ବ୍ରହ୍ମପୁର: କୋଭିଡ୍ ସଂକ୍ରମଣକୁ ରୋକିବା ପାଇଁ ଗଞ୍ଜାମ ଜିଲ୍ଲାପାଳ ଆଉ ଏକ ପ୍ରୟାସ କରିଛନ୍ତି। ସେଥିପାଇଁ ଗଞ୍ଜାମବାସୀଙ୍କୁ ବିବାହ ଉତ୍ସବରେ କିଛି ନିୟମ ମାନିବାକୁ ନିବେଦନ କରିଛନ୍ତି। ବିବାହ ପାଇଁ ବର କନ୍ୟାଙ୍କ ଆଣ୍ଟିଜେନ ପରୀକ୍ଷା କରିବାକୁ ଜିଲ୍ଲାପାଳ ନିବେଦନ କରିଛନ୍ତି।
ବର କନ୍ୟାଙ୍କ ସମେତ ବିବାହ ଉତ୍ସବରେ ଯୋଗଦେବାକୁ ଥିବା ୫୦ ଜଣ ଅତିଥିଙ୍କୁ ଆଣ୍ଟିଜେନ ପରୀକ୍ଷା ପାଇଁ ସେ କହିଛନ୍ତି। ବିବାହ ପାଇଁ ଅନୁମତି ନେଲା ବେଳେ ଆଣ୍ଟିଜେନ ପରୀକ୍ଷା କରିବାକୁ ଶ୍ରୀ କୁଲାଙ୍ଗେ ଅନୁରୋଧ କରିଛନ୍ତି। ଏହାଦ୍ବାରା ସଂକ୍ରମଣ ବୃଦ୍ଧି ପାଇବ ନାହିଁ ବୋଲି ଜିଲ୍ଲାପାଳ କହିଛନ୍ତି।
ତେବେ ଗଞ୍ଜାମ ଜିଲ୍ଲାପାଳଙ୍କ ଏଭଳି ବାର୍ତ୍ତାକୁ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଛି। କୋଭିଡ଼ ପରିଚାଳନା ପାଇଁ କିଛି ନୂଆ ନୂଆ ପଦକ୍ଷେପମାନ ନେଇ ସେ ଚର୍ଚ୍ଚାରେ ଅଛନ୍ତି।
Tags: କୋଭିଡ୍ ସଂକ୍ରମଣ, ଗଞ୍ଜାମ ଜିଲ୍ଲାପାଳ
