ନୂଆଦିଲ୍ଲୀ: ଭାରତରେ କରୋନା ଟୀକାର ଅଭାବ ହୋଇଥିବା ବହୁ ରାଜ୍ୟ ଅଭିଯୋଗ କରିଛି। ହେଲେ ଦେଶରେ ଏପ୍ରିଲ ୧୧ ତାରିଖ ଯାଏଁ ବ୍ୟବହାର ହୋଇଥିବା ମୋଟ ଟୀକା ମଧ୍ୟରୁ ୨୩ ପ୍ରତିଶତ ଟୀକା ଡୋଜ ନଷ୍ଟ ହୋଇଛି। ଆରଟିଆଇ ମାଧ୍ୟମରୁ ଏଭଳି ଏକ ସୂଚନା ସାମ୍ନାକୁ ଆସିଛି। ଆରଟିଆଇ ଦ୍ଵାରା ସୂଚନା ମିଳିଛି କି, ଏପ୍ରିଲ ୧୧ ତାରିଖ ପର୍ୟ୍ଯନ୍ତ ଦେଶରେ ବ୍ୟବହାର ହୋଇଥିବା ମୋଟ ୧୦ କୋଟି ୩୪ ଲକ୍ଷ ଟୀକା ମଧ୍ୟରୁ ୪୪ ଲକ୍ଷ ୭୮ ହଜାରରୁ ଉର୍ଦ୍ଧ୍ଵ ଟୀକା ଡୋଜ ଖରାପ ହୋଇଛି।
ସର୍ବାଧିକ ରାଜସ୍ଥାନରେ ୬ ଲକ୍ଷ ୧୦ ହଜାର ୫୫୧ ଟୀକା ଡୋଜ ନଷ୍ଟ ହୋଇଥିବା ବେଳେ ତାମିଲନାଡୁରେ ୫ ଲକ୍ଷ ୪ ହଜାର ୭୨୪, ଉତ୍ତରପ୍ରଦେଶରେ ୪ ଲକ୍ଷ ୯୯ ହଜାର ୧୧୫, ମହାରାଷ୍ଟ୍ରରେ ୩ ଲକ୍ଷ ୫୬ ହଜାର ୭୨୫ ଡ଼ୋଜ ଖରାପ ହୋଇଛି। ସେହିଭଳି ଓଡିଶାରେ ୧ ଲକ୍ଷ ୪୧ ହଜାର ୮୧୧ ଟୀକା ଡ଼ୋଜ ଖରାପ ହୋଇଥିବା ଆରଟିଆଇରୁ ସୂଚନା ମିଳିଛି।
ଜାଣନ୍ତୁ କେଉଁ ରାଜ୍ୟରେ କେତେ ଡୋଜ ହୋଇଛି ଖରାପ:
୧- ରାଜସ୍ଥାନ– ୬ ଲକ୍ଷ ୧୦ ହଜାର ୫୫୧
୨- ତାମିଲନାଡୁ– ୫ ଲକ୍ଷ ୪ ହଜାର ୭୨୪
୩- ଉତ୍ତରପ୍ରଦେଶ– ୪ ଲକ୍ଷ ୯୯ ହଜାର ୧୧୫
୪- ମହାରାଷ୍ଟ୍ର– ୩ ଲକ୍ଷ ୫୬ ହଜାର ୭୨୫
୫- ଗୁଜୁରାଟ– ୩ ଲକ୍ଷ ୫୬ ହଜାର
୬- ବିହାର– ୩ ଲକ୍ଷ ୩୭ ହଜାର ୭୬୯
୭- ହରିୟଣା– ୨ ଲକ୍ଷ ୪୬ ହଜାର ୪୬୨
୮- କର୍ଣ୍ଣାଟକ– ୨ ଲକ୍ଷ ୧୪ ହଜାର ୮୪୨
୯- ତେଲେଙ୍ଗନା- ୧ ଲକ୍ଷ ୬୮ ହଜାର ୩୦୨
୧୦- ପଞ୍ଜାବ- ୧ ଲକ୍ଷ ୫୬ ହଜାର ୪୨୩
୧୧- ଛତିଶଗଡ- ୧ ଲକ୍ଷ ୪୫ ହଜାର
୧୨- ଓଡିଶା– ୧ ଲକ୍ଷ ୪୧ ହଜାର ୮୧୧
