ନୂଆଦିଲ୍ଲୀ: ମାଓବାଦୀମାନେ ସହିଦ ଦିବସ ପାଳନ କରିବାକୁ ଯାଉଛନ୍ତି। ପ୍ରତ୍ୟେକ ବର୍ଷ ଜୁଲାଇ ୨୮ ତାରିଖରୁ ଅଗଷ୍ଟ ୩ ତାରିଖ ଯାଏଁ ମାଓବାଦୀ ସଂଗଠନର ସଂସ୍ଥାପକ ଚାରୁ ମଜୁମଦାର ଏବଂ ଅନ୍ୟ ସାଥିଙ୍କ ପାଇଁ ମାଓବାଦୀମାନେ ସହିଦ ସପ୍ତାହ ପାଳନ କରି ଶ୍ରଦ୍ଧାଞ୍ଜଳି ଦେଇଉଛନ୍ତି। ଏକ ସାମ୍ବାଦିକ ସମ୍ମିଳନୀରେ ମାଓବାଦୀ କେନ୍ଦ୍ର କମିଟି ଏନେଇ ସୂଚନା ଦେଇଛି। ମାଓବାଦୀ ଦ୍ଵାରା ଜାରି କରାଯାଇଥିବା ପ୍ରେସ ବାର୍ତ୍ତାରେ କୁହାଯାଇଛି କି, ଗତ ଏକ ବର୍ଷ ମଧ୍ୟରେ ୧୬୦ ଜଣ ମାଓବାଦୀ ମୃତ୍ୟୁବରଣ କରିଛନ୍ତି। ସେଥିମଧ୍ୟରୁ ୭୨ ଜଣଙ୍କ ରେକର୍ଡ ତାଙ୍କ ପାଖରେ ନାହିଁ।
ତେବେ ୧୬୦ ମରୁତ ମାଓବାଦୀଙ୍କ ମଧ୍ୟରୁ ସର୍ବାଧିକ ଦଣ୍ଡକାରଣ୍ୟରେ ୧୦୧ ମାଓବାଦୀଙ୍କ ମୃତ୍ୟୁ ହୋଇଥିବା ବେଳେ ବିହାର-ଝାଡ଼ଖଣ୍ଡରେ ୧୧ ଜଣ, ଓଡିଶାରେ ୧୪ ଜଣ, ଏମେମସିରେ ୮ ଜଣ, ଓଡିଶା-ଆନ୍ଧ୍ରା ସୀମାରେ ୧୧ ଜଣ, ତେଲେଙ୍ଗନାରେ ୧୪ ଜଣ ଏବଂ ପଶ୍ଚିମୀ ଘାଟିରେ ଜଣେ ମାଓବାଦୀଙ୍କ ମୃତ୍ୟୁ ହୋଇଛି। ୩୦ ଜଣ ମହିଳା ମାଓବାଦୀ ନିହତ ହୋଇଥିବା ବେଳେ ଦୁର୍ଘଟଣାରେ ୫ ଜଣ ଏବଂ ରୋଗାକ୍ରାନ୍ତ ହୋଇ ୧୩ ଜଣ ମାଓବାଦୀଙ୍କ ପ୍ରାଣହାନୀ ଘଟିଛି।
