ନାରଦା ମାମଲା: ଗିରଫ ତୃଣମୂଳ ନେତାଙ୍କୁ ଗୃହ ବନ୍ଦୀ ପାଇଁ ଆଦେଶ ଦେଲେ କଲିକତା ହାଇକୋର୍ଟ

Published: May 21, 2021, 1:22 pm IST

କଲିକତା: ନାରଦା ମାମଲାରେ ପଶ୍ଚିମବଙ୍ଗର ଦୁଇ ଜଣ ମନ୍ତ୍ରୀ, ଜଣେ ବିଧାୟକ ଏବଂ ଆଉ ଜଣେ ପୂର୍ବତନ ମେୟର ଗିରଫ ହୋଇଛନ୍ତି। କଲିକତା ହାଇକୋର୍ଟ ଏହି ମାମଲାର ଆଜି ଜାମିନ ଆବେଦନ ଉପରେ ଶୁଣାଣି କରିଛନ୍ତି। ଆଜିର ଏହି ଶୁଣାଣିରେ ଦୁଇ ବିଚାରପତିଙ୍କ ଭିନ୍ନ ଭିନ୍ନ ମତ ପ୍ରକାଶ ପାଇଥିଲା।

ହାଇକୋର୍ଟର କାର୍ଯ୍ୟକାରୀ ମୁଖ୍ୟ ବିଚାରପତି ରାଜେଶ ବିନ୍ଦଲ ନେତାଙ୍କୁ ଗୃହ ବନ୍ଦୀ କରିବାକୁ ଆଦେଶ ଦେଇଥିବା ବେଳେ ବିଚାରପତି ଅର୍ଜିତ ବାନାର୍ଜୀ ଅଗ୍ରୀମ ଜାମିନ ପାଇଁ ଆଦେଶ ଦେଇଥିଲେ। ତେବେ ଗିରଫ ନେତାଙ୍କ ଜାମିନ ଆବେଦନ ପାଇଁ ତିନି ଜଣିଆ ଖଣ୍ଡପୀଠ ପରବର୍ତ୍ତୀ ଶୁଣାଣୀ କରିବା ଲାଗି ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ମହାମାରୀକୁ ଦେଖି ବର୍ତ୍ତମାନ ଗିରଫ ନେତାଙ୍କୁ ଗୃହ ବନ୍ଦୀ ଲାଗି ହାଇକୋର୍ଟ ନିର୍ଦ୍ଦେଶ ଦେଇଛନ୍ତି।

Related posts