ପୁରୀ, ଆସନ୍ତା ଗୁରୁବାର ୨୪ ତାରିଖରେ ହେଉଛି ଦେବସ୍ନାନ ପୂର୍ଣ୍ଣିମା। ଏହି ଦିନ ଶ୍ରୀମନ୍ଦିରରୁ ତିନିଠାକୁର ରତ୍ନବେଦୀ ଛାଡି ସ୍ନାନମଣ୍ଡପକୁ ବିଜେ କରିବେ। ସେଠାରେ ସ୍ନାନ କରିବା ସହିତ ହାତୀ ବେଶରେ ଭକ୍ତଙ୍କୁ ଦର୍ଶନ ଦେବେ। ତେବେ ଏଥର କରୋନା କଟକଣା ପାଇଁ ସାହଣ ମେଲା ହେବ ନାହିଁ।
ଚଳିତ ବର୍ଷ ବିଳମ୍ବିତ ରାତ୍ରୀରୁ ପ୍ରଭୃଙ୍କ ନିତିକାନ୍ତି ଆରମ୍ଭ ହେବ। ଶ୍ରୀ ଜଗନ୍ନାଥ ମନ୍ଦିର ପ୍ରଶାସନ ତରଫରୁ ଜାରୀ କରାଯାଇଛି ସମୟ ନିର୍ଘଣ୍ଟ। ସେହି ଅନୁସାରେ
ଜୁନ ୨୪ ତାରିଖ ଗୁରୁବାର ସ୍ନାନଯାତ୍ରା ପୂଜା ନିତି ସମୟ
ପହଣ୍ଡି ବିଜେ- ରାତ୍ରୀ ୧ଟାରୁ ଭୋର ୪ଟା ପର୍ୟ୍ୟନ୍ତ
ମଙ୍ଗଳା ଆରତି- ଭୋର ୪ଟା ୩୦
ଜଳବିଜେ- ସକାଳ ୭ଟା ୩୦ ରୁ ୯ ଟା ୩୦
ନୂଆଲୁଗା ଲାଗି- ୧୦ଟା
ଛେରାପହଁରା- ୧୦ଟା ୩୦
ହାତୀ ବେଶ- ୧୧ଟାରୁ ୧୨ ଟା ପଯ୍ୟନ୍ତ
ସାହଣ ମେଲା- ଏଥର ହେବ ନାହିଁ
ବାହୁଡା ପହଁଣ୍ଡି- ଅପରାହ୍ନ ୫ଟାରୁ ରାତି ୮ଟା ପର୍ଯ୍ୟନ୍ତ
ମହାସ୍ନାନ- ରାତି ୧୦ଟା