ଭୁବନେଶ୍ବର, ଜଟଣୀର କଂଗ୍ରେସ ବିଧାୟକ ବିଭିନ୍ନ ସମୟରେ ଭିନ୍ନ ଭିନ୍ନ କାର୍ଯ୍ୟକୁ ନେଇ ବେଶ୍ ଚର୍ଚ୍ଚାକୁ ଆସିଥାନ୍ତି। କେତେବେଳେ ବିବାଦୀୟ ମନ୍ତବ୍ୟ ଦେଇ ହେଉ କିମ୍ବା କେତେବେଳେ ରଜ ଦୋଳିରେ ଝୁଲିବା ହେଉ। ଏହି ବୟସରେ ସେ ବେଶ ଚଳଚଞ୍ଚଳ ସହିତ ଚର୍ଚ୍ଚାରେ ରହିଥାନ୍ତି।
ସେହିପରି ବିଧାୟକ ସୁରେଶ ରାଉତରାୟ ଆଜି ଶୀତଳଷଷ୍ଠୀ ଉପଲକ୍ଷେ ସେ ପୁରୁଣା ଭୁବନେଶ୍ବରରେ ଥିବା ଗୁଆଝର ପରିସରରେ ସଂଧ୍ୟାରେ ଚନ୍ଦନ ସ୍ନାନ କରିଛନ୍ତି। ଆଜି ପ୍ରଭୃ ଲିଙ୍ଗରାଜଙ୍କ ବିବାହ ଉତ୍ସବ କେଦାରଗୌରୀ ମନ୍ଦିରରେ ଅନୁଷ୍ଠିତ ହେଉଛି। ସେହିଠାରେ ଥିବା ପୋଖରୀରେ ଭକ୍ତମାନଙ୍କ ସହିତ ସେ ଏହି ଚନ୍ଦନ ସ୍ନାନ କରିଛନ୍ତି। ଯାହାକୁ ନେଇ ବିଭିନ୍ନ ମହଲରେ ବେଶ୍ ପ୍ରସଂଶା କରାଯାଉଛି।
