ଭୁବନେଶ୍ବର: ଆଜି ରାଜ୍ୟରୁ ଆଉ ୧ ହଜାର ୭୦୨ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ସୂଚନା ଦେଇଛି।
ଆଜି ସର୍ବାଧିକ ଖୋର୍ଦ୍ଧାରୁ ୪୬୩, କଟକରୁ ୨୩୩, ବାଲେଶ୍ବରରୁ ୧୧୦, ଯାଜପୁରରୁ ୧୦୮, ଅନୁଗୁଳରୁ ୮୨, ମୟୂରଭଞ୍ଜରୁ ୭୨, ପୁରୀରୁ ୭୧, ଜଗତସିଂହପୁରରୁ ୫୬, ନୟାଗଡରୁ ୫୧, ସୁନ୍ଦରଗଡରୁ ୪୪, ଢେଙ୍କାନାଳରୁ ୪୩, କେନ୍ଦ୍ରାପଡାରୁ ୪୧, କେନ୍ଦୁଝରରୁ ୨୨, ସମ୍ବଲପୁରରୁ ୧୪, ନୂଆପଡାରୁ ୧୩, ସୋନପୁରରୁ ୧୩, ବରଗଡରୁ ୧୦, କନ୍ଧମାଳରୁ ୧୦, କୋରାପୁଟରୁ ୧୦, ମାଲକାନଗିରିରୁ ୧୦, ବୌଦ୍ଧରୁ ୯, ଦେବଗଡରୁ ୯, ଗଞ୍ଜାମରୁ ୮, ବଲାଙ୍ଗୀରିରୁ ୭, ରାୟଗଡାରୁ ୬, ଝାରସୁଗୁଡାରୁ ୫, ନବରଙ୍ଗପୁରରୁ ୫, କଳାହାଣ୍ଡିରୁ ୪ ଏବଂ ଷ୍ଟେଟ ପୁଲରୁ ୯୪ ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି।
ଏହି ସୁସ୍ଥ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ୯ ଲକ୍ଷ ୬୨ ହଜାର ୮୮ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ତେବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୯ ଲକ୍ଷ ୮୦ ହଜାର ୮୬୬ କୁ ବୃଦ୍ଧି ହୋଇଥିବାବେଳେ ଏବେ ସକ୍ରିୟ ଆକ୍ରାନ୍ତ ରହିଛନ୍ତି ୧୨ ହଜାର ୬୨୩ ଜଣ। ରାଜ୍ୟରେ ମୋଟ ମୃତକଙ୍କ ସଂଖ୍ୟା ୬ ହଜାର ୧୦୨ କୁ ବୃଦ୍ଧି ହୋଇଛି।
