ବୃଦ୍ଧ ପିତାମାତାଙ୍କୁ ଦେବତା ପରି ଦେଖିବା ମୋ ପରିବାରରେ ଏକ ପରମ୍ପରା ଅଟେ। ଆଜି ମୁଁ ଦେଖି ଖୁସି ଯେ ଆମ ପରିବାରର ଗୁରୁଜନମାନଙ୍କୁ ସମ୍ମାନ କରିବାର ଏହି ପରମ୍ପରା ବର୍ତ୍ତମାନ ମଧ୍ୟ ଜାରି ରହିଛି। ରାଷ୍ଟ୍ରପତିଙ୍କ ସହ ତାଙ୍କ ପତ୍ନୀ ସବିତା କୋବିନ୍ଦ ମଧ୍ୟ ତାଙ୍କ ଶାଶୁ ଘରେ ବହୁତ ଖୁସି ଥିବା ଜଣାପଡିଛି।

ରାଷ୍ଟ୍ରପତି କହିଛନ୍ତି ଯେ ମୁଁ ଯେଉଁଠାରେ ବି ରହେ, ମୋ ଗାଁର ମାଟିର ସୁଗନ୍ଧ ଏବଂ ମୋ ଗାଁ ବାସିନ୍ଦାଙ୍କ ସ୍ମୃତି ସବୁବେଳେ ମୋ ହୃଦୟରେ ରହିଥାଏ। ମୋ ପାଇଁ ପରଉଙ୍ଖ କେବଳ ଏକ ଗାଁ ନୁହେଁ, ଏହା ମୋର ମାତୃଭୂମି, ଯେଉଁଠାରୁ ମୁଁ ସର୍ବଦା ଦେଶକୁ ସେବା କରିବା ପାଇଁ ପ୍ରେରଣା ପାଇଛି | ଜନ୍ମସ୍ଥାନ ସହିତ ଜଡିତ ଏଭଳି ଆନନ୍ଦ ଏବଂ ଗର୍ବକୁ ପ୍ରକାଶ କରିବା ପାଇଁ ସଂସ୍କୃତ କବିତାରେ କୁହାଯାଇଛି ଯେ ଜନନୀ ଜନ୍ମଭୂମିଶ୍ଚ ସ୍ୱର୍ଗାଦପି ଗରିଆସି। ଅର୍ଥାତ୍ ଯିଏ ଜନ୍ମ ଦିଏ ଏବଂ ଜନ୍ମସ୍ଥାନର ଗର୍ବ ସ୍ୱର୍ଗଠାରୁ ମହାନ୍ ଅଟେ। ଏଥିସହିତ ରାଷ୍ଟ୍ରପତି ଗାଁରେ ନିଜର ପ୍ରିୟ ଲୋକଙ୍କୁ ଭେଟି ଭାବର ଆଦାନ ପ୍ରଦାନ କରିଥିଲେ।

ତେବେ ରାଷ୍ଟ୍ରପତିଙ୍କ ଏହି ଗାଁ ଗସ୍ତରେ ସେ ତାଙ୍କର ପୁରୁଣା ସ୍କୁଲ ବନ୍ଧୁଙ୍କୁ ଭେଟିବା କାର୍ଯ୍ୟକ୍ରମ ମଧ୍ୟ ରହିଛି। ସେ ଭୋଗନିପୁର ବିଧାନସଭା ନିର୍ବାଚନମଣ୍ଡଳୀରେ ଥିବା ପୁଖରାୟଣ ସହରର ବାସିନ୍ଦା ସତୀଶ ମିଶ୍ର ରାଷ୍ଟ୍ରପତି ରାମ ନାଥ କୋବିନ୍ଦ ପ୍ରାୟ 30 ବର୍ଷ ଧରି ଘନିଷ୍ଠ ବନ୍ଧୁ । ରାଷ୍ଟ୍ରପତି ସତୀଶ ମିଶ୍ରଙ୍କ ସ୍ୱାସ୍ଥ୍ୟର ଅବନତି ବିଷୟରେ ଜାଣିବା ପରେ ସେ ଫୋନ୍ କରି ତାଙ୍କ ଅବସ୍ଥା ବିଷୟରେ ପଚାରି ବୁଝିଥିଲେ। ବର୍ତ୍ତମାନ ରାଷ୍ଟ୍ରପତି ତାଙ୍କ ପରିବାର ସହିତ ସତୀଶ ମିଶ୍ରଙ୍କ ଘରକୁ ଯିବେ। ସତୀଶ ମିଶ୍ର ଏବଂ ରାମନାଥ କୋବିନ୍ଦ ବିଏନଏସଡି କଲେଜରେ ଏକାଠି ଅଧ୍ୟୟନ କରୁଥିଲେ।

1991 ରେ ଯେତେବେଳେ ରାଷ୍ଟ୍ରପତି ରାମ ନାଥ କୋବିନ୍ଦ କାନପୁରର ଘାଟପୁରରୁ ଲୋକସଭା ଆସନ ପ୍ରତିଦ୍ୱନ୍ଦ୍ୱିତା କରିବାକୁ ଆସିଥିଲେ, ସେହି ସମୟର ପୁରୁଣା ସ୍ମୃତି ସତେଜ କରିବା ପାଇଁ ଏକ ସଭା ଆରମ୍ଭ କରାଯାଇଥିଲା। ରାଷ୍ଟ୍ରପତି ନିଶ୍ଚିତ ଭାବରେ ସତୀଶ ମିଶ୍ରଙ୍କୁ ତାଙ୍କର ପ୍ରତ୍ୟେକ କାର୍ଯ୍ୟକ୍ରମରେ ନିମନ୍ତ୍ରଣ କରନ୍ତି। 8 ଅଗଷ୍ଟ 2015 ରେ, ଯେତେବେଳେ ରାମନାଥ କୋବିନ୍ଦ ବିହାରର ରାଜ୍ୟପାଳ ହୋଇଥିଲେ, ସେତେବେଳେ ତାଙ୍କୁ ଶପଥ ଗ୍ରହଣ ସମାରୋହରେ ଏକ ବିଶେଷ ଅତିଥି ଭାବରେ ନିମନ୍ତ୍ରଣ କରାଯାଇଥିଲା। 20 ଜୁଲାଇ 2017 ରେ ରାଷ୍ଟ୍ରପତିଙ୍କ ଶପଥ ଗ୍ରହଣ ସମାରୋହରେ ମଧ୍ୟ ସେ ସ୍ବତନ୍ତ୍ର ଅତିଥୀ ଥିଲେ।

Categories
ଆଜିର ଖବର ଜାତୀୟ ଖବର

ଗୋଆ ରାଜ୍ୟ ଦିବସ ଉପଲକ୍ଷେ ରାଜ୍ୟବାସୀଙ୍କୁ ଅଭିନନ୍ଦନ ଜଣାଇଲେ ରାଷ୍ଟ୍ରପତି

ନୂଆଦିଲ୍ଲୀ, ଗୋଆ ରାଜ୍ୟ ଦିବସରେ ରାଷ୍ଟ୍ରପତି ରାମନାଥ କୋବିନ୍ଦ ରାଜ୍ୟବାସୀଙ୍କୁ ଅଭିନନ୍ଦନ ଜଣାଇଛନ୍ତି। ସେ କହିଛନ୍ତି ଯେ ଗୋଆ ଏହାର ସୁନ୍ଦର ଉପକୂଳ ଏବଂ ଆତିଥ୍ୟ ପାଇଁ ପ୍ରସିଦ୍ଧ ଏବଂ ଏହି ରାଜ୍ୟ ଅର୍ଥନୈତିକ ଅଭିବୃଦ୍ଧି ଏବଂ ନିରନ୍ତର ବିକାଶର ଏକ ଉତ୍କୃଷ୍ଟ ଉଦାହରଣ। ଗୋଆର ନିରନ୍ତର ବିକାଶ ଏବଂ ଲୋକଙ୍କ କଲ୍ୟାଣ ପାଇଁ ରାଷ୍ଟ୍ରପତି କାମନା କରିଛନ୍ତି।

ସେହିପରି ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭେଡକର ମଧ୍ୟ ଆଜି ଗୋଆ ରାଜ୍ୟ ଦିବସରେ ଗୋଆବାସୀଙ୍କୁ ଅଭିନନ୍ଦନ ଜଣାଇଛନ୍ତି। ଆଗାମୀ ବର୍ଷରେ ଗୋଆର ବିକାଶ ନୂତନ ଉଚ୍ଚତାରେ ପହଞ୍ଚିବା ପାଇଁ ସେ କାମନା କରିଛନ୍ତି।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ଏମ୍ସରେ ସଫଳ ହେଲା ରାଷ୍ଟ୍ରପତି କୋବିନ୍ଦଙ୍କ ବାଇପାସ୍ ସର୍ଜରୀ

ନୂଆଦିଲ୍ଲୀ: ଆଜି ଦିଲ୍ଲୀସ୍ଥିତ ଏମ୍ସରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ସଫଳତାର ସହ ବାଇପାସ ସର୍ଜରୀ ହୋଇଯାଇଛି। ରାଷ୍ଟ୍ରପତି ଭବନର ପ୍ରବକ୍ତା ଏହି ସୂଚନା ଦେଇଛନ୍ତି। ଗତ ଶୁକ୍ରବାର ଦିନ ରାଷ୍ଟ୍ରପତି ଛାତିରେ ଯନ୍ତ୍ରଣା ଅନୁଭବ କରିଥିଲେ।

ଏହାପରେ ଚିକିତ୍ସା ପାଇଁ ତାଙ୍କୁ ସେନା ହସ୍ପିଟାଲରେ ଭର୍ତ୍ତି କରାଯାଇଥିଲା। ତାପରେ ତାଙ୍କୁ ଏମ୍ସ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା। ଆଜି ରାଷ୍ଟ୍ରପତିଙ୍କ ହୃଦୟରେ ବାଇପାସ ଅସ୍ତ୍ରୋପଚାର  ହୋଇଛି। ବର୍ତ୍ତମାନ ରାଷ୍ଟ୍ରପତିଙ୍କ ସ୍ବାସ୍ଥ୍ୟବସ୍ଥା ସ୍ଥିର ଅଛି ବୋଲି ପ୍ରବକ୍ତା ସୂଚନା ଦେଇଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଆସନ୍ତାକାଲି ରାଷ୍ଟ୍ରପତିଙ୍କ ପୁରୀ କୋଣାର୍କ ଗସ୍ତ, ବାଲୁକା କଳାରେ ସ୍ବାଗତ କଲେ ସୁଦର୍ଶନ ପଟ୍ଟନାୟକ

ପୁରୀ, ଆସନ୍ତାକାଲି ରାଷ୍ଟ୍ରପତି ରାମନାଥ କୋବିନ୍ଦ ପୁରୀ ଭ୍ରମଣରେ ଯିବେ। ସେ ସକାଳରୁ ରାଜଭବନରୁ ବାହାରି ସ୍ବତନ୍ତ୍ର ହେଲିକାପ୍ଟରରେ ପୁରୀରେ ଓହ୍ଲାଇବେ। ସେଠାରେ ସେ ଶ୍ରୀମନ୍ଦିର ଯାଇ ସେଠାରେ ଜଗନ୍ନାଥ ଦର୍ଶନ କରିବେ। ସେଥିପାଇଁ ପୁରୀ ପ୍ରଶାସନ ତରଫରୁ ବ୍ୟାପକ ବନ୍ଦୋବସ୍ତ କରାଯାଇଛି। ସେଠାରୁ ରାଷ୍ଟ୍ରପତି କୋଣାର୍କ ଫେରିବେ। ସେଠାରେ ମଧ୍ୟାହ୍ନ ଭୋଜନ କରି କୋଣାର୍କ ମନ୍ଦିର ପରିଦର୍ଶନ କରିବେ। ଏହାପରେ ଅପରାହ୍ନରେ ସେ ସିଧା ଭୁବନେଶ୍ବର ବିମାନ ବନ୍ଦରରୁ ନୂଆଦିଲ୍ଲୀ ଫେରିଯିବେ।

ତେବେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଜଗନ୍ନାଥ ଧାମ ଗସ୍ତ ପୂର୍ବରୁ ପୁରୀ ବେଳାଭୂମିରେ ତାଙ୍କର ବାଲୁକା କଳା କରାଯାଇ ସ୍ବାଗତ କରାଯାଇଛି। ଏହି ବାଲୁକା କଳା କରିଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ। ଏଥିରେ ସେ ରାଷ୍ଟ୍ରପତି ରାମନାଥ କୋବିନ୍ଦ ଏବଂ ଭାରତର ପ୍ରଥମ ମହିଳା ସବିତା କୋବିନ୍ଦଙ୍କ ବାଲୁକା କଳା ନିର୍ମାଣ କରିଛନ୍ତି।

Categories
ଫଟୋ ଖବର

ରାଉରକେଲାରେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ସମ୍ବର୍ଦ୍ଧିତ କରୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ରାଉରକେଲାରେ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ସମ୍ବର୍ଦ୍ଧିତ କରୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଏନ୍‍ଆଇଟି ରାଉରକେଲାର ସମାବର୍ତ୍ତନ ଉତ୍ସବରେ କଣ କହିଲେ ରାଷ୍ଟ୍ରପତି ରାମନାଥ କୋବିନ୍ଦ

ରାଉରକେଲା, ଆଜି ରାଉରକେଲାସ୍ଥି ଏନଆଇଟି ସମାବର୍ତ୍ତନ ଉତ୍ସବରେ ରାଷ୍ଟ୍ରପତି ରାମନାଥ କୋବିନ୍ଦ ଯାହା କହିଲେ ତାହାର ସଂକ୍ଷିପ୍ତ ବିବରଣୀ ହେଲା..

୧. ଏନ୍‍ଆଇଟି ରାଉରକେଲାର ଅଷ୍ଟାଦଶ ସମାବର୍ତ୍ତନ ଉତ୍ସବରେ ଯୋଗ ଦେଇ ଥିବାରୁ ମୁଁ ବିଶେଷ ଆନନ୍ଦିତ । ରାଉରକେଲା ଏନଆଇଟି ଚଳିତ ବର୍ଷଏହାର ହୀରକ ଜୟନ୍ତୀ ପାଳନ କରିବାକୁ ଯାଉଥିବା ଜାଣି ମୁଁ ଅତ୍ୟନ୍ତ ଖୁସି ।

୨. ଆଜିର ଓଡ଼ିଶା, ଇତିହାସ ଓ ସଂସ୍କୃତି ଦୃଷ୍ଟିରୁ ବେଶ୍‍ ସମୃଦ୍ଧ । ବହୁ ପୁରୁଣାକାଳରୁ ଏହା ବିଜ୍ଞାନ ଭିତ୍ତିକ ଆଭିମୁଖ୍ୟର ଭୂମି ଥିଲା । ୮୦୦ ବର୍ଷ ପୂର୍ବରୁ ନିର୍ମିତ ହୋଇଥିବା କୋଣାର୍କର ସୂର୍ଯ୍ୟମନ୍ଦିର କଳା ଓ ବିଜ୍ଞାନର ଏକ ଅନୁପମ ସମନ୍ୱୟ । ଆସନ୍ତାକାଲି ମୁଁ ଏହି ମନ୍ଦିର ପରିଦର୍ଶନରେ ଯିବି। ଏହା ୟୁନେସ୍କୋର ବିଶ୍ୱ ଐତିହ୍ୟ ସ୍ଥଳୀ ତାଲିକାରେ ସ୍ଥାନିତ ହୋଇଛି ।

୩. ସ୍ୱାଧୀନତା ପରେ ଓଡ଼ିଶା ଆମ ରାଷ୍ଟ୍ରର ପୁନଃ ନିର୍ମାଣ କାର୍ଯ୍ୟରେ ସଂପୃକ୍ତ ହୋଇ ଆସିଛି। ଏହି ରାଉରକେଲାରେ ମୋର ମହାନ ପୂର୍ବଜ ତଥା ଦେଶର ପ୍ରଥମ ରାଷ୍ଟ୍ରପତି ଡ. ରାଜେନ୍ଦ୍ର ପ୍ରସାଦ ଭାରତର ଏକ ବୃହତ୍‍ ଷ୍ଟିଲ ପ୍ଲାଣ୍ଟର ପ୍ରଥମ ବ୍ଲାଷ୍ଟ ଫର୍ଣ୍ଣେସକୁ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିଥିଲେ । ଭାରତର ଅନ୍ୟତମ ପ୍ରଥମ ଶିଳ୍ପନଗରୀଭାବେ ପରିଚିତ ରାଉରକେଲା ଆଧୁନିକତା ସହ ତାଳ ଦେଇ ଆଗେଇ ଚାଲିଛି ।

୪. ଏନ୍‍ଆଇଟି ପୂର୍ବ ଭାରତର ଦ୍ୱିତୀୟ ସର୍ବବୃହତ୍‍ ସରକାରୀ ବୈଷୟିକ ପ୍ରତିଷ୍ଠାନ ଭାବେ ଇଂଜିନିୟରିଂ ଓ ଟେକ୍‍ନୋଲୋଜି କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଅବଦାନ ଦେଇଛି । ଛ’ ଦଶକରୁ ଅଧିକ କାଳ ଧରିଏହି ଇଂଜିନିୟରିଂକଲେଜ ଦେଶର ବୈଷୟିକ ବୃତ୍ତିଧାରୀଙ୍କୁ ସମୃଦ୍ଧ କରି ଆସୁଛି । ୨୦୦୨ରେ ଏହାକୁ ଜାତୀୟ ବୈଷୟିକ ପ୍ରତିଷ୍ଠାନର ମାନ୍ୟତା ପ୍ରଦାନ କରାଯାଇ ଥିଲା । ଆମ ସମାଜ ଓ ଅର୍ଥନୀତି ସମ୍ମୁଖୀନ ହେଉଥିବା ସମସ୍ୟାର ସମାଧାନ ପାଇଁଏହି ଅନୁଷ୍ଠାନର ଯୁବ ଛାତ୍ରଛାତ୍ରୀମାନଙ୍କୁ ସମାଧାନର ସୂତ୍ର ବାହାର କରିବା ପାଇଁ ସୁଯୋଗ ଦିଆଯାଉ ଥିବା ଜାଣି ମୁଁ ଖୁସି।

୫. ଏ କଥା ଜାଣି ମୁଁ ଆହୁରି ଆନନ୍ଦିତ ଯେ ରାଉରକେଲା ଏନ୍‍ଆଇଟିରେ ସମଗ୍ର ଦେଶର ବିଭିନ୍ନ ଭାଗରୁ ଏବଂ ବିଦେଶରୁ ଛାତ୍ରଛାତ୍ରୀ ଆସି ପାଠ ପଢୁଛନ୍ତି । ଏହି ଅନୁଷ୍ଠାନରେ ଦେଶର ୩୬ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ମଧ୍ୟରୁ ୩୩ଟିରୁ ଛାତ୍ରଛାତ୍ରୀ ଆସି ପାଠ ପଢୁଥିବାରୁ ମୁଁ ବିଶେଷ ଖୁସି । ଆହୁରି ମଧ୍ୟ ମୁଁ ଜାଣିବାକୁ ପାଇଲି ଯେ ଏଠାରେ ୧୭ଟି ଦେଶରୁ ପିଲା ଆସି ପାଠ ପଢୁଛନ୍ତି ଏବଂ ଏହା ଏକ ବଡ଼ ଆନନ୍ଦର ବିଷୟ। ଏହି ୭୦୦ ଏକର ବିଶିଷ୍ଟ କ୍ୟାମ୍ପସରେ ୭୦୦୦ରୁ ଅଧିକ ଛାତ୍ରଛାତ୍ରୀ ପାଠ ପଢିବା ଘଟଣା ଏକ ବିବିଧତାର ପରିଚୟବହନ କରେ । ଶିକ୍ଷା କ୍ଷେତ୍ରରେ ଜ୍ଞାନର ସଂଗମକୁ ଏହା ଉତ୍ସାହିତ କରିବା ସହ ବିଭିନ୍ନ ସଂସ୍କୃତି ମଧ୍ୟରେ ବୁଝାମଣାକୁ ପ୍ରୋତ୍ସାହିତ କରିବ । ଏହା ମଧ୍ୟଦେଶ-ଦେଶ ମଧ୍ୟରେ ଲୋକସ୍ତରୀୟ ସଂପର୍କ ବୃଦ୍ଧିରେ ସହାୟକ ହେବ।

୬. ଏହି ଅନୁଷ୍ଠାନର ୨୫୦୦୦ରୁ ଅଧିକ ପୂର୍ବତନ ଛାତ୍ରଛାତ୍ରୀଙ୍କ ମଧ୍ୟରୁ ଅନେକ ଉଦ୍ୟୋଗ ଜଗତ, ଶିକ୍ଷା, ଗବେଷଣା ଆଦି କ୍ଷେତ୍ରରେ ଦେଶବିଦେଶରେ ନେତୃତ୍ୱ ସ୍ଥାନରେ ରହିଛନ୍ତି । ଏହି ମର୍ଯ୍ୟାଦାପୂର୍ଣ୍ଣ ଅନୁଷ୍ଠାନର ପ୍ରାକ୍ତନ ଛାତ୍ରଛାତ୍ରୀ ଏନ୍‍ଆଇଟି ରାଉରକେଲାର ବିଦ୍ୟାର୍ଥୀଙ୍କ ପାଇଁ ନିଶ୍ଚୟ ପ୍ରେରଣାର ଉତ୍ସ ହେବେ । ମୁଁ ନିଶ୍ଚିତ ଯେ ଆଜି ଯେଉଁ ଛାତ୍ରଛାତ୍ରୀ ସ୍ନାତକ ହେବେ ସେମାନେ ଅନୁଷ୍ଠାନର ସେହି ଉଚ୍ଚ ପରମ୍ପରାକୁ ବଜାୟ ରଖିବେ ।

ପ୍ରିୟଛାତ୍ରଛାତ୍ରୀ

୭. ସ୍ନାତକତ୍ୱ ଲାଭ ଜୀବନରେ ଏକ ଗୁରୁତ୍ୱପୂର୍ଣ୍ଣ ପାହାଚ । ମୁଁ ନିଶ୍ଚିତ ଯେ ଆପଣମାନେ ସମସ୍ତେ ଏହି ପର୍ଯ୍ୟାୟରେ ପହଞ୍ଚିବା ପାଇଁ କଠୋର ପରିଶ୍ରମ କରିଥିବେ । ଆହୁରି ମଧ୍ୟ ବିଶ୍ୱ ପାଇଁ ଅବଦାନ ରଖି ଲୋକଙ୍କ ଜୀବନରେ ପରିବର୍ତ୍ତନ ଆଣିବାକୁ ଆପଣମାନେ ବିଶେଷ ଆଗ୍ରହୀ ଥିବେ ବୋଲି ମୋର ବିଶ୍ୱାସ । ଆଜି ଆପଣମାନେ ଅସଂଖ୍ୟ ସ୍ମୃତିବହନ କରୁଥିବେ। ମୁଁ ଜାଣିବାକୁ ପାଇଲି ଯେ ଆପଣଙ୍କର ଏହି ସୁନ୍ଦର କ୍ୟାମ୍ପସରେ ଅତିରିକ୍ତ ପାଠ୍ୟକ୍ରମର ଅନେକ ସୁବିଧା ରହିଛି । ବିତର୍କ, ନାଟକ, ସଂଗୀତ ଏବଂ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମ ପାଇଁ ଏଠାରେ ଅନେକ କ୍ଲବ ରହିଛି । ମୁଁ ଜାଣିବାକୁ ପାଇଲି ଯେ ଏଠାରେ ମଧ୍ୟ ମାଭେରିକ୍ସ ଓ ପାଣ୍ଟୋମାଇମ୍‍ ଭଳି ବେଶ୍‍ ମଜାଦାର ନାମ ସବୁ ଏଠାରେ ରହିଛି । ଆହୁରି ମଧ୍ୟ ଜାଣିବାକୁ ପାଇଲି ଏଠାରେ ଏପରି କ୍ୟାଣ୍ଟିନ ରହିଛି, ଯାହାର ନାମ ହେକ୍ସାଗନ । ସେହିଭଳି ହୋମିଭାବାଙ୍କ ଭଳି ପ୍ରସିଦ୍ଧ ନାମ ବହନ କରୁଥିବା କ୍ୟାଣ୍ଟିନ ମଧ୍ୟ ଏଠାରେ ରହିଛି । ଅବଶ୍ୟ ଲୋକେ ଏହାକୁ ସଂକ୍ଷେପରେ ଏଚ୍‍ବି କ୍ୟାଣ୍ଟିନ କହିଥାନ୍ତି ।

୮. ଏହି ସ୍ୱଳ୍ପ ଆନନ୍ଦ ଓ ବିଷାଦ, ଯାହା ଆପଣ ଏଠାରେ ଅନୁଭବ କରୁଛନ୍ତି ତାହା ବାହାରେ ଏକ ବିରାଟ ଦାୟିତ୍ୱ ରହିଛି । ସେ ଦାୟିତ୍ୱ ଆପଣଙ୍କୁ ନିର୍ବାହ କରିବାକୁ ପଡିବ । ଆପଣମାନଙ୍କର ଶିକ୍ଷା ଓ ସଫଳତା ପାଇଁ ଦେଶ ଓ ସମାଜ ଯାହା ଦେଇଛି ତାହା ଆପଣଙ୍କୁ ପ୍ରତିଦାନରେ ଫେରାଇବାକୁ ହେବ । ଆପଣମାନଙ୍କ ମଧ୍ୟରୁ କେତେକ ଚାକିରି କରିପାରନ୍ତି । ଆଉ କେତେକ ଉଚ୍ଚଶିକ୍ଷା ପାଇଁ ଯାଇପାରନ୍ତି । ନିଜ ଜୀବନର ଯେଉଁ ପର୍ଯ୍ୟାୟରେ ଆପଣମାନେ ନିଜକୁ ପାଇଛନ୍ତି ସେଠି ବାସ୍ତବରେ ଅନେକ ସ୍ୱପ୍ନ ଓ ଅଭିଳାଷା ରହିଛି । ଅନ୍ୟପଟରେ ମଧ୍ୟଏହି ପର୍ଯ୍ୟାୟରେ ଅନିଶ୍ଚିତତା ଓ ଆଶଙ୍କାର ମଧ୍ୟ ଅବକାଶ ଅଛିା ଏହି ସମୟ ଜୀବନର ବଡ଼ ନିଷ୍ପତ୍ତି ନେବାର ଅର୍ଥ ନୂଆ ଚାକିରି ଆରମ୍ଭ କରିବା ସ୍ୱପ୍ନସାକାର ପାଇଁ ଉଦ୍ୟମ ଚଳାଇବା, ପରିବାରକୁ ସହାୟତା ଦେବା ଅନ୍ୟ କିଛି ନୂଆ କରିବାଏହି ପର୍ଯ୍ୟାୟରେ ଆରମ୍ଭ ହୋଇଥାଏ ।ଏସବୁ କରିବା ଭିତରେ ଆପଣମାନେ ସମସ୍ତେ ଆତ୍ମନିରୀକ୍ଷଣ କରିବାକୁ ମୁଁ ପ୍ରସ୍ତାବ ଦେଉଛି ଜୀବନରେ କେଉଁ ମୂଲ୍ୟବୋଧ ଓ ନୀତି ଉପରେ ଆପଣ ଦଣ୍ଡାୟମାନ? ଆପଣ କିପରି ବୃତ୍ତି ଗ୍ରହଣ କରିବାକୁ ଚାହୁଁଛନ୍ତି ? ଆପଣ କିପରି ବ୍ୟକ୍ତି ହେବାକୁ ଚାହାନ୍ତି? କାରଣ ଆପଣ କିପରି ଲୋକ ହେବାକୁ ଚାହାନ୍ତି ତାହା ସବୁଠୁ ଗୁରୁତ୍ୱ ପୂର୍ଣ୍ଣ। ମୁଁ ଜାଣେ ପ୍ରତ୍ୟେକ ବ୍ୟକ୍ତି ଜଣେ ସୁନାଗରିକ ହେବାକୁ ଚାହାନ୍ତିା ପ୍ରତ୍ୟେକ ଉତ୍ତମ ନାଗରିକ ଦେଶର ସ୍ୱାର୍ଥକୁ ସର୍ବଦା ଅଗ୍ରାଧିକାର ଦେଇଥାନ୍ତି ।

୯. ମୋର ପ୍ରସ୍ତାବନାହେଲା ଆପଣମାନେ ଜୀବନସାରାମହାତ୍ମାଗାନ୍ଧୀଙ୍କ ପ୍ରଖ୍ୟାତତାବିଜ କଥା ସ୍ମରଣକରନ୍ତୁ । ଏହିତାବିଜରବାର୍ତ୍ତାହେଲା ଆପଣ କୌଣସିକାର୍ଯ୍ୟ କରିବାବେଳେ ଆପଣ ଦେଖିଥିବା ଦରିଦ୍ରତମ ଓ ଦୁର୍ବଳତମବ୍ୟକ୍ତିଟିରମୁହଁମନେ ପକାନ୍ତୁ । ଆପଣଙ୍କ କାର୍ଯ୍ୟ ଦ୍ୱାରାସେଲୋକଟିରକିଛିଉପକାରହେବକି ନାହିଁସେକଥା ଭାବନ୍ତୁ । ଆପଣଙ୍କ କାମ ଦ୍ୱାରାସେହିଲୋକଟିରଭାଗ୍ୟରେ ପରିବର୍ତ୍ତନ ଘଟେବୋଲି ଆପଣ ଯଦି ବିଚାରକରନ୍ତି, ତଦନୁସାରେକାର୍ଯ୍ୟ କରନ୍ତୁ ।

୧୦. ଆପଣମାନଙ୍କୁ ମୋର ପରାମର୍ଶ ହେଲା ବସ୍ତୁବାଦୀ ଲାଭରେ ନିଜର ସଫଳତାକୁ ବିଚାର କରନ୍ତୁ ନାହିଁ । ସାମାଜିକ ଏବଂ ପାରମ୍ପରିକ ସଫଳତାର ବିଚାର ଜନିତ ଚାପ ଭିତରେ ନିଜକୁ ସଂକୁଚିତ ନ ରଖି ତାହାଠାରୁ ଊର୍ଦ୍ଧ୍ୱକୁ ଉଠନ୍ତୁ । ନିଜ ଜୀବନରେ ଆପଣ ଯଥାର୍ଥରେ କ’ଣ କରିବାକୁ ଚାହାନ୍ତି ତାହା ସ୍ଥିର କରନ୍ତୁ । ଯେଉଁ କାମରେ ନିଜକୁ ଆତ୍ମସନ୍ତୋଷ ଓ ଖୁସି ମିଳୁଛି ସେହି କାମ ବାଛନ୍ତୁ ଏବଂ ଏହା ହିଁ ଆପଣଙ୍କୁ ପୂର୍ଣ୍ଣତା ଆଣି ଦେଇପାରିବ । ଯାହା ଆପଣଙ୍କୁ ଆକାଂକ୍ଷାର ନିକଟବର୍ତ୍ତୀ କରିପାରିବ ତାହା ହିଁ କରନ୍ତୁ । ଯେଉଁ କାର୍ଯ୍ୟ ଦ୍ୱାରା ଆପଣଙ୍କ ପରିବାର ଗର୍ବିତ ହୋଇପାରିବେ ସେହି କାମ କରନ୍ତୁ । ନିଜର ଏକ ଫଳପ୍ରଦ, ସଫଳ ମାର୍ଗ ନିଜେ ପ୍ରସ୍ତୁତ କରି ସେଥିରେ ଆଗେଇ ଚାଲନ୍ତୁ ।

ପ୍ରିୟଛାତ୍ରଛାତ୍ରୀ
୧୧. ଏହା ଆପଣଙ୍କର ପରିବାର, ବନ୍ଧୁବାନ୍ଧବ, ଅଭିଭାବକ ଓ ଦିଗ୍‍ଦର୍ଶକମାନଙ୍କ ପାଇଁ ମଧ୍ୟ ଆନନ୍ଦ ଓ ସନ୍ତୋଷରକ୍ଷଣ । ସେମାନେ ଆପଣଙ୍କ ଯାତ୍ରାରେ ଅନେକ ସହଯୋଗ ଯୋଗାଇଛନ୍ତି । ସବୁ ଡିଗ୍ରୀଧାରୀ ଏବଂ ପଦକ ବିଜେତା ଯେଉଁମାନେ ଏଠି ଉପସ୍ଥିତ ଅଛନ୍ତି ମୁଁ ସେମାନଙ୍କୁ ଅଭିନନ୍ଦନ ଜଣାଉଛି । ଜାଣିବାକୁ ପାଇଲି ଯେ ଏଠାରେ ପାଠପଢୁଥିବା ୭୧୧୬ ବିଦ୍ୟାର୍ଥୀଙ୍କ ମଧ୍ୟରୁ ୧୫୧୮ ବା ପ୍ରାୟ ୨୧ ଶତାଂଶ ଛାତ୍ରୀ। ମୁଁ ଦେଖୁଛି ଆଜି ୭ଟି ସ୍ୱର୍ଣ୍ଣପଦକ ମଧ୍ୟରୁ ୩ଟି ଛାତ୍ରୀମାନେ ପାଇଛନ୍ତି। ଭାରତର ରାଷ୍ଟ୍ରପତି ଭାବରେ ମୁଁ ଦେଶର ପ୍ରାୟ ୧୫୦ କେନ୍ଦ୍ରୀୟ ଅନୁଷ୍ଠାନର ଭିଜିଟର ବା ପରିଦର୍ଶକ । ଅଧିକାଂଶ ସମାବର୍ତ୍ତନ ଉତ୍ସବରେ ଯେଉଁଠି ଯୋଗ ଦେଇଛି ମୁଁ ଦେଖିବାକୁ ପାଇଛି ଯେ ଆମ ଝିଅମାନେ ପୁଅମାନଙ୍କ ତୁଳନାରେ ଭଲ ପ୍ରଦର୍ଶନ କରୁଛନ୍ତି । ସେମାନେ ଉଦାରକଳା, ମନୁଷ୍ୟ ଜାତି ସମନ୍ଧୀୟ ବିଜ୍ଞାନ ଓ କଳା, ଭେଷଜ ବିଜ୍ଞାନ, ଆଇନ ଏବଂ ଅନ୍ୟାନ୍ୟ ବିଭିନ୍ନ କ୍ଷେତ୍ରରେ କୃତିତ୍ୱ ହାସଲ କରିବା ସହ ସ୍ୱର୍ଣ୍ଣପଦକ ଲାଭ କରୁଛନ୍ତି । ଏହା ଏକ ଆନନ୍ଦଦାୟକ ଧାରାଏବଂ ଆମ କନ୍ୟାମାନଙ୍କର ଦକ୍ଷତାକୁ ପ୍ରତିପାଦନ କରୁଛି ।

୧୨. ତେବେ ସେ ଯାହା ହେଉ ଏହା ଅନୁଭୂତ ହେଉଛି ଯେ ବୈଷୟିକ ଓ ବୈଜ୍ଞାନିକ ଶିକ୍ଷାରେ ଝିଅମାନଙ୍କ ନାମଲେଖା ଓ ପାଠପଢା ହାର କମ୍‍ ରହୁଛି । ନିକଟରେ ହୋଇଥିବା ଏକ ସର୍ଭେ ଅନୁସାରେ ଭାରତରେ ଇଂଜିନିୟରିଂ ଓ ଟେକ୍‍ନିକାଲ ପ୍ରତିଷ୍ଠାନରେ ଝିଅମାନଙ୍କ ନାମଲେଖା ହାର ମାତ୍ର ୨୦ ଶତାଂଶ । ଆମ ଝିଅମାନେ ଏ କ୍ଷେତ୍ରରେ ଅଧିକରୁ ଅଧିକ ନାମ ଲେଖାଇ ଅନ୍ୟାନ୍ୟ କ୍ଷେତ୍ର ଭଳି ଉତ୍କର୍ଷ ପ୍ରତିପାଦନ କରିବାକୁ ସେମାନଙ୍କୁ ପ୍ରୋତ୍ସାହିତ କରାଯିବାର ଆବଶ୍ୟକତା ରହିଛି । ଉଚ୍ଚତ୍ତର ଶିକ୍ଷା, ବିଶେଷ କରି ଇଂଜିନିୟରିଂ, ବିଜ୍ଞାନ, ଟେକ୍‍ନୋଲୋଜି ଓ ଗଣିତ ଆଦି କ୍ଷେତ୍ରରେ ଝିଅମାନଙ୍କର ଅଧିକ ପ୍ରତିନିଧିତ୍ୱର ଆବଶ୍ୟକତା ରହିଛି । ବୈଷୟିକ କ୍ଷେତ୍ରରେ ମହିଳାମାନଙ୍କର ଅଭିବୃଦ୍ଧି ଓ ଉତ୍କର୍ଷ ଆମ ଜାତୀୟ ବିକାଶକୁ ନୂଆ ଦିଗ୍‍ଦର୍ଶନ ଦେବ । ଏହା ବିଜ୍ଞାନ ଓ କାରିଗରୀ ଭଳି ଉଚ୍ଚସ୍ତରରେ ଲିଙ୍ଗଗତ ସଶକ୍ତୀକରଣକୁ ମଜଭୁତ କରିବ । ଆହୁରି ମଧ୍ୟ ଏକବିଂଶ ଶତାବ୍ଦୀରେ ମହିଳାମାନେ ନୂଆ ଉଚ୍ଚତାକୁ ସ୍ପର୍ଶ କରି ସେ କ୍ଷେତ୍ରରେ ଥିବା ପ୍ରତିବନ୍ଧକକୁ ଭାଙ୍ଗି ପାରିବେ ।

ଭଦ୍ରମଣ୍ଡଳୀଏବଂ ପ୍ରିୟଛାତ୍ରଛାତ୍ରୀ
୧୩. ଏକ ବିଶ୍ୱବିଦ୍ୟାଳୟ ଓ ଅନୁଷ୍ଠାନ ଏହାର ପାରିପାଶ୍ୱର୍ରେ ଥିବା ସମୁଦାୟକୁ ସଶକ୍ତ କରିବା ଦିଗରେ ଅବଦାନ ରଖିବା ଆବଶ୍ୟକ । ବିଶ୍ୱବିଦ୍ୟାଳୟ ସାମାଜିକ ଦାୟିତ୍ୱବୋଧ ବିଷୟକୁ ମୁଁ ଗୁରୁତ୍ୱ ଦେଇ ଆସୁଛି । ଔଦ୍ୟୋଗିକ ସାମାଜିକ ଦାୟିତ୍ୱବୋଧ ଢାଞ୍ଚାରେ ଏହା କାର୍ଯ୍ୟକାରୀ ହେବା ଉଚିତ । ଜାଣି ଖୁସି ହେଲି ଯେ ରାଉରକେଲା ଏନ୍‍ଆଇଟି ୫ଟି ଗାଁକୁ‘ଉନ୍ନତ ଭାରତ ଅଭିଯାନ’କାର୍ଯ୍ୟକ୍ରମରେ ପୋଷ୍ୟ ଭାବେ ଗ୍ରହଣ କରିଛି । ଆହୁରି ମଧ୍ୟ ଜାଣିବାକୁ ପାଇଲି ଯେ ଏହି ଅନୁଷ୍ଠାନ ଏହାର ବିଜ୍ଞାନ ଲ୍ୟାବକୁ ବିକଶିତ କରି ସଂପୃକ୍ତ ଗ୍ରାମଗୁଡିକରେ କଂପ୍ୟୁଟର ଶିକ୍ଷା ଯୋଗାଇ ଦେଉଛି ।ଏହାଛଡା ରାଉରକେଲା ଏନଆଇଟି କ୍ୟାମ୍ପସରେ ଏକ ଦାରିଦ୍ର‌୍ୟ ଦୂରୀକରଣ ଗବେଷଣା କେନ୍ଦ୍ର ଖୋଲା ଯାଇ କଳାହାଣ୍ଡି, ବଲାଙ୍ଗିର ଓ କୋରାପୁଟ ଅଞ୍ଚଳର ଦରିଦ୍ର ଅନଗ୍ରସର ଲୋକଙ୍କ ପାଇଁ କାମ କରାଯାଉଛି । ଆପଣମାନଙ୍କର ଏସବୁ ମହନୀୟ କାର୍ଯ୍ୟକୁ ମୁଁ ପ୍ରଶଂସା କରୁଛି ।

୧୪. ଜାତୀୟ ଶିକ୍ଷାନୀତି ୨୦୨୦ର କାର୍ଯ୍ୟକାରିତା ପୂର୍ବରୁ ମୁଁ ବିଭିନ୍ନ କେନ୍ଦ୍ରୀୟ ବିଶ୍ୱବିଦ୍ୟାଳୟ ଓ ଅନୁଷ୍ଠାନର କୁଳପତିଏବଂ ନିର୍ଦେଶକମାନଙ୍କସହ ଆଲୋଚନା ଓ ମତ ବିନିମୟ କରିଥିଲି । ଏହି ଶିକ୍ଷାନୀତିରେ ଉଲ୍ଲେଖ ଅଛି ଯେ ଇଂଜିନିୟରିଂ ପ୍ରତିଷ୍ଠାନଗୁଡିକ ଅଧିକ ସାମଗ୍ରିକ ଏବଂ ବହୁ ବିଷୟକ ଶିକ୍ଷାବ୍ୟବସ୍ଥା ପ୍ରବର୍ତ୍ତନ କରିବା ଉଚିତ । ଆହୁରି ମଧ୍ୟ କଳା ଓ ମାନବୀୟ ବିଜ୍ଞାନ ବିଷୟକ ଶିକ୍ଷା ଉପରେଏହା ଅଧିକ ଗୁରୁତ୍ୱ ଦେବା ଆବଶ୍ୟକ ।ମୁଁ ଜାଣି ଖୁସି ହେଲି ଯେ ଏନଆଇଟି ରାଉରକେଲା ଇତି ମଧ୍ୟରେ ଏ ଦିଗରେ ଅନେକ କିଛି କାର୍ଯ୍ୟକ୍ରମ ଆରମ୍ଭ କରିଛି । ମୁଁ ନିଶ୍ଚିତ ଯେ ଆପଣମାନେ ଏହି ପ୍ରକ୍ରିୟାକୁ ଆହୁରି ଆଗକୁ ନେବା ସହିତ ଜାତୀୟ ଶିକ୍ଷାନୀତିର ସୁପାରସିଗୁଡିକୁ କାର୍ଯ୍ୟକାରୀ କରିବେ ଏବଂ ଏକବିଂଶ ଶତାବ୍ଦୀରେ ଭାରତକୁ ବିଶ୍ୱର ଜ୍ଞାନ ଶକ୍ତିରେ ପରିଣତ କରିବାରେ ସହାୟକ ହେବେ । ଏହି ଜାତୀୟ ଲକ୍ଷ୍ୟ ହାସଲରେ ଏନ୍‍ଆଇଟି ରାଉରକେଲା ଭଳି ଅନୁଷ୍ଠାନ ଗୁଡିକୁ ଏକ ବଡ଼ ଭୂମିକା ନିର୍ବାହକରିବାକୁ ପଡିବ ।

୧୫. ମୁଁ ପୁଣି ଥରେ ଆପଣ ସମସ୍ତଙ୍କୁ ଅଭିନନ୍ଦନ ଜଣାଇବା ସହ ସୁଖି, ସଫଳ ଓ ଉଜ୍ଜ୍ୱଳ ଭବିଷ୍ୟତ କାମନା କରୁଛି । ମୁଁ ମଧ୍ୟ ଏହି ଅନୁଷ୍ଠାନର ଶିକ୍ଷକ, ଅଣଶିକ୍ଷକ, କର୍ମଚାରୀ, ଛାତ୍ରଛାତ୍ରୀମାନଙ୍କର ପରିବାର ସଦସ୍ୟ, ଅଭିଭାବକମାନଙ୍କୁ ଆଜିର ଏହି ସ୍ମରଣୀୟ ଦିବସରେ ଅଭିନନ୍ଦନ ଜଣାଉଛି ।

ଧନ୍ୟବାଦ । ଜୟହିନ୍ଦ୍‍ ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

NIT ସମାବର୍ତ୍ତନ ଉତ୍ସବରେ ଯୋଗ ଦେଲେ ରାଷ୍ଟ୍ରପତି ରାମନାଥ କୋବିନ୍ଦ

ରାଉରକେଲା, ରାଷ୍ଟ୍ରପତି ରାମନାଥ କୋବିନ୍ଦ ଆଜି ରାଉରକେଲାସ୍ଥିତ NIT ର ସମାବର୍ତ୍ତନ ଉତ୍ସବରେ ଯୋଗ ଦେଇଛନ୍ତି। ତାଙ୍କ ସହିତ ରାଜ୍ୟପାଳ ପ୍ରଫେସର ଗଣେଶୀ ଲାଲ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ସାଂସଦ ଜୁଏଲ ଓରାମ ପ୍ରମୁଖ ଯୋଗ ଦେଇଛନ୍ତି। ଏହି ଉତ୍ସବରେ ରାଷ୍ଟ୍ରପତି 6 ଜଣଙ୍କୁ ସ୍ବର୍ଣ୍ଣପଦକ ଏବଂ 70 ଜଣଙ୍କୁ ରୌପ୍ୟ ପଦକ ପ୍ରଦାନ କରିଛନ୍ତି।

ଏହି ଉତ୍ସବରେ ଯୋଗଦେଇ ରାଷ୍ଟ୍ରପତି କହିଛନ୍ତି ଯେ, ବିନା କୌଣସି ଚାପରେ ନିଷ୍ପତି ନେବାର ଶିକ୍ଷାଲାଭ କରିବା ଉଚିତ। ନିଟରେ ଛାତ୍ରୀମାନଙ୍କର ସଫଳତା ନେଇ ରାଷ୍ଟ୍ରପତି ଖୁସି ପ୍ରକଟ କରିଥିଲେ। ସେହିପରି ସେ ଓଡିଶାର ସଂସ୍କୃତି ଐତିହ୍ୟକୁ ନେଇ ଉଚ୍ଚ ପ୍ରଶଂସା କରିଥିଲେ। ଛାତ୍ରଛାତ୍ରୀମାନଙ୍କର ସ୍ନାତକ ହେଉଛି ଗୁରୁତ୍ବପୂର୍ଣ୍ଣ ସମୟ। ଏହାର ସଦଉପଯୋଗ କରିବାକୁ ରାଷ୍ଟ୍ରପତି ପରାମର୍ଶ ଦେଇଛନ୍ତି। ରାଷ୍ଟ୍ରପତି ରାଉରକେଲାରେ ମଧ୍ୟାହ୍ନ ଭୋଜନ କରି ଅପରାହ୍ନରେ ଏକ ହସପିଟାଲର ଉଦଘାଟନ କରିବେ। ଏହାପରେ ଭୁବନେଶ୍ବର ଫେରି ଆସିବେ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଆଜି ଓଡିଶା ଆସୁଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ, ସୁରକ୍ଷା ବ୍ୟବସ୍ଥା କଡାକଡି

ଭୁବନେଶ୍ବର, ଆଜି ରାଷ୍ଟ୍ରପତି ରାମନାଥ କୋବିନ୍ଦ ତିନିଦିନିଆ ଓଡିଶା ଗସ୍ତରେ ଆସୁଛନ୍ତି। ରାଷ୍ଟ୍ରପତି ଆଜି ସଂଧ୍ୟା 6ଟାରେ ଏକ ସ୍ବତନ୍ତ୍ର ବିମାନରେ ଭୁବନେଶ୍ବର ବିମାନ ବନ୍ଦରରେ ପହଞ୍ଚିବେ। ସେଠାରେ ତାଙ୍କୁ ରାଜ୍ୟପାଳ ପ୍ରଫେସର ଗଣେଷୀଲାଲ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ମୁଖ୍ୟଶାସନ ସଚିବ. ପୋଲିସ ମହାନିର୍ଦ୍ଦେଶକ ପ୍ରମୁଖ ସ୍ବାଗତ କରିବେ। ଏହାପରେ ସେ ରାଜଭଭନ ଯାଇ ସେଠାରେ ରାତ୍ରୀଯାପନ କରିବେ।

ରବିବାର ସକାଳୁ ରାଷ୍ଟ୍ରପତି ସ୍ବତନ୍ତ୍ର ହେଲିକାପ୍ଟରରେ ଝାରସୁଗୁଡା ଯାଇ ରାଉରକେଲା ଯିବେ। ସେଠାରେ ଏନଆଇଟିର ସମାବର୍ତ୍ତି ଉତ୍ସବରେ ଯୋଗଦେବେ। ଅପରାହ୍ନରେ ରାଉରକେଲା ସୁପର ସ୍ପେସାଲିଟ ହସପିଟାଲର ଉଦଘାଟନ କରିବେ। ଏହାପରେ ସେ ରାଜଭବନ ଫେରିଆସିବେ।

ସୋମବାର ସକାଳୁ ରାଷ୍ଟ୍ରପତି ପୁରୀ ଯାଇ ଜଗନ୍ନାଥ ଦର୍ଶନ କରିବେ। ଏହାପରେ କୋଣାର୍କ ଆସି ସେଠାରେ ମଧ୍ୟାହ୍ନ ଭୋଜନ କରି ଅପରାହ୍ନରେ କୋଣାର୍କ ମନ୍ଦିର ଦେଖିବେ। ସେଠାରୁ ଭୁବନେଶ୍ବର ବିମାନବନ୍ଦର ଆସି ନୂଆଦିଲ୍ଲୀ ଫେରିଯିବାର କାର୍ଯ୍ୟକ୍ରମ ରହିଛି। ରାଷ୍ଟ୍ରପତିଙ୍କ ଗସ୍ତକୁ ଦେଖି ବିଭିନ୍ନ ସ୍ଥାନରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।

Categories
ଆଜିର ଖବର ଜାତୀୟ ଖବର

ରାମ ମନ୍ଦିର ପାଣ୍ଠି ସଂଗ୍ରହ ଅଭିଯାନ: ଦାନ ଦେଇ ଶୁଭାରମ୍ଭ କଲେ ରାଷ୍ଟ୍ରପତି ରାମନାଥ କୋବିନ୍ଦ

ନୂଆଦିଲ୍ଲୀ: ଆଜିଠାରୁ ଅଯୋଧ୍ୟାରେ ରାମ ମନ୍ଦିର ନିର୍ମାଣ ଉଦ୍ଦେଶ୍ୟରେ ପାଣ୍ଠି ସଂଗ୍ରହ ଅଭିଯାନ ଆରମ୍ଭ ହୋଇଛି। ରାଷ୍ଟ୍ରପତି ରାମନାଥ କୋବିନ୍ଦ ଏହି ଅଭିଯାନର ଶୁଭାରାମ୍ଭ କରିଛନ୍ତି। ସେ ‘ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ୍‍’ର ପ୍ରତିନିଧିମାନଙ୍କୁ ଭେଟି ପାଣ୍ଠି ସଂଗ୍ରହ ଅଭିଯାନର ଶୁଭାରାମ୍ଭ କରିଛନ୍ତି। ଦାନ ବାବଦକୁ ନିଜ ଆକାଉଣ୍ଟରୁ ମୋଟ ୫ ଲକ୍ଷ ୧୦୦ ଟଙ୍କାର ଚେକ ଦେଇଛନ୍ତି ରାଷ୍ଟ୍ରପତି। ତେବେ ସମଗ୍ର ଦେଶରେ ମନ୍ଦିର ନିର୍ମାଣ ଲାଗି ପାଣ୍ଠି ସଂଗ୍ରହ କରାଯିବ। ମୋଟ ୫୨,୫୦,୦୦ ଗାଁରେ ପାଣ୍ଠି ସଂଗ୍ରହ ଅଭିଯାନ ଚାଲିବ। ସଂଗୃହୀତ ଟଙ୍କା ୪୮ ଘଣ୍ଟା ମଧ୍ୟରେ ବ୍ୟାଙ୍କ୍‌ରେ ଜମା କରାଯିବ। ୨୦,୦୦୦ ଟଙ୍କାରୁ ଊର୍ଦ୍ଧ୍ୱ ଟଙ୍କାର ଦାନକୁ ଚେକ୍‌ ଆକାରରେ ଗ୍ରହଣ କରାଯିବ। ଏହା ଆଜି ଠାରୁ ଆରମ୍ଭ ହୋଇ ଫେବ୍ରୁଆରି ୨୭ ତାରିଖ ଦିନ ପର୍ଯ୍ୟନ୍ତ ଏହି ପାଣ୍ଠି ସଂଗ୍ରହ ଅଭିଯାନ ଚାଲିବ।

Categories
ଫଟୋ ଖବର

ତିରୂମାଲସ୍ଥିତ ସ୍ବାମୀ ଭେଙ୍କେଟଶ୍ବର ମନ୍ଦିରରେ ପୂର୍ଜା ଅର୍ଚ୍ଚନା କରୁଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ

ତିରୂମାଲସ୍ଥିତ ସ୍ବାମୀ ଭେଙ୍କେଟଶ୍ବର ମନ୍ଦିରରେ ପୂର୍ଜା ଅର୍ଚ୍ଚନା କରୁଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ

 

Categories
ଜାତୀୟ ଖବର ବିଶେଷ ଖବର

ନୂଆ ଶିକ୍ଷା ନୀତି ଦେଶରେ ନଲେଜ ହବ୍ ରେ ପରିଣତ କରିବ, ରାଜ୍ୟପାଳ ସମ୍ମିଳନୀରେ ରାଷ୍ଟ୍ରପତିଙ୍କ ଦୃଢକ୍ତି

ନୂଆଦିଲ୍ଲୀ, ନୂତନ ଶିକ୍ଷାନୀତି ୨୦୨୦ ଉପରେ ଆଜି ସାରାଦିନ ଏକ ସମ୍ମିଳନୀ ଭର୍ଚୁଆଲ ବ୍ୟବସ୍ଥାରେ ଅନୁଷ୍ଠିତ ହୋଇଯାଇଛି । ଏଥିରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିୟାଲ ନିଶଙ୍କ, ବିଭିନ୍ନ ରାଜ୍ୟର ରାଜ୍ୟପାଳ ଓ କେନ୍ଦ୍ରଶାସିତ ଅଞ୍ଚଳର ଉପରାଜ୍ୟପାଳଗଣ, ପ୍ରଶାସକ ଏବଂ କେନ୍ଦ୍ର ଓ ବିଭିନ୍ନ ରାଜ୍ୟର ଶିକ୍ଷାମନ୍ତ୍ରୀ ଏହି ନୂଆ ନୀତିର ଲକ୍ଷ୍ୟ ଓ ଆଦର୍ଶ ସଂପର୍କରେ ଏକମତ ହୋଇଛନ୍ତି । ସେମାନେ କହିଛନ୍ତି ଯେ ଏହି ଶିକ୍ଷାନୀତି କେବଳ ଏକ ମାମୁଲି ନଥି ନୁହେଁ, ଏହା ଦେଶର ଆକାଂକ୍ଷା ପରିପୂରଣ ପାଇଁ ଏକ ଉଦ୍ୟମ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୂଆ ଶିକ୍ଷାନୀତି ଉପରେ ଆୟୋଜିତ ରାଜ୍ୟପାଳମାନଙ୍କ ସମ୍ମିଳନୀକୁ ରାଷ୍ଟ୍ରପତିଙ୍କୁ ସ୍ୱାଗତ କରିଥିଲେ। ଏହି ଅବସରରେ ପ୍ରଧାନମନ୍ତ୍ରୀ କହିଥିଲେ ଯେ ଏହି କାର‌୍ୟ୍ୟକ୍ରମ ନୂଆ ଶିକ୍ଷାନୀତିକୁ କାର‌୍ୟ୍ୟକାରୀ କରିବା ଦିଗରେ ବିଶେଷ ଗୁରୁତ୍ୱ ବହନ କରେ । ନୂଆ ଶିକ୍ଷାନୀତିକୁ ସମସ୍ତେ ସ୍ୱାଗତ କରୁଛନ୍ତି। ଲୋକେ ଏହାକୁ ନିଜର ବୋଲି ଭାବୁଥିବାରୁ ଏଥିପ୍ରତି ସମର୍ଥନ ବୃଦ୍ଧି ପାଇଛି। ବିପୁଳ ଜନସମର୍ଥନ ଓ ଗ୍ରହଣୀୟତା ଉପରେ ହିଁ ଯେକୌଣସି ନୀତିର ସଫଳତା ନିର୍ଭର କରେ। ଏଥିରେ ବ୍ୟାପକଭାବେ ବିଭିନ୍ନ ପକ୍ଷ ସଂପୃକ୍ତ ହୋଇ ଅବଦାନ ରଖିଥିବାରୁ ଏହାର ମାଲିକାନା ବସ୍ତୁତଃ ସେହିମାନଙ୍କ ହାତରେ ରହିଛି ବୋଲି ପ୍ରଧାନମନ୍ତ୍ରୀ କହିଛନ୍ତି।

ପ୍ରଧାନମନ୍ତ୍ରୀ କହିଛନ୍ତି ଯେ, ଆମେ ଆମ ପଟରୁ ଯେତେବେଳେ ସର୍ବାଧିକ ନମନୀୟତା ପ୍ରଦର୍ଶନ କରିବା ସେତେବେଳେ ଯାଇ ଏହି ନୂଆ ଶିକ୍ଷାନୀତି ବିଶେଷ ଫଳ ଦେଇପାରିବ। ଏହି ନୀତି ସମଗ୍ର ଦେଶର ଏବଂ କୌଣସି ନିର୍ଦ୍ଦିଷ୍ଟ ସରକାରର ନୁହେଁ ବୋଲି ସେ ଗୁରୁତ୍ୱର ସହ କହିଛନ୍ତି। ଏହି ନୀତି ଲୋକଙ୍କ ଆଶା ଆକାଂକ୍ଷାର ଫଳ ବୋଲି ସେ ଦୃଢତାର ସହ ମତ ଦେଇଛନ୍ତି। ତେଣୁ ନୂଆ ଶିକ୍ଷାନୀତିକୁ ଅକ୍ଷରେ ଅକ୍ଷରେ କାର‌୍ୟ୍ୟକାରୀ କରିବା ପାଇଁ ସବୁ ପ୍ରକାର ପଦକ୍ଷେପ ଗ୍ରହଣ କରାଯିବା ଉଚିତ ବୋଲି ସେ କହିଛନ୍ତି।

ସମ୍ମିଳନୀରେ ଉଦ୍‌ବୋଧନ ଦେଇ ରାଷ୍ଟ୍ରପତି ଶ୍ରୀ ରାମନାଥ କୋବିନ୍ଦ କହିଛନ୍ତି ଯେ ଜାତୀୟ ଶିକ୍ଷାନୀତି ଦେଶକୁ, ବିଶେଷକରି ଯୁବ ସମାଜକୁ ଏକବିଂଶ ଶତାବ୍ଦୀର ଆଶା ଆକାଙ୍‌କ୍ଷା ପୂରଣ ଦିଗରେ ଆଗେଇ ନେବ। ଏହି ଐତିହାସିକ ଦସ୍ତାବିଜ ପ୍ରସ୍ତୁତ କରିବାରେ ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ସଂପନ୍ନ ନେତୃତ୍ୱ ଓ ପ୍ରେରଣାଦାୟୀ ଭୂମିକାକୁ ସେ ଉଚ୍ଚ ପ୍ରଶଂସା କରି ତାଙ୍କୁ ଅଭିନନ୍ଦନ ଜଣାଇଛନ୍ତି। ରାଷ୍ଟ୍ରପତି ମଧ୍ୟ ଏହି ଶିକ୍ଷାନୀତି ପ୍ରସ୍ତୁତିରେ ଡ. କସ୍ତୁରୀରଙ୍ଗନ ଏବଂ ମନ୍ତ୍ରୀ ଓ ଶିକ୍ଷା ମନ୍ତ୍ରଣାଳୟର ଅଧିକାରୀମାନଙ୍କ ଭୂମିକାକୁ ପ୍ରଶଂସା କରିଛନ୍ତି।

ସେ କହିଛନ୍ତି ଯେ, ଏହିମାନଙ୍କ ଅବଦାନ ଫଳରେ ନୂଆ ଶିକ୍ଷାନୀତି ଆକାର ନେଇପାରିଛି ଏବଂ ବ୍ୟାପକ ବିଚାରବିମର୍ଶ ପରେ ବିଭିନ୍ନ କ୍ଷେତ୍ରରୁ ଆସିଥିବା ପ୍ରସ୍ତାବଗୁଡିକୁ ଗ୍ରହଣ କରାଯାଇ ଏହି ଦସ୍ତାବିଜ ପ୍ରସ୍ତୁତ ହୋଇଛି । ରାଷ୍ଟ୍ରପତି କହିଛନ୍ତି ଯେ ଦେଶର ୨.୫ ଲକ୍ଷ ଗ୍ରାମପଞ୍ଚାୟତ, ୧୨,୫୦୦ରୁ ଅଧିକ ପୌରସଂସ୍ଥା ଏବଂ ପ୍ରାୟ ୬୭୫ ଜିଲାରୁ ଯେଉଁସବୁ ପ୍ରସ୍ତାବମାନ ଆସିଥିଲା ତାହାକୁ ବିଚାରକୁ ନିଆଯାଇଛି । ସେ କହିଛନ୍ତି ଯେ ଯଦି ପରିବର୍ତ୍ତନଗୁଡିକୁ ସଫଳତାର ସହ କାର‌୍ୟ୍ୟକାରୀ କରାଯାଏ, ତାହାହେଲେ ଭାରତ ଏକ ଶିକ୍ଷା ମହାଶକ୍ତିରେ ପରିଣତ ହେବ ।

ନୂଆ ଶିକ୍ଷାନୀତି ବିଷୟରେ ବିସ୍ତାରିତଭାବେ ଆଲୋଚନା କରି ରାଷ୍ଟ୍ରପତି କହିଛନ୍ତି ଯେ ରାଜ୍ୟପାଳମାନେ ପ୍ରାଦେଶିକ ବିଶ୍ୱବିଦ୍ୟାଳୟର କୁଳାଧିପତି ହୋଇଥିବାରୁ ନୂତନ ଶିକ୍ଷାନୀତି କାର‌୍ୟ୍ୟକାରୀ କରିବାରେ ସେମାନଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଦେଶରେ ଏବେ ପ୍ରାୟ ୪୦୦ ରାଜ୍ୟ ବିଶ୍ୱବିଦ୍ୟାଳୟ ରହିଛି ଏବଂ ଏସବୁ ସହ ପ୍ରାୟ ୪୦ ହଜାର କଲେଜ ସହବନ୍ଧିତ । ତେଣୁ ଏସବୁ ବିଶ୍ୱବିଦ୍ୟାଳୟ ସହ ନୂଆ ଶିକ୍ଷାନୀତିର କାର‌୍ୟ୍ୟକାରିତା ସଂପର୍କରେ ଆଲୋଚନା ଏବଂ ସମନ୍ୱୟ ରଖିବା ଏକାନ୍ତ ଅପରିହାର‌୍ୟ୍ୟ । ରାଜ୍ୟପାଳମାନେ କୁଳାଧିପତି ହୋଇଥିବାରୁ ଏ କ୍ଷେତ୍ରରେ ବିଶେଷ ଭୂମିକା ନିର୍ବାହ କରିପାରିବେ ବୋଲି ରାଷ୍ଟ୍ରପତି ମତ ଦେଇଛନ୍ତି ।

ନୂଆ ଶିକ୍ଷାନୀତି ସଂପର୍କରେ ରାଜ୍ୟପାଳମାନଙ୍କୁ ସୂଚନା ଦେଇ ରାଷ୍ଟ୍ରପତି ଶ୍ରୀ କୋବିନ୍ଦ କହିଛନ୍ତି ଯେ ଏହି ଦସ୍ତାବିଜରେ ସାମାଜିକ ଓ ଆର୍ଥିକ ଦୃଷ୍ଟିରୁ ପଛୁଆ ଗୋଷ୍ଠୀଙ୍କୁ ଅଗ୍ରାଧିକାର ଦିଆଯାଇ ସେମାନଙ୍କ ପାଇଁ ବିଭିନ୍ନ ବ୍ୟବସ୍ଥା କରାଯାଇଛି । ସେଥିମଧ୍ୟରେ ୨୦୨୫ ସୁଦ୍ଧା ପ୍ରାଥମିକ ଶ୍ରେଣୀସ୍ତରରେ ସମସ୍ତଙ୍କୁ ମୌଳିକ ସାକ୍ଷରତା ଏବଂ ସର୍ବନିମ୍ନ ଗଣିତ ଦକ୍ଷତା ନିଶ୍ଚିତ କରିବାର ପ୍ରୟାସ କରାଯାଇଛି ।

ନୂଆ ଶିକ୍ଷାନୀତିରେ ଶିକ୍ଷକମାନଙ୍କ ଭୂମିକା ସଂପର୍କରେ ରାଷ୍ଟ୍ରପତି କହିଛନ୍ତି ଯେ ନୂତନ ବ୍ୟବସ୍ଥାରେ ସେମାନଙ୍କର ମୁଖ୍ୟ ଭୂମିକା ରହିବ । ସବୁଠୁ ଉଦୀୟମାନ ଓ ପ୍ରତିଭାବାନ ପ୍ରାର୍ଥୀମାନଙ୍କୁ ଶିକ୍ଷକ ବୃତ୍ତି ପାଇଁ ବଛାଯିବ । ଏହାକୁ ଦୃଷ୍ଟିରେ ରଖି ଏକ ନୂଆ ଏବଂ ପୂର୍ଣ୍ଣାଙ୍ଗ ଶିକ୍ଷକ ଶିକ୍ଷା ପାଠ୍ୟକ୍ରମ ଆସନ୍ତାବର୍ଷ ଶେଷସୁଦ୍ଧା ପ୍ରସ୍ତୁତ କରାଯିବ ।

ଧନ୍ଦାମୂଳକ ଶିକ୍ଷା ସଂପର୍କରେ ଉଲ୍ଲେଖକରି ରାଷ୍ଟ୍ରପତି କହିଛନ୍ତି ଯେ ଭାରତୀୟ ଶ୍ରମଶକ୍ତିର ପାଞ୍ଚ ଭାଗରୁ କମ୍ ଲୋକ ଆନୁଷ୍ଠାନିକ ଧନ୍ଦାମୂଳକ ଶିକ୍ଷା ଲାଭ କରିବାର ସୁଯୋଗ ପାଇଥାନ୍ତି। ପାଶ୍ଚାତ୍ୟ ଦେଶଗୁଡିକରେ ଦିଆଯାଉଥିବା ଧନ୍ଦାମୂଳକ ଶିକ୍ଷା ତୁଳନାରେ ଏହା ନଗଣ୍ୟ। ତେଣୁ ନୂଆ ଶିକ୍ଷାନୀତିର ଧନ୍ଦାମୂଳକ ଶିକ୍ଷା ଏବେ ପ୍ରମୁଖ ଧାରାର ଶିକ୍ଷାର ଏକ ଅଂଶଭାବେ ବିବେଚିତ ହେବ ଏବଂ ଏହାକୁ ସମାନ ମର‌୍ୟ୍ୟାଦା ପ୍ରଦାନ କରାଯିବ। ଏହା ଫଳରେ ଛାତ୍ରଛାତ୍ରୀମାନେ ଅଧିକ କୁଶଳୀ ହେବାସହ ସେମାନଙ୍କ ମଧ୍ୟରେ ଶ୍ରମ ପ୍ରତି ମର‌୍ୟ୍ୟାଦା ଓ ସମ୍ମାନ ସୃଷ୍ଟି ହେବ।

ରାଷ୍ଟ୍ରପତି ଶ୍ରୀ କୋବିନ୍ଦ କହିଛନ୍ତି ଯେ ପ୍ରାଥମିକ ସ୍ତରରେ ମାତୃଭାଷା ଶିକ୍ଷାଦାନର ମାଧ୍ୟମ ହେବା ଉଚିତ ବୋଲି ଅଧିକାଂଶ ମହଲରୁ ମତପ୍ରକାଶ ପାଇଛି । ତେଣୁ ତାହାକୁ ବିଚାରକୁ ନେଇ ନୂଆ ଶିକ୍ଷାନୀତିରେ ତ୍ରିଭାଷୀ ସୂତ୍ରକୁ ଗ୍ରହଣ କରାଯାଇଛି । ଏହା ଫଳରେ ଭାରତୀୟ ଭାଷା, କଳା ଓ ସଂସ୍କୃତିକୁ ଲାଭ ମିଳିବ ଏବଂ ଏହା ଦେଶର ଏକତା ଓ ଅଖଣ୍ଡତା ସୁରକ୍ଷିତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବ । ଦେଶର ଭାଷାଗତ ବିବିଧତା ଦୃଷ୍ଟିରୁ ଏହା ବିଶେଷ ଗୁରୁତ୍ୱପୂର୍ଣ୍ଣ।

ସେ କହିଛନ୍ତି ଯେ ଗୋଟିଏ ବୃହତ୍ ମଲ୍‌ଟି ଡିସିପ୍ଲିନାରୀ ଉଚ୍ଚ ଶିକ୍ଷାନୁଷ୍ଠାନ ପ୍ରତ୍ୟେକ ଜିଲା କିମ୍ବା ତାହାର ଆଖପାଖରେ ୨୦୩୦ ସୁଦ୍ଧା ପ୍ରତିଷ୍ଠା କରାଯିବାର ଲକ୍ଷ୍ୟ ରଖାଯାଇଛି । ଏ ସବୁ ଶିକ୍ଷାନୁଷ୍ଠାନ ଶିକ୍ଷା ଦୃଷ୍ଟିରୁ ପଛୁଆ ଅଞ୍ଚଳରେ ପ୍ରତିଷ୍ଠା କରାଯିବ। ନୂଆ ଶିକ୍ଷାନୀତିରେ ଏହି ବ୍ୟବସ୍ଥା ରହିଛି । ଏହା ଫଳରେ ସାମାଜିକ ଓ ଆର୍ଥିକ ଦୃଷ୍ଟିରୁ ଅନଗ୍ରସର ଗୋଷ୍ଠୀ ଉତ୍ତମମାନର ଉଚ୍ଚଶିକ୍ଷା ପାଇବାର ସୁଯୋଗ ଲାଭ କରିବେ । ଏହାଛଡା ଭାରତକୁ ଗ୍ଲୋବାଲ ଷ୍ଟଡି ଡେଷ୍ଟିନେସନରେ ପରିଣତ କରିବା ପାଇଁ ଉଦ୍ୟମ କରାଯାଉଛି । ସେଥିପାଇଁ ପ୍ରତିଷ୍ଠିତ ବିଦେଶୀ ବିଶ୍ୱବିଦ୍ୟାଳୟ ସମୂହକୁ ଭାରତରେ ଶିକ୍ଷାଦାନ କରିବା ପାଇଁ ଅନୁମତି ଦିଆଯିବ ।

ରାଜ୍ୟପାଳମାନଙ୍କର ଆଗ୍ରହକୁ ପ୍ରଶଂସା କରି ରାଷ୍ଟ୍ରପତି କହିଛନ୍ତି ଯେ ସେମାନଙ୍କ ମଧ୍ୟରୁ କେତେକ ଇତିମଧ୍ୟରେ ନୂଆ ଜାତୀୟ ଶିକ୍ଷାନୀତିକୁ କାର‌୍ୟ୍ୟକାରୀ କରିବା ପାଇଁ ପ୍ରସ୍ତୁତି ଆରମ୍ଭ କରିଦେଲେଣି। ସେମାନେ ନିଜ ନିଜର ଶିକ୍ଷାମନ୍ତ୍ରୀ ଓ କୁଳପତିମାନଙ୍କ ସହ କଥାବାର୍ତ୍ତା କଲେଣି । ଏହାକୁ ସେ ସ୍ୱାଗତ କରିବା ସହ ନୂଆ ଶିକ୍ଷାନୀତିର କାର‌୍ୟ୍ୟକାରିତା ପାଇଁ ଏକ ବିଷୟଭିତ୍ତିକ ଭର୍ଚୁଆଲ ସମ୍ମିଳନୀ ଆୟୋଜନ କରିବାକୁ ସେ ପ୍ରସ୍ତାବ ଦେଇଛନ୍ତି । ଏ ସଂପର୍କରେ ମଧ୍ୟ ସେ କେନ୍ଦ୍ର ଶିକ୍ଷାମନ୍ତ୍ରୀଙ୍କ ପ୍ରସ୍ତାବ ଲୋଡିଛନ୍ତି ।

ରାଷ୍ଟ୍ରପତି କହିଛନ୍ତି ଯେ ରାଜ୍ୟପାଳବୃନ୍ଦ ଓ ଶିକ୍ଷାମନ୍ତ୍ରୀଗଣଙ୍କ ଅବଦାନ ଫଳରେ ଜାତୀୟ ଶିକ୍ଷାନୀତି କାର‌୍ୟ୍ୟକାରୀ ହୋଇପାରିବ ଏବଂ ନୂଆ ଶିକ୍ଷାନୀତି ଭାରତକୁ ଏକ ନଲେଜ ହବ୍‌ରେ ପରିଣତ କରିପାରିବା ଘେନି ସେ ଆଶାବାଦୀ ।

Categories
ଆଜିର ଖବର

ରାଷ୍ଟ୍ରପତିଙ୍କ ସୁରକ୍ଷା ଭାଙ୍ଗି ପଶିଗଲା ଜଣେ ଲୋକ, ଓଡିଶାରେ ସୁରକ୍ଷା ବ୍ୟବସ୍ଥା କରାଗଲା କଡାକଡି

ଭୁବନେଶ୍ବର/ଯୋଧପୁର,07/12: ଓଡିଶାରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। କାରଣ ଶନିବାର ଦିନ ଯୋଧପୁରରେ ଯେପରି ରାଷ୍ଟ୍ରପତିଙ୍କ ସୁରକ୍ଷା ବଳୟ ଭାଙ୍ଗି ଜଣେ ପଶି ଆସିଲା ସେଥିପାଇଁ ଓଡ଼ିଶାରେ ସବୁଆଡୁ ତୀକ୍ଷ୍ମ ନଜର ରଖାଯାଇଛି। ଓଡିଶା ଆସିବା ପୂର୍ବରୁ ରାମନାଥ କୋବିନ୍ଦ ଯୋଧପୁର ଗସ୍ତରେ ଯାଇଥିଲେ। ସେ ଯୋଧପୁରର ସର୍କିଟ ହାଉସରେ ସକାଳ ଜଳଖିଆ କରୁଥିବା ବେଳେ ହଠାତ ଜଣେ ଲୋକ ସୁରକ୍ଷା ବଳୟ ଭାଙ୍ଗି ଭିତରକୁ ପଶି ଆସିଲା। ସେ ଦୈଡି ଦୈଡି ରାଷ୍ଟ୍ରପତିଙ୍କ ପାଦ ଛୁଇଁକୁ ଉଦ୍ୟମ କରୁଥିବା ବେଳେ ସେଠାରେ ଥିବା ପୋଲିସ ତାଙ୍କୁ ଧରି ବାହାରକୁ ଭିଡି ନେଇ ଯାଇଥିଲେ।

ଏହି ଘଟଣା ଜଣାପଡିବା ପରେ ସେଠାରେ ଥିବା ଉଚ୍ଚ ପଦସ୍ଥ ପୋଲିସ ଅଧିକାରୀ ତୁରନ୍ତ 6 ଜଣ ସୁରକ୍ଷା ଅଧିକାରୀଙ୍କୁ ନିଳମ୍ବିତ କରିଛନ୍ତି। ପୋଲିସ ତରଫରୁ କୁହାଯାଇଛି ଯେ, ସେହି ଲୋକର ନାମ ହେଉଛି ଦୀନେଶ ଚାନ୍ଦ ଏବଂ ତାଙ୍କ ଘର ଆଜମିର ଜିଲ୍ଲାରେ। ସେ କିଛିଦିନ ହେଲା ମାନସିକ ରୋଗରେ ପିଡିତ ଅଛନ୍ତି। ସକାଳୁ ସେ ସର୍କିଟ ହାଉସର ପାଚେରୀ ଡେଇଁ ରାଷ୍ଟ୍ରପତିଙ୍କ ପାଖକୁ ଯିବାକୁ ଚେଷ୍ଠା କରିଥିଲା। ସେହି ସମୟରେ ସର୍କିଟ ହାଉସରେ ରାଷ୍ଟ୍ରପତିଙ୍କ ସହିତ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହେଲେଟ ମଧ୍ୟ ଥିଲେ। ଲୋକଟିକୁ ଅଟକ ରଖାଯାଇ ଅଧିକ ପଚରାଉଚୁରା କରାଯାଉଛି ବୋଲି ପୋଲିସ କହିଛି।

ଏହି ଖବର ପରେ ଓଡିଶାରେ ରାଷ୍ଟ୍ରପତିଙ୍କ ସୁରକ୍ଷା ବ୍ୟବସ୍ଥା ପୂର୍ବ ଅପେକ୍ଷା ଅଧିକ କଡାକଡି କରାଯାଇଥିବାର ଜଣାପଡିଛି। କାରଣ ରାଷ୍ଟ୍ରପତି ଓଡିଶାରେ ଦୁଇଟି ସାଧାରଣ ସଭାରେ ଯୋଗଦେବାର କାର୍ଯ୍ୟକ୍ରମ ଥିବାରୁ ପୋଲିସ ତରଫରୁ ରାଷ୍ଟ୍ରପତିଙ୍କ ଗସ୍ତକୁ କଡା ସୁରକ୍ଷା ବଳୟ ମଧ୍ୟରେ ରଖିଛନ୍ତି। (ଆଇଏଏନସ ତଥ୍ୟ)