ପୁରୀ, ସ୍ନାନ ମଣ୍ଡପରେ ଶ୍ରୀଜିୟୁଙ୍କ ସ୍ନାନ ଶେଷ ହେବା ପରେ ବର୍ତ୍ତମାନ ଗଜାନନ ବେଶରେ ଭର୍ଚ୍ୟୁୟାଲ ମାଧ୍ୟମରେ ଦର୍ଶନ ଦେଉଛନ୍ତି। କରୋନା ପାଇଁ ସାରା ପୁରୀରେ 144 ଧାରା ଲାଗୁ ହୋଇଥିବାରୁ ଭକ୍ତମାନେ ସିଧା ଦର୍ଶନ କରିବାରୁ ବଞ୍ଚିତ ହୋଇଛନ୍ତି। ଫଳରେ ରାଜ୍ୟ ମହାପ୍ରଭୃଙ୍କ ଗଜାନନ ବେଶ ଦର୍ଶନ ପାଇଁ ଟିଭି ମାଧ୍ୟମ ପାଲଟିଛି। ଓଡିଶାର ସମସ୍ତ ଟିଭି ଚ୍ୟାନେଲରେ ଠାକୁରଙ୍କ ଏହି ବିରଳ ବେଶକୁ ପ୍ରସାରଣ କରୁଛନ୍ତି। ଫଳରେ ସିଧା ନ ହେଲା ନାଇଁ ଭର୍ଚୁୟାଲରେ ଦର୍ଶନ କରୁଛନ୍ତି ଭକ୍ତଗଣ।
ସ୍ନାନ ଯାତ୍ରା ପାଇଁ ରାତି 2 ଟା 30 ମିନଟରେ ପ୍ରଥମେ ପହଁଣ୍ଡି ଆରମ୍ଭ ହୋଇଥିଲା। 4ଟା ବେଳେ ପ୍ରଥମେ ମଦନମୋହନ ସ୍ନାନ ମଣ୍ଡପକୁ ବିଜେ କରିଥିଲେ। ଏହା ପରେ ତିନିଠାକୁର ଧାଡି ପହଁଣ୍ଡିରେ ସ୍ନାନ ମଣ୍ଡପକୁ ବିଜେ କରିଥିଲେ। ଏହାପରେ ସ୍ନାନ କରାଯାଇ ନୂଆଲୁଗା ପରିଧାନ କରାଯାଇଥିଲା। ସେହିପର ଛେରାପହଁରା ଦିନ ୧୦ଟା ୩୦ ଅନୁଷ୍ଠିତ ହୋଇଥିଲା। ହେଲେ ଏଥର ଗଜପତି ଛେରା ପହାଁରା ନ କରି ତାଙ୍କ ମୁଦିରସ୍ତ ଏହି କାର୍ଯ୍ୟ କରିଥିଲେ। ଏହାପରେ ହାତୀ ବେଶ ବା ଗଜାନନ ବେଶରେ ପ୍ରଭୃ ଦର୍ଶନ ଦେଉଛନ୍ତି।
