ପୁରୀ, ଆଜି ମହାସମାରୋହରେ ସଂପର୍ଣ୍ଣ ହୋଇଛି ତିନିଠାକୁରଙ୍କ ଅଧରପଣା ନୀତି। ତିନିଠାକରୁଙ୍କ ଅଧରକୁ ଛୁଇଁବା ପରି ମାଟି ହାଣ୍ଡିରେ ପଣା ଭୋଗ କରାଯାଇଥାଏ। ଏହି ଭୋଗପରେ ସେହି ମାଟି ହାଣ୍ଡିକୁ ରଥ ଉପରେ ଭାଙ୍ଗି ଦିଆଯାଏ। ସାଧାରଣତଃ ଠାକୁର ଶ୍ରୀମନ୍ଦିରକୁ ଫେରିବା ପୂର୍ବରୁ ଚଣ୍ଡିଚାମୁଣ୍ଡା ସହିତ ପାର୍ଶ୍ବ ଦେବାଦେବୀଙ୍କୁ ପଣାଦେଇ ସନ୍ତୁଷ୍ଠ କରିବା ପାଇଁ ସେହି ପଣା ଭୋଗକୁ ରଥରେ ଉପରେ ଭାଙ୍ଗି ସେମାନଙ୍କୁ ପ୍ରଦାନ କରାଯାଇଥାଏ।
ଏହି ମାଟିହାଣ୍ତିଗୁଡିକ ବଡ଼ ଓଡ଼ିଆ ମଠ, ରାଘବ ଦାସ ମଠ ଏବଂ ଶ୍ରୀମନ୍ଦିର ପ୍ରଶାସନ ପକ୍ଷରୁ ପ୍ରସ୍ତୁତ ପଣାକୁ ଭୋଗ କରାଯାଇଥାଏ । ପାଣିଆ ଆପଟ ସେବାୟତମାନେ ଛାଉଣୀ ମଠ କୂଅରୁ ପାଣି ଆଣିବା ପରେ ଛେନା, କଦଳୀ, କ୍ଷୀର, ଗୋଲମରିଚ, ସର, କର୍ପୂର ଓ ଜାଇଫଳ ଗୁଣ୍ତ ଇତ୍ୟାଦି ମିଶାଇ ସୁଆର ସବାୟତମାନେ ପଣା ପ୍ରସ୍ତୁତ କରିଥାନ୍ତି।
