ନୂଆଜିଲ୍ଲୀ, ପୁଣି ଥରେ ଦେଶକୁ ସେହି ଦୟନିୟ ଅବସ୍ଥାକୁ ଫେରି ଆସୁଛି। ଦିଲ୍ଲୀରେ ଛଅ ଦିନ ପାଇଁ ଲକ ଡାଉନ ଘୋଷଣା ହେବା ପରେ ଶ୍ରମିକଙ୍କ ମଧ୍ୟରେ ଭୟ ସୃଷ୍ଟି ହୋଇଛି। ବିଭିନ୍ନ ରାଜ୍ୟରୁ କାମ କରିବାକୁ ଯାଇଥିବା ଶ୍ରମିକମାନେ ବର୍ତ୍ତମାନ ଘରକୁ ଫେରିବା ଆରମ୍ଭ କରିଛନ୍ତି। ଫଳରେ ଦିଲ୍ଲୀର ବିଭିନ୍ନ ବସଷ୍ଟାଣ୍ଡ ଏବଂ ରେଳ ଷ୍ଟେସନରେ ଶ୍ରମିକଙ୍କର ଭିଡ ଆରମ୍ଭ ହୋଇଯାଇଛି। ଦିଲ୍ଲୀର ଆନନ୍ଦ ବିହାର ବସ ଟରର୍ମିନାଲରେ ଶ୍ରମିକମାନେ ଘରକୁ ଫେରିବା ପାଇଁ ନାହିଁ ନ ଥିବା ଭିଡ କରିଥିଲେ।
ଲକଡାଉନ ଘୋଷଣା ବେଳେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲା ଶ୍ରମିକଙ୍କୁ ଘରକୁ ନ ଫେରିବା ପାଇଁ ହାତ ଯୋଡି କହିଥିଲେ। ହେଲେ ତାଙ୍କ କଥା କେହି ଶୁଣିବାକୁ ନାରାଜ। ଲକଡାଉନ ପୂର୍ବରୁ କିପରି ଘରକୁ ଫେରିବେ ସେ ନେଇ ଶ୍ରମିକମାନେ ବିଭିନ୍ନ ସ୍ଥାନରେ ଭିଡ ଆରମ୍ଭ କରିଦେଲେଣି। ଏହାକୁ ନେଇ ପୁଣି ଥରେ ସରକାରଙ୍କ ଚିନ୍ତା ବଢିବାରେ ଲାଗିଛି।
