ଭୁବନେଶ୍ବର, ବିଶିଷ୍ଠ ପରିବେଷବିତ ତଥା ଅର୍ଥନୈତିକ ପ୍ରଫେସର ରାଧାମୋହନଙ୍କ ଆଜି ପରଲୋକ ଘଟିଛି। ସେ ଅସୁସ୍ଥତା ଅନୁଭବ କରିବାରୁ ତାଙ୍କୁ ଭୁବନେଶ୍ବରର ଏକ ଘରୋଇ ହସପିଟାଲରେ ଭର୍ତ୍ତି କରାଯାଇଥିଲା। ହେଲେ ଆଜି ସେ ଶେଷ ନିଶ୍ବାସ ତ୍ୟାଗ କରିଛନ୍ତି। ମୃତ୍ୟୁବେଳକୁ ତାଙ୍କୁ 78 ବର୍ଷ ବୟସ ହୋଇଥିଲା।
ପ୍ରଫେସର ରାଧାମୋହନ ଜଣେ ପରିବେଷବିତ ଭାବେ ବେଶ ଜଣାଶୁଣା। ସମ୍ଭବ ନାମକ ଏକ ଅନୁଷ୍ଠାନ କରି ରାଜ୍ୟର ପୁରୁଣା ଧାନ ବିହନ ସଂରକ୍ଷଣ କରି ରଖିଥଲେ। ସେ ସବୁବେଳେ ଜୈବିକ ଚାଷ ଉପରେ ଗୁରୁତ୍ବ ପ୍ରଦାନ କରୁଥିଲେ। ଏଥିରେ ତାଙ୍କର ଝିଅ ସାବରମତି ମଧ୍ୟ ବେଶ ସାହାର୍ଯ୍ୟ କରୁଥିଲେ। ସେଥିପାଇଁ ବାପଝିଅଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଛି। ସେ ଓଡିଶା ସୂଚନା କମିଶନର ଭାବେ ମଧ୍ୟ କାର୍ଯ୍ୟ କରିଥିଲେ। ତାଙ୍କ ବିୟୋଗରେ ବହୁ ବିଶିଷ୍ଠ ବ୍ୟକ୍ତି ଶୋକ ପ୍ରକାଶ କରିଛନ୍ତି।
