ନୂଆଦିଲ୍ଲୀ: କରୋନା ସଂକ୍ରମଣ ବଢୁଥିବାରୁ ଦେଶରେ ଧୀରେ ଧୀରେ କଟକଣାକୁ କଡାକଡି କରାଯାଉଛି। ମଧ୍ୟପ୍ରଦେଶ ସରକାର କରୋନା ସଂକ୍ରମଣକୁ ରୋକିବା ପାଇଁ ଲକଡ଼ାଉନ ଘୋଷଣା କରିଛି। ଏହି ଲକଡାଉନ ୬୦ ଘଣ୍ଟା ପର୍ଯ୍ୟନ୍ତ ବଳବତ୍ତର ରହିବ। ସମସ୍ତ ସହରାଞ୍ଚଳ ପାଇଁ ଏହି ୬୦ ଘଣ୍ଟିଆ ଲକଡାଉନ ରାଜ୍ୟ ସରକାର ଘୋଷଣା କରିଛି। ଆସନ୍ତାକାଲି ସନ୍ଧ୍ୟା ୬ ଘଟିକା ଠାରୁ ସୋମବାର ସକାଳ ୬ ଘଟିକା ଯାଏଁ ଲକଡାଉନ କଟକଣା ଜାରି ରହିବ।
ତେବେ ଏହି ସମୟରେ ଜରୁରୀକାଳିନ ସେବାକୁ ଛାଡିଦେଲେ ଅନ୍ୟସେବା ବନ୍ଦ ରହିବ ବୋଲି ନିର୍ଦ୍ଦେଶ ହୋଇଛି। ନିୟମ ଉଲ୍ଲଂଘନ କଲେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସରକାର ପକ୍ଷରୁ ନିର୍ଦ୍ଦେଶ ହୋଇଛି।