ପୁରୀ, ବହୁ ପ୍ରତୀକ୍ଷା ପରେ ଆସନ୍ତାକାଲି ସୋମବାରଠାରୁ କାଳିଆ ଦର୍ଶନ ଆରମ୍ଭ ହେବା। ସେଥିପାଇଁ ମନ୍ଦିର ପ୍ରଶାସନ ତରଫରୁ ସ୍ବତନ୍ତ୍ର ପ୍ରସ୍ତୁତି କରାଯାଇଛି। ସେଥିପାଇଁ ସ୍ବତନ୍ତ୍ର ସେଡ ଏବଂ ବ୍ୟାରିକେଡ ନିର୍ମାଣ କରାଯାଇଛି। ଶ୍ରୀମନ୍ଦିର ପରିସରକୁ ସଂପୂର୍ଣ୍ଣ ଭାବେ ସାନିଟାଇଜ୍ କରାଯାଇଛି । ପ୍ରଥମେ ପୁରୀବାସୀଙ୍କୁ ଏହି ଦର୍ଶନ ସୁବିଧା ପ୍ରଦାନ କରାଯାଇଛି।
ପୁରୀବାସୀ ୧୬ ତାରିଖରୁ ୨୦ ତାରିଖ ଯାଏ ୫ ଦିନ ପାଇଁ ଦର୍ଶନ କରିବେ। ଓ୍ୱାର୍ଡ ୱାରୀ ପୁରୀ ବାସିନ୍ଦା ଫଟୋ ପରିଚୟପତ୍ର ଦେଖାଇ ବ୍ୟାରିକେଡ୍ ଦେଇ ମନ୍ଦିର ଭିତରେ ପ୍ରବେଶ କରିବେ । ଏହି ପାଞ୍ଚଦିନରେ କେଉଁ ୱାର୍ଡର ଲୋକେ କେଉଁଦିନ ଯିବେ ତାହା ନିର୍ଦ୍ଧାରିତ କରାଯାଇଛି। ସେହି ଅନୁସାରେ…
୧୬ ତାରିଖ , ସୋମବାର ଦିନ
ସକାଳ ୭ଟାରୁ ସାଢ଼େ ୧୦ଟା : ୩, ୧୫ ଓ ୧୮ ନଂ ଓ୍ବାର୍ଡ
ପୂର୍ବାହ୍ନ ୧୧ଟାରୁ : ୬ ଓ ୯ନଂ. ଓ୍ବାର୍ଡ
ଦିନ ୩ଟା ୩୦ରୁ : ୧୧,୧୨ ଏବଂ ୧୪ ନମ୍ବର ୱାର୍ଡ
୧୭ ତାରିଖ ମଙ୍ଗଳବାର ଦିନ
୭ଟାରୁ ସାଢେ ୧୦ : ୧ ଓ ୪ ନମ୍ବର ୱାର୍ଡ
ପୂର୍ବାହ୍ନ ୧୧ଟାରୁ : ୫ ନମ୍ବର ୱାର୍ଡ
ଦିନ ୩ଟା ୩୦ରୁ : ୭ ଏବଂ୧୦ ନମ୍ବର ୱାର୍ଡ
୧୮ ତାରିଖ , ବୁଧବାର ଦିନ
୭ଟାରୁ ସାଢେ ୧୦ : ୮, ୧୩ ଓ ୧୯ ନମ୍ବର ୱାର୍ଡ
ପୂର୍ବାହ୍ନ ୧୧ଟାରୁ ୨୩ ଓ ୨୪ ନମ୍ବର ୱାର୍ଡ
ଦିନ ୩ଟା ୩୦ରୁ : ୨,୧୬ ଓ୧୭ ନମ୍ବର ୱାର୍ଡ
ଅଗଷ୍ଟ ୨୧ ତାରିଖ ଏବଂ ୨୨ ତାରିଖରେ ସପ୍ତାହନ୍ତ ସଟଡାଉନ ଥିବାରୁ ଏହି ଦିନ ଶ୍ରୀମନ୍ଦିରରେ ପ୍ରବେଶ ନିଷେଧ କରାଯାଇଛି। ପ୍ରତ୍ୟେକ ସପ୍ତାହନ୍ତ ସଟଡାଉନ ଏବଂ ପର୍ବପର୍ବାଣିରେ ଶ୍ରୀମନ୍ଦିରରେ ପ୍ରବେଶ ପାଇଁ ଅନୁମତି ନାହିଁ। ଏହାପରେ ୨୩ ତାରିଖଠାରୁ ସମସ୍ତଙ୍କୁ ଦର୍ଶନ ସୁବିଧା ପ୍ରଦାନ କରାଯିବ।
