ଭୁବନେଶ୍ବର: କୋଭିଡ ଟୀକା ଯୋଗାଣର ଅନୁପାତ ପରିବର୍ତ୍ତନ ପାଇଁ କେନ୍ଦ୍ର ସରକାର ନିକଟରେ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ନବ ଦାସ ଦାବି କରିଛନ୍ତି। ସରକାରୀ ଓ ଘରୋଇ ହସ୍ପିଟାଲକୁ ଦିଆଯାଉଥିବା ଟୀକାର ଅନୁପାତ ପରିବର୍ତ୍ତନ ପାଇଁ ଶ୍ରୀ ଦାସ ଦାବି କରିଛନ୍ତି। କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡା. ହର୍ଷବର୍ଦ୍ଧନଙ୍କୁ ନବ ଦାସ ଚିଠି ଲେଖି ଦାବି ଜଣାଇଛନ୍ତି। ସରକାରୀ ହସ୍ପିଟାଲକୁ ୯୫ ପ୍ରତିଶତ ଟୀକା ଯୋଗାଣ କରିବା ସହ ଘରୋଇ ହସ୍ପିଟାଲକୁ ମାତ୍ର ୫ ପ୍ରତିଶତ ଟୀକା ଦେବା ପାଇଁ ଶ୍ରୀ ଦାସ କହିଛନ୍ତି।
ରାଜ୍ୟରେ ଘରୋଇ ହସ୍ପିଟାଲ ସଂଖ୍ୟା ବହୁତ କମ ରହିଛି। ତେଣୁ ଘରୋଇ ହସ୍ପିଟାଲକୁ ୫ ପ୍ରତିଶତ ଟୀକା ଦେବାକୁ କହିଥିବା ବେଳେ ରାଜ୍ୟ ସରକାରଙ୍କୁ ୯୫ ପ୍ରତିଶତ ଟୀକା ଦେବା ପାଇଁ ସେ ଦାବି କରିଛନ୍ତି। କିନ୍ତୁ କେନ୍ଦ୍ର ସରକାର ଘରୋଇ ହସ୍ପିଟାଲକୁ ୨୫ ପ୍ରତିଶତ ଟୀକା ଯୋଗାଇବା ପାଇଁ ପୂର୍ବରୁ ଘୋଷଣା କରିଛି।
Tags: ଟୀକା ଯୋଗାଣ
