ଭୁବନେଶ୍ବର: ଆଜି ୟୁଜି/ପିଜି ପରୀକ୍ଷାକୁ ନେଇ ସବୁ ଡିଗ୍ରୀ କଲେଜ ଅଧ୍ୟକ୍ଷଙ୍କ ସହ ଉଚ୍ଚ ଶିକ୍ଷାମନ୍ତ୍ରୀ ଅରୁଣ ସାହୁଙ୍କ ବୈଠକ ହୋଇଯାଇଛି। ଏହି ବୈଠକରେ ୟୁଜି/ପିଜି ପରୀକ୍ଷାକୁ ନେଇ ସବୁ ଡିଗ୍ରୀ କଲେଜ ଅଧ୍ୟକ୍ଷଙ୍କ ସହ ଆଲୋଚନା କରାଯାଇଥିଲା। ଏହି ପରୀକ୍ଷାର ଦାୟିତ୍ଵ ସବୁ ଶିକ୍ଷକଙ୍କୁ ନ୍ୟସ୍ତ କରାଯାଇଥିବା ଉଚ୍ଚଶିକ୍ଷା ମନ୍ତ୍ରୀ ସୂଚନା ଦେଇଛନ୍ତି। ଛାତ୍ରଛାତ୍ରୀମାନେ କିଭଳି ଅନଲାଇନରେ ପରୀକ୍ଷା ଦେବେ ତାହା ନେଇ ଶିକ୍ଷକମାନେ ଦାୟିତ୍ଵ ନେବେ ବୋଲି କୁହାଯାଇଛି।
ଶିକ୍ଷକମାନଙ୍କୁ ଛାତ୍ରଛାତ୍ରୀଙ୍କ ମେଣ୍ଟର ଦାୟିତ୍ଵ ଦେବାକୁ ନିର୍ଦ୍ଦେଶ ଦିଆଯାଇଛି। ନିର୍ଦ୍ଦିଷ୍ଟ କଲେଜର ଶିକ୍ଷକ ଏବଂ ଛାତ୍ରଛାତ୍ରୀ ସଂଖ୍ୟା ଦେଖି ମେଣ୍ଟର ବ୍ୟବସ୍ଥା କରାଯିବ। ପିଲାମାନେ କିଭଳି ଠିକ ଭାବେ ପରୀକ୍ଷା ଦେଇପାରିବେ, ସେଥିପ୍ରତି ମେଣ୍ଟର ମାନେ ଦାୟିତ୍ଵ ନେବେ। ଆଜିଠାରୁ ଏହାର ଦାୟିତ୍ଵ ନେବା ପାଇଁ ଶିକ୍ଷକମାନଙ୍କୁ ଦିଆଗଲା ବୋଲି ମନ୍ତ୍ରୀ ଅରୁଣ ସାହୁ ସୂଚନା ଦେଇଛନ୍ତି।
