ଭୁବନେଶ୍ବର: ଆସନ୍ତାକାଲି ଭୁବନେଶ୍ବରରେ ଆଉ ୩ ଟି ସ୍ଥାନରେ ଡ୍ରାଇଭ୍ ଇନ୍ ଟୀକା ବ୍ୟବସ୍ଥା ଆରମ୍ଭ ହେବ। ୪୪ ବର୍ଷରୁ ଉର୍ଦ୍ଧ୍ଵ ବ୍ୟକ୍ତିଙ୍କ ଟୀକାକରଣ ବ୍ୟବସ୍ଥା ହୋଇଛି। କିନ୍ତୁ ଏହି ବ୍ୟବସ୍ଥାରେ କେବଳ ଲୋକଙ୍କୁ ଦ୍ଵିତୀୟ ଡୋଜ୍ ଟୀକା ଦିଆଯିବ। ଆସନ୍ତାକାଲିଠୁ କଳ୍ପନା ଛକ ନିକଟସ୍ଥ ଉତ୍କଳ କନିକା ଗାଲେରିଆ ପାର୍କିଂ ସ୍ଥାନ, ରୁଦ୍ରପୁରରେ ସିମ୍ଫୋନୀ ମଲ୍ ପାର୍କିଂ ସ୍ଥାନ, କିଟ୍ ବିଶ୍ୱବିଦ୍ୟାଳୟର କ୍ରିକେଟ ଷ୍ଟାଡିୟମରେ ଡ୍ରାଇଭ ଇନ ଟୀକା ବ୍ୟବସ୍ଥା ହୋଇଯାଇଛି।
ତେବେ ଏଥିପାଇଁ ଆଜି ସନ୍ଧ୍ୟା ୬ ଟା ରୁ ସ୍ଲଟ୍ ବୁକିଂ ବ୍ୟବସ୍ଥା ଆରମ୍ଭ ହେବ। ମେ’ ୧୧ ତାରିଖରୁ ୧୫ ତାରିଖ ଯାଏଁ ମୋଟ ୩୦୦ ଟି ସ୍ଲଟ୍ ଉପଲବ୍ଧ ହେବ। ଏହି ସ୍ଥାନଗୁଡିକରେ ସ୍ଲଟ୍ ବୁକିଂ କରିଥିବା ୪୫ ବର୍ଷର ଉର୍ଦ୍ଧ୍ଵ ବ୍ୟକ୍ତିଙ୍କୁ ଦ୍ଵିତୀୟ ଡୋଜ୍ ଟୀକା ଦେବା ପାଇଁ ବ୍ୟବସ୍ଥା କରାଯାଇଛି। ଏନେଇ ବିଏମସି ପକ୍ଷରୁ ସୂଚନା ମିଳିଛି।
Tags: ଡ୍ରାଇଭ୍ ଇନ୍ ଟୀକା, ଭୁବନେଶ୍ବର
