ପୁରୀ, ଆଜି ହେଉଛି ପବିତ୍ର ଭଉଁରୀ ତିଥି। ଏହି ତିଥିର ରହିଛି ଏକ ସ୍ବତନ୍ତ୍ରତା। କାରଣ ଏହି ଦିନ ଶ୍ରୀଜଗନ୍ନାଥଙ୍କର ଏକ ସ୍ବତନ୍ତ୍ର ନିତି ପାଳନ କରାଯାଇଥାଏ। ତାହା ହେଲା ଏହି ଦିନ ରଥଖଳାରେ ରଥଚକା ନିର୍ମାଣ ଶେଷ ହୋଇ ଅଖ ଯୋଡେଇ କରାଯାଇଥାଏ।
ଏହି ତିଥିରେ ଆଜି ପ୍ରଥମେ ଶ୍ରୀଜୀଉଙ୍କ ଆଜ୍ଞାମାଳ ରଥଖଳାକୁ ବିଜେ କରାଯାଇଥିଲା। ସେଠାରେ ଆଜ୍ଞାମାଳ ପାଇବା ପରେ ରଥ ନିର୍ମାଣ ସେବକମାନେ ତିନିରଥର ଅଖରେ ଦୁଇଟି ଲେଖାଏଁ ଚକ ସଂଯୋଗ କରି, ଚକା ଡେରା ନୀତି ସମ୍ପନ୍ନ କରିଥିଲେ ।
