ନୂଆଦିଲ୍ଲୀ: କୋଭିଡରେ ବାପା ମା’ଙ୍କୁ ହରାଇଥିବା ଅନାଥ ପିଲାଙ୍କ ପାଇଁ କେନ୍ଦ୍ର ସରକାର ବଡ ଘୋଷଣା କରିଛି। ପ୍ରଧାନମନ୍ତ୍ରୀ କେୟାରସ୍ ଫଣ୍ଡରୁ କେନ୍ଦ୍ରର ଆର୍ଥିକ ସହାୟତା ଘୋଷଣା କରିଛନ୍ତି। ଅନାଥ ଶିଶୁଙ୍କୁ କେନ୍ଦ୍ର ମାଗଣାରେ ଶିକ୍ଷା ଯୋଗାଇଦେବ। ଏହାସହ ଉଚ୍ଚ ଶିକ୍ଷା ପାଇଁ ମଧ୍ୟ ବିନା ସୁଧରେ ଋଣ ପ୍ରଦାନ କରିବ। ୧୮ ବର୍ଷ ବୟସ ପର୍ଯ୍ୟନ୍ତ ପ୍ରତି ମାସରେ ଆର୍ଥିକ ସହାୟତା ମିଳିବ। ୧୮ ବର୍ଷ ହେବା ଯାଏଁ ଶିଶୁଙ୍କ ନାଁରେ ୫ ଲକ୍ଷ ଟଙ୍କାର ସ୍ୱାସ୍ଥ୍ୟ ବୀମା ନେଇ କେନ୍ଦ୍ର ଘୋଷଣା କରିଛି। ୨୩ ବର୍ଷ ପୁରଣ ହେଲେ ଏକସଙ୍ଗେ ୧୦ ଲକ୍ଷ ଟଙ୍କାର ଆର୍ଥିକ ସହାୟତା ମିଳିବ।
